ᒫᓐᓇᒧᑦ ᐊᐅᓚᔾᔭᒃᑕᐅᓯᐊᖅᓯᒪᔪᑦ

“ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ ᐱᓕᕆᔾᔪᑎᖏᑦ

ᐃᓕᓐᓂᐊᕐᑐᓄᑦ ᐃᑲᔫᑎᑦ ᐱᓕᕆᔾᔪᑎᑦ

ᑐᒃᓯᕋᕈᑎᓕᐅᕐᕕᐅᑉ ᐃᓱᓕᒃᕕᖓᑕ ᐅᓪᓗᖓ
ᐃᑲᔫᑎᒃᓴᓕᕆᔨᒃᑯᑦ ᓯᓚᑦᑐᓴᕐᕕᖕᒥ ᐃᓕᓐᓂᐊᕐᑐᓄᑦ ᐃᑲᔫᑎᓄᑦ ᑐᒃᓯᕋᕈᑎᑦ ᐱᔭᐅᔪᓐᓇᕐᓯᓛᕐᑐᑦ ᔪᓚᐃ 18, 2022-ᒥᑦ ᐊᒡᒋᓯ 31, 2022-ᒧᑦ

ᓯᓚᑦᑐᕿᕕᖕᒥ ᐃᓕᓐᓂᐊᕐᑐᓄᑦ ᐃᑲᔫᑎᑦ ($2,500)

ᐃᓕᓐᓂᐊᕐᑎᓄᑦ ᓇᓗᓇᐃᕐᑕᐅᓯᒪᔪᓄᑦ ᐃᓕᓐᓂᐊᕆᐊᓐᓂᖏᓐᓄᒃ ᐃᓕᑕᕆᔭᐅᓯᒪᔪᒥ ᓯᓚᑦᑐᓴᕐᕕᖕᒥ ᓲᕐᓗᖃᐃ ᓯᓚᑦᑐᓴᕐᕕᒃ ᐅᕝᕙᓗ ᓯᓚᑦᑐᓴᕐᕕᒃᔪᐊᕐᒥ ᐅᑯᓂᖓ ᐃᓕᓐᓂᐊᕐᑐᓄᑦ;
• ᐃᓕᓐᓂᐊᕐᑕᖏᑦ ᐃᓂᕐᓯᒍᑕᐅᓂᐊᕐᑎᓪᓗᒋᑦ bachelor degree−ᒥᒃ ᐅᕝᕙᓗ ᖁᑦᑎᓂᕐᓴᒥᒃ,
• ᐃᓂᕐᓯᒍᑎᑖᕈᑕᐅᔪᓐᓇᕐᑐᖅ ᐃᓕᓐᓂᐊᕐᑕᒥᓄᑦ ᐅᑭᐅᓐᓄᑦ ᒪᕐᕉᓐᓄᑦ ᐅᕝᕙᓗ ᐊᑯᓂᐅᓂᕐᓴᖅ,
• ᓯᓚᑦᑐᓴᕐᕕᖕᒥ ᐃᓕᓐᓂᐊᕐᑐᖅ ᐱᔭᕇᔭᕐᐸᓪᓕᐊᒍᑦ ᐃᓕᓐᓂᐊᓛᕐᑕᒥᓄᑦ ᐊᑯᓂᐅᓂᓕ ᐅᑭᐅᕐᒥ ᐊᑕᐅᓯᕐᒥᒃ ᐅᕝᕙᓗ ᐅᖓᑖᓄᑦ, ᑐᕌᕈᑕᐅᓪᓗᓂ ᐱᔭᕇᔭᕐᓯᒪᓕᕈᑕᐅᓂᐊᕐᓗᓂ ᐃᓕᓐᓂᐊᕐᑎᒧᑦ ᓯᓚᑦᑐᓴᕐᕕᖕᒥ ᐃᓕᓐᓂᐊᓂᖃᓛᕐᓂᖓᓄᑦ ᐃᓂᕐᓯᒍᑎᑖᕈᑎᒋᓂᐊᕐᓗᓂᐅᒃ degree-ᑖᕐᓗᓂ ᐅᕝᕙᓗ diploma-ᑖᕐᓗᓂ ᑕᐃᒪᓐᓇ ᓇᓗᓇᐃᔭᕐᑕᐅᓯᒪᒻᒪᑕ ᖁᓛᓂ.

ᓯᓚᑦᑐᓴᕐᕕᖕᒥ ᐃᓕᓐᓂᐊᕐᑐᓄᑦ ᐃᑲᔫᑎᑦ ᑐᓂᔭᐅᔪᓐᓇᕐᐳᑦ ᒪᕐᕈᐃᓕᖓᓗᑎᒃ ᑮᓇᐅᔭᑦ $1,250 ᐃᓛᒃᑰᑕᕐᓗᑎᒃ (ᓯᑎᑉᐱᕆᒥ ᐊᒻᒪ ᔮᓐᓄᐊᕆᒥ). ᐃᓕᓐᓂᐊᕐᑏᑦ ᓇᓗᓇᐃᖅᑕᐅᓯᒪᔭᕆᐊᖃᖅᐳᑦ ᐃᓕᓐᓂᐊᖏᓐᓇᓂᐊᕐᓂᖏᓐᓂᒃ ᐃᓕᓐᓂᐊᕐᑕᒥᓂᒃ ᐅᑭᐊᒃᓵᒥ ᐊᒻᒪ ᐅᑭᐅᒥ ᓯᓚᑦᑐᓴᕐᕕᖕᒥ. ᐃᓕᓐᓂᐊᖅᑏᑦ ᑐᓂᓯᔭᕆᐊᖃᖅᐳᑦ ᐃᑲᔫᑎᒃᓴᓕᕆᔨᒃᑯᓐᓄᑦ ᓇᓗᓇᐃᕈᑎᓂᒃ ᐊᑎᓕᐅᖅᑕᐅᓯᒪᓂᕐᒥᓄᑦ ᓯᓚᑦᑐᓴᕐᕕᖕᒥ ᑎᑎᖅᑲᓂᒃ ᐊᐃᒃᐹ ᑮᓇᐅᔭᕐᑖᒃᓴᖓ ᑐᓂᔭᐅᓚᐅᕐᑎᓐᓇᒍ. ᓯᓚᑦᑐᓴᕐᕕᖕᒥ ᐃᓕᓐᓂᐊᕐᑕᖏᓐᓄᑦ ᑎᑎᖅᑲᑦ ᐅᕝᕙᓗ ᖃᖓᒃᑯᑦ ᐃᓕᓐᓂᐊᐸᒻᒪᖓᑦ ᓇᓗᓇᐃᕈᑏ ᐊᑑᑎᖃᖅᑎᑕᐅᔪᓐᓇᖏᓚᑦ ᓱᓕᓂᕋᕈᑕᐅᓂᐊᕐᓗᑎᒃ ᐃᓕᓐᓂᐊᓂᐊᕐᓂᕐᒥᓄᑦ ᐊᑎᓕᐅᕐᑕᐅᓯᒪᒍᑎᒥᓄᑦ.

ᐃᓕᓴᓂᒃ ᐊᒻᒪ ᐃᖅᑲᓇᐃᔮᒃᑖᓂᐊᕐᓗᓂ ᐃᓕᓐᓂᐊᕐᑐᓄᑦ ᐃᑲᔫᑎᑦ ( $1,500)

ᐃᓕᓐᓂᐊᕐᑐᓄᑦ ᐱᓇᓱᐊᕈᓯᕐᓄᑦ ᑎᓴᒪᓄᑦ ᐅᕝᕙᓗ ᐊᑯᓂᐅᓂᕐᓴᖅ, ᑭᓯᐊᓂ ᐅᑭᐅᒃ ᒪᕐᕉᒃ ᑐᖔᓂ, ᐃᓕᓐᓂᐊᑎᓪᓗᒍ ᐅᑯᓂᖓ:
• ᓴᓇᔨᕈᕆᐅᖅᓴᓂᕐᒧᑦ ᐱᓕᒻᒪᓴᓂᖅ,
• ᖃᐅᔨᒪᓂᕐᑖᓂᕐᒧᑦ ᐃᓕᓐᓂᐊᕐᓂᖅ,
• ᒍᕋᐃᑦᒥᓂᒃ ᖁᑦᑎᒃᓯᒋᐊᕈᑎᓂᒃ (A.B.E., P.A.S.S., G.E.D., ᐱᒋᐊᙵᕈᑎᑦ ᐅᑭᐅᖓᓂ, ᓴᓇᔭᕆᐅᖅᓴᓛᑐᐃᓐᓇᕐᓗᑎᒃ ᐱᔭᕇᔭᕈᑎᑦ, ᐊᓯᖏᓪᓗ

ᑕᐃᒃᑯᐊ ᑐᒃᓯᕋᕈᑎᓕᐅᕐᑐᑦ ᓴᓇᔭᕆᐅᕐᓴᓂᕐᒧᑦ ᐊᒻᒪ ᐃᖅᑲᓇᐃᔮᕐᑖᓂᐊᕐᓗᓂ ᐃᓕᓐᓂᐊᕐᑐᓄᑦ ᐃᑲᔫᑎᑦ ᑐᒃᓯᕋᕈᑎᐅᖁᔭᐅᕗᑦ ᐃᓕᓐᓂᐊᕆᐊᕈᓐᓇᕐᓂᕋᖅᑕᐅᓕᑐᐊᒍᑎᒃ ᐃᓕᓴᕆᔭᐅᓯᒪᔪᓄᑦ ᐃᓕᓐᓂᐊᕈᑎᓄᑦ ᐃᓕᓐᓂᐊᕐᓇᐅᒐᔪᒃᑑᑉ ᐅᓪᓗᖏᑕ ᐊᓯᐊᒎᖓᒃᐸᑕ.

ᑐᒃᓯᕋᕈᑎᑦ ᑐᑭᓯᐅᒪᒍᑎᓂᒃ ᐃᓚᖃᕆᐊᖃᖅᐳᑦ ᐊᑖᓂ ᑎᑎᕋᕐᓯᒪᔪᓂᒃ:
• ᐃᓂᕐᓯᒪᓗᑎᒃ ᐊᒻᒪ ᐊᑎᓕᐅᕐᓯᒪᓗᑎᒃ ᑐᒃᓯᕋᕈᑎᓄᑦ ᑎᑎᕋᕐᕕᒃᓴᖅ;
• ᒫᓐᓇᕐᓂᓴᓂᒃ ᓇᓗᓇᐃᕆᔪᓂᒃ ᐃᓕᓐᓂᐊᕕᖕᒥ ᐊᑎᓕᐅᕐᑕᐅᓯᒪᒍᑎᒥᓂᒃ ᐅᕝᕙᓗ ᐃᓕᓐᓂᐊᑲᓐᓂᓂᐊᕐᓂᕐᒥᓂᒃ ᑎᑎᖅᑲᐅᓗᑎᒃ;
• ᐊᔾᔨᖓᓂᒃ ᑭᓇᐅᖕᒪᖔᑦ ᓇᓗᓇᐃᕈᑎᖓᓂᒃ; ᐊᒻᒪ,
• ᐊᑑᑎᖃᕈᓐᓇᖏᑦᑐᒥᒃ ᑮᓇᐅᔭᒃᓴᒥᒃ. ᐅᕝᕙᓗ ᐊᑐᕈᓐᓇᖏᑦᑐᒥᐅᙱᒃᐸᑦ ᐅᕝᕙᓗ ᑮᓇᐅᔭᒃᑯᕕᒧᑦ ᑐᑭᓯᓯᒪᒍᑎᓂᒃ ᐱᑎᑦᓯᐸᑦ ᑮᓇᐅᔭᒃᓴᑦ ᓇᑦᓯᐅᔾᔭᐅᔪᓐᓇᓂᐊᕐᒪᑕ ᑎᑎᖅᑲᓂᐊᕐᕕᒃᑯᑦ.

ᐃᑲᔫᑎᒃᓴᓕᕆᔨᒃᑯᑦ ᐱᔪᓐᓇᕐᓂᖃᕈᑎᖃᖅᐳᑦ ᐃᓱᓕᑦᑕᕐᕕᖃᓐᓂᐊᕐᓂᖏᓐᓂᒃ ᐱᑎᑕᐅᔪᑦ ᓯᕗᓪᓕᖅᐹᑦ ᑭᖑᓕᕇᑦᑕᕐᓗᒋᑦ ᐱᑎᑕᐅᕙᓐᓂᐊᕐᒪᑕ. ᑮᓇᐅᔭᖃᕈᑏᑦ ᓄᖑᒃᐸᑕ, ᑐᒃᓯᕋᕈᑎᑦ ᑎᑭᑦᑑᒐᓗᐅᑦ ᐊᖏᖅᑕᐅᔪᓐᓇᐃᓕᒐᔭᕐᒪᑕ. ᐃᑲᔫᑎᒃᓴᓕᕆᔨᒃᑯᑦ ᐃᑲᔪᕈᑎᖏᑦ ᑮᓇᐅᔾᔭᒃᓵᑎᑐᑦ ᐱᔭᐅᖕᒪᑕ ᐃᓐᑲᒻᑖᒃᓰᔭᕈᑎᑎᒍᑦ ᐊᒻᒪ T4A ᑐᓂᔭᐅᒐᔭᕐᑐᓂ ᐃᑲᔫᓯᐊᕐᑖᕐᑐᒧᑦ.

ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᒃᓴᑦ

ᐃᓕᓐᓂᐊᕐᑎᓄᑦ ᐃᑲᔫᑎᑦ ᐱᓕᕆᔭᐅᓂᖏᓐᓄᑦ ᐊᑐᐊᒐᖅ