ᐃᖅᑲᓇᐃᔮᑦᓴᑦ

ᑐᑭᒧᐊᑦᑎᑦᑎᔨᑉ ᑐᖏᓕᐊ− ᖃᐅᔨᓴᖅᑐᓕᕆᔨᒃᑯᓐᓂ
ᖃᐅᔨᓴᕐᓂᕐᒧᑦ, ᐅᐊᑦᑎᓂᕐᒧᑦ ᐊᒻᒪᓗ ᖃᐅᔨᓴᖅᑕᐅᔾᔪᑎᓕᕆᓂᕐᒧᑦ
ᓄᓇᕗᑦ ᑐᙵᕕᒃ ᑎᒥᖓ
ᐃᖃᓗᐃᑦ, ᓄᓇᕗᑦ

ᑐᑭᒧᐊᑦᑎᑦᑎᔨᑉ ᑐᖏᓕᐊ− ᖃᐅᔨᓴᖅᑐᓕᕆᔨᒃᑯᓐᓂ
ᖃᐅᔨᓴᕐᓂᕐᒧᑦ, ᐅᐊᑦᑎᓂᕐᒧᑦ ᐊᒻᒪᓗ ᖃᐅᔨᓴᖅᑕᐅᔾᔪᑎᓕᕆᓂᕐᒧᑦ
ᓄᓇᕗᑦ ᑐᙵᕕᒃ ᑎᒥᖓ
ᐃᖃᓗᐃᑦ, ᓄᓇᕗᑦ

ᓴᖅᑭᔮᖅᑎᑕᐅᒃᑲᓐᓂᕐᓂᖓ ᐃᖅᑲᓇᐃᔮᒃᓴᖅ

ᐊᖓᔪᖅᑳᖃᖅᑐᓂ ᑐᑭᒧᐊᑦᑎᑦᑎᔨᒥᒃ, ᖃᐅᔨᓴᕐᓂᕐᒧᑦ, ᐅᐊᑦᑎᓂᕐᒧᑦ ᐊᒻᒪᓗ ᖃᐅᔨᓴᖅᑕᐅᔾᔪᑎᓕᕆᓂᕐᒧᑦ, ᐃᑲᔪᖃᑦᑕᕋᔭᖅᑐᑎᑦ ᑐᑭᒧᐊᑦᑎᑦᑎᔨᒥᒃ ᐊᐅᓚᑦᑎᓗᑎᑦ ᐱᓕᕆᕝᕕᐊᓂ ᖃᐅᔨᓴᕐᓂᕐᒧᑦ (RME). ᑐᑭᒧᐊᑦᑎᑦᑎᔨᑉ ᐃᑲᔪᖅᑎᖓ ᐅᐊᑦᑎᓲᖅ ᐃᓗᓕᓪᓗᐊᑕᖏᖕᓂᒃ ᐱᓕᕆᕝᕕᑉ ᐱᓇᓱᐊᒐᖓᓂᒃ, ᐃᒪᐃᓕᐅᖃᑦᑕᕐᓗᓂ: ᓯᕗᒧᐊᑦᑎᓪᓗᒋᑦ ᐃᓄᐃᑦ ᐱᔪᓐᓇᐅᑎᖏᑦ ᖃᐅᔨᓴᕐᓂᕐᒨᖓᔪᑦ, ᖃᐅᔨᒪᓇᑦᑎᐊᖅᑎᑦᑎᓗᓂ ᐱᕙᓪᓕᐊᑎᑦᑎᓂᐊᕐᒪᑦ ᖃᐅᔨᒪᓂᐅᔪᓂᑦ ᑐᑭᓯᐅᒪᑦᑎᐊᖅᑐᖃᕐᓗᓂ ᐃᓱᒪᓕᐅᕈᑕᐅᖃᑦᑕᕐᓂᐊᕐᒪᑕ, ᐊᑐᐊᒐᑦ, ᐱᓕᕆᐊᑦ, ᐊᒻᒪᓗ ᐱᔨᑦᑎᕋᕈᑏᑦ ᐱᔨᑦᑎᕈᑕᐅᓲᑦ ᓄᓇᕗᒻᒥᐅᑦ ᐃᓄᖏᖕᓄᑦ. ᐃᖅᑲᓇᐃᔮᖅᑖᑦᑎᐊᖁᓪᓗᑎᑦ ᖃᐅᔨᒪᑦᑎᐊᕆᐊᖃᖅᑐᑎᑦ ᖃᐅᔨᓴᕐᓂᕐᒧᑦ, ᐅᐊᑦᑎᓂᕐᒧᑦ ᐊᒻᒪᓗ ᖃᐅᔨᓴᖅᑕᐅᔾᔪᑎᓕᕆᔾᔪᑎᓄᑦ (RME) ᐱᓕᕆᕝᕕᐊ ᐊᐅᓚᓂᖃᑦᑎᐊᖏᓐᓇᖅᑐᒃᑯᑦ ᖃᐅᔨᒪᓂᕐᒥᓂᒃ ᑲᑐᔾᔨᖃᑦᑕᕐᓂᐊᕐᒪᑦ ᐊᒻᒪᓗ ᑐᑭᒧᐊᑦᑎᑦᑎᓗᓂ ᓄᓇᕗᑦ ᑐᙵᕕᒃ ᑎᒥᖓᓂᒃ ᐃᖅᑲᓇᐃᔭᖅᑎᖏᖕᓄᑦ ᐊᒻᒪᓗ ᐱᓕᕆᖃᑎᒋᓗᒋᑦ ᐊᕕᑦᑐᖅᓯᒪᔪᓂᑦ ᐃᓄᐃᑦ ᑲᑐᔾᔨᖃᑎᒌᖏᑦ (RIAs), ᐊᒻᒪᓗ ᐊᓯᖏᑦ ᓯᓚᑖᓃᑦᑐᑦ ᐱᓕᕆᖃᑎᒋᔭᐅᓲᑦ. ᐊᒻᒪᓗ, ᑲᒪᒋᔭᖃᕆᐊᖃᕋᔭᕐᒥᔪᑦ ᓴᖅᑮᑎᑦᑎᓗᓂ ᐅᑯᓂᖓ ᐱᓪᓗᐊᑕᐅᔪᓂᑦ: ᖃᓄᐃᑉᐱᑖ? ᑲᓇᑕᒥ ᐃᓄᐃᑦ ᐋᓐᓂᐊᖅᑕᐃᓕᒪᓂᖏᓐᓄᑦ ᖃᐅᔨᓵᖅ; ᖃᐅᔨᓴᕐᓂᕐᒧᑦ ᐋᖅᑭᒃᓱᖅᑕᐅᓯᒪᔾᔪᑏᑦ, ᐃᓕᖅᑯᓯᖃᑦᑎᐊᕆᐊᖃᕐᓂᖅ ᐊᒻᒪᓗ ᐊᐅᓚᑦᑎᓂᖅ, ᓄᓇᕗᒻᒥ ᐊᒻᒪᓗ ᑲᓇᑕᒥ ᖃᐅᔨᓴᕐᓂᕐᒧᑦ ᐱᓕᕆᐊᕆᔭᐅᕙᑦᑐᓂᑦ ᐊᒻᒪᓗ ᒪᑭᒪᑎᑦᑎᓇᓱᐊᖃᑦᑕᕐᓂᕐᒥᒃ.

ᐊᐱᖅᓱᖅᑕᐅᔪᓐᓇᖁᓪᓗᑎᑦ ᐅᑯᓂᖓ ᐱᖃᕆᐊᖃᖅᑐᑎᑦ:
• ᖁᑦᑎᓐᓂᖅᓴᒥᒃ ᐃᓕᓴᕆᔭᐅᔾᔪᑎᑖᖅᓯᒪᓗᓂ ᖃᐅᔨᓴᕐᓂᕐᒨᖓᔪᓂᑦ ᐃᓕᓴᕆᔭᐅᓯᒪᔪᒥᒃ ᓯᓚᑦᑐᖅᓴᕐᕕᕐᔪᐊᕐᒥᒃ ᐅᕝᕙᓘᓐᓃᑦ ᓇᓕᒧᓐᓂᓕᒻᒥᒃ;
• ᑕᑯᒃᓴᐅᑎᑦᑎᓗᓂ ᐃᓄᐃᑦ ᖃᐅᔨᓴᕐᓂᕐᒨᖓᓂᖏᓐᓂᒃ, ᐊᑐᐊᒐᓕᕆᓂᕐᒥᒃ, ᐊᒻᒪᓗ/ᐅᕝᕙᓘᓐᓃᑦ ᖃᐅᔨᓴᖅᑕᐅᑦᑎᐊᖅᓯᒪᔪᓂᒃ:
• ᖃᐅᔨᓴᕈᓐᓇᕐᓗᓂ, ᐊᔾᔨᒌᙱᑦᑑᓂᖏᓐᓂᒃ ᖃᐅᔨᓵᖃᕈᓐᓇᕐᓗᓂ ᐊᒻᒪᓗ ᑐᑭᓯᐅᒪᒍᓐᓇᕐᓗᓂ ᐊᑐᐊᒐᕐᓂᒃ, ᐱᖁᔭᕐᓂᒃ ᐊᒻᒪᓗ ᐊᑐᐊᒐᕋᓛᕐᓂᒃ;
• ᐊᐅᓚᑦᑎᖃᑦᑕᓚᐅᖅᓯᒪᓗᓂ ᐱᓕᕆᐊᕐᓂᒃ, ᑮᓇᐅᔭᖅᑐᕈᑎᒃᓴᓂᑦ ᐊᒻᒪᓗ/ᐅᕝᕙᓘᓐᓃᑦ ᖃᐅᔨᓴᕐᓂᕐᒧᑦ ᐊᐃᑦᑑᓯᐊᕐᓂᒃ;
• ᓇᒻᒥᓂᖅ ᐱᓕᕆᐊᖃᕈᒪᓂᖃᖃᑦᑕᕐᓗᓂ, ᐃᓛᒃᑰᖓᔪᒃᑯᑦ ᑲᒪᖃᑦᑕᕐᓗᓂ, ᐅᑉᐱᕐᓇᖅᑑᒍᓐᓇᕐᓗᓂ ᐱᑦᑎᐊᖅᑐᓂᒃ ᑲᒪᖃᑦᑕᕈᓐᓇᕐᓂᖓᓄᑦ ᐊᒻᒪᓗ ᑕᑎᒋᔭᒃᓴᐅᑦᑎᐊᕐᓗᓂ;
• ᐃᖅᑲᓇᐃᔮᖃᖃᑦᑕᕐᓂᑰᓯᒪᓗᓂ ᐃᖅᑲᓇᐃᔭᖃᑎᒌᑦᑐᓂᑦ ᐊᒻᒪᓗ ᐊᔾᔨᒌᙱᑦᑐᓂᑦ ᐃᓱᒪᒋᔭᖃᓲᕐᓂᒃ ᑕᐅᑐᓐᓂᖃᐅᖅᑐᓂᒃ;
• ᐅᔾᔨᖅᓱᑦᑎᐊᖅᓯᒪᒍᓐᓇᕐᓂᖓᓄᑦ ᖃᐅᔨᒪᓂᖃᕐᓂᖓᓂᒃ ᑕᑯᒃᓴᐅᑎᑦᑎᓯᒪᓗᓂ ᐊᒻᒪᓗ ᐃᑉᐱᒍᓱᑦᑎᐊᕈᓐᓇᕐᓂᖓᓄᓪᓗ ᐃᓄᐃᑦ ᐱᔾᔪᑎᖏᓐᓂᒃ ᓱᖅᑯᐃᕐᓇᖅᓯᒪᑎᑦᑎᓗᓂ;
• ᐅᖃᕈᓐᓇᑦᑎᐊᕐᓗᓂ ᑎᑎᕋᕈᓐᓇᑦᑎᐊᕐᓗᓂᓗ;
• ᖃᐅᔨᔭᒃᓴᐅᑎᑦᑎᓗᓂ ᐊᔾᔨᒌᙱᑦᑐᓂᑦ ᐊᒥᓱᓂᑦ ᓯᕗᓪᓕᐅᔾᔭᐅᖁᔭᐅᓯᒪᔪᓂᑦ ᑲᒪᔪᓐᓇᕐᒪᑦ;
• ᐃᖅᑲᓇᐃᔭᕈᓐᓇᑦᑎᐊᕐᓗᓂ ᐊᒥᓱᓂᑦ ᐃᓕᖅᑯᓯᖃᖃᑎᒌᙱᑦᑐᓂᑦ, ᐱᖃᓯᐅᑎᓗᒍ ᒐᕙᒪᒃᑯᑦ ᐊᐅᓚᓂᖏᓐᓂᒃ ᖃᐅᔨᒪᓗᓂ;
• ᐃᓄᒃᑎᑐᑦ ᐃᓄᐃᓐᓇᖅᑐᓪᓘᓐᓃᑦ ᐅᖃᕈᓐᓇᕆᐊᓕᒃ, ᐃᓕᓐᓂᐊᕈᒪᓂᖃᕐᓗᓂᓘᓐᓃᑦ.
• ᓴᙱᔪᒥᒃ ᐊᑲᐅᙱᓕᐅᕈᑎᐅᔪᓂᑦ ᐋᖅᑮᔪᓐᓇᑦᑎᐊᕆᐊᓕᒃ ᐊᒻᒪᓗ ᖃᐅᔨᓴᕈᓐᓇᑦᑎᐊᕆᐊᓕᒃ
• ᓱᖏᐅᑎᓴᕋᐃᒍᓐᓇᑦᑎᐊᕆᐊᓕᒃ, ᖃᐅᔨᓴᖃᑦᑕᕐᓗᓂ, ᐊᒻᒪᓗ ᖃᓄᖅᑑᖃᑦᑕᕐᓗᓂ;
• ᑕᑯᒃᓴᐅᑎᑦᑎᔭᕆᐊᓕᒃ ᐱᓕᕆᖃᑎᖃᑦᑎᐊᕈᓐᓇᕐᓂᖓᓂᒃ ᐊᒻᒪᓗ ᑲᙳᓇᖅᑐᒦᑎᑦᑎᒍᓐᓇᕐᓂᖓᓂᓪᓗ ᑐᑭᓯᒋᐊᕈᑎᓂᑦ;
• ᐊᒥᓱᓂᑦ ᐱᓕᕆᐊᖃᕈᓐᓇᑦᑎᐊᕆᐊᓕᒃ ᐊᑕᐅᑦᑎᒃᑯᑦ ᐃᖅᑲᓇᐃᔭᕐᕕᖓ ᐃᓱᓕᕝᕕᐅᑦᑎᐊᕐᓂᖓᓄᑦ ᐱᔭᕇᖅᓯᒪᔭᕆᐊᓕᓐᓂᒃ

ᐃᖅᑲᓇᐃᔭᖅᑎᑖᕆᔭᐅᖅᑳᕋᔭᖅᑐᑦ ᐃᓄᐃᑦ ᐊᑎᓕᐅᖅᑕᐅᖃᑕᐅᓯᒪᔪᑦ ᓄᓇᕗᑦ ᐊᖏᕈᑎᖓᓄᑦ.

ᑮᓇᐅᔾᔭᒃᓵᖏᑦ ᐱᒋᐊᕋᔭᖅᑐᑦ $137,192.00 ᐊᕐᕌᒍᒧᑦ (ᒪᓕᓪᓗᒋᑦ ᐃᖅᑲᓇᐃᔮᕆᖃᑦᑕᕐᓂᑯᒥᓂᖏᑦ) ᐃᑲᔫᓯᐊᖅᑖᕈᑎᓄᓪᓗ ᐱᖃᓯᐅᑎᓪᓗᒋ ᐃᖅᑲᓇᐃᔭᖅᑏᑦ ᓄᖅᑲᐅᓯᖏᖕᓄᑦ ᐸᕐᓇᐅᑎᖃᕐᓗᓂ, ᐃᖅᑲᓇᐃᔭᖅᑏᑦ ᓇᓪᓕᐅᒃᑯᒫᖏᑦ ᐊᒻᒪᓗ ᕿᑲᕆᐊᕐᓂᕐᒧᑦ ᐊᐅᓪᓚᕈᑏᑦ ᐃᑲᔫᓯᐊᖏᑦ.

ᐃᒡᓗᓄᑦ ᐃᑲᔫᑎᖃᕐᓗᑎᑦ $34,192.00

ᐃᖅᑲᓇᐃᔮᒃᓴᑦ ᓇᓗᓇᐃᔭᖅᓯᒪᓂᖏᓐᓄᑦ, ᖃᐅᔨᒃᑲᕐᓗᒍ:
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᙵᕕᒃ ᑎᒥᖓ
ᑲᖏᖅᖠᓂᖅ, ᓄᓇᕗᑦ X0C-0G0

ᐅᖄᓚᐅᑎᖓ: 867-645-5440
ᓱᑲᑦᑐᒃᑯᑦ ᓈᓴᐅᑎᖓ: 867-645-5414

ᒪᑐᕕᒃᓴᖓ ᐃᖅᑲᓇᐃᔮᖅᑖᕋᓱᐊᕐᓗᓂ: ᕖᕝᕗᐊᕆ 16, 2024

Download (PDF, 175KB)

ᐱᓇᓱᐊᒐᕗᑦ: ᐃᓄᖕᓄᑦ ᐱᕚᓪᓕᕈᑎᒃᓴᑦ, ᐃᓅᓯᒃᑯᑦ ᐊᒻᒪᓗ ᐃᓕᖅᑯᓯᑐᖃᕐᒥᒍᑦ ᒪᑭᒪᑦᑎᐊᕈᓐᓇᖁᓪᓗᒋᑦ ᐊᑐᓕᖅᑎᑕᐅᔮᓪᓕᓂᐊᑎᓪᓗᒋᑦ ᓄᓇᕗᒻᒥ ᓄᓇᑖᕈᑏᑦ ᐊᖏᕈᑎᖏᑦ.