Yearly Archives: 2020
ᐳᐃᒍᕐᒃᑕᐃᓕᒃᑭᑦ ᐊᑐᓪᓚᑦᑖᕐᑲᑦᑕᕆᐊᓖᑦ.
ᐳᐃᒍᕐᒃᑕᐃᓕᒃᑭᑦ ᐊᑐᓪᓚᑦᑖᕐᑲᑦᑕᕆᐊᓖᑦ. ᐊᑏ ᐱᓕᕆᕐᑲᑎᒌᓪᓗᑕ ᓄᓇᓕᕗᑦ ᕐᑲᓄᐃᙱᓯᐊᕐᒃᑎᓪᓚᕗᑦ ᐊᑦᑕᓇᕐᒃᓯᒪᓗᒋᓪᓗ
Itkaomaktataklogit hapkua atoloakpaklugit atogialit. Tammapta pikatigeklota pinnaguagiakaktugt nunnakatikput annialktailipkagajuaklogit kayangaitpaligahoaklugitlu
Remember to practice the basics. Let’s all do our part in keeping our communities healthy and safe
ᑐᙵᕕᒃᑯᑦ ᓂᕈᐊᖅᑎᑦᓯᓂᖓᓄᑦ ᓂᕈᐊᕋᑦᓴᓕᐅᕐᓇᖅ ᓇᓗᓇᐃᒃᑲᓂᖅᑕᐅᕗᖅ ᓅᕙᐃᒻᕙ 2- 13, 2020
ᓂᕈᐊᖅᑐᓕᕆᔨᒻᒪᕆᒃ (CRO) ᑳᑎᓖᓐ ᓯᒍᑦᓴᓐ ᑐᓴᖅᑎᓯᖅᑲᐅᔪᖅ ᐅᓪᓗᒥ ᓂᕈᐊᕋᑦᓴᓕᐅᕐᓇᖅ ᓂᕈᐊᕐᓂᐅᓂᐊᖅᑐᒧᑦ ᐊᖓᔪᖅᑳᑦᓴᒥᒃ ᓇᓗᓇᐃᖅᑕᐅᓯᒪᓂᖓ ᓅᕙᐃᒻᕙ 2-ᒥᒃ 13-ᒧᑦ, 2020, ᑎᑎᕋᖅᑕᐅᓯᒪᔪᓂ ᓂᕈᐊᕋᑦᓴᓄᑦ ᐊᑐᐊᒐᕐᓂ ᐊᒻᒪᓗ ᓂᕈᐊᕋᑦᓴᓕᐅᕈᑎᓂ ᑕᑕᑎᕆᐊᓕᓐᓂ. ᐅᐃᒍᔭᐅᓂᖓ ᐱᔪᓐᓇᑲᓐᓂᕈᑕᐅᓂᐊᖅᑐᖅ ᐃᓚᖏᓐᓄᑦ ᓂᕈᐊᕋᑦᓴᓄᑦ ᐱᒋᐊᖃᕐᓂᕐᒥᓂᒃ ᐱᕋᔭᓚᐅᖅᓯᒪᒻᒪᖔᖅ ᑎᕋᖅᑕᐅᓯᒪᔪᒃᑯᑦ ᖃᐅᔨᓴᖅᑎᑦᓯᓂᕐᒧᑦ ᐸᓖᓯᒃᑯᓐᓂᒃ RCMP, ᐊᐅᓚᓂᖃᖅᑎᓪᓗᒋᑦ ᐃᓅᓴᓪᓕᒋᐊᖅᑕᐅᓯᒪᔪᒃᑯᑦ ᐋᖅᑭᑦᓯᒪᔭᐅᔪᓂᒃ ᐱᔾᔪᑕᐅᓪᓗᓂ ᓄᕙᔾᔪᐊᕐᓇᖅ−19, ᐊᒻᒪᓗ ᐋᖅᑭᒋᐊᕆᐊᓕᓐᓂᒃ ᓈᖕᒪᖏᓪᓕᐅᕈᑎᑕᖃᕐᓂᖅᐸᑦ ᓂᕈᐊᕐᓂᕐᒧᑦ ᑐᓴᖅᑎᑦᓯᒍᑕᐅᓯᒪᔪᓂ ᓱᓇᒃᑯᑖᓂᓘᓐᓃᑦ.
ᓂᕈᐊᕋᑦᓴᑦ ᑐᓂᓯᓯᒪᔭᕆᐊᓖᑦ ᓂᕈᐊᕋᑦᓴᙳᖅᑎᑕᐅᒍᑎᒥᓂᒃ ᓂᕈᐊᖅᑐᓕᕆᔨᒻᒪᕆᒻᒧᑦ ᑭᖑᓂᐊᓂᐅᙱᑦᑐᖅ ᓅᕙᐃᒻᕙ 13, 2020, ᑕᓪᓕᒪᓄᐊᖅᐸᑦ (5) ᐅᓐᓄᓴᒃᑯᑦ ᓄᓇᓖᑦ ᖃᐅᔨᓴᐅᑖᒍᑦ ᐊᒻᒪᓗ ᑲᒪᒋᔭᑦᓴᓖᑦ ᖃᐅᔨᒪᒋᐊᕈᑎᒃᓴᓂᒃ ᓂᕈᐊᕋᑦᓴᓕᐅᕈᑏᑦ ᐱᔭᐅᓯᒪᒐᓗᐊᕐᒪᖔᑕ. ᓂᕈᐊᕋᑦᓴᑦ ᐱᕕᒃᓴᓖᑦ ᓅᕙᐃᒻᕙ 16, 2020−ᒧᓄᑦ ᑕᓪᓕᒪᓄᐊᖅᓯᕐᓗᒍ (5) ᐅᓐᓄᓴᒃᑯᑦ ᓄᓇᓖᑦ ᖃᐅᔨᓴᐅᑖᒍᑦ ᓴᒃᑯᐃᒍᒪᒍᑎᒃ ᓂᕈᐊᕋᑦᓴᙳᖅᑎᑕᐅᒍᑎᒋᓯᒪᔭᒥᓂᒃ.
ᓂᕈᐊᕋᑦᓴᓕᐅᕈᑏᑦ ᑕᑕᑎᕆᐊᓖᑦ ᓂᕈᐊᕐᓂᕐᒧᑦ ᐊᖓᔪᖅᑳᑦᓴᒥᒃ ᐊᑐᐃᓐᓇᐅᔪᑦ ᓂᕈᐊᖅᑕᓕᕆᔨᒻᒪᕆᒻᒥᒃ (CRO) ᑳᑎᓖ ᓯᒍᑦᓴᓐ, ᓄᓇᓕᓐᓂ ᑐᖅᑲᑕᕐᕕᓐᓂᒃ (CLO), ᐊᔮᔮ ᑐᓴᐅᒪᔾᔪᑎᓕᕆᔨᒃᑯᓐᓂ (ᐊᓪᓚᕝᕕᖓ ᓂᕈᐊᖅᑐᓕᕆᔨᒻᒪᕆᐅᑉ), ᐅᕝᕙᓘᓐᓃᑦ ᑐᙵᕕᒃᑯᑦ ᐃᑭᐊᖅᑭᕕᖓᓂᒃ.
ᑐᑭᓯᒋᐊᒃᑲᓂᕐᕕᒃᓴᖅ, ᐅᕝᕙᓘᓐᓃᑦ ᐊᐃᑦᓯᕕᑦᓴᖅ ᑕᑕᑎᕆᐊᓕᓐᓂᒃ:
https://elections.tunngavik.com
ᑳᑎᓖᑦ ᓯᒍᑦᓴᓐ
ᓂᕈᐊᖅᑐᓕᕆᔨᒻᒪᕆᒃ (CRO)
ᑲᖏᕐᖠᓂᖅ, ᓄᓇᕗᑦ X0B 0L0
ᓄᓇᓕᓐᓂ ᐅᖄᓚᐅᑖ 867-645-6716
ᐊᑭᖃᙱᑦᑐᖅ: 1-844-979-6554
ᓈᑎᐊ ᑯᒃᑯᓐ
ᓂᕈᐊᖅᑐᓕᕆᔨᒻᒪᕆᐅᑉ ᐊᓪᓚᕝᕕᖓ − ᐊᔮᔮ
ᐃᓪᓗ 157, ᐃᖃᓗᐃᑦ, ᓄᓇᕗᑦ X0A 0H0
ᐅᖄᓚᐅᑖ: 867-979-1484
ᓱᒃᑲᔪᒃᑰᕈᑖ: 867-979-1487
ᔫᓯ ᐊᒪᐅᔭᖅ ᑯᓱᒐᖅ ᐃᖅᑲᐅᒪᔭᐅᓂᖓᓄᑦ ᐃᓕᓐᓂᐊᖅᑐᓄᑦ ᐃᑲᔫᑎᑦ
(ᐋᒋᓯ 20, 2020 ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ ᐅᓪᓗᒥ ᑐᓴᖅᑎᑎᖃᐅᕗᖅ ᔫᓯ ᐊᒪᐅᔭᖅ ᑯᓱᒐᖅ ᐃᖅᑲᐅᒪᔭᐅᓂᖓᓄᑦ ᐃᓕᓐᓂᐊᑐᖅᑐᒧᑦ ᐃᑲᔫᑎᑦ 2020 ᑐᒃᓯᕋᕈᑏᑦ ᒪᑐᐃᕐᒪᑦ.
ᓄᓇᕗᑦ ᑐᙵᕕᒃ ᑎᒥᖓ ᒪᕐᕉᓐᓂᒃ ᐃᓕᓐᓂᐊᕐᑏᓐᓂᒃ ᐱᔾᔪᓯᐊᖅᑖᑎᑦᑎᓲᖑᒻᒪᑕ $5,000-ᓂᒃ ᐊᑐᓂᑦ ᐃᓕᓐᓂᐊᕐᑕᒥᓄᑦ ᐃᓕᓐᓂᐊᖅᑎᓄᑦ ᓯᓚᑦᑐᓴᕐᕕᖕᒥ ᐃᓄᒃᑐᑦ ᐅᖃᐅᓯᕐᓂᒃ ᐊᒻᒪᓗ ᐃᓕᓐᓂᐊᓂᓕᕆᓂᕐᒧᑦ. ᐃᓕᓐᓂᐊᖅᑏᑦ ᐃᓕᓐᓂᐊᕐᑐᑦ ᐊᓯᖏᓐᓂᑦᑕᐅᖅ ᐱᔾᔪᓐᓇᕆᕗᑦ ᖃᐅᔨᑎᑦᑎᑉᐸᑕ ᑖᒃᑯᓄᖓ ᐊᑦᑐᐊᓂᖏᓐᓂᒃ ᐃᓕᓐᓂᐊᕐᑕᒥᑕ ᐊᒻᒪᓗ ᐱᕙᓪᓕᐊᓂᖃᖅᑎᑦᑎᐸᑕ ᐃᓄᐃᑦ ᐱᔪᓐᓇᐅᑎᖏᓐᓂᒃ.
“ᔫᓯ ᑯᓱᒐᖅ ᐃᓄᐃᑦ ᐱᔪᓐᓇᐅᑎᖏᓐᓂᒃ ᐊᒻᒪ ᓴᐳᑎᔭᐅᓯᒪᖁᔨᓪᓗᓂ ᐅᖃᐅᓯᑦᑎᓐᓄᑦ ᐱᔪᓐᓇᐅᑎᓂᒃ ᓂᐱᒋᖃᑦᑕᕐᓯᒪᒻᒪᕆᒃᑲᑦᑎᒍ. ᐊᕐᕌᒍᑕᒫᑦ, ᐃᑲᔪᒃᑲᓐᓂᕈᑎᒃᓴᓂᒃ ᐃᓄᖕᓄᑦ ᐃᓕᓐᓂᐊᕐᑎᓄᑦ ᐊᖅᑯᑎᒋᓪᓗᒍ ᑖᓐᓇ ᐃᓕᓐᓂᐊᕐᑐᓄᑦ ᐃᑲᔪᕈᑕᐅᕙᒃᑐᖅ, ᐃᒃᐱᒍᓱᒍᑕᐅᕙᖕᒪᑦ ᐱᒻᒪᕆᐅᓂᖓᓄᑦ ᐃᓄᐃᑦ ᐅᖃᐅᓯᖓᓄᑦ. ᐅᖃᐅᓯᖅᐳᑦ ᐊᑑᑎᖃᖅᑎᑕᐅᖏᓐᓇᖁᒥᓇᖅᐳᖅ,” ᐅᖃᖅᑐᖅ ᑰᑦᑎᖅ
ᐆᒃᑐᕈᓐᓇᕐᑎᑕᐅᔪᑦ ᐃᓕᓐᓂᐊᕐᑐᑦ ᓯᓚᑦᑐᓴᕐᕕᖕᒥ ᐱᖃᓯᐅᑎᓪᓗᒍ ᓄᓇᕗᖕᒥ ᓯᓚᑦᑐᓴᕐᕕᒃ ᐅᕝᕙᓗ ᓯᓚᑦᑐᓴᕐᕕᓂ ᑲᓇᑕᒥ. ᓄᓇᕗᑦ ᑐᙵᕕᒃ ᑎᒥᖓ ᕿᒥᕐᕈᕙᒃᐳᑦ ᑐᒃᓯᕋᕈᑎᓕᐊᕆᔭᐅᓯᒪᔪᓂᒃ ᐊᒻᒪᓗ ᓂᕈᐊᖅᐸᒃᑐᑎᒃ ᐃᓕᓐᓂᐊᕐᑎᓂᒃ ᒪᓕᒃᑐᒋᑦ ᐃᓕᓐᓂᐊᖅᑕᖏᑦ, ᐅᓂᒃᑳᓂᒃ ᑎᑎᕋᖅᓯᒪᓂᖏᑦ, ᐊᒻᒪᓗ ᖃᐅᔨᒋᐊᕐᕕᐅᔪᓐᓇᕐᑐᑦ.
ᓄᓇᕗᑦ ᑐᙵᕕᒃ ᓴᖅᑮᓚᐅᕐᓯᒪᕗᑦ ᐃᑲᔫᑎᓂᒃ ᐱᓕᕆᖃᑎᒋᔭᐅᓪᓗᑎᒃ ᑯᓱᒐᒃᑯᑦ ᐃᓚᔮᖏᑦ ᐅᔾᔨᕆᔭᐅᑦᑎᐊᓂᐊᕐᒪᑕ ᔫᓯ ᑯᓱᒐᐅᑉ ᕿᒪᐃᓯᒪᓂᖓ ᐅᓇᒻᒥᓱᓕᕈᑕᐅᖁᓪᓗᒍ ᐃᓄᖕᓄᑦ. ᑐᑭᓯᑲᓐᓂᕈᑎᒃᓴᑦ ᐊᒻᒪᓗ ᑐᒃᓯᕋᕈᑎᐅᕈᑎᑦᓴᑦ ᑕᑕᑎᕋᒃᓴᑦ ᐊᑐᐃᓐᓇᐅᕗᑦ ᓄᓇᕗᑦ ᑐᙵᕕᒃ ᑎᒥᖓᑕ ᖃᕆᑕᐅᔭᒃᑯᑦ ᑐᕌᕈᑎᖓᓂᒃ ᐱᔭᒃᓴᐅᕗᑦ. ᐱᓇᓱᐊᕈᑏᑦ ᐃᑲᔫᑎᓂᒃ ᑐᓂᔭᐅᓯᒪᔭᕆᐊᓖᑦ ᓰᑎᐱᕆ 11, 2020.
-30-
ᑐᑭᓯᒋᐊᒃᑲᓂᕐᕕᒃᓴᖅ:
ᓗᐃᔅ ᓱᓗᒃ−ᓛᒃ
ᐱᓕᕆᐊᒃᓴᓂᒃ ᐱᓕᕆᔨ
ᓄᓇᕗᑦ ᑐᙵᕕᒃ ᑎᒥᖓ
ᐅᖄᓚᐅᑖ: 867-645-5400 ᑭᓕᕆᐊᖃᙱᑦᑐᖅ: 1-888-236-5400
www.tunngavik.com
ᒪᓚᐃᔭ ᒥᑭᔾᔪᒃ
ᑐᑭᒧᐊᒃᑎᑦᑎᔨ, ᑐᓴᐅᒪᔾᔪᑎᓕᕆᓂᕐᒧᑦ ᐃᓕᓐᓂᐊᖅᑐᖅ
ᓄᓇᕗᑦ ᑐᙵᕕᒃ ᑎᒥᖓ
ᐅᖄᓚᐅᑖ: 867-975-4900 ᐊᑭᖃᙱᑦᑐᖅ: 1-888-646-0006
www.tunngavik.com
ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᒃᓴᑦ 2020
https://www.tunngavik.com/iu/initiative_pages/nunavut-tunngavik-foundation/
ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᒃᓴᑦ ᒫᓐᓇ ᒪᑐᐃᖓᓕᖅᑐᖅ ᑐᒃᓯᕋᐅᓯᐅᕈᒪᔪᓄᑦ. ᓄᓇᕗᑦ ᐃᓄᐃᑦ ᑲᔪᖏᖅᓴᖅᑕᐅᔪᑦ ᑐᒃᓯᕋᐅᓯᐅᖁᔭᐅᓪᓗᑎᒃ $2500.00−ᓂᒃ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᒃᓴᓂᒃ ᐅᕝᕙᓘᓐᓃᑦ $1000.00 ᐊᔪᕈᓐᓃᓴᖅᑐᓄᑦ ᐃᖅᑲᓇᐃᔮᒥᓂᓪᓗ ᖁᕝᕙᕆᐊᕋᓱᐊᖅᑐᓄᑦ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᒃᓴᖅ ᐊᐅᒡᒍᓯ 31, 2020−ᒧᓄᑦ.
“ᓇᑯᕆᔭᕗᑦ ᐃᑲᔪᕈᓐᓇᕋᑦᑎᒍ ᓄᓇᕗᑦ ᐃᓄᐃᑦ ᑲᔪᓯᑎᑦᓯᓇᓱᐊᖅᑎᓪᓗᒋᑦ ᐃᓕᓐᓂᐊᑲᓐᓂᓂᒃᑯᑦ. ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ (NTF) ᑐᕌᒐᓕᒃ ᐃᑲᔪᖅᓱᐃᓂᕐᒥᒃ ᓄᓇᕗᑦ ᐃᓄᐃᑦ ᐃᓕᓐᓂᐊᖅᑎᓂᒃ ᐃᓕᓐᓂᐊᑲᓐᓂᖅᑐᓄᑦ ᐊᒻᒪᓗ ᐊᔪᕈᓐᓃᓴᖅᑐᓄᑦ ᐃᖅᑲᓇᐃᔮᒥᓂᓪᓗ ᖁᕝᕙᕆᐊᕋᓱᐊᖅᑐᓄᑦ,” ᐅᖃᖅᑐᖅ ᑰᑦᑎᖅ. “ᐱᓇᓱᐊᒐᐅᔪᖅ ᓇᓕᖅᑯᑦᓯᔪᖅ ᑲᑎᒪᔨᒋᔭᑦᑕ ᓂᕆᐅᑦᑖᖏᓐᓂ ᓯᕗᓪᓕᐅᔾᔭᐅᔭᕆᐊᓕᖁᑎᖏᓐᓂ.”
ᑐᑦᓯᕋᐅᑏᑦ ᑎᑎᕋᕐᕕᑦᓴᑦ ᐊᒻᒪᓗ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᓄᑦ ᐊᑐᐊᖅᓯᔾᔪᑎᑦ ᓇᓗᓇᐃᔭᐃᔪᑦ ᐃᑲᔪᖅᑕᐅᒍᓐᓇᖅᑐᓂᒃ, ᒪᓕᒐᑦᓴᓂᒃ ᐊᒻᒪᓗ ᑐᑦᓯᕋᐅᓯᐅᕐᓗᓂ ᒪᓕᒋᐊᓕᓐᓂᒃ ᐊᐃᔭᑦᓴᑦ ᓄᓇᑦᓯᓐᓂ ᑐᖅᑲᑕᕐᕕᒻᒥ ᐃᖅᑲᓇᐃᔭᖅᑎᒥᒃ ᐅᕝᕙᓘᓐᓃᑦ ᐱᔭᑦᓴᐅᒻᒥᔪᖅ ᐅᕙᙵᑦ www.tunngavik.com. ᓄᓇᕗᑦ ᐃᓄᐃᑦ ᓄᓇᖃᖅᑐᑦ ᓄᓇᕗᒻᒥ ᓯᓚᑖᓂᓘᓐᓃᑦ ᑐᑦᓯᕋᐅᓯᐅᕈᓐᓇᖅᑐᑦ. ᑕᑕᑎᐊᓂᑦᓯᒪᔪᑦ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᓄᑦ ᑐᒃᓯᕋᐅᑏᑦ ᐊᐅᓪᓚᖅᑎᑕᐅᒍᓐᓇᖅᑐᑦ ᑎᑎᖅᑲᓂᐊᕐᕕᒃᑯᑦ, ᐃᕐᖐᓐᓈᕈᑎᒃᑯᑦ, ᓱᒃᑲᔪᒃᑯᑦ ᐅᕝᕙᓘᓐᓃᑦ ᓇᖕᒥᓂᖅ ᑐᓂᔭᐅᔭᖅᑐᕐᓗᓂ ᐱᓕᕆᐊᒃᓴᓕᕆᔨᒧᑦ ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᓐᓂ.
NTF ᓴᖅᑭᓚᐅᖅᑕᖓ ᑐᙵᕕᒃᑯᑦ ᐊᐅᓚᑦᓯᖁᓪᓗᒍ ᐊᒥᐊᒃᑯᖏᓐᓂᒃ ᑮᓇᐅᔭᓂᒃ ᐃᓕᓐᓂᐊᕆᐊᖅᑎᑕᐅᓚᐅᖅᓯᒪᔪᓄᑦ ᐊᑭᓕᖅᓲᑕᐅᓚᐅᖅᑐᓂᒃ ᑮᓇᐅᔭᓂᒃ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᖅᓯᒪᔪᑦ ᑮᓇᐅᔭᖅᑖᑦᓴᖏᓐᓄᑦ ᐊᖏᖃᑎᒌᒍᑎᒃᑯᑦ.
-30-
ᐱᓕᕆᐊᒃᓴᓕᕆᔨ
ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ
ᑎᑎᖅᑲᖃᐅᑖ 280, ᑲᖏᕐᖠᓂᖅ, ᓄᓇᕗᑦ X0C 0G0
ᐅᖄᓚᐅᑖ: (867)-645-5400, ᐊᑭᖃᙱᑦᑐᖅ: 1-888-236-5400
ᓱᒃᑲᔪᒃᑰᕈᑖ: (867-645-5414
ᐃᑲᔫᑎᒃᓴᓄᑦ ᐊᑐᐊᖅᓯᔾᔪᑎᑦ
https://www.tunngavik.com/initiative_pages/nunavut-tunngavik-foundation/scholarship-for-post-secondary-education/scholarship-program-guide/
(English) Nunavut Tunngavik submission of allegations against Canada to the UN Special Rapporteur on Minority Issues
ᓄᓇᕗᑦ ᐅᓪᓗᖓᓂ ᓇᓪᓕᐅᓂᖅᓯᐅᕈᑎᖃᕐᓂᐊᖅᑐᒍ !!
ᖁᕕᐊᒋᕕᐅᒃ ᓄᓇᕗᑦ ᐊᒻᒪᓗ ᐃᓄᐃᑦ ᐃᓕᖅᑯᓯᖓ? ᐱᔪᒥᓇᖅᑐᓂᒃ ᓵᓚᒃᓴᐅᓯᐊᕈᒪᓲᖑᕕᑦ? ᐊᓱᐊᐱᒃ, ᐃᓛᒃ ᓇᓪᓕᐅᓂᖅᓯᐅᕈᑎᒃᓴᖃᕋᑦᑕ ᐊᒻᒪᓗ ᑐᓂᐅᖅᑲᕋᑦᓴᓂᒃ ᔪᓚᐃ 9-ᒥ. ᓇᓗᓇᐃᖅᓯᒪᔪᑦ ᓴᖅᑭᓂᐊᖅᑐᑦ! #NUDay2020
ᑎᒃᑖᒃ. ᕿᓚᒥᐊᓗᒃ ᒫᓐᓇᕈᓘᓂᐊᓕᖅᑐᖅ. ᓄᓇᕗᑦ ᐅᓪᓗᖓ ᑎᑭᒌᕐᓂᐊᓕᕐᒥᒻᒪᑦ ᔪᓚᐃ 9. ᐊᐅᓚᔫᓕᐅᕆᒃᑲᐅᒍᕕᑦ ᐅᖄᓚᐅᑎᕋᓛᒧᑦ ᐃᑉᐱᐊᔪᒻᒥᒐᕐᒧᑦ, ᓵᓚᒃᓴᐅᓯᐊᕈᓐᓇᖅᑐᑎᑦ ᑮᓇᐅᔭᓂᓪᓗ. #NUDay2020
ᑭᓱᒥᒃ ᓂᖅᑎᐅᖅᑐᖃᕐᓂᐊᖅᑲ ᓄᓇᕗᑦ ᐅᓪᓗᖓᓂ? ᓇᓪᓕᐅᓂᖅᓯᐅᓂᒻᒪᕆᒃ ᐊᖏᕐᕋᒥ ᓂᖅᑎᐅᐸᑦᑐᓄᑦ ᓄᓇᕗᒻᒥ, ᐊᖏᔫᑕᐅᓂᐊᖅᑐᑦ ᓵᓚᒃᓴᐅᓯᐊᑦ ᐊᒻᒪᓗ ᑮᓇᐅᔮᐱᓐᓂᒃ. #NUDay2020
ᑐᙵᕕᒃᑯᑦ ᓴᖅᑮᖁᔨᔪᑦ ᐃᓗᖏᖅᓱᓇᕐᓂᖓᓂᒃ ᑐᑭᓯᓯᒪᔪᓂᒃ ᑲᒪᔾᔪᓯᖃᕆᐊᖃᓐᓂᕐᒥᒃ ᐊᒻᒪ ᐃᒻᒥᑰᖓᔪᓂᒃ ᐅᔾᔨᑐᖅᑎᑕᖃᕆᐊᖃᓐᓂᕐᒥᒃ
1999-ᒥᓂᑦ ᐃᓅᔪᕐᓂᕐᓯᒪᒻᒪᑕ 15 ᓄᓇᕗᖕᒥ ᑲᒪᒋᔭᐅᔪᓪᓗᑎᒃ ᐸᓖᓯᒃᑯᓐᓄ/ᐳᕿᖅᑕᓕᓄᑦ, ᐊᒻᒪ ᑐᓴᕐᐸᑲᑦᑕ ᐃᓅᖃᑎᑦᑎᓐᓂᒃ ᑲᑉᐱᐊᒋᔭᖃᓐᓂᕋᖅᑐᓂᒃ ᐸᓖᓯᓂᒃ/ᐳᑭᖅᑕᓕᓂᒃ ᐊᒻᒪ ᓂᑲᒍᓱᙱᓗᐊᕐᑑᐊᓘᓪᓗᑎᒃ ᑲᒪᕙᒻᒪᑕ. ᓄᓇᕗᑦ ᑐᙵᕕᒃᑯᑦ ᐅᖃᐅᔾᔨᒋᐊᖅᐳᑦ ᓄᓇᕗᑦ ᒐᕙᒪᒃᑯᖏᓐᓂᒃ ᐊᒻᒪ ᐸᓖᓯᒃᑯᓐᓂᑦ/ᐳᕿᖅᑕᓕᓂᒃ ᐊᓯᔾᔨᖁᔨᓪᓗᑎᒃ ᓂᑲᒍᓱᒃᔫᒥᖁᔨᖔᓕᕐᑐᑎᒃ ᑲᒪᒍᓯᕐᒥᒍᑦ ᑲᒪᑦᑎᐊᓂᕐᓴᐅᓕᕐᓗᑎᒃ ᓄᓇᓕᖕᓂ ᐃᓅᓯᒋᑦᑎᐊᓂᕐᓴᐅᖁᓪᓗᒋᑦ ᐃᓗᖏᖅᓱᓇᕐᓂᖓᓂᒃ ᑐᑭᓯᓯᒪᓂᕐᓴᐅᓗᑎᒃ ᑲᒪᔾᔪᓯᕆᕙᒃᑕᖏᑦ.
ᐊᐃᒃᐱᐅᓚᐅᕐᑐᒥ ᐅᓪᓛᖓᓂ, ᐃᖅᑯᒻᒪᓚᐅᕋᑦᑕ ᐊᐅᓚᓲᒃᑯᑦ ᐊᔾᔨᓕᐅᕐᑕᐅᓯᒪᔪᒃ ᑕᑯᒃᓴᐅᑎᑕᒥᒃ ᖃᕆᓴᐅᔭᕋᓛᒃᑯᑦ ᐃᓅᖃᑎᒌᒍᑕᐅᕙᒃᑐᒃᑯᑦ ᑕᑯᓐᓇᕐᑐᒥᓂᐅᔪᖅ ᐸᓖᓯᒃᑯᓐᓂᑦ/ᐳᑭᖅᑕᓕᖕᓂᒃ ᓂᑲᒍᓱᙱᑎᐊᕐᑐᑎᒃ ᑎᒍᓯᑎᓪᓗᒋᑦ ᐃᓄᖕᒥ ᑭᙵᕐᓂ, ᓄᓇᕗᖕᒥ. ᑕᑯᕙᒃᑲᑦᑕ ᐊᒻᒪᓗ ᑐᓴᕐᕕᖃᖅᐸᒃᑐᑕ ᐃᓄᖕᓂᒃ, ᓂᖓᕐᓂᐅᕙᒃᑐᖅ ᓈᖕᒪᙱᒻᒪᑦ ᐊᒻᒪ ᑕᐃᒪᐃᑎᓪᓗᒍ ᖃᓄᖅᑑᕆᐊᕈᑕᐅᔭᕆᐊᖃᓕᖅᑐᖅ.
ᐋᖅᑭᒃᓯᒪᓂᖏᑦ ᑎᒥᐅᔫᑉ ᒪᓕᒐᓐᓂᒃ ᒪᓕᓐᓂᒃᑯᑦ ᑲᒪᔾᔪᑕᐅᑎᓪᓗᒍ ᐱᔪᓐᓇᐅᖃᖅᑎᑦᑎᓂᒃᑯᑦ (ᐃᖅᑲᖅᑐᐃᕕᓕᕆᓂᖅ) ᐱᓕᕆᔾᔪᑎᐅᓲᑦ ᐃᓚᐃᓐᓇᖏᓐᓂᒃ ᐋᖅᑭᒍᑕᐅᔪᓐᓇᕐᑐᓂᒃ ᑲᒪᔾᔪᓯᐅᖕᒪᑦ ᓈᖕᒪᖏᓕᕈᑕᐅᕙᒃᑐᓂ ᐊᒻᒪᓗ ᐱᓕᕐᓗᑎᓪᓚᕆᐅᕙᒃᑐᑦ ᐊᒻᒪ ᐊᓯᖏᑦᑎᒍᑦ ᐱᑦᑎᐊᖏᓐᓂᐅᕙᒃᑐᑦ ᑕᐃᒪᐃᓗᐊᕐᐳᑦ ᐱᑕᖃᙱᓗᐊᕐᓂᖓᓄᑦ ᐃᓅᓯᓕᕆᓂᒃᑯᑦ, ᑮᓇᐅᔾᔭᓴᓂᒃᑯ ᐊᒻᒪ ᐃᓕᖅᑯᓯᑐᖃᒃᑯᑦ ᐃᓱᐊᕈᑕᐅᔪᓐᓇᕐᑐᓂᒃ ᓄᓇᕗᖕᒥ ᐃᓄᖏᓐᓄᑦ.
ᓂᖓᐃᓐᓇᑐᖃᖅᐸᓕᕐᑎᓪᓗᒍ ᐊᒻᒪ ᐊᒥᓱᕈᖅᐸᓪᓕᐊᑐᐃᓐᓇᑎᓪᓗᒋᑦ ᓂᑲᒍᓱᙱᓗᐊᖅᑐᐊᓘᓂᕆᕙᒃᑕᖏᑦ ᐸᓖᓯᒃᑯᑦ/ᐳᑭᖅᑕᓕᒃᑯᑦ ᓇᓗᓇᙱᒍᑎᒋᓯᒪᒻᒪᒍᑦ ᐊᑕᐅᓯᐊᑐᐃᓐᓇᕐᓯᒪᔪᖃᙱᒻᒪ, ᐱᐅᓯᕆᔭᐅᓪᓗᓂ ᐱᔾᔪᑕᐅᔪᖅ ᐊᐅᓚᔾᔪᓯᖓᑦᑎᒍᑦ ᐃᖅᑲᖅᑐᐃᕕᓕᕆᓂᐅᑉ. ᓇᓗᓇᙱᑦᑎᐊᓕᖅᑐᖅ ᐊᑲᐃᓪᓕᐅᕈᑎᖃᖅᑐᒍᑦ ᐊᒻᒪ ᖃᐅᔨᒪᑐᐃᓐᓇᕆᐊᖃᕈᓐᓃᖅᑕᕗᑦ ᐊᓯᔾᔨᕆᐊᖅᑕᐅᔪᓐᓇᓂᐊᕐᒪᑦ. ᖃᐅᒪᓇᓱᔾᔫᒥᒋᐊᖃᓕᕐᑐᒍᑦ ᐃᓗᖏᖅᓱᓇᕐᓂᖓ ᑐᑭᓯᓯᒪᔭᐅᓂᒃᑯᑦ ᐊᐅᓚᔾᔪᓯᖃᓐᓂᐊᕐᒪᑕ ᑲᒪᑦᑎᐊᕆᐊᖃᓐᓂᕐᒥᒃ ᓄᓇᕗᖕᒥ, ᐱᖏᓐᓇᖏᑦᑐᒦᓐᓂᐊᕐᒪᑕ ᐃᓄᖏᑦ ᓄᓇᕗᖕᒥ, ᐸᓯᔭᒃᓴᐅᖏᒻᒪᑕ ᐃᒻᒥᒃᑯᑦ, ᐊᒃᓱᕈᖃᑦᑕᖅᑐᑦ ᐃᓅᓇᓱᐊᖅᑐᑎᒃ ᐃᓅᓯᖃᕐᕕᒋᓕᕐᑕᑎᓐᓂ. ᐅᓇ ᓯᕗᓪᓕᖅᐹᖅ ᐊᑐᓕᖁᔭᓕᐊᖑᓚᐅᕐᓯᒪᔪᖅ 2013-14−ᒥ ᖃᓄᐃᓕᖓᓕᕐᓂᖏᑦ ᐃᓄᐃᑦ ᐃᓕᖅᑯᓯᕐᒥᒍ ᐊᒻᒪ ᐃᓅᖃᑎᒌᓐᓂᕐᒥᒍ ᕿᒥᕐᕈᔭᐅᑎᓪᓗᒋᑦ ᐃᖅᑲᖅᑐᐃᕕᓕᕆᔨᒃᑯᑦ ᐊᐅᓚᔾᔪᓯᖏᑦᑎᒍᑦ ᓄᓇᕗᖕᒥ.
ᐊᒻᒪᓗᑦᑕᐅᖅ, ᔭᓐᓄᐊᕆ 1, 2020-ᒥᓂᑦ ᐊᑑᕚᒥ ᐸᓖᓯᒃᑯᑦ/ᐳᕿᖅᑕᓕᒃᑯᑦ ᖃᐅᔨᓴᕆᐊᖁᔭᐅᓯᒪᔪᑦ ᐸᓖᓯᒃᑯᓂᑦ/ᐳᑭᖅᑕᓕᓂᑦ ᖃᓄᐃᓕᐅᕆᔪᖃᖅᓯᒪᓂᖓᓄᑦ ᓄᓇᕗᖕᒥ ᑕᓪᓕᒪᐃᕋᒻᒪᕆᒃᑐᑎᒃ. ᓈᖕᒪᙱᑦᑎᐊᒻᒪᕆᒃᑐᖅ ᐸᓖᓯᒃᑯᑦ/ᐳᑭᖅᑕᓕᒃᑯᑦ ᓇᖕᒥᓂᖅ ᖃᐅᔨᓴᕐᐸᓐᓂᖏᑦ ᐃᖕᒥᓂᒃ. ᓄᓇᕗᑦ ᑐᙵᕕᒃᑯᑦ ᑎᒥᖓ ᐃᑲᔪᕐᓱᐃᕗᑦ ᓴᖅᑮᖁᔨᔾᔪᑕᐅᔪᒥᒃ ᐃᒻᒥᑰᖓᔪᓂᒃ, ᐱᐅᓯᐅᕙᙱᑦᑐᒥᒃ ᐅᔾᔨᑐᖅᑎᑕᖃᕆᐊᖃᓐᓂᖓᓂᒃ.
ᐃᓄᐃᑦ ᐃᓅᓯᖃᕆᐊᖃᕐᒪᑕ ᐱᑦᑎᐊᕐᑕᐅᓗᑎᒃ.
ᑐᒃᓯᕋᐅᓯᐅᖁᔨᔾᔪᑎ – ᑲᑐᔾᔨᖃᑎᒌᑦ ᐊᒻᒪᓗ ᐊᐅᓚᑕᐅᓂᖏᑦ ᑐᙵᕕᒃᑯᑦ ᓂᕈᐊᕐᓂᖏᑦ 2020
ᑲᓇᑕᐅᑉ ᒐᕙᒪᖏᑦ ᓄᕙᒡᔪᐊᕐᓇᐅᑎᓪᓗᒍ COVID-19 ᑮᓇᐅᔭᓕᐅᕆᐊᖃᕐᓂᕐᒧᑦ ᑭᐅᔾᔪᑎᖏᑦ ᑕᒪᒃᑯᓄᖓ ᓇᖕᒥᓂᖃᖅᑐᓄᑦ, ᑮᓇᐅᔭᓕᐅᕋᓱᐊᕋᑎᒃ ᑲᑐᔾᔨᖃᑎᒌᑦ ᐊᒻᒪ ᐃᖅᑲᓇᐃᔭᖅᑏᑦ
Covid-19 Update
ᐊᖏᕐᕋᕗᑦ ᑲᓂᒌᓗᐊᑦᑕᐃᓕᒪᕕᐅᔪᖅ
ᐊᖏᕐᕋᕗᑦ ᑲᓂᒌᓗᐊᑦᑕᐃᓕᒪᕕᐅᔪᖅ. ᑖᓐᓇ ᐸᐃᑉᐹᒨᕐᓗᒍ ᓂᐱᑎᒍᒃ ᐃᓯᕐᕕᒻᒧᑦ ᒪᑐᒧᑦ. ᐊᖏᕐᕋᐃᑦ ᓄᓇᓖᓪᓗ ᐊᑦᑕᓇᐃᖅᓯᒪᒍᒃ.
ᐊᖏᕐᕋᑎᓐᓂ ᖃᓂᒌᓗᐊᑦᑕᐃᓕᒪᓂᖅ. ᓱᓕ ᑕᑯᑦᓴᐅᑎᑦᓯᒍᓐᓇᖅᑐᒍᑦ ᓇᓪᓕᓂᕐᒥᒃ! ᐊᖃᕐᓗᑕ ᐅᖄᓚᐅᑎᒃᑯᑦ, ᑕᑯᓐᓇᖃᑦᑕᐅᑎᓗᑕ ᐅᖄᓚᐅᑎᕋᓛᒃᑯᑦ ᐅᕝᕙᓘᓐᓃᑦ ᐃᑦᓱᐊᕋᕐᓗᑕᓘᓐᓃᑦ ᐃᒐᓛᒃᑯᑦ. ᑯᓂᑦᑕᐃᓖᑦ ᐃᕿᖃᑦᑕᐅᑎᑦᑕᐃᓖᓪᓘᓐᓃᑦ.
ᐊᖏᕐᕋᑎᓐᓂ ᖃᓂᒌᓗᐊᑦᑕᐃᓕᒪᓂᖅ. ᐃᓐᓇᐃᑦ ᐊᑦᑕᓇᖅᑐᒨᖅᑎᑦᑕᐃᓕᒃᑭᑦ. ᐃᓐᓇᐃᑦ ᐊᐱᕆᖃᑦᑕᖏᓪᓗᒋᑦ ᓇᔪᕐᓯᖁᓗᒋᑦ/ ᐸᐃᕆᑦᓯᖁᓗᒋᑦ. ᐸᔪᖃᑦᑕᕐᓗᒋᑦ ᓂᕿᓂᒃ ᑭᓱᑐᐃᓐᓇᓂᓪᓗ ᐃᓯᑦᑕᐃᓕᓗᑎᑦ, ᒪᑐᖏᑕ ᓯᓚᑖᓄᑦ ᕿᒪᐃᕕᒋᒋᐊᖅᑐᑐᐃᓐᓇᖃᑦᑕᕐᓗᒋᑦ. ᓄᓗᕋᖃᑦᑕᕐᓗᒋᑦ ᐃᒐᓛᖏᑎᒍᑦ ᐊᒻᒪᓗ ᐅᖄᓚᐅᑎᒃᑯᑦ ᐅᖄᓚᕕᒋᖃᑦᑕᕐᓗᒋᑦ.
ᐊᖏᕐᕋᑎᓐᓂ ᖃᓂᒌᓗᐊᑦᑕᐃᓕᒪᓂᖅ. ᐊᒡᒐᑎᑦ ᐅᐊᓴᖃᑦᑕᕐᓗᒋᑦ/ᐃᕐᒥᖃᑦᑕᕐᓗᒋᑦ ᐊᒻᒪᓗ ᐊᒡᒍᖃᑦᑕᕐᓗᒋᑦ ᑐᓂᓯᒍᒪᓐᓂᕈᕕᑦ. ᕿᐱᓗᖃᑦᑕᕐᓗᑎᑦ ᐊᐱᕆᔭᐅᒐᐃᒍᕕᑦ, “ᐱᔭᕇᕈᕕᐅᒃ ᖃᐃᓂᐊᖅᑲᐃᑦ” ᖃᓪᓗᓈᑎᑐᑦ “ᐋᕝᑕ ᔫ”.
ᐊᖏᕐᕋᑎᓐᓂ ᖃᓂᒌᓗᐊᑦᑕᐃᓕᒪᓂᖅ. ᐊᒡᒐᑎᑦ ᐅᐊᓴᖃᑦᑕᕐᓗᒋᑦ ᐊᒻᒪᓗ ᐊᒡᒍᖃᑦᑕᕐᓗᒋᑦ ᕿᑐᕐᖓᕕᑦ ᓂᕆᓚᖓᔭᖏᑦ ᐊᑐᕐᓗᑎᑦ ᐊᒡᒍᐃᔾᔪᑎᓂᒃ. ᑕᒧᕐᕈᑎᖃᑦᑕᑦᑕᐃᓕᒃᑭᑦ ᐅᖁᒻᒥᔾᔨᓚᖓᓗᒋᑦ.
ᐊᖏᕐᕋᑎᓐᓂ ᖃᓂᒌᓗᐊᑦᑕᐃᓕᒪᓂᖅ. ᐳᐃᒍᑦᑕᐃᓕᒃᑭᑦ ᐊᑐᓪᓚᑦᑖᖃᑦᑕᕆᐊᓖᑦ. ᐊᒡᒐᑎᑦ ᐅᐊᓴᖃᑦᑕᕐᓗᒋᑦ/ᐃᕐᒥᖃᑦᑕᕐᓗᒋᑦ. ᖃᓂᑦᓴᑦᑕᐃᓕᖃᑦᑕᓗᑎᑦ. ᖁᐃᖅᓱᕈᕕᑦ ᖃᓃᑦ ᒪᑑᖃᑦᑕᕐᓗᒍ. ᓴᓗᒪᑎᓪᓗᒋᑦ ᑭᓱᑐᐃᓐᓇᐃᑦ ᖄᖏᑦ
ᓄᓇᕗᑦ ᑐᖖᒐᕕᒃᑯᑦ ᑎᒥᖓᑦ ᐃᓐᕼᐋᐱᑦ ᒦᑎᐊᒃᑯᓪᓗ, ᐱᓕᕆᖃᑎᒌᑦᑐᑎᒃ ᓴᖅᑮᒻᒪᑕ ᐃᑭᐊᖅᑭᕕᒃᑯᑦ ᐊᖏᕐᕋᒥ ᐃᓕᓐᓂᐊᕈᑕᐅᔪᓐᓇᖅᑐᒥᒃ
ᓄᓇᕗᑦ ᑐᖖᒐᕕᒃᑯᑦ ᑎᒥᖁᑖ ᐃᓐᕼᐋᐱᑦ ᒦᑎᐊᒃᑯᓪᓗ ᐃᓄᖕᓂᒃ ᓱᕈᓯᕐᓂᒃ ᒪᒃᑯᒃᑐᓂᒡᓗ ᐊᑐᐃᓐᓇᖃᖁᔨᖕᒪᑕ ᐅᖃᓕᒫᒐᑦᑎᐊᕙᖕᓂᒃ ᐃᓕᓐᓂᐊᕐᓂᕐᒧᓪᓗ ᐱᓕᕆᔾᔪᑎᓂᒃ ᐊᖏᕐᕋᒥ ᐃᓕᓐᓂᐊᕈᓐᓇᖁᓪᓗᒋᑦ. ᑕᐃᒫᒃ ᐱᔭᕆᐊᖃᓪᓚᕆᓕᕐᒪᑕ ᓄᕙᖕᓇᖅ-19 ᐱᔾᔪᑎᒋᓪᓗᒍ ᐃᓕᓐᓂᐊᕐᕖᓪᓗ ᒪᑐᔭᐅᓯᒪᓂᖏᑕ ᓄᓇᕗᒻᒥ, ᓄᓇᕗᑦ ᑐᖖᒐᕕᒃᑯᑦ ᑎᒥᖁᑖᑦ ᐃᓐᕼᐋᐱᑦ ᒦᑎᐊᒃᑯᓪᓗ ᐱᓕᕆᖃᑎᒌᑦᑐᑎᒃ ᐃᓄᒃᑑᖅᑐᓂᒃ ᐅᖃᓕᒫᒐᕐᓂᒃ ᐊᑐᐃᓐᓇᐅᑎᑦᑎᓕᕐᒪᑕ ᐃᑭᐊᖅᑭᕕᒃᑯᑦ ᐅᕘᓇ
ᓄᓇᕗᑦ ᑐᖖᒐᕕᒃ ᐱᓕᕆᖃᑎᖃᖅᑐᑎᒃ ᐃᓐᕼᐋᐱᑦ ᒦᑎᐊᒃᑯᓐᓂᒃ ᐃᓄᖕᓂᓪᓗ ᐃᓕᓐᓂᐊᖅᑎᑦᑎᔨᓂᒃ ᐃᓕᓐᓂᐊᕈᑎᓂᒃ ᐱᓕᕆᔾᔪᑎᓂᒃ ᐃᓄᒃᑎᑐᑦ ᑎᑎᖅᑭᕆᔾᔪᑎᓂᒡᓗ ᓴᓇᒻᒪᑕ ᐊᖏᕐᕋᒥ ᐱᓕᕆᐊᖑᔪᓐᓇᖅᑐᓂᒃ. ᐱᓇᓱᐊᕈᓯᑕᒫᑦ ᑕᒪᓐᓇ ᑐᐊᕕᕐᓇᖅᑐᖅ ᐊᑐᖅᑎᓪᓗᒍ ᓄᑖᓂᒃ ᐅᖃᓕᒫᒐᕐᓂᒃ ᐱᓕᕆᔾᔪᑎᓂᒡᓗ ᓴᑮᖃᑦᑕᕐᓂᐊᖅᑐᑦ ᐃᑲᔪᖅᓱᕈᒪᓪᓗᒋᑦ ᓄᓇᕗᒻᒥᐅᑦ ᐅᖃᐅᓯᖅᐳᑦ ᓴᖖᒋᔫᖏᓐᓇᕐᓂᐊᕐᒪᑦ.
“ᓄᓇᕗᑦ ᑐᖖᒐᕕᒃᑯᑦ ᑎᒥᖅᑯᑖᑦ ᐅᐱᒍᓱᒃᐳᑦ ᐃᑲᔪᕐᓂᐊᕐᒪᑕ ᐃᓄᒃᑐᑦ ᐃᓕᓐᓂᐊᕐᓂᕐᒥᒃ, ᐃᓚᒌᓂᒃ ᑲᑎᖖᒐᑎᑦᑎᒃᑲᓐᓂᕐᓗᑎᒃ ᐊᖏᕐᕋᖅᓯᒪᔪᓐᓇᑦᑎᐊᖁᓪᓗᑕ.” – ᐊᓗᑭ ᑰᑦᑎᖅ, ᓄᓇᕗᑦ ᑐᖖᒐᕕᒃᑯᑦ ᑎᒥᖁᑖ.
ᐊᖏᕐᕋᒥ ᐃᓕᓐᓂᐊᕐᓂᕐᒥᒃ ᐃᑲᔪᖅᓱᕈᒪᒐᑦᑕ, ᑲᔪᖏᖅᓴᐃᓗᑕᓗ ᐃᓄᖕᓂᒃ ᐱᓕᕆᖃᑎᖃᑦᑎᐊᕐᓗᑕ ᓴᖖᒋᑦᑎᖁᓪᓗᒍ ᐅᖃᐅᓯᖅᐳᑦ.” – ᓗᐃᔅ ᕝᓛᕼᐅᕐᑎ, ᐃᓐᕼᐋᐱᑦ ᒦᑎᐊ
ᓄᓇᕗᑦ ᑐᖖᒐᕕᒃᑯᑦ ᑎᒥᖁᑖᑕ ᒥᒃᓵᓄᑦ (NTI):
ᓄᓇᕗᑦ ᑐᖖᒐᕕᒃᑯᑦ ᑎᒥᖅᑯᑖ ᐊᐅᓚᑦᑎᕙᒃᐳᖅ ᑲᒪᓪᓗᓂᓗ ᐃᓄᐃᑦ ᐱᓕᕆᐊᖏᓐᓂᒃ ᓄᓇᕗᑦ ᐊᖏᕈᑎᖏᓐᓃᑦᑐᓂᒃ ᒐᕙᒪᑐᖃᒃᑯᑦ ᓄᓇᕗᒻᒥᓪᓗ ᒐᕙᒪᐃᑦ ᐱᔭᒃᓴᖏᑦ ᑲᔪᓯᑎᑕᐅᖁᓪᓗᒋᑦ.
ᐃᓐᕼᐋᐱᑦ ᒦᑎᐊᑉ ᒥᒃᓵᓄᑦ:
ᐃᓐᕼᐋᐱᑦ ᒦᑎᐊ ᑎᒥᖁᑖ ᐃᓄᖕᒧᑦ ᓇᒻᒥᓂᕆᔭᐅᔪᖅ ᐅᖃᓕᒫᒐᓕᐅᕐᕕᒃ ᓴᖅᑯᒪᑎᑦᑎᕙᒃᑐᖅ ᓴᐳᒻᒥᓪᓗᓂᓗ ᐅᓂᒃᑳᓂᒃ, ᖃᐅᔨᒪᓂᕐᒥᒃ, ᐅᑭᐅᖅᑕᖅᑑᑉ ᓄᓇᖏᓐᓃᖖᒑᑐᓂ. ᐱᔾᔪᑎᕗᑦ ᓴᖅᑯᒪᑎᓪᓗᒍ ᖃᐅᔨᓴᕐᓂᒃᑯᑦ ᐃᓄᐃᑦ ᓄᓇᕗᒻᒥᐅᑦ ᐅᒃᐱᕆᔭᖏᑦ ᐅᓂᒃᑳᖅᑐᐊᖏᑦ ᖃᐅᔨᒪᓂᖏᓪᓗ. ᑎᑎᕋᖅᑎᕗᑦ, ᐅᓂᒃᑳᖅᑐᐊᖅᑎᕗᑦ, ᑕᑯᒥᓇᖅᑐᓕᐅᖅᑎᕗᓪᓗ ᑕᒪᒃᑯᓂᖓ ᖃᐅᔨᒪᔭᐅᔪᓂᒃ ᐱᖖᒍᖅᑎᑦᑎᕙᒃᐳᑦ ᐊᑐᐃᓐᓇᐅᖁᓪᓗᒋᑦ ᐅᖃᓕᒫᖅᑎᓄᑦ ᐃᓄᐃᑦ ᓄᓇᖏᓐᓂᑦ ᓇᐹᖅᑐᓕᖕᒥᐅᓪᓗ ᓄᓇᖏᓐᓂᒃ ᑲᓇᑕᒥ. ᓄᓇᕗᒻᒥ ᓴᖅᑮᔨᐅᓪᓗᑕ ᓇᒻᒥᓂᖅᓱᖅᑐᒍᑦ, ᐅᑭᐅᖅᑕᖅᑑᑉ ᐅᓂᒃᑳᖏᓐᓂᒃ ᓯᓚᑐᓂᖏᓐᓂᒡᓗ ᓯᓚᕐᔪᐊᕐᒥᐅᓂᒃ ᑐᓴᖅᑕᐅᖁᔨᕗᒍᑦ.
ᓄᓇᕗᑦ ᑐᙵᕕᒃᑯᑦ ᑐᓴᕐᑕᐅᖁᔭᖏᑦ ᓇᓗᓇᐃᔭᕐᓯᒪᔪᑦ ᐱᓪᓗᒋᑦ ᑭᒃᑯᑐᐃᓐᓇᕐᓂᒃ ᐋᓐᓂᐊᕐᑖᑦᑕᐃᓕᒪᖁᔨᓪᓗᑎᒃ ᑐᐊᕕᓐᓇᕆᔭᐅᔪᑦ
ᓄᓇᕗᑦ ᑐᙵᕕᒃᑯᑦ ᑐᓴᕐᑕᐅᖁᔭᖏᑦ ᓇᓗᓇᐃᔭᕐᓯᒪᔪᑦ ᐱᓪᓗᒋᑦ ᑭᒃᑯᑐᐃᓐᓇᕐᓂᒃ ᐋᓐᓂᐊᕐᑖᑦᑕᐃᓕᒪᖁᔨᓪᓗᑎᒃ ᑐᐊᕕᓐᓇᕆᔭᐅᔪᑦ
ᓄᓇᕗᑦ ᑐᙵᕕᒃᑯᑦ ᑎᒥᖓ (ᑐᙵᕕᒃᑯᑦ) ᓈᖕᒪᓴᖅᐳᑦ ᐃᓱᒪᓕᐅᕈᑎᖓᓂᒃ ᓄᓇᕗᖕᒥ ᐊᐅᓚᑦᓯᔨᒻᒪᕆᖓᑦᑕ ᑭᓇᒃᑯᑐᐃᓐᓇᐃᑦ ᐋᓐᓂᐊᖃᖅᑕᐃᓕᒪᑎᑕᐅᓂᖏᓐᓄᒃ ᐱᓕᕆᔨᐅᑉ ᓇᓗᓇᐃᕆᓂᖓᓄᑦ ᑭᓇᒃᑯᑐᐃᓐᓇᕐᓂᒃ ᐋᓐᓂᐊᕐᑖᑦᑕᐃᓕᒪᖁᔨᓪᓗᑎᒃ ᑐᐊᕕᓐᓇᕆᔭᖃᓐᓂᖓᓄᑦ ᓄᓇᕗᖕᒥ ᑲᒪᒋᐊᕈᑕᐅᓪᓗᓂ ᓄᕙᒡᔪᐊᕐᓇᖅ−19 ᓯᐊᒻᒪᐸᓪᓕᐊᓂᖓᓄᑦ ᓄᓇᕐᔪᐊᕐᒥ.
ᑲᓇᑕᐅᑉ ᒐᕙᒪᒃᑯᖏᑦ ᖃᐅᔨᒪᓂᕋᕆᐊᖃᕐᒪᑕ ᐊᒻᒪ ᑲᒪᒋᐊᕈᑎᖃᓪᓗᑎᒃ ᓄᓇᕗᖕᒥ ᐊᑦᑐᕐᑕᐅᓴᕋᐃᒍᓐᓇᕐᓂᖓᓄᑦ ᓄᕙᒡᔪᐊᕐᓇᖅ−19-ᒧᑦ ᓄᓇᕐᔪᐊᕐᒥ ᓯᐊᒻᒪᐸᓪᓕᐊᓂᖃᖅᑎᓪᓗᒍ ᑲᒪᒋᔭᐅᒋᐊᑦᑕᐅᑎᒋᓗᑎᒃ ᐊᑦᑕᓐᓇᓗᐊᕐᑐᑦ, ᐊᒻᒪᓗᑦᑕᐅᖅ ᐃᓅᓇᓱᐊᕈᑎᑦ ᐊᒻᒪ ᑮᓇᐅᔾᔭᒃᓴᓂᒃᑯᑦ ᓇᓪᓕᖅᑰᑎᙱᒻᒪᑕ ᓄᓇᕗᖕᒥᐅᑦ ᐃᓄᐃᑦ ᐊᑦᑕᓐᓈᕿᓂᕐᓴᒦᒍᑎᒋᒻᒪᒍ.
ᐊᒥᓱᑦ ᐃᓄᐃᑦ ᐃᖕᒥᓄᑦ ᓴᐳᑎᓯᒪᔾᔪᑎᖃᙱᒻᒪᑕ ᑕᐃᒪᓐᓇ ᐊᑐᓕᖅᑕᐅᖁᓯᒪᔭᖓᑎᒍᑦ ᑲᓇᑕᒥ ᐊᐅᓚᑦᓯᔨᒻᒪᕆᖓᑦᑕ ᑭᓇᒃᑯᑐᐃᓐᓇᐃᑦ ᐋᓐᓂᐊᑖᖅᑕᐃᓕᒪᓂᖏᓐᓄᑦ. ᑭᓇᒃᑯᑐᐃᓐᓇᕐᓄᑦ ᐋᓐᓂᐊᑖᖅᑕᐃᓕᒪᓂᕐᒧᑦ ᑐᑭᓯᐅᒪᒍᑎᒃᓴᑦ ᐃᓄᒃᑑᖓᓗᑎᒃ ᓴᖅᑭᑕᐅᖃᑦᑕᙱᒻᒪᑕ, ᐃᓄᒋᐊᓐᓂᓴᐃᓪᓗ ᓄᓇᕗᖕᒥᐅᑦ ᐃᓄᒃᑐᑦ ᐅᖃᐅᓯᖃᖅᑐᑎᒃ. ᐃᒡᓗᒥᓗ ᐃᓄᒌᐊᓗᐊᕐᑐᑎᒃ, ᐊᒥᓱᑦ ᐃᓄᐃᑦ ᖃᓂᒃᓴᓗᐊᖅᑕᐃᓕᒪᒍᓐᓇᔮᙱᒻᒪᑕᓴ ᐃᓅᖃᑎᒥᓂᒃ ᐊᒻᒪ ᐃᓄᑑᓗᑎᒃ ᐊᓂᑦᑕᐃᓕᒪᒍᓐᓇᔾᔮᒐᑎᒃ ᐅᕝᕙᓗ ᐃᓄᑐᐊᖑᓗᑎᒃ ᐊᓂᑦᑕᐃᓪᓕᒍᓐᓇᔮᓇᑎᒃ. ᑕᐃᒪᑦᑕᐅᖅ, ᐊᒥᓱᑦ ᐃᓄᐃᑦ ᖃᐅᑕᒫᑦ ᐃᒥᕐᑕᕐᑕᐅᖏᓐᓇᐸᙱᒻᒪᑕ ᐅᕝᕙᓗ ᖁᑦᑕᑦ ᒥᓪᓗᐊᖅᑕᐅᔭᕐᑐᐃᓐᓇᕈᓐᓇᕋᑎᒃ ᑕᐃᒪᐃᑎᓪᓗᒍ ᐊᒡᒐᒥᓂᒃ ᐅᐊᓴᕐᓂᖅ/ᐃᕐᒥᓐᓂ ᐱᔭᓐᓂᔮᙱᑦᑐᖅ.
ᐃᓱᐊᕐᓴᐃᔨᑭᒃᓴᐃᓐᓇᕐᑐᑦ ᐃᖅᑲᓇᐃᔭᕐᑎᓂᒃ, ᓈᖕᒪᒐᑎᓪᓗ ᐋᓐᓂᐊᕖᑦ, ᓂᕿᒃᓴᖃᑦᑎᐊᐸᙱᑐᓪᓗ ᐊᒻᒪ ᐃᓅᓇᓱᐊᕈᑎᓂᒃ ᑎᑭᑎᑕᐅᕙᒃᑐᓂᒃ ᑎᑭᕝᕕᐅᖏᓐᓇᕈᓐᓇᐃᓕᒍᓐᓇᕐᑐᑎᒃ ᑕᐃᒪᐃᓐᓂᖓᓄᑦ ᓄᓇᕗᖕᒥ ᓄᕙᒡᔪᐊᕐᓇᖅ−19 ᐱᑕᖃᓗᐊᓕᕐᓂᕐᐸᑦ ᐊᒃᓱᐊᓗᒃ ᓱᑕᐃᕐᓯᓪᓗᐊᕋᔭᕐᑐᖅ.
ᓄᓇᕗᖕᒥᐅᑦ ᐃᓄᖏᑦ ᑎᓕᐅᖅᑕᐅᕗᑦ ᒪᓕᑦᑎᐊᖁᔭᐅᓪᓗᑎᒃ ᒪᓕᒃᑕᐅᖁᔭᖏᓐᓂᒃ ᓄᓇᕗᖕᒥ ᐊᐅᓚᑦᓯᔨᒻᒪᕆᖓᑦᑕ ᑭᓇᒃᑯᑐᐃᓐᓇᕐᓂᒃ ᐋᓐᓂᐊᖃᑦᑕᐃᓕᒪᑎᑦᑎᔨᐅᑉ,
ᐅᑯᓂᖓ ᐱᖃᓯᐅᔾᔨᓗᑎᒃ: ᐊᖏᕐᕋᕐᓯᒪᓗᓯ, ᐊᒡᒐᑎᑦ ᐅᐊᓴᕐᐸᓪᓗᒋᑦ/ᐃᕐᒥᖃᑦᑕᕐᓗᒋᑦ, ᑯᓂᒃᓴᖃᑦᑕᖏᓪᓗᓯ ᓱᕈᓯᓛᓂᒃ, ᐊᒻᒪ ᓂᕿᓂᒃ ᑕᒧᐊᔾᔪᔾᔨᖃᑦᑕᖏᓪᓗᓯ ᓄᑕᖅᑲᓛᑦᓯᓐᓄᑦ, ᖃᐅᔨᒋᐊᕈᓐᓇᖅᐳᑎᑦ www.gov.nu.ca.
-30-
ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᓇ ᑐᑭᓯᒋᐊᕐᕕᒋᒃᑲᓐᓂᕈᓐᓇᕐᐸᑦ:
ᒪᓚᐃᔭ ᒥᑭᔾᔪᒃ
ᑐᑭᒧᐊᒃᑎᑦᑎᔨᐅᑲᐃᓐᓇᖅᑐᖅ ᑐᓴᐅᒪᖃᑦᑕᐅᑎᓕᕆᔨᒃᑯᓐᓄᑦ
ᓄᓇᕗᑦ ᑐᙵᕕᒃ ᑎᒥᖓ
ᐅᖄᓚᐅᑖ: (867) 975-4900
https://www.tunngavik.com
ᖃᔮᖅ ᐃᐊᓪᖦᒍᑦ
ᑐᓴᐅᒪᔭᐅᔭᕆᐊᖃᖅᑐᓂᒃ ᖃᐅᔨᒪᔨ
ᑎᑎᕋᕐᕕᖓ ᐊᖓᔪᖅᑳᑉ ᐊᓗᑭ ᑰᑦᑎᖅ
ᐅᖄᓚᐅᑖ: (867) 222.3939
https://www.president.tunngavik.com
ᐊᑐᓕᕆᐊᓐᓂᐊᕐᓗᓂ ᒪᑦᓯ 18, 2020, ᐊᒻᒪ ᖃᐅᔨᒃᑲᕐᑕᐅᒃᑲᓐᓂᓚᐅᒋᓂᑦᓯᓐᓂ, ᓄᓇᕗᑦ ᑐᙵᕕᒃᑯᑦ ᑎᒥᖓ (ᑐᙵᕕᒃ) ᑎᑎᕋᕐᕕᖓ ᒪᑐᓛᕐᑐᖅ ᐊᒻᒪ ᐃᖅᑲᓇᐃᔭᕐᑎᖏᑦ
ᐊᑐᓕᕆᐊᓐᓂᐊᕐᓗᓂ ᒪᑦᓯ 18, 2020, ᐊᒻᒪ ᖃᐅᔨᒃᑲᕐᑕᐅᒃᑲᓐᓂᓚᐅᒋᓂᑦᓯᓐᓂ, ᓄᓇᕗᑦ ᑐᙵᕕᒃᑯᑦ ᑎᒥᖓ (ᑐᙵᕕᒃ) ᑎᑎᕋᕐᕕᖓ ᒪᑐᓛᕐᑐᖅ ᐊᒻᒪ ᐃᖅᑲᓇᐃᔭᕐᑎᖏᑦ ᐊᖏᕐᕋᒥᓂ ᐃᖅᑲᓇᐃᔭᖃᑦᑕᓂᐊᕐᑐᑦ ᖃᓂᒃᓴᓗᐊᕐᑕᐃᓕᒪᓇᐅᓂᖓᓂ ᓄᕙᒡᔪᐊᓇᖅ−19-ᒥᒃ ᓄᓇᕐᔪᐊᓕᒫᕐᒥ ᓯᐊᒻᒪᐸᓪᓕᐊᓯᒪᓂᖃᖅᑎᓪᓗᒍ. ᑐᙵᕕᒃᑯᓐᓄᑦ ᐅᕝᕙᓗ ᐃᖅᑲᓇᐃᔭᕐᑎᖏᓐᓂᒃ ᐅᖃᖃᑎᖃᕈᒪᒍᕕᑦ:
• ᐊᑏᑦ ᐊᑑᑎᖃᖅᑎᒃᑭᑦ ᑐᙵᕕᒃᑯᑦ ᖃᕆᓴᐅᔭᒃᑯᑦ ᑎᑎᕋᖅᑕᐅᕕᐅᔪᓐᓇᕈᑎᖏᑦ ᐊᑐᓲᑎᑦ.
• ᑐᙵᕕᒃᑯᑦ−ᐊᐅᓚᑕᖏᑦ ᐱᓕᕆᔾᔪᑏᑦ:
o ᐊᑎᓕᐅᖅᑕᐅᓯᒪᒍᑏᑦ 1-888-236-5400
o ᓄᓇᕗᖕᒥ ᐊᖑᓇᓱᒃᑏᑦ ᐃᑲᔪᕐᑕᐅᒍᑎᖏᓐᓄᑦ ᐱᓕᕆᔾᔪᑏᑦ 1-888-236-5400
o ᐃᓕᓐᓂᐊᕐᑐᓄᑦ ᐃᑲᔪᕐᑕᐅᒍᑏᑦ 1-888-236-5400
o ᐃᓐᓇᕐᓄᑦ ᐃᑲᔪᕈᑕᐅᕙᒃᑐᑦ 1-888-236-5400
• ᐅᖄᓚᔭᕆᐊᖃᕈᕕᑦ ᑐᙵᕕᒃᑯᓐᓄᑦ, ᐅᕗᖓ ᐅᖄᓚᓗᑎᑦ 1-888-646-0006
Katujjiqatigiinniq Protocol
ᓄᓇᕗᑦ ᒐᕙᒪᒃᑯᖏᑦ ᓄᓇᕗᑦ ᑐᙵᕕᒃᑯᓪᓗ ᐊᑎᓕᐅᕐᐳᑦ ᓄᑖᙳᕆᐊᖅᑕᒥᑦ ᒪᓕᒋᐊᓕᖓᓂᒃ ᐊᖏᕈᑎᒥᒃ
ᐃᖃᓗᐃᑦ, ᓄᓇᕗᑦ (ᔮᓄᐊᕆ 21, 2020) – ᓄᓇᕗᒻᒧᑦ ᓯᕗᓕᖅᑎ ᔫ ᓴᕕᑲᑖᖅ ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᓗ ᐊᓗᑭ ᑰᑦᑎᖅ ᐊᑎᓕᐅᖅᑲᐅᕘᒃ ᑲᑐᔾᔨᖃᑎᒌᖕᓂᕐᒧᑦ ᒪᓕᒋᐊᓕᖓᓂᒃ ᐊᖏᕈᑎᒥᒃ ᐅᓪᓗᒥ, ᐃᑲᔫᑕᐅᓂᐊᕐᓗᓂ ᑲᑐᔾᔨᓗᑎᒃ ᐃᓄᐃᑦ−ᒐᕙᒪᒃᑯᓪᓗ ᑎᑭᓐᓇᓱᐊᖅᑕᖏᓐᓄᑦ ᐃᑲᔫᑕᐅᓂᐊᕐᓗᓂ ᓄᓇᕗᒻᒥᑦ ᐃᓄᖏᓐᓄᑦ.
ᐱᓗᐊᖅᑐᖅᒥᑦ, ᑲᑐᔾᔨᖃᑎᒌᖕᓂᖅ ᐃᑲᔫᑎᓂᐊᖅᑐᖅ ᐱᓕᕆᐊᖑᔪᓂᑦ ᐅᑯᓇᓂ:
- ᑐᙵᕕᒋᔭᐅᔪᑦ, ᓯᕗᓪᓕᐅᔾᔭᒃᓴᐃᑦ ᖃᓕᕇᓕᖓᔪᑎᒍᓪᓗ ᐊᐅᓚᓐᓃᑦ ᐃᑲᔫᑎᓂᐊᕐᑐᑦ ᐱᓕᕆᑦᑎᐊᖃᑎᒌᖕᓂᖕᓂᑦ ᖃᓄᐃᓕᐅᖅᑕᓂᒡᓗ;
- ᐱᓪᓚᑦᑖᖅᑐᓂᑦ ᐊᖏᖃᑎᒌᒃᓗᑎᒃ ᐱᔾᔪᑎᓖᑦ ᓯᕗᓕᖅᑎᐅᓂᖕᒥᑦ, ᑲᒪᑦᑎᐊᕐᓂᖕᓂᑦ, ᐱᓕᕆᐊᖑᓂᖏᓐᓂᒡᓗ ᐱᔾᔪᑎᖃᖕᓂᐊᖅᑐᑦ ᐱᐅᓯᕚᓪᓕᖅᑎᑦᑎᓂᖕᒥᑦ ᐱᓕᕆᖃᑎᒌᖕᓂᖕᓂᑦ ᖃᓄᐃᓕᐅᖅᑕᓂᒡᓗ; ᐊᒻᒪᓗ
- ᓄᓇᕗᑦ ᒐᕙᒪᒃᑯᖏᑦ ᓄᓇᕗᑦ ᑐᙵᕕᒃᑯᓪᓗ ᐊᑐᓕᖅᑎᑉᐸᓪᓕᐊᖏᓐᓇᕐᑕᖏᑦ ᓄᓇᕗᑦ ᐊᖏᕈᒻᒥᑦ, ᐃᓚᐅᓪᓗᓂ ᑎᑎᕋᖅᓯᒪᔪᖅ ᐃᓗᐊᓂᑦ 32 ᐱᕙᓪᓕᐊᑎᑕᐅᓂᖓᓗ ᑎᑎᕋᖅᓯᒪᔪᖅ 32 ᐊᑐᐊᒐᖓ ᑲᑐᔾᔨᓪᓗᑎᒡᓗ ᑐᓴᐅᒪᖃᑎᒌᖕᓂᖕᒧᑦ ᐊᖏᕈᑎᒥᑦ.
“ᓄᓇᕗᒻᒥ ᐃᓄᐃᑦ ᐱᔪᓐᓇᖕᓂᖃᖅᐳᑦ ᐃᓚᐅᓂᐊᕐᓗᑎᒃ ᐱᕙᓪᓕᐊᓂᖏᓐᓄᑦ ᐃᓄᓕᕆᓃᑦ ᐃᓕᖅᑯᓯᓕᕆᓂᖕᒧᓪᓗ ᐊᑐᐊᒐᓂᑦ, ᓴᓇᒪᓂᖏᓐᓂᒡᓗ ᐃᓄᓕᕆᓂᖕᒧᑦ ᐃᓕᖅᑯᓯᓕᕆᓂᖕᒧᓪᓗ ᐱᓕᕆᐊᒃᓴᓂᑦ ᐱᔨᑦᑎᕋᐅᑎᓂᒡᓗ, ᐃᓚᐅᓪᓗᑎᒃ ᖃᓄᖅ ᐱᓕᕆᐊᖑᓂᖏᑦ,” ᐅᖃᖅᑐᖅ ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᑦ ᑰᑦᑎᖅ. “ᑲᑐᔾᔨᖃᑎᒌᖕᓂᕐᒧᑦ ᒪᓕᒋᐊᓕᖏᓐᓂᒃ ᐊᖏᕈᑎ ᓇᓗᓇᐃᕐᓯᕗᑦ ᑲᑐᔾᔨᓯᒪᓂᒃᑯᑦ ᐊᖏᕈᑎᒋᓯᒪᔭᑦᑎᓐᓂᑦ ᐱᓕᕆᖃᑎᒌᑦᑎᐊᕐᓂᐊᕐᓗᑕ ᐃᓗᐃᑦᑑᓕᖓᔪᑎᒍᑦ ᓈᒻᒪᒃᑐᒃᑯᓪᓗᒋᑦ ᐊᑐᓕᖅᑎᑦᑎᓂᖕᓂᑦ ᓄᓇᕗᑦ ᐊᖏᕈᑖᓂᑦ.”
“ᓄᓇᕗᑦ ᒐᕙᒪᒃᑯᖏᑦ ᓄᓇᕗᑦ ᑐᙵᕕᒃᑯᓪᓗ ᐊᑯᓂᐊᓗᑦ ᐊᔾᔨᒌᓂᑦ ᓯᕗᓪᓕᐅᔾᔭᖃᖃᑦᑕᕐᓯᒪᔪᑦ, ᓴᙱᔪᑎᒍᑦ ᓯᕗᓕᖅᑎᖃᖅᖢᑎᒃ ᐱᓕᕆᖃᑎᒌᒃᐸᒃᖢᑎᒡᓗ ᓯᕗᒧᐊᕋᓱᒃᖢᓂᔾᔪᒃ ᓄᓇᕗᑦ ᐱᔭᕆᐊᓕᖏᓐᓂᑦ,” ᐅᖃᓚᐅᖅᑐᖅ ᓯᕗᓕᖅᑎ ᓴᕕᑲᑖᒃ. “ᓯᕗᒧᐊᒍᓐᓇᕐᓯᔪᖓ ᓄᑖᓂᑦ ᐊᖏᕈᑎᖃᕐᓗᑕ ᓂᐱᖃᕐᓂᕐᓴᐅᓕᕐᓗᑕᓗ ᐱᐅᔪᑎᒍᑦ ᐊᒃᑐᐃᓂᖃᖁᓪᓗᒋᑦ ᓄᓇᕗᒻᒥᐅ. ᖁᕕᐊᒋᔭᕗᑦ ᐊᒃᓱᕉᑎᒋᔭᕗᓪᓗ ᐊᑑᑎᖃᑦᑎᐊᓲᑦ ᑲᑐᔾᔨᓪᓗᑕ ᑐᙵᕕᒃᑰᕋᖓᑦᑕ ᐊᑕᐅᑦᑎᒃᑯᑦ.”
ᓄᓇᕗᑦ ᑐᙵᕕᒃᑯᑦ ᓄᓇᕗᑦ ᒐᕙᒪᒃᑯᓪᓗ ᐊᑎᓕᐅᓚᐅᕆᕘᒃ ᑲᖏᖅᑐᒑᐱᖕᒥᑦ ᒪᓕᒋᐊᓕᓐᓂᒃ ᐊᖏᕈᑎᒥᒃ 1999−ᒥᑦ, ᐃᖅᑲᓇᐃᔭᖃᑎᒌᑦ 2004−ᒥᑦ ᐊᒻᒪᓗ ᐋᔩᖃᑎᒌᖕᓂᖅ 2011−ᒥᑦ, ᐱᔾᔪᑎᒋᑦ ᐱᓕᕆᖃᑎᒌᑦᑎᐊᖁᓪᓗᑕ. ᑲᑐᔾᔨᖃᑎᒌᖕᓂᖅ ᐊᑐᐃᓐᓇᐅᔪᖅ ᖃᕆᑕᐅᔭᒃᑯᑦ ᐅᕙᓂ https://president.tunngavik.com/files/2020/01/Katujjiqatigiinniq-Protocol-Inuktut.pdf.
###
ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ, ᖃᐅᔨᒋᐊᕐᕕᒋᓗᒍ:
ᑲᐃᑦ ᒪᒃᓚᐅᑦ
ᐱᕙᓪᓕᐊᔪᓄᑦ ᑎᑎᕋᖅᑎ
ᓯᕗᓕᖅᑎ ᔫ ᓴᕕᑲᑖᖅ ᑎᑎᕋᕐᕕᐊᓂ
867-975-5059
ᖃᔮᖅ ᐃᐅᔅᐅᐊᑦ
ᑐᓴᒐᒃᓴᓕᕆᔨᓄᑦ ᐅᖃᐅᔾᔪᐃᔨᒻᒪᕆᒃ
ᐊᖓᔪᖅᑳᑉ ᑎᑎᕋᕐᕕᐊ
ᓄᓇᕗᑦ ᑐᙵᕕᒃ ᑎᒥᖓᑦ
867-975-4955
