ᐃᖅᑲᓇᐃᔮᑦᓴᑦ

ᐊᐅᓚᔾᔪᑎᒃᓴᓕᕆᔨᒻᒪᕆᒃ

2023-01-30

ᐊᐅᓚᔾᔪᑎᒃᓴᓕᕆᔨᒻᒪᕆᒃ

ᐊᖏᔪᖅᑲᐅᑎᖃᕐᕕᒻᒥ ᐱᔨᑦᑎᕋᖅᑏᑦ

ᓄᓇᕗᑦ ᑐᙵᕕᒃᑯᑦ ᑎᒥᖓᑦ

ᐃᖃᓗᒃᑑᑦᑎᐊᖅ ᐅᕝᕙᓘᓐᓃᑦ ᑲᖏᖅᖠᓂᖅ, ᓄᓇᕗᑦ

ᐊᐅᓚᔾᔪᑎᒃᓴᓕᕆᔨᒻᒪᕆᒃ (COO) ᐃᑲᔪᖅᑐᐃᔪᖅ ᐊᐅᓚᑦᑎᔨᒻᒪᕆᒻᒥᑦ (CEO) ᓯᕗᒻᒧᐊᖅᑎᑉᐸᓪᓕᐊᓗᒋᑦ ᐃᓄᐃᑦ ᑮᓇᐅᔭᓕᐅᕋᓱᖕᓂᕐᒧᑦ ᐱᕙᓪᓕᐊᓂᕆᔭᐅᔪᑦ, ᐃᓅᖃᑎᒌᒃᐸᖕᓂᕐᒧᑦ ᐃᓕᖅᑯᓯᑐᖃᕐᓄᓪᓗ ᖃᓄᐃᙱᑦᑎᐊᕈᓐᓇᕐᓂᖅ ᑲᔪᓯᑎᑦᑎᓂᒃᑯᑦ ᓄᓇᕐᔪᐊᓕᒫᒥ ᐃᓅᖃᑎᒌᒃᐸᖕᓂᕐᓂᒃ, ᐃᓕᓴᖅᓯᓂᒃᑯᑦ ᐃᓄᐃᑦ ᐱᔪᓐᓇᐅᑎᒋᔭᖏᓐᓂᒃ ᐱᓕᕆᐊᖃᕐᓗᑎᒡᓗ ᐋᕿᒋᐊᕈᑎᖃᖅᐸᓪᓕᐊᓂᕐᒥᒃ. ᑕᒪᓐᓇ ᐱᓕᕆᐊᖑᓲᖑᕗᖅ ᐊᑐᓕᖅᑎᑦᑎᓂᒃᑯᑦ ᑎᓕᓯᔾᔪᑎᓂᒃ ᐊᒻᒪ ᖃᓄᖅᑑᕈᑎᓄᑦ ᑐᑭᒧᐊᒍᑎᓂᒃ ᐋᖅᑭᒃᑕᐅᓯᒪᔪᓂᒃ ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᓐᓄᑦ, ᓄᓇᕗᑦ ᑐᙵᕕᒃᑯᑦ ᑐᙵᕕᖓᓄᑦ (NTF), ᐊᒻᒪ ᓄᓇᕗᒻᒥ ᐃᓄᐃᑦ ᐆᒪᔪᓕᕆᔨᒃᑯᑦ ᐊᕙᑎᒧᓪᓗ ᐅᖃᐅᔾᔨᒋᐊᖅᑎᑦ ᑲᑎᒪᔨᖏᑦ; ᑐᑭᒧᐊᑦᑎᑦᓯᓂᕐᒥᑦ ᓯᕗᓕᖅᑎᐅᓂᕐᒥᓪᓗ ᐱᓕᕆᕝᕕᐅᔪᓄᑦ ᐆᒪᔪᓕᕆᓂᕐᒧᑦ ᐊᕙᑎᓕᕆᓂᕐᒧᓪᓗ, ᓄᓇᒥᑦ ᐃᑲᔫᑎᓂᓪᓗ ᐃᓄᐃᓪᓗ ᐱᓕᕆᐊᖏᓐᓂᑦ ᐱᔨᑦᓯᕋᕐᓂᕐᒥᓪᓗ, ᐊᑐᐃᓐᓇᐅᑎᑦᓯᓂᕐᒥᑦ ᓯᕗᓕᖅᑎᐅᓂᕐᒥᑦ ᖃᓄᖅᑑᕈᑎᓄᑦ ᐱᕙᒌᔭᐅᑎᓂᑦ, ᐊᓯᔾᔨᕐᓂᕐᒧᑦ ᐊᐅᓚᑦᓯᓂᕐᒥᑦ, ᐊᑦᑕᕐᓇᖅᑐᓂᑦ ᐊᐅᓚᑦᓯᓂᕐᒥᑦ, ᐱᐅᓂᖏᓐᓂᑦ ᐱᐅᓯᕚᓪᓕᑎᑦᓯᓂᕐᒥᑦ, ᐃᖅᑲᓇᐃᔭᖅᑐᓕᕆᓂᕐᒧᑦ ᐊᐅᓚᑦᓯᓂᕐᒥᑦ, ᐊᕙᑎᓕᕆᓂᕐᒧᑦ ᖃᐅᔨᓴᕐᓂᕐᒥᑦ ᐃᓄᐃᓪᓗ ᖃᐅᔨᒪᔭᑐᖃᖏᓐᓂᑦ ᐃᓚᒋᔭᐅᓗᓂ ᓯᕗᓕᖅᑎᓄᑦ ᑲᑐᔾᔨᖃᑎᒌᓄᑦ ᓄᓇᕗᑦ ᑐᙵᕕᒃᑯᓐᓂᑦ. ᑖᔅᓱᒥᖓ ᐃᖅᑲᓇᐃᔮᓕᒃ ᐸᕐᓇᐃᖃᑦᑕᕐᓂᐊᕐᒥᔪᖅ ᐊᐅᓚᑦᑎᕙᒡᓗᓂᓗ ᓄᓇᕗᑦ ᑐᙵᕕᒃᑯᑦ ᐱᓕᕆᕝᕕᖏᓐᓂᒃ.

ᐊᐅᓚᑦᑎᔨᓪᓗᐊᑕᖅ ᓯᕗᓕᖅᑎᒋᔭᐅᕗᖅ ᖁᑦᑎᒃᑐᒦᓐᓂᖅᓴᐅᓪᓗᓂ ᐊᒥᖅᑳᖃᑎᖃᖅᐸᒃᖢᓂ ᐱᓕᕆᐊᖃᓪᓚᕆᒃᖢᓂ ᖁᑦᑎᒃᑐᒦᓐᓂᖅᓴᐅᑉ ᐱᓕᕆᔨᐅᑉ ᑲᒪᒋᔭᒃᓴᕆᔭᖏᓐᓂᒃ ᐅᑯᑎᒎᓇᖅ, ᓄᓇᕗᑦ ᑐᙵᕕᒃᑯᑦ ᑎᒥᖓᑕ ᐊᐅᓚᑦᑎᕙᖕᓂᕐᒧᑦ ᐊᑐᖅᐸᒃᑕᖓᓄᑦ. ᐊᐅᓚᑦᔪᑎᓕᕆᔨᒻᒪᕆᒃ ᐱᓕᕆᖃᑎᖃᖃᑦᑕᕐᓂᐊᖅᐳᖅ ᐊᐅᓚᑦᑎᔨᒻᒪᕆᖕᒥ ᐱᓕᕆᐊᒃᓴᕐᔪᐊᓂᒃ ᓲᕐᓗ ᖃᓄᖅᑑᕈᑎᒃᓴᓄᑦ ᐱᕙᒌᔭᐅᑎᖃᕐᓂᕐᒥᒃ, ᑲᑐᔾᔨᖃᑎᒌᑦ ᐋᖅᑭᒃᓯᒪᓂᖏᓐᓂᒃ ᐊᒻᒪ ᑮᓇᐅᔭᑦ ᐊᑐᖅᑐᒃᓴᓂᒃ ᐊᐅᓚᑦᑎᓂᕐᒥᒃ. ᐊᐅᓚᑦᑎᔨᓪᓗᐊᑕᖅ ᑲᒪᒋᔭᖃᖃᑦᑕᕐᓂᐊᖅᐳᖅ ᐊᕙᑎᓕᕆᓂᕐᒧᑦ ᒪᓕᒋᐊᖃᖅᐸᒃᑐᓂᒃ ᕿᒥᕐᕈᐊᒃᑲᓐᓂᕐᓂᕐᓂᒃ ᓄᓇᕗᑦ ᑐᙵᕕᒃᑯᑦ ᑎᒥᖓᓄᑦ ᓇᓗᙱᑦᑎᐊᖅᐸᒡᓗᓂᓗ ᑕᒪᒃᑯᐊ ᐱᓇᔪᒃᓯᒪᔪᑦ, ᐱᓕᕆᕝᕕᒋᔭᐅᕙᒃᑐᑦ ᑭᒃᑯᑐᐃᓐᓇᓄᑦ ᒐᕙᒪᒋᔭᐅᔪᓄᑦ ᒐᕙᒪᓄᓪᓗ ᒪᓕᒃᑲᓗᐊᕐᒪᖔᑕ ᐱᔭᒃᓴᕆᔭᒥᓂᒃ ᐅᑯᑎᒎᓇᖅ, ᓄᓇᕗᒻᒥ ᐊᖏᖃᑎᒌᒍᑕᐅᓯᒪᔪᒥᒃ ᓄᓇᕗᒻᒥᓗ ᐱᕙᒌᔭᕐᓂᕐᒧᑦ ᐱᓕᕆᐊᖑᔪᒥᒡᓗ ᖃᐅᔨᓴᖅᓯᓂᕐᒧᑦ ᐱᖁᔭᕐᒥ.

ᐃᓕᓐᓂᐊᖅᓯᒪᓂᖓ, ᐊᔪᙱᓐᓂᖓ, ᐱᔪᓐᓇᕐᓂᖓ ᐊᒻᒪ ᐊᔪᙱᓐᓂᕆᔭᖏᑦ ᐅᑯᓂᖓ ᐱᓯᒪᓪᓗᐊᖅᑕᑎᑦ:

ᓯᓚᑦᑐᖅᓴᕐᕕᒡᔪᐊᕐᒥ ᐃᓕᑕᕆᔭᐅᔾᔪᑎᑖᖅᓯᒪᓗᓂ ᐊᒡᓚᕝᕕᓕᕆᓂᕐᒧᑦ ᐅᕝᕙᓘᓐᓃᑦ ᐊᔾᔨᐸᓗᐊᓂᒃ (ᓇᖕᒥᓂᖃᕐᓂᕐᒧᑦ ᐊᒡᓚᕝᕕᓕᕆᓂᕐᒥᒃ, ᐃᓄᖕᓄᑦ ᐊᑐᐊᒐᕐᓂᒃ, ᐃᓄᖕᓄᑦ ᐊᒡᓚᕝᕕᓕᕆᔨᓂᒃ, ᐃᓅᖃᑎᒌᓂᒃ ᖃᐅᔨᓴᖅᑐᓕᕆᓂᕐᒥᒃ, ᓂᐅᕐᕈᑎᖃᕐᓂᕐᒥᒃ ᐅᕝᕙᓘᓐᓃᑦ ᐊᔾᔨᐸᓗᖏᓐᓂᒃ ᐃᓕᑕᕆᔭᐅᔾᔪᑎᑖᖅᓯᒪᓗᓂ); ᐅᕝᕙᓘᓐᓃᑦ, ᐃᓕᓐᓂᐊᕌᓂᒍᓯᐊᖃᕐᓗᓂ ᐊᒃᑐᐊᓂᓕᖕᒥᒃ ᐃᓂᖓᓂ;
ᐅᓄᙱᓛᖃᕐᓗᒍ ᐊᕐᕕᓂᓖᑦ (6) ᐊᕐᕌᒍᓐᓂᑦ ᖃᐅᔨᒪᓂᖃᕐᓗᓂ ᐊᐅᓚᑦᓯᓂᕐᒥᑦ ᐃᓚᒋᔭᐅᓗᓂ ᑮᓇᐅᔭᓕᕆᓂᕐᒧᑦ ᐃᖅᑲᓇᐃᔭᖅᑐᓕᕆᓂᕐᒧᓪᓗ ᐊᐅᓚᑦᓯᓂᕐᒥᑦ;
ᖃᐅᔨᒪᑦᑎᐊᕐᓗᓂ ᓄᓇᕗᒻᒥ ᐊᖏᕈᑎᒥᒃ (NA), ᓄᓇᕗᑦ ᑐᙵᕕᒃᑯᑦ ᐱᓇᓱᐊᖅᑕᖓᑦ, ᐊᐅᓚᑦᑎᕕᖕᒥᑦ ᐊᐅᓚᑦᑎᓂᖅ ᑲᑎᒪᔨᓪᓗ ᐊᑐᐊᒐᖏᑦ;
ᑕᑯᒃᓴᐅᑎᑦᑎᓗᓂ ᐱᓕᕆᖃᑦᑕᖅᓯᒪᓂᑰᓂᕐᒥᒃ ᐊᑐᐊᒐᓂᒃ ᖃᐅᔨᓴᖅᓯᓂᕐᒥᒃ, ᐊᑐᐊᒐᓂᒃ ᐋᖅᑭᒃᓱᐃᕙᓪᓕᐊᓂᕐᒥᒃ ᐊᑐᓕᖅᑎᑦᑎᓂᕐᒧᓪᓗ ᐱᓕᕆᖃᑦᑕᖅᓯᒪᓂᑰᓂᕐᒥᒃ;
ᓇᓗᓇᐃᖅᓯᓯᒪᓗᓂ ᐊᔪᙱᑕᖃᕐᓂᕐᒥᑦ ᐋᔩᖃᑎᒌᓐᓂᕐᒥᑦ ᓴᙱᔪᒥᓪᓗ ᑐᓴᐅᒪᖃᑎᒌᒍᓐᓇᓂᕐᒥᑦ;
ᑕᑯᒃᓴᐅᑎᑦᑎᓗᓂ ᖃᐅᔨᓴᖅᓯᔪᓐᓇᕐᓂᕐᒥᒃ, ᐱᕙᒌᔭᕐᓂᕐᒥᒃ, ᓯᕗᓪᓕᖅᐸᐅᑦᑎᐅᔾᔨᓂᕐᒥᒃ ᑎᓕᓯᓂᕐᒧᓪᓗ ᐊᔪᕈᓐᓃᖅᑕᐅᕙᒃᑐᓂᒃ;
ᑲᑎᒪᔨᐅᖃᑦᑕᖅᓯᒪᓗᓂ ᐊᒻᒪ/ᐅᕝᕙᓘᓐᓃᑦ ᑲᑎᒪᔨᕋᓛᓂᒃ;
ᐱᔪᒃᓯᓕᖅᑎᑦᑎᔪᓐᓇᑦᑎᐊᕐᓗᓂ, ᐊᑲᐅᙱᓕᐅᕈᑎᓂᒃ ᐋᖅᑭᒃᓯᓇᓱᒍᓐᓇᕐᓗᓂ;
ᑐᓴᐅᒪᑎᑦᑎᔪᓐᓇᑦᑎᐊᕐᓗᓂ ᐊᒻᒪ ᐅᓂᒃᑲᐅᓯᖃᕈᓐᓇᑦᑎᐊᕐᓗᓂ (ᑎᑎᖅᑲᑎᒍᑦ ᐅᖃᐅᓯᒃᑯᓪᓗ);
ᐱᓕᕆᔪᓐᓇᕐᓗᓂ ᐅᓄᖅᑐᓂᒃ ᑎᑎᖅᑲᖁᑎᓂᒃ ᐱᔭᕆᐊᖃᒻᒪᕆᒃᑐᓂᒃ ᐃᓱᓕᕝᕕᒃᓴᖃᖅᑐᓂᒃ ᐊᒻᒪ ᐊᒃᓱᕈᕐᓇᖅᑐᖃᕐᔪᐊᕐᓗᓂ;
ᐃᓄᒃᑐᑦ ᐅᖃᓪᓚᒍᓐᓇᕐᓗᓂ, ᐅᕝᕙᓘᓐᓃᑦ ᐃᓄᐃᓐᓇᖅᑐᓐ ᐃᓕᓐᓂᐊᕈᒪᒍᓂ ᐱᔭᐅᓯᒪᔭᕆᐊᖃᖅᐳᖅ;
ᖃᐅᔨᒪᓂᖃᑦᓯᐊᕐᓗᓂ ᐱᕙᓪᓕᐊᑎᑦᓯᓂᕐᒥᑦ, ᐊᐅᓚᑦᓯᓂᕐᒥᑦ ᖃᐅᔨᓴᕐᓂᕐᒥᓪᓗ ᑮᓇᐅᔭᓂᑦ ᐊᑐᖅᑐᑦᓴᓂᑦ;
ᐱᓕᕆᓯᒪᓂᑰᑦᑎᐊᕐᓗᓂ ᒐᕙᒪᓕᕆᓂᒃᑯᑦ ᐊᒃᑐᖅᑕᐅᓴᕋᐃᑦᑐᓂᒃ ᐊᕙᑎᖃᕐᓂᕐᒥᒃ;
ᑕᑯᒃᓴᐅᑎᑦᑎᓗᓂ ᖃᐅᔨᒪᓂᕐᒥᒃ ᐃᒃᐱᒋᔭᖃᑦᑎᐊᕐᓂᕐᒥᒡᓗ ᐃᓄᐃᑦ ᐃᓱᒪᒋᔭᒃᓴᖏᓐᓂᒃ;
ᐃᓕᖅᑯᓯᖃᖃᑎᒌᙱᑦᑐᓂᒃ ᐃᖅᑲᓇᐃᔭᕈᓐᓇᑦᑎᐊᕐᓗᓂ;
ᖃᐅᔨᒪᓗᓂ ᒐᕙᒪᒃᑯᑦ ᐱᓕᕆᔾᔪᓯᖏᓐᓂᒃ ᐊᒻᒪ ᐅᑭᐅᖅᑕᖅᑐᒥ ᐱᓕᕆᖃᑦᑕᕐᓂᑰᓗᓂ ᑲᒪᒋᔭᖃᖅᑎᓪᓗᒋᑦ ᒐᕙᒪᒃᑯᓐᓂ;
ᐊᔾᔨᑲᓴᖏᓐᓂᑦ ᐱᓕᕆᓂᐅᔪᓂᑦ ᐃᓱᒪᒋᔭᐅᑦᑎᐊᕐᓂᐊᖅᑐᑦ.

ᐱᔪᒥᒋᔭᐅᓂᖅᓴᐅᓂᐊᖅᑐᑦ ᐃᓄᐃᑦ ᐊᑎᓕᐅᖅᑕᐅᓯᒪᔪᑦ ᓄᓇᕗᒻᒥ ᐊᖏᕈᑎᒥᑦ .

ᑮᓇᐅᔾᔭᒃᓴᓯᒋᐊᖅᑐᑦ ᒪᓕᓲᖑᕗᑦ ᐊᔪᙱᓐᓂᕆᔭᐅᔪᓂᒃ ᐊᒻᒪ ᐊᑕᖐᔪᒥᒃ ᐃᑲᔫᑎᓂᒃ ᐃᓚᓕᐅᔾᔭᐅᓪᓗᑎᒃ ᐃᖅᑲᓇᐃᔭᖅᑎᑦ ᐃᓐᓇᖅᓯᐅᑎᒃᓴᓄᑦ ᐸᕐᓇᐅᑎᑦ, ᑲᑎᙵᓪᓗᑎᒃ ᓇᓪᓕᐅᒃᑯᒫᑦ ᐊᒻᒪ ᕿᑲᕆᐊᕐᓂᕐᒧᑦ ᖃᖓᑦᑕᐅᑎᓄᑦ ᐃᑲᔫᑎᑦ.

ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓ ᒪᓂᒪᑎᑕᐅᕗᖅ ᑖᔅᓱᒧᖓ ᐃᓂᒧᑦ.

ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᓕᒫᖓᓄᑦ, ᖃᐅᔨᒋᐊᕐᕕᒋᒍᒃ :

ᐃᖅᑲᓇᐃᔭᖅᑐᓕᕆᔨᒃᑯᑦ

ᓄᓇᕗᑦ ᑐᙵᕕᒃ ᑎᒥᖓ

ᑲᖏᖅᖠᓂᖅ, ᓄᓇᕗᑦ X0C-0G0

ᐅᖃᓘᑎᒃᑯᑦ: 867-645-5440