ᔫᓯ ᐊᒪᐅᔭᖅ ᑯᓱᒐᖅ. ᑐᙵᓇᑦᑎᐊᓚᐅᖅᑐᖅ – ᑕᐅᑐᒃᑕᒃᑯᑦ ᐅᓂᒃᑳᕐᓂᖅ ᐃᓅᓯᖓᓂᒃ. ᔫᓯ ᐃᑲᔪᕋᓱᓚᐅᖅᑐᖅ ᐃᖕᒥᓂᒃ ᐱᓇᓂ, ᐃᓱᒪᖅᓱᓕᕌᖓᒥᑦ ᐊᒻᒪᓗ ᐃᓚᒋᔭᒥᓂᒃ ᓄᓇᕗᑦ ᓄᓇᕘᖑᖃᓪᓗᒍ. ᐱᓕᕆᕈᓘᔭᖅᑲᑦᑕᓂᕐᒥᓄᒃ ᓯᓚᑐᔫᓚᐅᖅᑐᖅ, ᑭᖑᕝᕕᑲᐅᖅᑐᕈᓐᓇᖏᑦᑐᒥᒃ ᐅᑭᐅᖅᑕᖅᑐᒥᐅᓄᑦ – ᓄᓇᕗᑦ ᐃᓄᖕᓄᑦ ᑐᑭᓕᐅᖅᑕᐅᕙᒃᖢᓂ. ᓯᕗᓕᐅᖅᑎᒋᓚᐅᖅᑕᕗᑦ ᐆᒻᒪᑎᒥᐅᑕᕆᔭᕗᑦ. ᐱᓪᓗᐊᑕᐅᓂᖅᐹᒥᑦ ᐃᓚᙵᐅᑎᖃᓚᐅᖅᑐᒍᑦ ᓄᓇᕗᒻᒥᐅᑎᒍᑦ. ᑲᔪᓯᑎᑦᑎᒋᐊᕈᒪᔪᖓ ᐱᓕᕆᓚᐅᖅᑕᖓᓂᒃ ᐃᓕᓐᓂᐊᕐᓂᕐᒧᑦ ᐅᑭᐅᖅᑕᖅᑐᒥᒃ ᓯᕗᓂᒃᓴᑦᑎᓐᓂᒃ ᐃᓄᒃᑎᑐᑦ.
ᒥᑦᑎᒪᑕᓕᖕᒥ ᐱᕈᖅᓴᓚᐅᖅᑐᖓ ᓄᓇᕗᒻᒥᑦ ᐃᓄᖕᒥᑦ ᐊᑖᑕᖃᖅᖢᖓ ᐊᒻᒪᓗ ᐄᖓᓚᒥᐅᑕᕐᒥᒃ ᐊᓈᓇᖃᖅᖢᖓ. ᐱᖓᓱᓂᒃ ᖃᑕᙳᑎᖃᖅᖢᖓ ᐊᒻᒪ ᐃᓚᖃᕈᓘᔭᖅᑐᐊᓘᓪᓗᖓ. ᐱᕈᖅᓴᕐᖢᖓ ᐃᓛᒌᓕᒫᑎᒍᑦ ᐅᐱᙶᒃᑯᑦ ᐊᐅᓪᓚᖅᐸᓚᐅᖅᑐᒍᑦ ᐊᖑᓇᓱᒋᐊᖅᖢᑕ ᐊᒻᒪᓗ ᐃᖃᓗᒐᓱᒋᐊᖅᖢᑕᓗ. ᓲᕐᓗ ᐱᙳᐊᕐᕕᒡᔪᐊᕐᒧᐊᖅᑐᒍᑦ ᐊᓯᕙᐅᖅᑲᕈᓘᔭᓕᕌᖓᑦᑕ ᐊᒻᒪ ᓂᕆᕈᓘᔭᖅᐸᒃᖢᑕ ᑭᓱᑐᐃᓐᓇᕐᓂᒃ ᓂᕿᓂᒃ. ᐅᓪᓗᒥᓱᓕ ᐃᖅᑲᐅᒪᖃᑦᑕᖅᑐᖓ ᑖᒃᑯᓂᖓ ᐊᐅᓪᓚᖅᓯᒪᓂᕆᖃᑦᑕᓚᐅᖅᑕᑦᑎᓐᓂᒃ ᑲᑎᑦᑕᕋᖓᑦᑕ ᐃᓚᒌᓕᒫᑎᒍᑦ ᓲᕐᓗ ᐅᓇᑕᖅᑐᒃᓴᑎᑐᑦ ᐃᓄᒋᐊᒃᑎᑦᑎᒋᓗᑎᒃ. ᑭᓯᐊᓂ ᐅᓪᓗᒥ ᐃᓕᓐᓂᐊᕈᑎᒋᓂᐊᖅᑕᓐᓄᑦ – ᐃᓅᓯᑐᖃᕋ ᓴᒃᑯᓪᓗᒍ ᑕᒪᒃᑯᐊ ᐃᓄᒃᑎᑐᑦ ᐃᓕᖅᑯᓯᐅᔪᑦ ᐃᓕᑦᑎᐊᖁᓪᓗᒋᑦ.
ᐃᓄᐃᑦ ᐱᖅᑯᓯᖏᑦ ᐱᓂᐊᕐᓂᖓᓪᓗ ᐱᕈᖅᓴᐅᑎᒋᓚᐅᖅᑕᕗᑦ ᐃᒡᓗᑦᑎᓐᓂ. ᐊᓈᓇᒐ ᖃᓪᓗᓈᖑᒐᓗᐊᖅᖢᓂ ᐃᒃᐱᒋᔭᖃᑦᑎᐊᓚᐅᖅᑐᖅ ᐃᓄᐃᑦ ᐱᖅᑯᓯᖏᓐᓂᒃ ᐅᖃᐅᓯᖏᓐᓂᒡᓗ ᐃᓄᐃᑦ ᐳᐃᒍᖅᑕᐅᖁᓇᒋᑦ ᐃᖅᑲᓇᐃᔭᕐᒥᒍᑦ ᐊᒻᒪᓗ ᐅᑭᐅᖅᑕᖅᑐᒥᑦ ᑲᔾᔮᕆᔭᖃᕐᓂᕐᒥᒍᑦ. ᓂᖏᐅᕋᓕ – ᐃᓕᓴᐱ ᐆᑦᑐᕙᒃ – ᐃᓅᓯᖕᓂᒃ ᐊᒃᑐᐃᓯᒪᔭᒻᒪᕆᐊᓗᒃ. ᓱᖅᑯᐃᒪᑦᑎᐊᖅᑐᖅ ᐃᓄᐃᑦ ᐱᖅᑯᓯᖏᓐᓂᒃ, ᖃᓄᖅ ᕿᑐᙵᖃᑦᑎᐊᕐᓂᕐᒥᑦ ᐃᓄᑦᑎᐊᕋᓱᖕᓂᕐᒥᑦ ᐊᒻᒪ ᐅᖃᓪᓚᑦᑎᐊᕈᓐᓇᕐᓂᕐᒥᒃ ᐃᓄᒃᑎᑐᑦ. ᐅᐃᖃᖏᒃᑲᓗᐊᖅᖢᖓ ᒪᕐᕈᓐᓂᒃ ᐃᕐᓂᖃᖅᖢᖓ ᐱᕈᖅᓴᓪᓗᒋᑦ ᐅᑭᐅᖅᑕᖅᑐᒦᖏᑦᑐᖅ ᐊᔪᕐᓇᕋᓗᐊᖅᑎᓪᓗᒍ ᑭᓯᐊᓂ ᐃᓄᒃᑎᑐᑦ ᐱᒍᖅᑕᐃᓕᒪᖃᑦᑕᖅᑐᒍᑦ ᐃᓚᒌᑎᒍᑦ.
ᐃᓕᓐᓂᐊᕐᓂᕆᔭᒃᑯᑦ ᐃᓄᐃᑦ ᐃᓕᖅᑯᓯᖓᓐᓂᒃ ᓯᕗᒧᐊᖅᑎᑦᑎᒃᑲᓐᓂᕋᓱᒃᐳᖓ. ᐃᓅᓯᖃᑦᑎᐊᖁᓪᓗᒋᑦ ᐃᓱᒪᒥᒍᑦ ᐊᒻᒪᓗ ᐃᓕᖅᑯᓯᒥᒍᑦ ᐅᖃᐅᓯᕐᒥᒍᓪᓗ. ᖃᓄᐃᖏᑦᑎᐊᕐᓗᑎᑦ ᐅᖃᓪᓚᖃᑎᒋᑦᑎᐅᖃᓪᓗᒋᑦ ᑐᑭᓯᓇᑦᑎᐊᖅᑐᒥᑦ ᐃᓪᓕᖅᑯᓯᕗᑦ ᐆᒪᑦᑎᐊᖁᓪᓗᒋᑦ ᐊᖏᕐᕋᒥᒃᑎᒍᑦ. ᓄᓇᕗᖕᒦᖏᒃᑲᓗᐊᕈᑦᑕ ᐱᓕᕆᔪᓐᓇᑦᑎᐊᕐᓗᑕ. ᔫᓯᐅᑉ ᐅᖃᐅᓯᒋᓚᐅᖅᑕᖓ ᐅᕙᑦᑎᓐᓂᒃ ᐸᖅᑭᑦᑎᐊᕐᓗᑕ ᐊᒻᒪᓗ ᐃᓐᓇᐃᑦ ᐱᖅᑯᓯᖏᓐᓂᑦ ᓯᕗᒧᐊᖅᑎᑦᑎᒋᐊᕐᓗᑕ. ᐃᓕᓯᒪᔪᕗᑦ ᐃᓐᓇᕐᓂᑦ ᒪᓕᒡᓗᒍ. ᐱᓂᖅᓴᐅᑦᑎᐊᕋᔭᖅᑐᖅ ᓯᕗᓂᒃᓴᑦᑎᓐᓂᒃ ᑎᑎᕋᖅᓯᒪᔭᒃᑯᑦ ᐊᒻᒪᓗ ᐅᖃᓪᓚᖕᓂᒃᑯᑦ ᐃᓄᖃᑎᒌᑎᒍᑦ ᑭᓯᐊᓂ ᑐᑭᓯᖃᑦᑕᐅᑎᔪᓐᓇᖅᑐᒍᓪᓖᓐᓃᑦ ᐅᖃᓪᓚᖏᒃᑲᓗᐊᕐᓗᑕ ᕿᒥᕆᐊᕗᑦ ᐊᑐᕐᓗᒍ “ᐊᖏᖅ” ᐅᕝᕙᓘᓐᓃᑦ “ᐋᒃᑲ”!
ᑐᑭᓯᐅᒪᔭᑯᑦ ᓴᙱᓂᖅᐹᖑᒐᔭᖅᑐᖅ ᐅᓪᓗᒥᒧᑦ ᓯᕗᓕᖅᑎᐅᓂᐊᕈᑦᑕ ᓄᓇᕗᑦ ᐃᓗᐊ ᓯᓚᑖᓐᓂᓪᓘᓐᓃᑦ ᓯᕗᓂᒃᓴᕆᓂᖅᑕᑦᑎᓐᓂᒃ ᐃᓅᓯᕐᒧᑦ. ᐃᓕᓐᓂᐊᕐᓂᕆᔭᕋ ᒪᓕᖦᖢᒍ ᐃᓱᒪᖃᑦᑎᐊᕈᓇᖁᓪᓗᖓ, ᐃᓅᖃᑎᖕᓂᒃ ᐱᓕᕆᖃᑎᖃᓕᕈᒪ ᑲᓇᑕᒥᐅᑕᐅᖃᑎᓐᓂᒃ. ᔫᓯᑎᑐᑦ ᐃᖃᓗᒋᒃᑲᓗᐊᖅᑎᓪᓗᖓ ᐱᔨᔅᓯᕐᓗᖓ ᐃᓄᖕᓂᑦ ᓂᐱᒋᔭᐅᓗᖓᓗ ᑕᒪᒃᑯᓂᖓ ᐃᓅᑦᑎᐊᕐᓂᕐᒥᑦ ᐊᒻᒪᓗ ᐃᓕᓐᓂᐊᑦᑎᐊᕐᓂᕐᒥᒃ.
ᐱᕕᖃᑦᑎᑕᐅᒍᒪ ᐃᓄᑐᓕᕈᓇᖃᓂᑯᓗᖓ ᐃᕿᐊᒋᔭᖏᑕᕋ. ᐊᑐᖅᓗᒍ ᖃᐅᔨᒪᔪᑕᖃᖏᑦ ᐅᑭᐅᖅᑕᖅᑐᓕᒫᒥ ᐊᒻᒪᓗ ᓱᖅᑭᑎᑎᑲᓂᓗᖓ ᓄᑖᓂᒃ ᐊᒻᒪᓗ ᐃᓕᑦᑎᒃᑲᓐᓂᕐᓗᖓ ᐃᓄᑐᖃᕐᓂᒃ ᐊᒻᒪᓗ ᑐᑭᓯᐅᒪᖃᑎᒋᑎᐊᖅᒃᕐᓂᕐᒥᒃ ᑕᒪᓐᓇ ᐊᑐᕐᓗᒍ ᐃᓕᓐᓂᐊᒃᑲᓐᓂᕈᒪ ᑭᓯᐊᓂ ᑕᒪᓐᓇ ᐊᑐᕈᓐᓇᙱᓚᐅᑲᒃᑕᕋ. ᑕᒫᓂ ᐅᑭᐅᖅᑕᖅᑐᒥ ᐃᓱᒪᓕᕆᓂᖅᑕᖃᙱᓗᐊᑲᖕᒪᑦ ᑕᕝᕙᓕ ᐋᑐᐋᒥ ᐃᓕᓐᓂᐊᖅᑐᖓ ᐃᓱᒪᓕᕆᓂᕐᒥᒃ.
ᓂᖏᐅᕐᒪ ᐅᖃᐅᑎᓚᐅᖅᓯᒪᒎᖓ ᑐᖁᔪᖃᕌᖓ ᐳᐃᒍᖅᑕᐃᓕᒪᓗᒋᑦ ᐅᖃᐅᓯᕆᓚᐅᖅᑕᖏᑦ. ᔫᓯ ᑕᐅᑐᒃᖢᒍ ᑲᙳᓱᖏᑦᑎᐊᖅᖢᓂ ᐃᓄᐃᑦ ᐱᖅᑯᓯᖏᓐᓂᒃ ᐊᑐᓚᐅᖅᑐᖅ ᐊᒻᒪᓗ ᐅᖃᓪᓚᒍᓐᓇᑦᑎᐊᖅᖢᓂ ᐃᓄᐃᑦ ᓵᖏᓐᓂ. ᑕᐃᒪᐃᒻᒪᑦ, ᐃᓅᓯᕐᓃᒃᑲᓗᐊᖅᑎᓪᓗᒍ ᐊᒻᒪᓗ ᐃᓕᓐᓂᐊᖅᑎᐊᒐᓗᐊᖅᑎᓪᓗᖓ, ᐅᐃᖃᖏᖦᖢᖓᓗ ᐊᒃᓱᕈᐃᓐᓇᖃᑦᑕᖅᑐᖓ ᐃᓄᐃᑦ ᐱᖅᑯᓯᖏᑦ ᐃᓕᓐᓂᐊᖃᑎᖕᓄᑐᐊᖓᖏᑦᑐᖅ ᐊᒻᒪᓗ ᐃᕐᓃᖕᒪᑦ ᐃᓕᓐᓂᐊᖃᑎᖏᓐᓄᑦ. ᐊᒻᒪᓗ ᐊᖓᔪᒃᖢᖅᐹᖁᑎᒐ ᐃᑲᔪᓚᐅᖅᑕᕋ ᐊᕕᓂᖕᓂᒃ ᐊᕐᕌᕈᖃᖅᑎᓪᓗᒍ ᕿᒥᕐᕈᐊᕋᒐᓕᐅᖅᑎᓪᓗᒍ ᐊᖑᓇᓱᖃᑎᖃᕐᓂᕐᒥᒃ ᐃᑦᑐᕐᒥᓂᒃ, ᐊᖓᒥᓂᒡᓘᓐᓃᑦ ᐅᑭᐅᖅᑕᖅᑐᒥ. ᑖᓐᓇ ᕿᒥᕐᕈᐊᕋᖅ ᐃᓕᓐᓂᐊᕐᕕᖓᓂᑦ ᓅᕙ ᓴᑰᓴᒥᑦ. ᑖᓐᓇ ᐃᓕᓚᖅᑕᓐᓂᒃ ᔫᓯᒥᑦ ᐱᔪᒪᔭᖃᓪᓚᕆᒃᑯᕕᒃ ᐱᔭᓐᓇᖅᑕᐃ ᐃᓅᓯᕐᓂᒃ.
ᒫᓐᓇ ᐃᓕᓐᓂᐊᑦᑎᐊᕋᓱᒃᑐᖓ ᓴᖅᑭᔮᒃᑲᓐᓂᖁᓪᓗᒍ ᐃᓄᐃᑦ ᐅᖃᐅᓯᖓᑦ. ᔫᓯ ᐃᓅᔪᓐᓂᖅᑎᓪᓗᒍ ᓄᒫᓇᕋᓗᐊᖅᐳᖅ ᐊᒻᒪᓗ ᑭᖑᓂᖃᖅᖢᓂ ᐃᓄᖃᑎᒌᔭᓐᓃᕋᑦᑎᒍᑦ. ᐅᖅᑲᐅᒪᔪᖓ ᑕᑯᓂᒃᑎᖦᖢᓂᖓ ᐊᕐᕕᐊᓂ ᓄᓇᒃᑰᕈᑎᑯ ᐅᖃᙳᐊᕐᕕᒋᓪᓗᓂᖓ, “ᑲᑕᔾᔭᐃᖅᓯᒪᒋᐊᕆᑦ ᓯᕕᖓᔪᒃᑳᓕᕋᑦᑕ!” ᖃᐅᔨᒪᓚᐅᕐᒪᑦ ᒥᑦᑎᒪᑕᓕᖕᒥᐅᑕᐅᔪᖓ ᐃᓐᓈᕈᓕᕐᒥᐅᑕᐅᓪᓗᖓ ᑎᔅᓯᒋᓈᖅᑕᒃᓴᕆᔭᕋ. ᔫᓯᑯᓗᒃ – ᓯᓚᑐᓪᓗᓂ, ᑐᙵᓇᖅᖢᓂᓗ. ᑭᖑᓂᖃᕆᔭᕋ ᐊᒻᒪᓗ ᐅᕙᓐᓂ ᐊᒃᑐᐃᓂᖃᕋᔭᖅᑐᖅ ᓂᕈᐊᖅᑕᐅᕋᔭᕈᒪ ᑕᒪᓐᓇ ᓯᕗᒧᐊᑦᑎᐊᖁᓪᓗᒍ ᐅᒃᐱᕆᓚᐅᖅᑕᖓ ᐊᑐᖅᖢᒍ. ᑮᓇᐅᔭᖅᑖᖅᑎᑕᐅᓂᕈᒪ ᐃᓕᓐᓂᐊᕐᓂᕐᒧᑦ ᑕᕝᕘᓇ ᑮᓇᐅᔭᖅᑖᕈᓯᕝᕕᒃᑯᑦ ᐃᓕᓐᓂᐊᕐᓂᕐᒧᑦ. ᑕᐅᑐᒃᑕᒃᑯᑦ ᐊᔾᔨᖃᖏᑦᑐᖅ ᓄᓇᕐᔪᐊᓕᒫᒥᒃ. ᐃᖅᑲᐅᒪᔭᐅᓐᓂᖃᑦᑎᐊᕐᓕ ᐱᓂᐊᕐᓂᑦᑎᒍᑦ ᐃᓱᖃᖏᑦᑐᒧᑦ.
