ᐊᖓᔪᖅᑳᖅ ᐊᓗᑭ ᑰᑦᑎᖅ, ᐱᔾᔪᑎᓗᒋᑦ ᓄᓇᕗᖕᒥ ᐃᓄᖏᑦ, ᐅᐱᒍᓱᒃᐳᖅ ᒧᒥᓛᖅ ᖃᖅᑲᕐᒥ ᓂᕆᐊᖅᑕᐅᖕᒪᑦ ᑲᑎᒪᔨᐅᓂᐊᓕᕐᓗᓂ ᑲᓇᑕᐅᑉ ᑲᑎᒪᕕᔾᔪᐊᖓᓂ ᑭᒡᒐᑐᕐᑎᐅᓪᓗᓂ ᓄᓇᕗᖕᒥ ᐊᒻᒪᓗ ᑲᓇᑕᐅ ᐊᖓᔪᖅᑳᕐᔪᐊᖓ ᔭᔅᑕᓐ ᑐᕉᑐ ᐊᒻᒪᓗ ᓕᐳᕈᒃᑯᑦ ᓂᕈᐊᖅᑕᐅᖕᒪᑕ ᒐᕙᒪᒋᔭᐅᓂᐊᕐᓗᑎᒃ.
ᑲᑎᒪᔨ ᑲᓇᑕᐅᑉ ᑲᑎᒪᕕᔾᔪᐊᖓᓄᑦ ᓂᕈᐊᖅᑕᐅᔪᖅ ᖃᖅᑲᖅ, ᐊᖓᔪᖅᑳᖓᑦ ᑰᑦᑎᖅ ᐅᖃᓚᐅᕐᑐᑦ, “ᓂᕈᐊᖅᑕᐅᓯᒪᓂᕐᓄᑦ ᓄᑖᒥᒃ ᐱᓕᕆᓂᐊᕐᑎᓪᓗᑎᒃ, ᐃᖅᑲᓇᐃᔭᖃᑎᒋᓂᐊᕐᐸᑦᑎᒋᑦ ᐊᑐᓕᕐᑎᑕᐅᖁᓪᓗᒍ ᑕᒪᕐᒥᒃ ᓄᓇᕗᑦ ᐊᖏᕈᑎᖏᑦ. ᒪᒃᑯᑦᑐᑦ ᐃᓄᐃᑦ, ᓯᕗᓕᕐᑎᐅᓚᐅᕐᒪᑕ ᐊᐃᕙᔨᐅᓪᓗᑎᒃ ᐊᒻᒪ ᓄᓇᕗᑦ ᐊᖏᕈᑎᖓᓂᒃ ᐊᖅᑭᒃᓯᓚᐅᕐᑐᑦ. ᓱᓕ ᐊᖏᔪᒥᒃ ᐃᖅᑲᓇᐃᔮᒃᓴᖃᕋᑦᑕ ᑕᑯᓂᐊᕈᑦᑎᒍᑦ ᓄᓇᕘᒥ ᑕᑯᓐᓇᖑᐊᕐᓯᒪᔭᕗᑦ. ᓇᓗᖅᑯᑎᙱᓚᖓ ᑐᑭᓯᐊᑦᑎᐊᕋᕕᒋᑦ ᐱᔾᔪᑕᐅᔪᑦ ᐊᒻᒪ ᐃᓱᒫᓗᒍᑕᐅᔪᑦ ᐱᒻᒪᕆᐅᖕᒪᑕ ᐃᓄᖕᓄᑦ, ᐊᒻᒪ ᐃᖅᑲᓇᐃᔭᖃᑎᖃᕈᒪᓂᕗᑦ ᐊᒻᒪ ᐃᖅᑲᓇᐃᔭᖃᑎᒌᒍᓐᓇᕐᓂᕗᑦ ᐊᑑᑎᖃᑦᑎᐊᓂᐊᕐᐳᑦ ᑕᒪᑦᑎᓐᓄᑦ.”
ᓂᕈᐊᖅᑕᐅᓕᖅᑭᑦᑎᓪᓗᒋᑦ ᓕᐳᕈᒃᑯᑦ ᑰᑦᑎᖅ ᐅᖃᕆᓪᓗᓂ, “ᐃᓄᐃᑦ ᓯᕗᒧᒃᐸᓪᓕᐊᓂᖃᖅᓯᒪᒻᒪᑕ ᐃᓄᐃᓪᓗ ᐊᒻᒪ ᑲᓇᑕᐅᑉ ᒐᕙᒪᒃᑯᖏᑕ ᒥᓂᔅᑕᖏᑦ ᑲᑎᒪᔨᕋᓛᖃᓐᓂᖏᓐᓄᑦ ᑲᑦᑐᑎᓂᖃᑦᑎᐊᕐᓯᒪᒻᒪᑕ ᐊᒻᒪᓗ ᑐᕌᖅᑕᒥᓐᓂᒃ ᓴᖅᑮᔪᓐᓇᕐᓯᒪᓪᓗᑎᒃ ᐃᓅᓯᓕᕆᔾᔪᑏᑦ ᐊᒻᒪ ᐱᕙᓪᓕᐊᓂᖃᕈᑏᑦ ᐃᓚᐃᓐᓈᓗᐊᕐᓯᒪᔪᑦ ᑲᒪᒋᔭᐅᔪᓐᓇᕐᓯᒪᓪᓗᑎᒃ ᐃᓄᐃᑦ ᓵᙵᓯᒪᔭᖏᑦ. ᐅᐱᒋᔪᒪᕙᕋ ᑲᓇᐅᑉ ᐊᖓᔪᖅᑳᕐᔪᐊᖓ ᔭᔅᑕᓐ ᑐᕉᑐ ᐊᒻᒪᓗ ᓕᐳᕈᒃᑯᑦᒃ ᓂᕈᐊᖅᑕᐅᓕᖅᑭᒻᒪᑕᓴ ᒐᕙᒪᒋᔭᐅᓂᐊᕐᓗᑎᒃ. ᕿᓚᓈᕐᐳᒍᑦ ᐃᖅᑲᓇᐃᔭᖃᑎᒋᓂᐊᕐᓂᑎᓐᓂᒃ ᐊᒻᒪᓗ ᐱᓕᕆᖃᑎᒋᓂᐊᕐᓂᑎᓐᓂᒃ ᐱᓪᓂᓗᒋᑦ ᓯᕗᐊᒋᐊᖃᓐᓂᖏᑦ ᐃᓄᐃᑦ ᐱᔪᓐᓇᐅᑎᖏᑦ ᐊᒻᒪᓗ ᐱᔪᒥᒋᔭᖏᑦ.”
ᓄᓇᕗᑦ ᑐᙵᕕᒃᑯᑦ ᓂᕆᐅᑦᑖᕆᔭᑦ ᐸᕐᓇᒍᑏᑦ ᓯᕗᓪᓕᕐᐹᖑᑎᑕᐅᔪᑦ (2018-2021) ᐅᑯᐊᖑᕗᑦ ᐃᓄᐃᑦ ᐃᖅᑲᓇᐃᔭᐅᕐᑎᑕᐅᓂᖏᑦ, ᓄᓇᕗᖕᒥ ᐃᓕᓐᓂᐊᕐᓂᓕᕆᔾᔪᑎᑦ ᐃᓄᐃᑦ ᐃᓕᖅᑯᓯᖏᑎᑑᑦ, ᐃᓄᒃᑐᑦ ᐅᖃᐅᓯᖅ ᐃᖅᑲᓇᐃᔭᕐᕕᓂ ᐊᑑᑎᖃᖅᑎᑕᐅᓗᓂ ᓄᓇᕗᖕᒥ, ᐊᑭᑐᔪᓂᒃ ᐊᑲᕐᕆᔾᔪᑎᓂᒃ ᐃᓚᑰᓗᐊᖏᓕᕐᑕᐅᓗᑎᒃ ᐊᒻᒪᓗ ᐊᑐᓕᖅᑎᑕᐅᓗᓂ ᐃᓛᒃᑰᖓᔪᖅ 32 ᓄᓇᕗᑦ ᐊᖏᕈᑎᖏᓐᓂ.
ᓄᓇᕗᑦ ᑐᙵᕕᒃᑦᑯᑦ ᑲᒪᕙᒃᐳᑦ ᐊᒻᒪᓗ ᐊᐅᓚᑦᓯᓪᓗᑎᒃ ᐃᓄᐃᑦ ᑲᒪᒋᔭᕆᐊᖃᖅᑕᖏᓐᓂᒃ ᑕᐃᒪᓐᓇ ᓄᓇᕗᑦ ᐊᖏᕈᑎᖏᓐᓂ ᑎᑎᕋᖅᓯᒪᒻᒪᑕ ᐊᒻᒪᓗ ᒐᕙᒪᑐᖃᒃᑯᑦ ᐊᒻᒪ ᓄᓇᕘᑉ ᒐᕙᒪᒃᑯᖏᑦ ᑲᒪᒋᔭᕆᐊᓕᕐᒥᓂᒃ ᑲᒪᒐᓗᐊᕐᒪᖔᑖ ᐅᔾᔨᑐᖅᑕᐅᓗᑎᒃ.
“ᖁᔭᒋᕙᒃᑯ ᐱᖓᓱᐃᑦ ᓂᕈᐊᕋᒃᓴᐅᓚᐅᕐᒥᔪᑦ ᓄᓇᕗᖕᒥ, ᓕᐅᓇ ᐊᒡᓘᒃᑲᖅ, ᒪᐃᒐᓐ ᐲᔪ ᓚᐃᐅᓪ ᐊᒻᒪ ᑕᒐᓚᔅ ᕈᐊᐃ ᐱᓂᐊᕐᓂᖃᕈᒪᓯᒪᓂᖏᓐᓄᑦ ᐃᓄᖏᓐᓄᑦ ᓄᓇᕘᑉ ᐊᒻᒪᓗ ᓂᕈᐊᕐᓂᒃᑯᑦ ᑲᒪᓂᐅᕙᒃᑐᑦ” ᐅᖃᖅᑐᑦ ᑰᑦᑎᖅ
ᑐᑭᓯᒋᐊᒃᑲᓂᕐᕕᒃᓴᖅ
ᒪᓚᐃᔭ ᒥᑭᔾᔪᒃ
ᑐᑭᒧᐊᒃᑎᑦᑎᔨᐅᑉ ᐃᑲᔪᖅᑎᖓ
ᓄᓇᕗᑦ ᑐᓐᖓᕕᒃ ᑎᒥᖓ
ᐅᖄᓚᐅᑖ: 867-975-4907
www.tunngavik.com
