ᐃᖅᑲᓇᐃᔮᑦᓴᑦ

ᐃᖅᑲᓇᐃᔭᖅᑐᓕᕆᔨᒃᑯᓐᓂ ᖃᐅᔨᒪᔨᑕᖅ − ᐃᖅᑲᓇᐃᔭᖅᑎᓴᖅᓯᐅᖅᑎ

ᐃᓱᒪᑕᖃᕐᓂᐊᖅᑐᖅ ᑐᑭᒧᐊᒃᑎᑦᑎᔨᖓᓂ ᐃᖅᑲᓇᐃᔭᖅᑐᓕᕆᔨᒃᑯᑦ:  ᐃᖅᑲᓇᐃᔭᖅᑐᓕᕆᔨᒃᑯᓐᓂ ᖃᐅᔨᒪᔨᑕᖅ − ᐃᖅᑲᓇᐃᔭᖅᑎᓴᖅᓯᐅᖅᑎ ᑲᒪᒋᔭᖃᕐᓂᐊᖅᑐᖅ ᓯᕕᑐᔪᓂᒃ ᐊᑐᒐᒃᓴᐅᓂᐊᖅᑐᓂ ᐃᖅᑲᓇᐃᔭᖅᑎᑖᕐᓂᕐᒥᒡᓗ ᐊᒻᒪᓗ ᓂᕈᐊᕐᖠᓂᕐᒥᓗ ᐊᑐᖅᑕᐅᕙᒃᑐᓂᒃ . ᐅᑯᓂᖓ ᐱᓕᕆᐊᖃᕐᓂᐊᖅᑐᖅ: ᐃᖅᑲᓇᐃᔭᖅᑎᓴᖅᓯᓂᕐᒧᑦ ᑐᑭᒧᐊᒍᑎᒃᓴᓕᐅᕐᓂᕐᒥᒃ; ᐊᐱᖅᓱᖃᑦᑕᓂᕐᒥᒃ ᐊᒻᒪᓗ ᐃᓕᓴᐃᓂᖅ ᐃᖅᑲᓇᐃᔭᖅᑎᓴᖅᓯᐅᓂᕐᒧᑦ ᐊᐅᓚᑦᓯᔨᓂᒃ. ᑐᓴᐅᒪᔾᔪᑎᒃᓴᓂ ᑎᑎᖅᑲᓂᒃ ᐃᓕᐅᖅᑲᐃᓂᕐᒥ ᑎᑎᕋᕐᕕᐅᑉ ᐃᓗᐊᓂᓗ ᓯᓚᑖᓂᓗ; ᐅᖃᓕᒫᕈᑎᓂᒃ ᕿᓂᕋᓱᖕᓂᕐᒥᒃ,  ᑎᑎᖅᑲᓂᒃ ᖃᐅᔨᓴᕐᓂᕐᒥ ᓱᓕᓂᖏᓐᓂᒃ,  ᐊᐱᖅᓱᕐᓂᕐᒥᒃ, ᖃᐅᔨᓴᕐᓂᕐᒥᒃ, ᖃᐅᔨᒋᐊᑎᐊᕐᓗᓂ ᐊᒻᒪᓗ ᑐᑭᓯᓂᑲᓂᕈᑎᒃᓴᓂ ᑕᒪᑯᓂᖓ ᐆᒃᑐᓚᐅᖅᑐᓂᒃ ᐱᓕᕆᐊᒃᓴᓄᑦ; ᖃᐅᔨᒋᐊᑎᐊᕐᓗᒋ ᐊᑎᕐᓂᒃ ᑐᓂᔭᐅᓂᑰᓚᐅᖅᑐᑦ; ᐋᕿᒃᓱᐃᓂᕐᒥ ᐆᒃᑐᖅᑐᓄᑦ ᐃᓅᓯᖏᓐᓂ ᐱᓕᕆᓂᑰᓚᐅᖅᑐᓂᒡᓗ; ᓇᓗᓇᐃᔭᐃᓂᕐᒥᒃ ᐃᓄᐃᑦ ᐅᖃᐅᓯᖏᓐᓂᒃ ᐊᔪᖏᑦᑎᐊᕐᓂᖏᓂᒃ; ᐃᓕᓐᓂᐊᕈᑎᖏᓐᓂᓗ ᐊᒻᒪᓗ ᐃᖅᑲᓇᐃᔭᕐᓂᑰᒋᓚᐅᖅᑕᖏᓐᓂᒃ ᐊᔪᖏᓂᖏᑦ; ᐋᕿᒃᓱᐃᓂᕐᒥ ᐃᖅᑲᓇᐃᔭᕐᓂᕐᒧᑦ ᐊᖏᕈᑎᖏᓂᒃ;  ᕿᓂᕋᓱᖕᓂᕐᒥ ᐊᒃᑐᐊᓂᖃᖅᑐᓂᒃ ᐃᖅᑲᓇᐃᔭᖅᑎᑖᕐᓂᕐᒧᑦ ᖃᐅᔨᓴᐅᑏᑦ; ᐋᖅᑭᑦᓯᓯᒪᓂᖅ ᐃᖅᑲᓇᐃᔮᖅᑖᓂᕐᒧᑦ ᐱᓕᕆᐊᒃᓴᓂᒃ ᐃᖅᑲᓇᐃᔭᖅᑎᑖᓵᓄᑦ ᐊᒻᒪᓗ ᓄᖅᑲᖅᑐᓂᒃ ᐊᐱᖅᓱᖃᑦᑕᓂᕐᒥᒃ ᓄᖅᑲᖅᑐᓂᒃ ᐃᖅᑲᓇᐃᔭᖅᑎᓂᒃ.

ᐊᔪᖏᓂᖃᕆᐊᖃᖅᑐᑎᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᑐᒐᒃᓴᖏᓐᓂᓗ ᐱᓕᕆᐊᒃᓴᖏᓐᓂᓗ ᑎᑎᕋᖅᑐᐃᓂᕐᒥᒃ, ᐱᓕᕆᐊᒃᓴᕐᒧᑦ ᖃᐅᔨᓴᕐᓂᕐᒥᒃ, ᐃᖅᑲᓇᐃᔭᖅᑎᑖᕋᓱᖕᓂᕐᒥ, ᐊᑭᓕᖅᑐᐃᓂᕐᒧᑦ ᑎᑎᖅᑲᓕᐅᕐᓂᕐᒥᒃ, ᑲᑐᔾᔨᖃᑎᒌᒡᕕᒃ ᐊᒻᒪ ᐃᖅᑲᓇᐃᔭᖅᑎ ᐃᓚᐅᑎᑕᐅᔪᑦ/ᐊᐅᓚᑦᑎᔨᑦ. ᑐᑭᓯᓂᖃᑎᐊᕐᓗᓂ ᑕᒪᒃᑯᓂᖓ ᐃᖅᑲᓇᐃᔭᖅᑎᑖᕋᓱᖕᓂᕐᒧᑦ ᐊᑐᐊᒐᐅᓱᖅᑐᓂᒃ ᐊᒻᒪᓗ ᐊᔾᔨᒋᔭᐅᔪᓂᒃ ᐃᖅᑲᓇᐃᔭᖅᑐᓕᕆᓂᕐᒧᒃ ᐱᖁᔭᖏᓐᓂᒃ, ᒪᓕᒐᓕᕆᓂᕐᒥ, ᒪᓕᒋᐊᓕᑦ ᐊᒻᒪ ᐊᑐᐊᒐᑦ ᓄᓇᕗᒻᒥ ᐊᑐᕐᓗᒋᓪᓗ ᐃᓱᒪᒋᔭᐅᔪᑦ ᐊᒃᑐᐊᓂᓖᑦ ᓇᖕᒥᓂᖃᕐᕕᐅᔪᓄᑦ ᐊᒻᒪ ᑲᑐᔾᔨᖃᑎᒌᑦ ᐊᐅᓚᓂᕆᔭᖏᓐᓄᑦ;  ᐃᓚᖃᖅᑐᓂᒃ ᐱᓕᕆᐊᒃᓴᐅᔪᑦ ᐊᒻᒪᓗ ᐱᔨᑦᓯᕋᖅᑕᐅᓱᖅᑐᓂ ᐊᒻᒪᓗ ᑲᑐᔾᔨᓗᑎᒃ ᐊᑕᐅᓯᖑᕐᓂᕐᒧ ᐃᖅᑲᓇᐃᔭᖅᑎᑖᕋᓱᖕᓂᕐᒥ ᑐᓴᒐᒃᓴᓕᐅᕐᓂᕐᒥ ᐊᒻᒪᓗ ᑲᑐᔾᔨᖃᑎᒌᖕᓂᕐᒧ ᐃᓕᖁᓯᑰᖅᑐᓂᒃ ᐊᑐᖅᑕᐅᕙᒃᑐᓂᒃ. ᐱᓕᕆᓯᒪᓂᖃᖅᑎᐊᕐᓗᑎᑦ ᐃᖅᑲᓇᐃᔭᖅᑎᐅᓂᕐᒧᑦ ᐊᑐᐊᒐᐅᓱᖅᑐᓂᒃ ᐊᒻᒪᓗ ᐊᓯᖏᓐᓂᒃ ᐃᖅᑲᓇᐃᔭᖅᑐᒃᓴᓂᒡᓗ ᐊᑐᖅᑕᐅᕙᒃᑐᓂ ᑕᒪᒃᑯᓂᖓ ᐊᒃᑐᐊᓂᖃᑑᓗᐊᖅᑐᓂ ᐃᖕᒥᒍᑦ ᑕᑉᕙᓂ ᑎᑎᕋᕐᕕᖕᒥᓗ ᓯᓚᑖᓂᓗ.  ᐅᖃᕈᓐᓇᑎᐊᕐᓗᓂ ᐊᒻᒪᓗ ᑎᑎᕋᕈᓐᓇᑎᐊᕐᓗᓂ ᐃᓄᒃᑎᑐᑦ/ᐃᓄᐃᓐᓇᖅᑐᑦ ᐅᖃᐅᓯᖏᓂᒃ ᐊᑐᕐᓂᖃᑎᐊᕐᓂᐊᖅᑐᖅ ᐊᒻᒪᓗ ᐃᓕᑉᐸᓕᐊᒍᒪᓐᓂᖃᕐᓗᓂᓗ ᑕᒪᒃᑯᓂᖓ ᐊᑐᖅᑕᐅᓱᖅᑐᓂ ᐱᓕᕆᐊᕆᔭᐅᓕᕌᖓᑕ ᐃᓄᒃᑐᑦ ᑎᑎᖅᑲᖏᓐᓂᒃ. ᐊᔪᖏᓂᖃᑎᐊᕐᓗᓂ ᐅᖃᐅᓯᕐᓂᒃ ᐊᒻᒪᓗ ᑎᑎᕋᕐᓂᕐᒥᒡᓗ ᐊᒻᒪᓗ ᑲᒪᑎᐊᕐᓂᕐᒥᓗ ᐊᒃᑐᖅᑕᐅᓴᕋᐃᑦᑐᑦ ᐊᒻᒪ ᑲᙳᓇᖅᑐᑦ ᑐᑭᓯᒋᐊᒐᒃᓴᑦ ᒪᓕᒃᑎᓪᓗᒋᓪᓗ ᑐᙵᕕᒋᔭᐅᔪᑦ ᑲᙳᓇᖅᑐᑦ ᒪᓕᒐᓕᐊᖑᔪᒪᔪᓄᑦ.

ᐱᔪᒐᕆᔭᐅᓂᖅᓴᐅᓂᐊᖅᑐᑦ ᐃᓄᐃᑦ ᐊᑎᖃᖃᑕᐅᔪᑦ ᓄᓇᕗᑦ ᐊᖏᕈᑎᖏᓐᓂ

ᐱᒋᐊᕐᕕᖓ ᑮᓇᐅᔾᔭᒃᓴᐅᑎᐅᑉ $91,291.00 ᐊᕐᕌᒍ ᐊᑕᐅᓯᖅ (ᑮᓇᐅᔾᔭᓴᕐᓂᖅᓴᐅᒍᓐᓇᖅᑐᖅ ᐱᓇᓱᐊᖅᓯᒪᓂᖓᒍᑦ) ᐃᓚᖃᕐᓗᓂ ᐊᑕᖏᖅᑐᓂᒃ ᐃᑲᔫᑎᓂᒃ ᐃᓚᒋᔭᐅᓗᑎᒃ ᐃᖅᑲᓇᐃᔭᖅᑎᓄᑦ ᐃᑦᑐᖅᓯᐅᑎᑖᕈᑎᒃᓴᓄᑦ ᐲᔭᐃᓂᖅ, ᑲᑐᔾᔨᖃᑎᒌᑦ ᓇᓪᓕᐅᒃᑯᒫᖏᑦ ᐊᒻᒪᓗ ᕿᑲᕐᓂᕐᒧᑦ ᐃᑲᔫᑏᑦ.

ᑐᙵᕕᒃᑯᑦ ᐃᑲᔫᑎᖃᓲᑦ ᐊᔾᔨᒌᙱᑐᖅᑎᒍᑦ ᐃᓪᓗᒧᑦ ᐃᑲᔫᑎᓂᒃ ᐃᖅᑲᓇᐃᔭᖅᑎᓄᑦ ᐃᓚᒋᔭᐅᓗᑎᒃ ᐃᓪᓗᒥᒃ ᑎᒍᓯᔾᔪᑎᒃᓴᒧᑦ ᐃᑲᔫᑎ ᐊᒻᒪᓗ ᐃᓪᓗᒧᑦ ᐃᑲᔪᖅᑕᐅᔾᔪᑎᑦ $27,600.

 ᐊᑕᖏᖅᑐᒥᒃ ᓇᓪᓕᖅᑲᑖᕈᒪᒍᕕᑦ ᐃᖅᑲᓇᐃᔮᒧᑦ ᓇᓗᓇᐃᔭᐅᑎᒥᒃ ᖃᐅᔨᒃᑲᕐᓗᒍ;

ᐃᖅᑲᓇᐃᔭᖅᑐᓕᕆᔨᒃᑯᑦ

ᓄᓇᕗᑦ ᑐᙵᕕᒃ ᑎᒥᖓ

ᑲᖏᕐᖠᓂᖅ, ᓄᓇᕗᑦ

ᐅᖄᓚᐅᑖ: (867) 645-5440

ᓱᒃᑲᔪᒃᑰᕈᑖ: (867) 645-5414

ᐅᑯᐊᕕᒃᓴᖓ: ᔫᓂ 24, 2022

 

Download (PDF, 110KB)