ᐃᖅᑲᓇᐃᔮᑦᓴᑦ

ᑲᒪᔨ, ᑐᓴᒐᒃᓴᓕᕆᔨᒃᑯᓐᓄᑦ

ᐱᓕᕆᕝᕕᖕᒥ ᑐᓴᐅᒪᖃᑦᑕᐅᑎᔪᓕᕆᔨᒃᑯᑦ
ᓄᓇᕗᑦ ᑐᙵᕕᒃ ᑎᒥᖓ
ᑎᑎᕋᕐᕕᖃᕐᑐᖅ ᐃᖃᓗᐃ, ᓄᓇᕗᑦ

ᐃᓱᒪᑕᖃᕐᓗᓂ ᑐᑭᒧᐊᒃᑎᑦᑎᔨᖓᑕ ᑐᓴᐅᒪᖃᑦᑕᐅᑎᓕᕆᓂᕐᒧᑦ ᓄᓇᕗᑦ ᑐᙵᕕᒃᑯᓐᓄᑦ . (NTI), ᑲᒪᔨᐅᓂᐊᕐᑐᖅ, ᑐᓴᐅᒪᖃᑕᐅᑎᓕᕆᔨᒃᑯᓐᓂ ᑲᒪᒋᔭᖃᖅᑐᖅ ᓴᖅᑭᑦᑎᓂᕐᒥᒃ ᑲᔪᓯᑎᑦᑎᓂᕐᒥᒡᓗ ᖃᕋᓴᐅᔭᒃᑯᑦ ᓴᖅᑭᔮᑦᑎᐊᖅᑐᓂᒃ ᑲᑐᔾᔨᖃᑎᒌᖑᔪᒧᑦ, ᐊᑐᓕᖅᑎᑦᑎᓂᒃᑯᑦ ᐃᓅᖃᑎᒌᒃᑐᓄᑦ ᑐᓴᒐᒃᓴᓂᒃ ᐅᐸᓗᖓᐃᔭᐅᑎᓂᒃ ᐊᑐᕐᓗᑎᒃ ᐊᔾᔨᒌᙱᑦᑐᓂᒃ ᐊᑐᕈᓐᓇᖅᑐᓂᒃ ᐊᒻᒪ ᐃᑲᔫᑎᒃᓴᓂᒃ ᓄᓇᕗᑦ ᑐᙵᕕᒃᑯᑦ ᐃᓄᖕᓄᑦ ᑐᓴᒐᒃᓴᓕᕆᔾᔪᑎᖏᓐᓂᒃ.
ᖃᐃᖁᔭᐅᓂᐊᕐᓗᑎᑦ ᐊᐱᖅᓱᖅᑕᐅᓂᕐᒧᑦ; ᐊᐅᓚᑦᑎᔪᓐᓇᕆᐊᖃᖅᐳᑎᑦ ᐅᓄᖅᑐᓂᒃ ᐱᓕᕆᐊᒃᓴᓂᒃ, ᐱᓕᕆᕝᕕᖕᒥᓂ ᓯᓚᑖᓂᓪᓗ, ᐊᑕᐅᑦᑎᒃᑯᑦ. ᐱᔪᓐᓇᕐᓗᓂ ᐊᑐᖅᑎᑦᑎᓂᕐᒥᒃ ᐃᓱᒪᒃᓴᖅᓯᐅᑦᑎᐊᖅᓯᒪᔪᓂᒃ ᐃᓗᓕᖏᓐᓂ . ᖃᐅᔨᒪᓂᖃᑦᑎᐊᕐᓗᓂ ᐊᒻᒪ ᐱᓕᕆᖃᑦᑕᖅᓯᒪᓗᓂ ᑕᒪᐃᓐᓄᑦ ᐃᓄᖕᓄᑦ ᑐᓴᒐᒃᓴᓄᑦ ᑐᙵᕕᐅᔪᓂᒃ . ᖃᐅᔨᒪᓂᖃᑦᓯᐊᕐᓗᓂ ᓯᕗᓕᖅᑎᐅᓂᕐᒥᑦ/ᐱᔪᒪᓂᖃᕐᓂᕐᒥᑦ ᑲᑎᙵᐅᖅᑐᓂᑦ ᓄᓇᓕᓐᓂᓪᓗ . ᐊᑦᑐᐊᓂᓖᑦ ᐱᓕᕆᖃᑦᑕᖅᓯᒪᓂᑰᓂᖅ ᓇᓗᓇᐃᖅᓯᓂᕐᒥᑦ ᑐᕌᕐᕕᐅᔪᓂᑦ ᐃᓄᓐᓂᑦ . ᐃᖅᑲᓇᐃᔮᖅᑖᕋᓱᐊᖅᑐᖅ ᐊᕐᕌᒍᓐᓄᑦ ᒪᕐᕉᓐᓄᑦ-ᑕᓪᓕᒪᓄᑦ ᐱᓕᕆᓯᒪᓂᑰᒋᐊᓕᒃ (ᓇᒻᒥᓂᖅ ᐱᓕᕆᔨᒻᒪᕆᐅᓂᕐᒧᓪᓘᓐᓃᑦ) ᖃᕆᑕᐅᔭᒃᑯᑦ ᓄᓇᓕᓐᓂᑦ, ᑲᑎᒪᓂᕐᓂᑦ, ᑭᒃᑯᑐᐃᓐᓇᕐᓂᓪᓗ ᑐᓴᕋᑦᓴᓂᑦ ᑐᙵᕕᐅᔪᓂᑦ . ᖃᕆᓴᐅᔭᓕᕆᔾᔪᑎᓂᒃ ᐱᓕᕆᖃᑦᑕᕐᓂᑰᓗᓂ (ᓲᕐᓗ Hootsuite, Sprout, ᐊᓯᖏᓪᓗ) ᐃᓄᖕᓄᑦ ᑐᓴᐅᒪᔪᓕᕆᔾᔪᑎᑦ ᖃᕋᓴᐅᔭᓕᕆᔾᔪᑎᑦ (ᓲᕐᓗ. Hubspot) ᐊᒻᒪ ᐋᖅᑭᒃᓯᒪᓂᒃᓴᖓᓄᑦ ᐱᓕᕆᐊᑦ ᐃᓚᖃᓪᓚᕆᒃᐳᑦ. (ᓲᕐᓗ. ᑳᓐᕙ−Canva.). ᐱᐅᔪᒻᒪᕆᖕᓂᒃ ᐋᖅᑭᒃᓱᐃᕙᖕᓂᕐᒧᑦ ᐊᔪᕈᓐᓃᖅᑕᐅᓯᒪᔪᓂᒃ ᐊᔪᙱᓐᓂᖃᕐᓂᕐᓗ ᐊᖑᒻᒪᑎᔪᓐᓇᕐᓂᕐᒥᒃ ᐃᓱᓕᑦᑕᕐᕕᓕᖕᓂᒃ. ᐅᖃᕈᓐᓇᕐᓂᖅ ᑎᑎᕋᕐᓂᕐᓗ ᐃᓄᒃᑐᑦ/ᐃᓄᐃᓐᓇᖅᑐᓐ ᐅᖃᐅᓯᖅ ᐱᔪᒪᓂᐅᕗᖅ ᐃᓕᑦᑎᔪᒪᓗᓂᓗ ᐱᔭᕆᐊᓕᒃ.
ᐱᔪᒥᒋᔭᐅᓂᖅᓴᐅᓂᐊᖅᑐᑦ ᐃᓄᐃᑦ ᐊᑎᓕᐅᖅᑕᐅᓯᒪᔪᑦ ᓄᓇᕗᒻᒥ ᐊᖏᕈᑎᒥᑦ .
ᑮᓇᐅᔾᔭᒃᓴᓇᔭᖅᑐᖅ $81,632.00 ᐅᑭᐅᖅ ᐊᑕᐅᓯᕐᒧᑦ (ᒪᓕᒃᓗᓂ ᐊᑐᕐᓂᑯᖏᓐᓂ ) ᓈᒪᔪᒥᑦ ᐃᑲᔫᓯᐊᔅᓴᑦ ᑲᑎᓯᒪᔪᑦ ᐱᖃᓯᐅᑎᓪᓗᓂ ᐃᖅᑲᓇᐃᔭᖅᑏᑦ ᓄᖅᑲᑐᖅᓯᐅᑎᔅᓴᖏᓐᓄᑦ ᐸᕐᓇᐅᑏᑦ, ᑲᑎᙵᔪᓄᑦ ᓇᓪᓕᐅᒃᑯᒫᑦ ᐊᒻᒪ ᕿᑲᕆᐊᕐᓂᕐᒧᑦ ᐊᐅᓪᓚᓂᕐᒧᑦ ᐃᑲᔫᑏᑦ .
ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓ ᐊᑐᐃᓐᓇᐅᙱᑦᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ. ᓄᓇᕗᑦ ᑐᙵᕕᒃᑯᑦ ᐃᒡᓗᑖᖅᑎᑦᑎᕙᒃᑐᑦ ᐃᑲᔫᓯᐊᓂᒃ ᐅᑯᓄᖓ $27,600.
ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᓕᒫᖓᓄᑦ, ᖃᐅᔨᒋᐊᕐᕕᒋᒍᒃ :
ᑐᓐᓂᖅᑯᑎᒋᓗᒍ ᑎᑎᖅᑲᖅ ᐊᒻᒪ ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᑎᑎᕋᖅᓯᒪᔪᑦ :
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᙵᕕᒃ ᑎᒥᖓ
ᑲᖏᖅᖠᓂᖅ, ᓄᓇᕗᑦ X0C-0G0

ᐅᖃᓘᑎᒃᑯᑦ: 867-645-5440
ᓱᒃᑲᑦᑐᒃᑯᑦ 867-645-5414
ᐅᑯᐊᕐᕕᒃᓴᖅ: ᑏᓴᒻᐸ 2, 2022
ᐱᓕᕆᐊᒃᓴᕗᑦ: ᐃᓄᐃᑦ ᒪᑭᒪᓇᓱᐊᕐᓂᕐᒧᑦ , ᐃᓄᖃᑎᒌᖕᓂᕐᒧ ᐊᒻᒪᓗ ᐃᓕᖁᓯᓕᕆᓂᕐᒧᓗ ᓈᒪᑦᓯᐊᕐᓂᕐᒥ ᑕᑉᕘᓇ ᐊᑐᓕᕐᑎᑕᐅᓂᖓᒍ ᓄᓇᕗᑦ ᐊᖏᕈᑎᖓᓂᒃ.

Download (PDF, 162KB)