ᑮᓇᐅᔭᓕᕆᔨᒻᒪᕆᒻᒧᑦ ᐃᑲᔪᖅᑎ ᐊᒻᒪᓗ ᐊᐅᓚᓂᐅᔪᓄᑦ ᐊᐅᓚᑦᓯᔨᒻᒪᕆᒻᒧᑦ
ᑮᓇᐅᔭᓕᕆᔨᒃᑯᑦ ᐱᓕᕆᕝᕕᐊ
ᓄᓇᕗᑦ ᑐᙵᕕᒃ ᑎᒥᖓ
ᐃᓂᖃᕐᓂᐊᖅᑐᖅ ᑲᖏᕐᖠᓂᖅ, ᓄᓇᕗᑦ
ᐊᖓᔪᖅᑳᖃᕐᓗᓂ ᑮᓇᐅᔭᓕᕆᔨᒻᒪᕆᒻᒥᒃ (CFO) ᐊᐅᓚᓂᐅᔪᓄᑦ ᐊᐅᓚᑦᓯᔨᒻᒪᕆᒻᒥᒃ (COO). ᐃᑲᔪᖅᑎᖓ CFO ᐊᒻᒪᓗ COO ᐃᑲᔪᖃᑦᑕᓂᐊᖅᑐᖅ ᓄᓇᕗᑦ ᑐᙵᕕᒃ ᑎᒥᒃᑯᓐᓂ CFO−ᒥᒃ ᐊᒻᒪᓗ COO−ᒥᒃ ᐅᑯᑎᒎᓇ:
• ᐊᐅᓚᑦᓯᓗᓂ CFO ᐊᒻᒪᓗ COO ᐊᓪᓚᕝᕕᖓᓂᒃ;
• ᑎᓕᓯᖃᑦᑕᕐᓂᖅ ᐊᐅᓚᑦᓯᕕᒋᔭᒥᓂ;
• ᐱᕙᓪᓕᐊᑎᑦᓯᓂᖅ ᐱᓕᕆᖃᑎᒌᓐᓂᕐᒥᒃ;
• ᐅᖃᖃᑎᒌᒍᑎᓕᕆᓂᕐᒥᒃ;
• ᐃᖅᑲᓇᐃᔭᖅᑐᓕᕆᔨᒃᑯᑦ (HR);
• ᐊᐅᓚᑕᐅᔪᓄᑦ ᐸᕐᓇᓐᓂᖅ ᐃᓚᒋᔭᐅᓂᕐᓗ;
• ᒐᕙᒪᓕᕆᓂᕐᒥᒃ;
• ᑮᓇᐅᔭᓕᕆᓂᕐᒥᒃ;
ᐃᑲᔪᖃᑦᑕᕐᓗᓂ ᐱᓕᕆᐊᖑᔪᓄᑦ CFO ᐊᒻᒪᓗ COO ᐊᓪᓚᕝᕕᒻᒥ ᐱᓕᕆᐊᒃᓴᓄᑦ ᐸᕐᓇᐅᑎᑦ ᑮᓇᐅᔭᖅᑑᑎᒃᓴᓪᓗ. ᐊᐅᓚᑦᓯᖃᑦᑕᕐᓂᖅ ᐊᐅᓚᓂᐅᒋᐊᓕᓐᓂᒃ ᐊᓪᓚᕝᕕᒻᒥ ᐊᒻᒪᓗ ᐸᕐᓇᑕᐅᓯᒪᑦᓯᐊᕐᓗᑎᒃ ᑎᑎᕋᖃᑦᑕᐅᑎᒍᑕᐅᔪᑦ, ᐃᖅᑲᐃᑎᑦᓯᔾᔪᑎᑦ, ᐅᓂᒃᑳᑦ, ᐊᒻᒪᓗ ᐅᓂᒃᑳᕆᔭᐅᔪᑦ CFO−ᒧᑦ ᐊᒻᒪᓗ COO−ᒧᑦ. ᐃᑲᔪᖃᑦᑕᕐᓗᓂ ᐸᕐᓇᑕᐅᓂᖏᓐᓂ ᓯᕗᓕᖅᑏᑦ ᐊᒻᒪᓗ ᑮᓇᐅᔭᓕᕆᔨᒃᑯᑦ ᑲᑎᒪᔨᕋᓛᖏᓐᓄᑦ, ᑐᙵᕕᒃᑯᑦ ᑲᑎᒪᔨᖏᓐᓄᑦ ᐊᒻᒪᓗ ᐊᕐᕌᒍᑕᒫᖅᓯᐅᒻᒥᒃ ᑲᑎᒪᓃᑦ. ᐃᑲᔪᖃᑦᑕᕐᓗᓂ ᐸᕐᓇᑕᐅᓂᖏᓐᓂ ᑮᓇᐅᔭᓕᕆᔾᔪᑎᓄᑦ ᐅᓂᒃᑳᑦ, ᐋᖅᑭᐅᒪᑎᑦᓯᓂᕐᒥᒃ ᑮᓇᐅᔭᓕᕆᔾᔪᑎᓂᒃ ᑳᓐᑐᓛᓕᒫᓄᑦ ᖃᐅᔨᒪᔨᑕᕐᓄᑦ ᐊᒻᒪᓗ ᑮᓇᐅᔭᓕᑕᐅᓂᕐᒧᑦ ᐊᖏᕈᑎᓄᑦ. ᐸᕐᓇᖃᑦᑕᕐᓗᓂᑦᑕᐅᖅ ᑲᒪᒋᒋᐊᓕᖕᓂᓪᓗ ᑮᓇᐅᔭᓕᐅᕋᓱᐊᕐᓂᕐᒧᑦ ᖃᐅᔨᒪᔨᑕᑦ ᑲᑎᒪᔨᕋᓛᑦ ᑲᑎᒪᓂᖏᓐᓄᑦ. ᐋᖅᑭᑦᓱᐃᓯᒪᓂᖅ ᖃᐅᔨᒋᐊᕐᓂᕐᒧᑦ ᐊᑐᕋᑦᓴᒥᒃ ᑎᑎᖅᑲᐅᓯᐊᓂᒃ ᐅᖃᖃᑎᒌᒍᑕᐅᔪᓂᒃ ᐊᒻᒪᓗ ᐊᐅᓚᑦᓯᒍᓐᓇᕆᐊᓕᒃ ᐃᑉᐱᓇᖅᑐᒻᒪᕆᓐᓂᒃ HR−ᒨᖓᔪᓂᒃ ᒥᐊᓂᕆᑦᓯᐊᕆᐊᓕᓐᓂᒃ ᑲᙳᓇᖅᑎᑕᐅᒋᐊᓕᓐᓂᓪᓗ.
ᐱᕙᓪᓕᐊᑎᑦᓯᓂᖅ ᐋᖅᑭᐅᒪᑦᓯᓂᕐᓗ ᐱᓇᓱᐊᖃᑎᖃᕐᓂᕐᒥᒃ ᐊᖓᔪᖅᑲᐅᑎᖏᓐᓂᒃ ᐃᖅᑲᓇᐃᔭᖅᑎᖏᓐᓂᓪᓗ ᐊᕕᑦᑐᖅᓯᒪᓂᕐᓂ ᐃᓄᐃᑦ ᑲᑐᔾᔨᖃᑎᒌᑦ, ᐃᓄᐃᑦ ᑕᐱᕇᑦ ᑲᓇᑕᒥ, ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑏᑦ, ᐊᒻᒪᓗ ᐊᓯᖏᑦ ᐃᓄᐃᑦ ᑲᑐᔾᔨᖃᑎᒌᑦ, ᓄᓇᕗᑦ ᒐᕙᒪᖓ, ᑲᓇᑕ ᒐᕙᒪᖓ, ᐊᒻᒪᓗ ᐊᓯᖏᑦ ᓄᓇᕗᒻᒥ ᐊᕕᑦᑐᖅᓯᒪᓂᕐᓂᓗ ᐅᕝᕙᓘᓐᓃᑦ ᓄᓇᓖᑦ ᒐᕙᒪᖏᓐᓂᒃ ᐊᒻᒪᓗ ᑮᓇᐅᔭᓖᖃᑦᑕᖅᑐᓂᒃ.
ᐊᐱᖅᓱᖅᑕᐅᔪᓐᓇᖁᓪᓗᑎᑦ; ᐃᓕᓴᕆᔭᐅᓯᒪᔪᒥᒃ ᓇᓗᓇᐃᒃᑯᑕᖅᑖᖅᓯᒪᒋᐊᖃᖅᑐᑎᑦ ᑎᑎᕋᕐᕕᖕᓯ ᐊᐅᓚᑦᓯᔨᐅᓂᕐᒥᒃ ᐅᕝᕙᓘᓐᓃᑦ ᒐᕙᒪᓕᕆᓂᕐᒧᑦ ᖃᐅᔨᓴᕐᓂᕐᔪᐊᒥᒃ ᑐᕌᖓᔪᒥᒃ ᐃᓄᐃᑦ ᐅᕝᕙᓘᓐᓃᑦ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕈᑕᐅᓂᖏᓐᓂᒃ. ᓇᓗᓇᐃᒃᑯᑕᖃᕐᓗᑎᑦ ᒪᕐᕉᓐᓂᒃ ᐊᕐᕌᒎᓐᓂᒃ ᐃᖅᑲᓇᐃᔮᕆᓯᒪᓗᒍ, ᐅᕝᕙᓘᓐᓃᑦ ᓇᓗᓇᐃᒃᑯᑕᖅᑖᖅᓯᒪᓗᑎᑦ ᐱᖓᓱᓂᒃ ᐊᕐᕌᒍᓂᒃ ᐃᖅᑲᓇᐃᔮᕆᓯᒪᓗᒍ, ᐅᕝᕙᓘᓐᓃᑦ ᓯᑕᒪᓂᒃ ᐊᕐᕌᒍᓂᒃ ᐃᖅᑲᓇᐃᔮᖃᖅᓯᒪᓗᑎᑦ ᓇᓕᒧᖃᕐᓂᖓᓂᒃ ᐃᓕᓴᕆᔭᐅᓯᒪᓇᔭᖅᑐᖅ. ᒪᕐᕉᓐᓂᒃ ᐊᕐᕌᒎᓐᓂᒃ ᐃᖅᑲᓇᐃᔭᖅᓯᒪᒋᐊᖃᖅᑐᑎᑦ ᑎᑎᖅᑭᔨᓄᑦ ᐃᑲᔪᖅᑎᐅᓂᕐᒥᒃ, ᑐᑭᓯᐊᓗᒋᑦ ᑭᓇᐅᔭᓕᕆᔾᔪᓰᑦ ᐊᑐᖅᑕᐅᓲᑦ ᐊᒻᒪᓗ ᐃᖅᑲᓇᐃᔭᖅᑐᓕᕆᓂᕐᒥᒃ. ᖃᐅᔨᒪᓂᖃᑦᓯᐊᕆᐊᓕᒃ ᓄᓇᕗᑦ ᐊᖏᕈᑎᖏᓐᓂᒃ ᐊᒻᒪᓗ ᑐᙵᕕᒃᑯᑦ ᐱᓂᐊᕐᓂᕋᐅᑎᖏᓐᓂᒃ.
ᐱᔪᒐᕆᔭᐅᓂᖅᓴᐅᓂᐊᖅᑐᑦ ᐃᓄᐃᑦ ᐊᑎᖃᖃᑕᐅᔪᑦ ᓄᓇᕗᑦ ᐊᖏᕈᑎᖏᓐᓂ.
ᐱᒋᐊᕐᕕᖓ ᑮᓇᐅᔾᔭᒃᓴᐅᑎᐅᑉ $133,609.00 ᐊᕐᕌᒍ ᐊᑕᐅᓯᖅ (ᑮᓇᐅᔾᔭᓴᕐᓂᖅᓴᐅᒍᓐᓇᖅᑐᖅ ᐱᓇᓱᐊᖅᓯᒪᓂᖓᒍᑦ) ᐃᓚᖃᕐᓗᓂ ᐊᑕᖏᖅᑐᓂᒃ ᐃᑲᔫᑎᓂᒃ ᐃᓚᒋᔭᐅᓗᑎᒃ ᐃᖅᑲᓇᐃᔭᖅᑎᓄᑦ ᐃᑦᑐᖅᓯᐅᑎᑖᕈᑎᒃᓴᓄᑦ ᐲᔭᐃᓂᖅ, ᑲᑐᔾᔨᖃᑎᒌᑦ ᓇᓪᓕᐅᒃᑯᒫᖏᑦ ᐊᒻᒪᓗ ᕿᑲᕐᓂᕐᒧᑦ ᐃᑲᔫᑏᑦ.
ᐃᓪᓗᒧᑦ ᐃᑲᔪᖅᑕᐅᔾᔪᑎᑦ $27,600.
ᐊᑕᖏᖅᑐᒥᒃ ᓇᓪᓕᖅᑲᑖᕈᒪᒍᕕᑦ ᐃᖅᑲᓇᐃᔮᒧᑦ ᓇᓗᓇᐃᔭᐅᑎᒥᒃ ᖃᐅᔨᒃᑲᕐᓗᒍ; ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᙵᕕᒃ ᑎᒥᖓ
ᑲᖏᕐᖠᓂᖅ, ᓄᓇᕗᑦ
ᐅᖄᓚᐅᑖ: (867) 645-5440
ᓱᒃᑲᔪᒃᑰᕈᑖ: (867) 645-5414
ᒪᑐᕕᑦᓴᖓ ᐅᓪᓗᖅ: ᔫᓂ 2, 2023
CLOSING DATE: June 2, 2023
