ᒫᓐᓇᒧᑦ ᐊᐅᓚᔾᔭᒃᑕᐅᓯᐊᖅᓯᒪᔪᑦ

ᐊᑏᓗᒋᐊᒃᑲᓐᓂᖅ

ᕿᓂᖅᑐᒍᑦ ᐃᓄᖕᓂᒃ ᓄᓇᕗᒻᒥᐅᑕᕐᓂᒃ ᑲᑎᒪᕕᔾᔪᐊᖃᑕᐅᔪᒪᒐᔭᖅᑐᓂᑦ

ᕿᓂᖅᑐᒍᑦ ᐃᓄᖕᓂᒃ ᓄᓇᕗᒻᒥᐅᑕᕐᓂᒃ ᑲᑎᒪᕕᔾᔪᐊᖃᑕᐅᔪᒪᒐᔭᖅᑐᓂᑦ

ᓄᓇᕗᑦ ᑐᙵᕕᒃ ᑎᒥᖓ ᑲᑎᒪᕕᔾᔪᐊᖅᑎᑦᑎᓛᕐᒪᑕ ᓄᓇᕗᒻᒥᐅᑦ ᐃᓄᖏᖕᓂᒃ ᓇᓪᓕᐅᓂᖅᓯᐅᕐᓗᑎᑦ 30−ᖓᓐᓂ ᓄᓇᕗᑦ ᐊᖏᕈᑎᖓᓂᒃ.

ᐊᑏᓗᒋᐊᒃᑲᓐᓂᖅ Atiilugiakkanniq
ᐱᓕᕆᐊᖃᕈᒪᓕᖅᑎᑦᑎᓇᓱᐊᕐᓂᖅ ᐊᓯᔾᔩᓂᕐᒧᑦ: ᑕᐅᑐᙳᐊᖅᑕᐅᒃᑲᓐᓂᕐᓂᖓ ᓄᓇᕗᑦ ᐊᕐᕌᒍᑦ 30−ᐅᓂᐊᖅᑐᓄᑦ
ᒫᑦᓯ 26-28, 2024
ᐃᖃᓗᐃᑦ, ᓄᓇᕗᑦ

ᑲᑎᒪᕕᔾᔪᐊᕐᓂᖅ ᐅᖃᐅᓯᖃᓗᐊᕋᔭᖅᑐᖅ ᐃᓱᒪᒃᓴᖅᓯᐅᕈᑎᖃᕐᓂᑦᑎᓐᓂᒃ ᐊᑐᖅᓯᒪᓕᕇᖅᑕᑎᓐᓂᒃ ᐊᒻᒪᓗ ᖃᓄᐃᓕᐅᕐᓂᕆᖃᑦᑕᓚᐅᖅᓯᒪᔭᑦᑎᓐᓂᒃ ᓄᓇᕗᒻᒥᐅᑕᐅᓪᓗᑕ ᐃᓅᓪᓗᑕ ᐋᔩᕋᕈᑎᒋᔭᐅᓚᐅᖅᓯᒪᔭᖓᓂᒃ ᐊᒻᒪᓗ ᐊᑐᓕᖅᑎᑕᐅᕙᓪᓕᐊᓯᒪᓂᕆᓕᖅᑕᖓᓂᓪᓗ ᓄᓇᕗᑦ ᐊᖏᕈᑎᖓ.

ᐃᓅᓯᕐᒥᒃ ᐊᑐᖅᐸᑦᑕᑦᑎᓐᓂᑦ ᐅᓂᒃᑳᓂᒃ ᑲᑎᖅᓱᐃᒐᔭᖅᑐᒍᑦ ᐃᓅᓪᓗᑕ ᐅᓪᓗᒥᐅᓕᖅᑐᖅ ᐊᒻᒪᓗ ᖃᐅᔨᓴᕐᓗᒋᑦ ᐱᕚᓪᓕᕈᑎᒋᓯᒪᔭᕗᑦ ᐊᒻᒪᓗ ᐊᒃᓱᕈᕈᑎᒋᖃᑦᑕᖅᑕᑦᑎᓐᓂᒃ ᓱᓕ ᐅᓪᓗᒥᐅᔪᖅ.

ᑲᑎᒪᕕᔾᔪᐊᕐᓂᕐᒥᒃ ᐱᕕᖃᖅᑎᑦᑎᒍᑕᐅᒐᔭᕐᒥᔪᑦ ᓄᓇᕗᒻᒥᐅᑦ ᐃᓄᖏᑦ ᐅᖃᐅᓯᖃᕐᓗᑎᑦ ᐃᓱᒪᒋᔭᒥᓂᒃ ᐊᒻᒪᓗ ᐃᓱᒪᒃᓴᖅᓯᐅᕈᑎᒋᓯᒪᔭᕐᒥᓂᒃ ᖃᓄᖅ ᓄᓇᕗᑦ ᑐᙵᕕᒃ ᑎᒥᖓ ᖃᓄᐃᓕᐅᖁᔭᐅᒻᒪᖔᑦ ᐃᓄᖕᓂᒃ ᐱᔨᑦᑎᕐᓗᑎᑦ ᐊᒻᒪᓗ ᐋᖅᑮᓗᑎᑦ ᓄᑖᕐᒥᒃ ᑕᐅᑐᙳᐊᖅᑕᒥᓂᒃ ᐊᑐᖃᑦᑕᕈᒪᒐᔭᖅᑕᖏᓐᓂᒃ ᓄᓇᕘᖑᖁᔭᖓᓂᒃ.

ᐊᒻᒪᓗ ᑎᑎᕋᕐᒥᓗᒍ ᐊᑏᑦ, ᑐᕌᕈᑏᑦ, ᓄᓇᕗᑦ ᑐᙵᕕᒃ ᑎᒥᖓᓄᑦ ᐊᑎᓕᐅᖅᓯᒪᓂᕐᓄᑦ ᓈᓴᐅᑎᖓ, ᐊᒻᒪᓗ ᓱᒻᒪᑦ ᑲᑎᒪᕕᔾᔪᐊᖃᑕᐅᔪᒪᒻᒪᖔᖅᐱᑦ ᑎᑎᕋᕐᒥᓗᑎᑦ.

ᖃᐅᔨᒪᒋᐊᕆᑦ ᕿᑲᕐᓇᐅᓕᖅᑎᓪᓗᒍ ᖁᕕᐊᓱᒡᕕᒻᒥ, ᖃᕋᓴᐅᔭᕐᓄᑦ ᑎᑎᕋᖅᑕᐅᓯᒪᔪᓄᑦ ᑭᐅᔪᓐᓇᔾᔮᙱᑲᓚᐅᖅᑐᒍᑦ ᔮᓐᓄᐊᕆ 2024-ᕈᕋᓱᐊᕐᓂᖓᓂ.