ᐃᖅᑲᓇᐃᔮᑦᓴᓂᒃ ᐱᕙᓪᓕᐊᑎᑦᓯᔨ
ᐃᓄᐃᑦ ᐃᓕᓐᓂᐊᕈᑎᖏᓐᓄᑦ ᐱᓕᕆᕝᕕᐊ (ᒪᑭᒋᐊᖅᑕ)
ᓄᓇᕗᑦ ᑐᙵᕕᒃ ᑎᒥᖓ
ᐃᓂᖃᕐᓂᐊᖅᑐᖅ ᐃᖃᓗᐃᑦ, ᓄᓇᕗᑦ
ᐊᖓᔪᖅᑳᖃᕐᓗᓂ ᑐᑭᒧᐊᒃᑎᑦᑎᔨᒧᑦ ᐃᑲᔪᖅᑎᒥᒃ ᐃᓄᐃᑦ ᐃᓕᓐᓂᐊᕈᑎᖏᓐᓄᑦ, ᐃᖅᑲᓇᐃᔮᑦᓴᓂᒃ ᐱᕙᓪᓕᐊᑎᑦᓯᔨ ᓇᓗᓇᐃᖅᑐᐃᖃᑦᑕᓂᐊᖅᑐᖅ ᖃᐅᔨᓴᖃᑦᑕᕐᓗᓂᓗ ᐊᐅᓚᒋᐊᓕᖏᓐᓂᒃ ᐃᓄᐃᑦ ᐱᓕᒻᒪᓴᕐᓂᕐᒧᑦ ᐃᖅᑲᓇᐃᔮᓄᑦ ᐱᓕᕆᐊᒃᓴᓂᒃ ᐋᖅᑭᑦᓯᒪᔪᓂᒃ ᐱᕕᓕᒫᖓᒍᑦ ᐃᖅᑲᓇᐃᔮᖃᖁᓪᓗᒋᑦ ᐃᓕᓐᓂᐊᕈᓐᓇᕐᕕᖃᖁᓪᓗᒋᓪᓗ ᓄᓇᕗᒻᒥᐅᑦ ᐃᓄᐃᑦ ᐊᒻᒪᓗ ᐱᕚᓪᓕᕈᑎᒃᓴᒥᒃ ᒪᑭᒪᔾᔪᑎᒃᓴᐅᔪᓐᓇᖅᑐᓂᒃ ᓄᓇᕗᒻᒥ ᐃᓄᓐᓄᑦ. ᐱᔾᔪᑎᖓ ᐱᓕᕆᐊᒃᓴᐅᑉ ᐃᑲᔫᑎᒃᓴᓂᒃ ᖃᐅᔨᑎᑦᓯᓂᕐᒥᓪᓗ ᓄᓇᕗᒻᒥ ᐃᓄᐃᑦ ᐱᓕᖕᒪᓴᕐᓂᕐᒧᑦ ᐊᑐᐊᒐᖏᓐᓂᒃ ᐊᒻᒪᓗ ᐋᖅᑭᐅᒪᑦᓯᓂᕐᒥᒃ ᐃᖅᑲᓇᐃᔮᒃᑯᑦ ᖃᐅᔨᒪᓂᕐᒥᒃ ᐊᓯᖏᓐᓂᒃ ᐱᓕᕆᐊᒃᓴᓂᒃ ᑲᒪᒋᔭᐅᔪᓂᒃ ᒪᑭᒋᐊᖅᑕᑯᓐᓂᒃ ᐃᓄᐃᑦ ᐱᓕᖕᒪᓴᕐᓂᕐᒧᑦ ᑯᐊᐳᕇᓴᓐ (ᒪᑭᒋᐊᖅᑕ) ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ). ᐃᖅᑲᓇᐃᔮᖅᑖᕆᒍᕕᐅᒃ, ᐱᓕᕆᖃᑎᖃᕐᓂᐊᖅᑐᑎᑦ ᐊᓯᖏᓐᓂᒃ ᑐᙵᕕᒃᑯᑦ ᐱᓕᕆᕝᕕᖏᓐᓂᒃ. ᖃᐅᔨᒪᒋᐊᓕᑎᑦ ᐱᕙᓪᓕᐊᑎᑦᓯᓂᕐᒥᒃ, ᖃᐅᔨᓴᕐᓂᕐᒥᒃ, ᓇᐅᑦᓯᑐᕐᓂᕐᒥᒃ ᐊᒻᒪᓗ ᖃᐅᔨᓇᓱᐊᕐᓂᕐᒥᒃ ᐱᓕᖕᒪᒃᓴᐅᑎᒃᓴᓂᒃ, ᑲᑎᙵᔪᓄᑦ ᐃᓕᓴᐃᒍᑎᓂᒃ ᐊᒻᒪᓗ ᐅᓂᒃᑳᖃᑦᑕᓂᕐᒥᒃ, ᕿᒥᕐᕈᓂᕐᒥᒃ ᐊᑐᐊᒐᕐᓂᒃ ᐊᒻᒪᓗ ᐊᐅᓚᑦᓯᔾᔪᓯᕐᓂᒃ ᑎᑎᕋᖅᓯᒪᒧᓂᒃ, ᐃᓄᓯᓕᕆᓂᕐᒥᒃ ᐱᓕᕆᔨᓂᒃ, ᐃᓕᓐᓂᐊᖅᑎᓂᒃ ᐊᒻᒪᓗ ᓴᓇᔨᐅᓂᕐᒧᑦ ᐸᐃᑉᐹᖁᑎᑖᕋᓱᐊᖅᑐᓂᒃ ᐃᓕᓐᓂᐊᖅᑐᓂᒃ ᐊᒻᒪᓗ ᑎᑎᕋᖃᑦᑕᓂᕐᒥᒃ ᐅᓂᒃᑳᓂᒃ.
ᐊᐱᖅᓱᖅᑕᐅᔪᓐᓇᖁᓪᓗᑎᑦ, ᐃᓕᓴᕆᔭᐅᓯᒪᔪᒥᒃ ᓇᓗᓇᐃᒃᑯᑕᖅᑖᖅᓯᒪᓗᑎᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᐱᕙᓪᓕᐊᑎᑦᓯᓂᕐᒥᒃ, ᐃᖅᑲᓇᐃᔭᖅᑐᓕᕆᓂᕐᒥᒃ ᐊᐅᓚᑦᓯᓂᕐᒥᒃ, ᐃᓅᓯᓕᕆᔨᐅᓂᕐᒥᒃ, ᐃᓅᓯᓕᕆᓂᕐᒧᑦ ᖃᐅᔨᓴᖅᑐᓕᕆᓂᕐᒥᒃ, ᐃᓕᓐᓂᐊᖅᑐᓕᕆᓂᕐᒥᒃ ᐱᓕᖕᒪᒃᓴᐅᑎᑦᓴᓂᓪᓘᓐᓃᑦ. ᖃᐅᔨᒪᓂᖃᑦᓯᐊᕆᐊᖃᖅᑐᑎᑦ ᓄᓇᕗᑦ ᐊᖏᕈᑎᖏᓐᓂᒃ, ᐃᓛᒃᑯᑦ 23 ᐊᒻᒪᓗ ᑐᙵᕕᒃᑯᑦ ᐱᓂᐊᕐᓂᕋᐅᑎᖓᓂᒃ: ᐊᒻᒪᓗ ᐃᖅᑲᓇᐃᔮᒃᓴᓄᑦ ᐊᒻᓗᒪ ᐃᖅᑲᓇᐃᔭᖅᑎᓂᒃ ᐃᓅᓯᓕᕆᔾᔪᑎᓄᑦ ᐱᓕᕆᔾᔪᑕᐅᒋᐊᓕᖕᓂᒃ ᐃᓅᓯᓕᕆᔾᔪᓯᕐᓂᓪᓗ, ᐃᓱᕐᕆᐅᑎᓂᒃ ᐊᑦᑐᐊᔪᓂᒃ ᐃᖅᑲᓇᐃᔮᒧᑦ ᐃᓅᓯᓕᕆᓂᕐᒧᑦ (ᐱᔪᒐᖅᓴᐅᑎᓂᒃ ᑎᑎᕋᕐᓂᖅ, ᖃᕆᓴᐅᔭᒃᑯᑦ ᖃᐅᔨᒋᐊᖃᑦᑕᓂᕐᒥᒃ). ᖃᐅᔨᒪᓂᖃᕐᓗᑎᑦ ᐊᔾᔨᒌᙱᑦᑐᓂᒃ ᐃᖅᑲᓇᐃᔭᖅᑎᑖᕐᓂᕐᒧᑦ ᐊᑐᖅᑕᐅᓲᓂᒃ ᓄᓇᕗᒻᒥ (ᓲᕐᓗ ᒐᕙᒪᑐᖃᒃᑯᑦ, ᓄᓇᓄᑦ ᒐᕙᒪᒃᑯᖏᑦ, ᓄᓇᓖᑦ ᒐᕙᒪᖏᑦ, ᐃᓄᐃᑦ ᑲᑐᔾᔨᖃᑎᒌᖏᑦ ᖃᐅᔨᒪᓂᖃᕐᒪᑕᑦᑕᐅᖅ ᑮᓇᐅᔭᓕᕆᔾᔪᑎᓄᑦ ᐃᑲᔫᑎᒃᓴᓂᒃ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᒃᓴᓄᑦ. ᓱᖅᑯᐃᖅᑕᐅᓯᒪᒍᑎᖃᕐᓗᑎᑦ ᓯᕗᓪᓕᐅᑎᔭᕆᐊᓕᖕᓂᒃ ᑲᒪᒋᔭᒃᓴᓂᒃ ᐋᖅᑭᑦᓱᐃᓯᒪᓂᕐᒥᒃ, ᑲᒪᖃᑦᑕᓂᕐᒥᒃ ᐊᑕᐅᑦᓯᒃᑯᑦ ᐱᓇᓱᐊᒐᑦᓴᐅᔪᓂᒃ ᐊᔾᔨᒌᙱᑦᑐᓂᒃ ᐊᒻᒪᓗ ᐱᕕᒃᓴᑭᑦᑎᑕᐅᔪᓂᒃ ᐊᖑᒻᒪᑎᑎᑦᓯᖃᑦᑕᓂᕐᒥᒃ ᑭᖑᕙᕆᐊᖃᙱᑦᑐᓂᒃ. ᓴᙱᓂᖃᕆᐊᓕᒃ ᐃᓅᓯᓕᕆᔨᐅᓂᖅ, ᐅᖃᖃᑎᖃᖃᑦᑕᕐᓂᖅ ᐊᒻᒪᓗ ᐅᓂᒃᑳᖃᑦᑕᓂᕐᒥᒃ ᐊᔪᙱᓐᓂᖃᕐᓗᓂ ᐊᒻᒪᓗ ᐋᖅᑭᑦᓱᐃᓯᒪᓗᓂ ᐊᒻᒪᓗ ᓯᕗᓕᕈᓐᓇᓯᐊᕐᓗᓂ ᑲᔪᓯᑎᑦᓯᒍᓐᓇᓂᒃᑯᑦ. ᑎᑎᕋᕈᓐᓇᕆᐊᖃᖅᑐᑎᑦ ᑐᑭᓯᑎᑦᓯᒋᐊᕈᑎᓂᒃ ᐊᒻᒪᓗ ᑕᖅᑭᑕᒫᖅᓯᐅᑎᓂᒃ ᐅᓂᒃᑳᓂᒃ, ᐅᓂᒃᑳᓕᐅᕐᓇᕐᓂ ᐊᕐᕌᒍᒥ ᐊᒻᒪᓗ ᐊᕐᕌᒍᑕᒫᖅᓯᐅᒻᒥᒃ ᐅᓂᒃᑳᓕᐅᕈᓐᓇᕆᐊᖃᕐᒥᔪᑎᑦ.
ᐱᔪᒐᕆᔭᐅᓂᖅᓴᐅᓂᐊᖅᑐᑦ ᐃᓄᐃᑦ ᐊᑎᖃᖃᑕᐅᔪᑦ ᓄᓇᕗᑦ ᐊᖏᕈᑎᖏᓐᓂ.
ᐱᒋᐊᕐᕕᖓ ᑮᓇᐅᔾᔭᒃᓴᐅᑎᐅᑉ $91,866.00 ᐊᕐᕌᒍ ᐊᑕᐅᓯᖅ (ᑮᓇᐅᔾᔭᓴᕐᓂᖅᓴᐅᒍᓐᓇᖅᑐᖅ ᐱᓇᓱᐊᖅᓯᒪᓂᖓᒍᑦ) ᐃᓚᖃᕐᓗᓂ ᐊᑕᖏᖅᑐᓂᒃ ᐃᑲᔫᑎᓂᒃ ᐃᓚᒋᔭᐅᓗᑎᒃ ᐃᖅᑲᓇᐃᔭᖅᑎᓄᑦ ᐃᑦᑐᖅᓯᐅᑎᑖᕈᑎᒃᓴᓄᑦ ᐲᔭᐃᓂᖅ, ᑲᑐᔾᔨᖃᑎᒌᑦ ᓇᓪᓕᐅᒃᑯᒫᖏᑦ ᐊᒻᒪᓗ ᕿᑲᕐᓂᕐᒧᑦ ᐃᑲᔫᑏᑦ.
ᐃᓪᓗᒧᑦ ᐃᑲᔪᖅᑕᐅᔾᔪᑎᑦ $27,600.
ᐊᑕᖏᖅᑐᒥᒃ ᓇᓪᓕᖅᑲᑖᕈᒪᒍᕕᑦ ᐃᖅᑲᓇᐃᔮᒧᑦ ᓇᓗᓇᐃᔭᐅᑎᒥᒃ ᖃᐅᔨᒃᑲᕐᓗᒍ;
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᙵᕕᒃ ᑎᒥᖓ
ᑲᖏᕐᖠᓂᖅ, ᓄᓇᕗᑦ
ᐅᖄᓚᐅᑖ: (867) 645-5440
ᓱᒃᑲᔪᒃᑰᕈᑖ: (867) 645-5414
ᒪᑐᕕᑦᓴᖓ ᐅᓪᓗᖅ: ᔫᓂ 2, 2023
LOCATION: ᐃᖃᓗᐃᑦ, ᓄᓇᕗᑦCLOSING DATE: June 2, 2023
