ᐃᖅᑲᓇᐃᔮᑦᓴᑦ

ᑐᑭᒧᐊᒃᑎᑎᔨ ᐃᓄᐃᑦ ᐃᖅᑲᓇᐃᔭᒐᒃᓴᖅᑖᖅᑎᑕᐅᕙᖕᓂᖏᓐᓄᑦ-

ᓄᓇᕗᑦ ᑐᓐᖓᕕᑦ
ᐃᖃᓗᐃᑦ, ᓄᓇᕗᑦ
ᐱᓕᕆᐊᒃᓴᖅ ᑕᑯᒃᓴᐅᑎᑕᐅᒃᑲᓐᓂᖅᑐᖅ

ᑐᑭᒧᐊᒃᑎᑎᔨ ᐃᓄᐃᑦ ᐃᖅᑲᓇᐃᔭᒐᒃᓴᖅᑖᖅᑐᓕᕆᔨᖏᓐᓄᑦ ᐱᓕᕆᐊᖃᕐᓂᐊᖅᐳᖅ ᒥᐊᓂᖅᓯᖃᑦᑕᕐᓗᓂ ᐅᔾᔨᖅᑐᕐᓗᓂᓗ ᒪᓕᒃᑕᐅᑦᓯᐊᕋᓗᐊᕐᒪᖔᑦ ᐋᑎᑯ 23 ᓄᓇᕗᒥ ᐊᖏᕈᑎᐅᑉ ᐃᓗᐊᓃᑦᑐᖅ. ᐃᓄᖕᓂᒃ ᐊᒥᓲᓂᖅᓴᓂᒃ ᐃᖅᑲᓇᐃᔭᖅᑎᑖᕋᓱᐊᖃᑦᑕᕐᓗᑎᒃ ᒐᕙᒪᒃᑯᓐᓂ (ᒐᕙᒪᓂ) ᓄᓇᕗᑦ ᐃᓗᐊᓂ.
ᑐᑭᒧᐊᒃᑎᑎᔨ ᐃᓄᐃᑦ ᐃᖅᑲᓇᐃᔭᒐᒃᓴᖅᑖᖅᑐᓕᕆᔨᖏᓐᓄᑦ ᐱᓕᕆᖃᑎᖃᖅᑎᑎᓂᐊᖅᓂ ᓯᕗᓕᖅᑎᐅᓗᓂᓗ ᐊᑐᓕᖅᑎᑕᐅᓂᖏᓐᓄᑦ ᐋᑎᑯ 23, ᒐᕙᒪᒃᑯᑦ ᐃᓄᓪᓚᕆᖕᓂᒃ ᐊᒥᓲᓂᖅᓴᐅᓗᑎᒃ ᐱᓕᕆᔨᑖᖃᑦᑕᖁᓪᓗᒋᑦ ᓄᓇᕗᒥ ᖃᓄᑐᐃᓐᓇᖅ ᑎᒥᐅᔪᑦ ᖃᓄᑐᐃᓐᓇᕐᓗ ᐱᓕᕆᐊᖃᖅᑐᑦ. ᐱᓕᕆᖃᑎᖃᖃᑦᑕᕐᓗᓂ ᑐᓐᖓᕕᒃᑯᑦ ᐱᓕᕆᕕᖏᓐᓂᒃ ᒐᕙᒪᓂᒡᓗ ᐃᓄᖕᓄᑦ ᐱᓕᕆᐊᒃᓴᐃᑦ ᐱᔾᔪᑎᒋᓪᓗᒋᑦ.
ᑐᑭᒧᐊᒃᑎᑎᔨ ᐃᓄᐃᑦ ᐃᖅᑲᓇᐃᔭᒐᒃᓴᖅᑖᖅᑐᓕᕆᔨᖏᓐᓄᑦ ᖃᐅᔨᓴᖃᑦᑕᕐᓂᐊᖅᐳᖅ, ᑎᑎᕋᖅᓯᒪᔪᒡᓗ ᕿᒥᕐᕈᑦᓯᐊᖃᑦᑕᕐᓗᓂ, ᐅᖃᐅᓯᖃᖃᑦᑕᕐᓗᓂ ᐊᓯᒥᓄᑦ ᑕᒪᒃᑯᓂᖓ, ᐸᕐᓇᐅᑎᖃᖃᑦᑕᕐᓗᓂᓗ ᐊᑐᐊᒐᓂᒃ ᐊᑐᓕᖁᔭᐅᒍᑎᒃᓴᓂᒃ ᑕᒪᒃᑯᐊ ᐋᑎᑯ 23−ᒦᑦᑐᑦ ᐱᕙᓪᓕᐊᓂᖃᑦᓯᐊᖁᓪᓗᒋᑦ ᓄᓇᕗᑦ ᒐᕙᒪᒃᑯᖏᓐᓄᑦ (GN) ᐊᒻᒪ ᑲᓇᑕᐅᑉ ᒐᕙᒪᒃᑯᖏᓐᓄᑦ (GC).
ᓂᕈᐊᖅᑕᐅᖃᑕᐅᓂᐊᕈᕕᑦ ᐊᐱᖅᓱᒐᒃᓴᐅᖃᑕᐅᓂᐊᕐᓂᕐᒧᑦ ᐱᓕᕆᐊᒃᓴᒧᑦ ᑕᒡᕗᖓ, ᓯᓚᑦᑐᖅᓴᕐᕕᒡᔪᐊᒥᑦ ᐃᓕᓐᓂᐊᕌᓂᒃᓯᒪᒍᑎᖃᕆᐊᓕᒃ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᐅᓚᑦᓯᔨᐅᓂᕐᒧᑦ, ᑲᑐᔾᔨᖃᑎᒌᓂᒃ ᐱᕙᓪᓕᐊᑎᑎᓂᕐᒥᒃ, ᐱᓕᕆᐊᒃᓴᓂᒃ, ᑕᐃᒪᓐᓇᐃᑦᑐᓂᒡᓗ ᐊᓯᖏᓐᓂᒃ ᐊᔪᖏᓪᓗᓂ. ᐅᑭᐅᓂᒃ ᒪᕐᕉᖕᓂᒃ ᐱᓕᕆᓯᒪᓗᓂ ᑕᒪᐃᓐᓂ ᐊᐅᓚᑦᓯᓂᕐᒧᓪᓗ ᐱᓕᕆᐊᓂᒃ ᐊᒻᒪ/ᐅᕙᓘᓐᓃᑦ ᐃᓕᓐᓂᐊᖅᑎᑎᓯᒪᓗᓂ, ᐅᑭᐅᓄᑦ ᒪᕐᕉᖕᓄᑦ ᐱᓕᕆᐊᖃᖅᓯᒪᓗᓂ ᐃᖅᑲᓇᐃᔭᖅᑎᓂᒃ ᐊᒻᒪ ᑮᓇᐅᔭᓕᕆᒍᑎᓂᒃ ᑮᓇᐅᔭᓂᒃ ᐊᑐᒐᒃᓴᓕᐅᕐᓂᕐᒥᒃ ᐊᐅᓚᑦᓯᓯᒪᓗᓂ. ᐱᓕᕆᐊᖃᖅᓯᒪᓗᓂᓗ ᐱᕙᓪᓕᐊᑎᑎᓗᓂ ᓴᓇᓯᒪᓗᓂ ᐃᓕᓐᓂᐊᕈᑎᒃᓴᓂᒃ ᐱᓕᕆᐊᕆᔭᐅᓂᐊᖅᑐᓄᑦ ᐃᓄᖕᓄᑦ ᑕᐃᒪᓐᓇᐃᑦᑐᒥᒃ ᐱᓕᕆᓯᒪᒋᐊᖃᖅᐳᖅ. ᐋᖅᑭᐅᒪᑦᓯᐊᕈᓐᓇᕆᐊᓕᒃ ᐸᕐᓇᒍᓐᓇᑦᓯᐊᕐᓗᓂᓗ, ᐅᖃᓪᓚᒍᓐᓇᑦᓯᐊᕐᓗᓂᓗ ᑎᑎᕋᕈᓐᓇᑦᓯᐊᕐᓗᓂᓗ. ᐃᓄᒃᑎᑐᑦ ᐅᖃᕈᓐᓇᕆᐊᓕᒃ ᐅᖃᕈᓐᓇᖏᒃᑯᓂ ᐃᓕᓐᓂᐊᕈᒪᒋᐊᓕᒃ ᐃᓄᒃᑎᑐᑦ. ᐅᓂᒃᑳᕈᓐᓇᑦᓯᐊᕐᓗᓂ ᐊᒥᓱᓄᑦ ᑐᓵᔭᐅᓗᓂ ᐱᓕᕆᖃᑎᖃᕈᓐᓇᑦᓯᐊᕐᓗᓂᓗ ᐊᔾᔨᒌᖏᑦᑐᓂᒃ ᑎᒥᐅᔪᓂᒡᓗ ᐊᔾᔨᒌᖏᑦᑐᓂᒃ, ᒐᕙᒪᓂᒃ, ᐃᓕᓐᓂᐊᖅᑎᑎᓂᕐᒧᓪᓗ ᑲᑐᔾᔨᖃᑎᒌᖑᔪᓂᒃ.
ᐃᓄᐃᑦ ᐊᑎᖃᖃᑦᑕᐅᔪᑦ ᓄᓇᕗᑦ ᐊᖏᕈᑎᖓᓐᓂᒃ ᐱᓇᓱᖄᑕᐅᕐᕈᓐᓇᖅᑐᐃᑦ
ᑮᓇᐅᔭᓕᐊᖓ ᐱᒋᐊᖅᑳᕈᑎᖃᕐᓂᐊᖅᐳᖅ $136,433.00 ᐊᕐᕌᒍᒧᑦ (ᑮᓇᐅᔭᓕᐅᕐᓂᖅᓴᐅᓗᓂ ᐊᔪᖏᓕᖅᐸᓪᓕᐊᓂᖓᓄᑦ ᒪᓕᒡᓗᒍ) ᐊᒻᒪ ᐃᑲᔪᑏᑦ ᐊᑐᐃᕐᓇᐅᔪᐃᑦ ᑮᓇᐅᔭᓕᐊᖏᓐᓄᑦ ᒪᓪᓕᒡᓗᑏᑦ ᑕᒻᒪᑯᓄᖓ ᐋᕿᒃᓱᕐᑕᐅᑎᐊᕐᓯᒪᔪᒥ ᐃᖃᓇᐃᔭᕐᑎᐅᔪᓄᑦ ᐃᓐᓇᕐᓯᐅᑕᐅᓂᐊᕐᑐᓂᒃ ᐃᑲᔪᑏᑦ ᐊᒻᒪ ᐃᖃᓇᐃᔭᖅᑏᑦ ᓇᓪᓕᐅᒃᑯᒫᖏᓄᑦ ᐊᒻᒪ ᓄᖃᖓᒍᑕᐅᓂᐊᕐᑐᓂᒃ ᐃᑲᔫᑎᖃᕐᓗᓂ.
ᓴᓇᔨᑖᕆᔭᐅᔪᖅ ᐃᓪᓗᖃᖅᑎᑕᐅᒐᔭᖅᑐᖅ
ᑐᙵᕕᒃᑯᑦ ᐃᑲᔫᑎᖃᖃᑦᑕᖅᑐᑦ ᐊᔾᔨᒌᙱᑐᖅᑎᒍᑦ ᐃᓪᓗᓕᕆᓂᕐᒧᑦ ᐃᑲᔫᑎᓂᒃ ᐃᓚᒋᔭᐅᓪᓗᓂ ᐃᑲᔫᑎ ᑎᒍᓯᔾᔪᑎᒧᑦ ᐃᓪᓗᒥᒃ ᐊᒻᒪᓗ ᐃᓪᓗᒧᑦ ᐃᑲᔪᖅᑕᐅᔾᔪᑎ $27,600 ᐊᕐᕌᒍᒧᑦ.
ᖃᐅᔨᒋᐊᕐᕈᓐᓇᕐᑐᑎᑦ ᐃᑲᓇᐃᔭᑦᓴᐅᑉ ᐱᓪᓗᒍ ᖃᐅᔨᒋᐊᓪᓗᑏᑦ:
ᐃᖅᑲᓇᐃᔭᖅᑐᓕᕆᔨᒃᑯ
ᓄᓇᕗᑦ ᑐᙵᕕᒃ ᑎᒥᖓ
ᑲᖏᖅᖠᓂᖅ, ᓄᓇᕗᑦ X0C 0G0

ᐱᕈᖅᐸᓪᓕᐊᔪᒧᑦ ᐱᓕᕆᖃᑕᐅᒋᑦ
ᐃᖅᑲᓇᐃᔭᖅᑎᑎᓐᓄᑦ
ᐅᖄᓚᐅᑎᑖ: 867-645-5440
ᓱᑲᔪᒃᑯᑦ: 867-645-5414
ᒪᑐᕕᑦᓴᖓ ᐅᓪᓗᖅ: ᑏᓴᒻᐸ 2, 2022

ᐱᓕᕆᐊᒃᓴᕗᑦ: ᐃᓄᐃᑦ ᒪᑭᒪᓇᓱᐊᕐᓂᕐᒧᑦ , ᐃᓄᖃᑎᒌᖕᓂᕐᒧ ᐊᒻᒪᓗ ᐃᓕᖁᓯᓕᕆᓂᕐᒧᓗ ᓈᒪᑦᓯᐊᕐᓂᕐᒥ ᑕᑉᕘᓇ ᐊᑐᓕᕐᑎᑕᐅᓂᖓᒍ ᓄᓇᕗᑦ ᐊᖏᕈᑎᖓᓂᒃ.

Download (PDF, 179KB)