ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᐊᒻᒪᓗ ᐱᖓᓱᑦ ᐊᕕᑦᑐᖅᓯᒪᓃᑦ ᑲᑐᔾᔨᖃᑎᒌᖏᑦ (RIA) ᐋᖅᑭᓱᐃᒻᒪᑕ ᓄᓇᕗᒻᒨᖓᔪᒥᒃ ᖁᓕᓄᑦ ᐊᕐᕌᒍᓄᑦ ᐊᐅᓚᔾᔭᐃᓂᕐᒧᑦ ᐸᕐᓇᐅᑎᓂᒃ ᓇᓗᓇᐃᖅᓯᓂᐊᖅᑐᓂᒃ ᑐᕌᒐᕐᓂᒃ ᐊᒻᒪᓗ ᒪᓕᒐᖅᑎᒎᖏᑦᑐᖅ ᑲᒪᒋᔪᓐᓇᑕᑦᑎᓐᓂᒃ ᓴᐳᔾᔨᓂᕐᒧᑦ, ᓴᑐᐃᓂᕐᒧᑦ, ᐊᒻᒪᓗ ᐋᖅᑭᐅᒪᒍᑎᒃᓴᓂᒃ ᐃᓄᒃᑐᑦ. ᓄᓇᕗᒻᒨᖓᔪᑦ ᐊᐅᓚᔾᔭᐃᓂᕐᒧᑦ ᐸᕐᓇᐅᑏᑦ ᑲᔪᓯᑎᑕᐅᓂᐊᖅᑐᑦ ᐃᓚᖓᒍᑦ ᐃᓄᐃᑦ ᐊᔾᔨᐅᖏᑦᑐᒦᓐᓂᕐᒧᑦ ᑮᓇᐅᔭᓕᑕᐅᒍᑎᒃᓴᓂᒃ ᑖᒃᑯᓇᖓᑦ ᓄᓇᖃᖅᑳᖅᓯᒪᔪᑦ ᐅᖃᐅᓯᓕᕆᔨᖏᓐᓂᒃ.
2025-2026 ᑐᒃᓯᕋᐅᑏᑦ
ᓄᓇᕗᑦ ᑐᙵᕕᒃ ᑎᒥᖓᑕ ᑐᓴᖅᑎᑦᑎᔭᕆᐊᒃᓴᖅ 2025-2026-ᒥ ᐅᖃᐅᓯᕐᖓᖅ ᑮᓇᐅᔭᓄᑦ ᑐᒃᓯᕋᐅᑎᓕᐅᖁᔨᔾᔪᑎᓕᐅᕈᓐᓇᖅᓯᒻᒪᑕ. ᑐᒃᓯᕋᐅᑏᑦ ᑕᑯᒃᓴᐅᑎᑦᑎᔭᕆᐊᓖᑦ ᖃᓄᖅ ᖃᓄᐃᓕᐅᕈᑕᐅᒐᔭᖅᑐᑦ ᐱᔨᑦᑎᕋᕋᔭᕐᒪᖔᕐᒥᒃ ᐊᒥᓲᓂᖅᓴᖏᖕᓄᑦ ᓄᓇᕗᒻᒥ ᐃᓄᒻᒪᕆᖏᑦ ᐊᒻᒪᓗ ᐃᑲᔪᖅᑐᐃᓗᑎᑦ ᐊᑕᐅᓯᕐᒥᒃ ᐅᖓᑖᓄᓪᓘᓐᓃᑦ ᑮᓇᐅᔭᑦ ᐊᑐᖅᑕᐅᔪᓐᓇᕐᓂᖏᑦᑕ ᓯᕗᓪᓕᐅᑎᑕᐅᒐᔭᖅᑐᑦ ᐱᑎᑕᐅᓗᑎᑦ, ᐱᖃᓯᐅᑎᓗᒋᑦ ᐅᑯᐊ:
1. ᐃᓄᒃᑐᑦ ᑕᑯᓐᓇᒐᒃᓴᓕᕆᓂᖅ ᓴᓇᙳᐊᕐᓂᖅ ᑕᐅᑐᕋᓐᓈᑎᑦᓯᓂᕐᓗ
2. ᐃᓄᒃᑐᑦ ᐃᓕᓐᓂᐊᖅᑎᑦᑎᓂᖅ
3. ᐃᓄᒃᑐᑦ ᐅᖃᐅᓯᕐᒥᒃ ᐊᔪᕈᓐᓃᖅᓴᑎᑦᑎᓂᖅ
4. ᐃᓄᒃᑐᑦ ᓄᓇᓕᓐᓂ ᐱᓕᕆᐊᓕᐅᕐᓂᖅ
5. ᐃᓄᒃᑐᑦ ᐅᖃᐅᓯᖅ ᑎᑎᖅᑐᖅᑕᐅᓂᖓ
