Yearly Archives: 2017

iPad Giveaway

ᔪᓚᐃ 9, 2017, ᓄᓇᕗᑦ ᑐᓐᖓᕕᒃ ᑎᒥᖓᑦ ᓴᖅᑭᑎᑦᑎᔪᑦ ᐊᑭᖃᖏᑦᑐᓂᒃ ᖃᕆᑕᐅᔭᕋᓛᓂᒃ ᑎᒍᒥᐊᒐᓂᒃ ᐃᓗᓕᖏᓪᓗ ᑕᐃᔭᐃᔪᖅ ᑐᓐᖓᕕᒃ. ᐃᓗᓕᖏᑦ ᓴᖅᑭᑎᑕᐅᓚᐅᖅᑐᑦ ᐃᓚᒋᓪᓗᓂᒋᑦ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐱᓂᐊᕐᓂᕋᖅᓯᒪᔭᖏᑦᑎᒍᑦ ᐊᖅᑮᒋᐊᕐᓂᕐᒥᑦ ᑐᑭᓯᐅᒪᓂᒃᑯᑦ ᐊᒻᒪᓗ ᐅᓗᒻᒥᒨᖓᓕᖅᑐᓂᒃ ᐅᑯᓂᖓ ᓄᓇᕗᑦ ᐊᖏᕈᑎᖏᓐᓂ.

ᐃᓚᒋᓪᓗᓂᒋᑦ ᓴᖅᑭᑎᑕᐅᔪᑦ, ᓄᓇᕗᑦ ᑐᓐᖓᕕᒃ ᑎᒥᖓᑦ ᑐᓂᓯᓂᐊᖅᑐᑦ ᑕᓪᓕᒪᓂᒃ ᖃᕆᑕᐅᔭᕋᓛᓂᒃ ᑎᒍᑎᐊᒐᐅᔪᓂᒃ ᐃᓗᓕᖃᖅᑐᑦ ᑐᓐᖓᕕᒃ ᐱᖁᑎᖏᓐᓂᒃ. ᐃᓄᐃᑦ ᐊᑎᓕᐅᖃᑕᐅᓯᒪᔪᑦ ᐃᓗᐊᓂ ᐅᑯᐊ ᓄᓇᕗᑦ ᐊᖏᕈᑎᖏᓐᓂᒃ ᐱᔪᓐᓇᖅᑐᑦ ᐊᑎᕐᒥᓂᒃ ᐃᓕᓯᓗᑎᒃ.

The iPad giveaway is now closed.

ᓵᓚᒃᓴᖅᑐᑦ ᐅᖃᐅᓯᐅᓛᖅᑐᑦ ᐊᐅᒡᒍᓯ ᐱᒋᐊᓕᖅᐸᑦ.

ᑐᒃᓯᕋᐅᑎ ᑐᒃᓯᕋᐅᑎᓄᑦ

RFP Travel cover (INUK)

ᓄᓇᕗᑦ ᑐᙵᕕᒃ ᑎᒥᖓ, ᓄᓇᑖᕈᑕᐅᓯᒪᔪᓄᑦ ᑎᒥᐅᔪᖅ ᐃᓄᖏᓐᓄᑦ ᓄᓇᕗᖕᒥᐅᓄᑦ, ᑐᒃᓯᕋᕈᑎᓕᐅᖁᔨᒻᒪᑕ ᐊᔪᖏᓐᓂᖃᐱᓕᕆᕕᓂᒃ ᑲᒪᒋᔭᖃᓲᓂᒃ ᖃᖓᑦᑕᐅᑎᓕᕆᓲᓂᒃ ᐱᔨᑦᑎᕐᑎᖃᕆᐊᖃᕐᒪᑕ ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᐊᒻᒪᓗ ᐃᖅᑲᓇᐃᔭᕐᑎᖏᑦ ᐃᖃᓗᖕᓂ, ᑲᖏᖅᖠᓂᕐᒥ, ᐃᖃᓗᑦᑑᑦᑎᐊᕐᒥ, ᐊᒻᒪᓗ ᐊᑑᕚᒥ ᑎᑎᕋᕐᕕᓂ ᐱᓕᕆᔪᑦ.
ᐱᔭᕇᖅᑕᐅᓯᒪᕕᒋᔭᕆᐊᓕᖏᓐᓂᒃ ᐱᔭᕇᖅᓯᓯᒪᔪᓐᓇᕐᑐᑦ, ᖃᐅᔨᒪᓂᖃᑦᑎᐊᕐᓗᑎᒃ ᐱᔨᑦᑎᕈᓐᓇᕐᓂᖏᑦ ᐃᓱᒪᒋᖃᓯᐅᔾᔭᐅᓂᖃᕋᔭᕐᑐᑦ. ᑕᐃᒪᓐᓇ ᓄᓇᕗᑦ ᑐᙵᕕᒃ ᑎᒥᖓᑕ ᓂᐅᕕᕐᓂᕐᒧᑦ ᐊᒻᒪᓗ ᓴᓈᒃᓴᑖᖅᑎᑦᑎᓂᕐᒧᑦ ᐊᑐᐊᒐᖏᑦ ᒪᓕᓪᓗᒋᑦ, ᐱᔪᒪᔭᐅᓂᕐᓴᐅᔫᒐᓗᐊᑦ ᐃᓄᖕᓄᑦ ᓇᖕᒥᓂᖅ ᐱᓕᕆᕕᐅᔪᑦ ᑐᒃᓯᕋᕈᑎᓕᐅᕐᑎᓪᓗᒋᑦ ᑖᓐᓇ ᐊᑑᑎᖃᖅᑎᑕᐅᒐᔭᕐᑐᖅ.

ᑐᒃᓯᕋᕈᑎᓕᐅᕐᓂᕐᒧᑦ ᐅᓪᓗᖓ ᐃᓱᓕᒃᕕᒃᓴᓕᒃ ᐋᒐᓯ 18, 2017.


rfpcoverRequest for Proposal: Travel Management Services

ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ ᐅᕝᕙᓗ ᐊᔾᔨᖏᓐᓂᒃ ᑐᒃᓯᕋᕈᑎᓕᐅᖁᔨᔾᔪᑏᑦ ᐱᔪᒪᒍᕕᑦ, ᖃᐅᔨᒃᑲᓪᓗᒍ:

ᓯᐅᕋᓐ ᒍᕆᐸᓐ
ᑐᑭᒧᐊᒃᑎᑦᑎᔨ ᑮᓇᐅᔭᓕᕆᔨᒃᑯᓐᓄᑦ
ᐱᓕᕆᕕᖓᓂ ᑎᑎᕋᕐᕕᓕᕆᔨᒃᑯᑦ
(867) 645-5438

ᓄᓇᕗᑦ ᑐᓐᖓᕕᒃ ᑎᒥᖓ ᓄᓇᕗᑦ ᐅᓪᓗᖓᓂ ᖃᕆᓴᐅᔭᒃᑯᑦ ᕙᐃᔅᐳᒃᑯᑦ ᐊᔾᔨᓕᐅᒐᕐᓄᑦ ᓵᓚᒃᓴᕋᓱᐊᕈᑎ

ᓄᓇᕗᑦ ᑐᓐᖓᕕᒃ ᑎᒥᖓ ᓄᓇᕗᑦ ᐅᓪᓗᖓᓂ ᖃᕆᓴᐅᔭᒃᑯᑦ ᕙᐃᔅᐳᒃᑯᑦ ᐊᔾᔨᓕᐅᒐᕐᓄᑦ ᓵᓚᒃᓴᕋᓱᐊᕈᑎ ᔪᓚᐃ 9, 2017. ᐃᓄᐃᑦ ᓵᓚᒃᓴᖃᑕᐅᒐᓱᐊᕈᓐᓇᖅᑐᑦ ᓴᖅᑮᓗᑎᒃ ᐊᑕᐅᓯᕐᒥᒃ ᐊᔾᔨᓕᐅᒐᕐᒥᒃ ᑐᓐᖓᕕᒃᑯᑦ ᕙᐃᔅᐳᒃ−ᖓᓄᑦ ᑕᑯᑦᓴᐅᑎᑦᓯᓗᑎᒃ ᖃᓄᖅ ᓇᓪᓕᐅᓂᕐᓯᐅᖃᑦᑕᕐᒪᖔᑉᐱᑦ ᓄᓇᕗᑦ ᐅᓪᓗᖓᓂᒃ.

ᐊᔾᔨᓕᐅᒐᖅ ᓴᖅᑭᖅᑕᐅᓯᒪᒋᐊᓕᒃ ᑐᓐᖓᕕᒃᑯᑦ ᕙᐃᔅᐳᒃ−ᖓᓄᑦ, ᑎᑎᕋᕐᓯᒪᖃᑕᐅᓗᑎᒃ ᐊᑏᑦ ᐊᒻᒪᓗ ᓄᓇᐃᑦ ᓇᓗᓇᐃᒃᑯᑕᖃᕐᓗᓂ #NunavutDay2017.

ᑐᓐᖓᕕᒃᑯᑦ ᓂᕈᐊᖅᑏᑦ ᑲᑎᒪᔨᕋᓛᖏᑦ ᓂᕈᐊᕐᓂᐊᖅᑐᑦ ᐊᔾᔨᓕᐅᒐᑦᓯᐊᕙᐅᓂᕐᐹᒥᒃ. ᓵᓚᒃᓴᖅᑐᖅ ᐊᑕᐅᓯᕐᒧᑦ ᖃᖓᑦᑕᐅᑎᑖᕐᓂᐊᖅᑐᖅ ᑲᓇᐃᑎᔭᓐ ᓄᐊᑦᑯᑎᒍᑦ ᓇᓕᑐᐃᓐᓇᖓᓄᑦ ᐃᐊᑦᒪᓐᑕᒧᑦ ᐋᑐᕚᒧᓪᓘᓐᓃᑦ ᓇᓕᐊᓐᓂ ᓄᓇᓕᓐᓃᓐᓃᑦ ᒪᓕᓪᓗᒍ. ᓵᓚᒃᓴᖅᑐᖅ ᑭᕙᓪᓕᕐᒥᐅᑕᐅᑉᐸᑦ ᓇᓕᑐᐃᓐᓇᖓᓄᑦ ᖃᖓᑦᑕᐅᑎᑖᕈᓐᓇᓂᐊᖅᑐᖅ ᐃᐊᑦᒥᓐᑕᓐᒧᑦ ᐋᑐᕚᒧᓪᓘᓐᓃᑦ.

ᓵᓚᒃᓴᖃᑕᐅᒐᓱᐊᕈᓐᓇᖅᑐᑎᑦ, ᓴᓚᒃᓴᕋᓱᐊᖅᑐᑦ ᐊᖏᕈᑎᓖᑦ ᑐᓐᖓᕕᒃᑯᑦ ᐊᒻᒪᓗ ᑲᓇᐃᑎᔭᓐ ᓄᐊᑦ ᐊᑐᕈᓐᓇᖁᓪᓗᒋᑦ ᐊᔾᔨᓕᐅᒐᖓᓂᒃ ᐃᓄᓕᒫᓄᑦ ᑐᓴᕈᑎᓂ ᐊᒻᒪᓗ ᖃᐅᔨᔭᐅᕙᓪᓕᐊᒍᑎᒃᓴᓂ ᓱᓇᒃᑯᑖᓂ. ᓵᓚᒃᓴᖃᑕᐅᒐᓱᐊᕈᑏᑦ, ᓵᓚᒃᓴᖃᑕᐅᒐᓱᐊᖅᑐᑦ ᐊᖏᕈᑎᓖᑦ ᐊᖏᖅᑕᐅᓯᒪᓂᕐᒥᓐᓂᒃ ᓇᓗᓇᐃᕐᓯᒪᔪᒃᑯᑦ ᓴᖅᑮᒍᓐᓇᓂᕐᒥᒃ ᐊᔾᔨᓕᐅᒐᕐᒥᓂᒃ ᑖᒃᑯᓂᖓ ᐊᔾᔨᓕᐅᒐᖓᓃᑦᑐᓂᒃ ᐃᓄᓐᓂᒃ. ᑖᓐᓇ ᓵᓚᒃᓴᕋᓱᐊᕐᓂᖅ ᒪᑐᐃᖓᔪᖅ ᐃᓄᓐᓄᑦ ᐊᑎᖃᖃᑕᐅᔪᓄᑦ ᓄᓇᕗᒻᒥ ᐊᖏᕈᑎᓂ. ᓵᓚᒃᓴᖃᑕᐅᒐᓱᐊᖅᑐᑦ ᐊᑕᐅᓯᑐᐊᒥᒃ ᐊᔾᔨᓕᐅᒐᕐᒥᒃ ᓵᓚᒃᓴᕋᓱᐊᕈᑎᖃᕆᐊᓖᑦ. ᑐᓐᖓᕕᒃᑯᑦ ᑲᑎᒪᔨᖏᑦ, ᐃᖅᑲᓇᐃᔭᖅᑎᖏᑦ ᐊᒻᒪᓗ ᓇᖕᒥᓂᖏᑦ ᐃᓚᖏᑦ ᐃᓚᒋᔭᐅᔪᓐᓇᖅᑎᑕᐅᓐᖏᑦᑐᑦ ᓵᓚᒃᓴᖃᑕᐅᓇᓱᐊᕈᑎᒧᑦ.

.

ᑐᓴᒐᒃᓴᑦ ᓴᖅᑭᑎᑕᐅᔪᑦ, ᓄᓇᕗᑦ ᑐᓐᖓᕕᒃ ᑎᒥᖓᑕ ᒫᓐᓇᒨᓕᖓᓕᖅᑐᑦ ᐅᖃᐅᓯᖏᑦ

ᐊᖓᔪᖅᑳᖅ ᑰᑦᑎᖅ ᖁᕕᐊᒃᑯᔾᔨᔪᖅ ᐃᓵᓗᒃ ᓂᕈᐊᖅᑕᐅᓂᖓᓂᒃ ᐃᓕᖅᑯᓯᕐᒧᑦ ᑭᒡᒐᐅᓂᐊᕐᓂᖓᓂᒃ ᑲᓇᑕ 150

(ᕕᑉᕗᐊᓕ 15, 2017 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃ ᑎᒥᖓᑕ (ᑐᓐᖓᕕᒃᑯᑦ) ᐊᖓᔪᖅᑳᖓ ᐊᓗᑭ ᑰᑦᑎᖅ ᐅᓪᓗᒥ ᖁᕕᐊᒃᑯᔨᖅᑲᐅᔪᖅ ᐃᖃᓗᒻᒥᐅᒥᒃ ᔮᓂ ᐄᓴᓗᒃ ᓂᕈᐊᖅᑕᐅᓂᖓᓂᒃ ᐃᓕᖅᑯᓯᕐᒧᑦ ᑭᒡᒐᐅᓂᐊᕐᓂᖓᓂᒃ ᑲᓇᑕᒥ 150 ᓇᓪᓕᐅᓂᕐᓯᐅᓂᕐᓄᑦ.

 

ᑲᓇᑕ 150 ᑭᒡᒐᐃᑦ ᑲᔪᓯᓂᖃᑦᓯᐊᕐᓯᒪᔪᑦ ᑲᓇᑕᒥᐅᑦ, ᐊᓯᔾᔨᖅᑐᓂᒃ−ᐊᐅᓚᔾᔭᐃᔩᑦ ᐊᒻᒪᓗ ᑲᔪᖏᕐᓴᐃᔩᑦ ᑲᓇᑕᓕᒫᒦᓐᖔᖅᑐᑦ ᐃᓕᓐᓂᐊᑎᑦᓯᓂᐊᖅᑐᑦ ᑲᔪᖏᕐᓴᐃᓗᑎᓪᓗ ᑲᓇᑕᒥᐅᓂᒃ ᒪᑭᒪᑦᓯᐊᓂᕐᒥᒍᑦ ᖃᐅᔨᒪᓂᕐᒥᓂᒃ ᐱᓇᓱᐊᕐᐸᑦᑕᒥᒍᑦ.

 

ᐄᓴᓗᒃ ᐃᑲᔪᖅᑎᒻᒪᕆᐅᔪᖅ ᐃᓱᒪᓕᕆᓂᕐᒧᑦ ᐊᒻᒪᓗ ᐃᓅᓯᕐᒥᒃ ᑭᐱᓯᑦᑕᐃᓕᓂᕐᒧᑦ ᓄᓇᒥᓂ ᐊᒻᒪᓗ 20 ᐅᖓᑖᓂ ᐅᑭᐅᓂᒃ ᐃᓕᓐᓂᐊᑎᑦᓯᖃᑦᑕᕐᓯᒪᔪᖅ ᐃᓄᐃᑦ ᐱᓐᖑᐊᕈᓯᖏᓐᓂᒃ. ᓇᖕᒥᓂᖁᑎᒋᔭᒥᒍᓪᓗ ᐱᔪᒪᓂᖃᑦᓯᐊᖅᑐᖅ, ᓄᕐᕋᖅ ᐊᐅᓪᓚᐅᔾᔨᓖᑦ, ᐃᓚᒋᔭᐅᓪᓗᓂ ᑕᑉᕗᖓ  ᐃᑲᔪᕈᒪᓂᖃᑦᓯᐊᕐᓂᖓ ᐃᓅᓯᓕᕆᓂᒃᑯᑦ, ᓄᓇᒧᐊᕈᔾᔨᖃᑦᑕᓂᕐᒥᒃ, ᐊᒻᒪᓗ ᐅᑭᐅᖅᑕᖅᑐᒥ ᐱᓐᖑᐊᕈᓯᕐᓂᒃ.

 

“ᖁᕕᐊᒃᑯᑎᔭᒻᒪᕆᒋᔭᕋ ᐄᓴᓗᒃ. ᑲᔪᖏᕐᓴᐃᓯᒪᔪᖅ ᐃᑲᔪᕐᓯᒪᓪᓗᓂᓗ ᓄᓇᕗᒻᒥᐅᕋᓴᓐᓂᒃ ᐱᓇᓱᐊᖃᑦᑕᓂᕐᒥᒍᑦ ᐃᓄᐃᑦ ᖃᓄᐃᓐᖏᑦᓯᐊᕈᑎᒃᓴᖏᓐᓄᑦ. ᓂᕈᐊᖅᑕᐅᖃᑕᐅᓚᐅᖅᑐᖅ 150 ᓂᕈᐊᖅᑕᐅᑎᓪᓗᒋᑦ ᒪᑭᒪᑦᓯᐊᖅᑐᑦ ᑲᓇᑕᒥᐅᑦ ᐱᕚᓪᓕᕈᑎᒋᓂᐊᖅᑖ ᐊᒻᒪᓗ ᐃᓕᓐᓂᐊᑎᑦᓯᒍᑎᒋᖃᓯᐅᑎᓗᒍ ᑲᓇᑕᒥᐅᓂᒃ ᐅᓄᖅᑐᓂ ᓴᓐᖏᓂᕆᔭᖏᓐᓂᒃ ᑲᔪᓯᐊᑦᓯᐊᕐᓯᒪᓂᖏᓐᓂᓪᓗ ᐃᓄᐃᑦ”, ᐅᖃᖅᑐᖅ  ᑰᑦᑎᖅ.

ᓄᓇᕗᑦ ᑐᓐᖓᕕᒃ ᑎᒥᖓᑕ ᒫᓐᓇᒨᓕᖓᓕᖅᑐᑦ ᐅᖃᐅᓯᖏᑦ

ᐅᓪᓗᒥ ᓂᓪᓕᐊᓚᐅᖅᑕ #BellLetsTalk ᐅᓪᓗᖓ

ᐅᓪᓗᒥ ᓂᓪᓕᐊᓚᐅᖅᑕ #BellLetsTalk ᐅᓪᓗᖓ, ᔭᓐᓄᐊᓕ 25th.

ᑎᑎᕋᕐᕕᓕᒫᑎᑦ ᐊᐅᓪᓚᖅᑎᑕᑎᑦ, ᐅᖄᓚᕕᓕᒫᑎᑦ, ᑎᑎᕋᖃᑦᑕᐅᑎᒍᑎᓕᒫᑎᑦ ᐊᑐᕈᓐᓇᖅᑕᑦ #bellletstalk, ᐳᓚᐅᑎᒍᑎ ᕙᐃᔅᐳᒃ ᑕᕐᕆᔭᑦ ᐊᒻᒪᓗ ᐊᔾᔨᓕᐅᒐᑦ ᓴᖅᑭᖅᑕᐅᔪᑦ Bell-ᑯᑎᒍᑦ ᐃᑲᔫᑕᐅᓂᐊᖅᑐᑦ 5c ᐃᓱᒪᒃᑯᑦ ᐊᑲᕐᕆᔮᓐᖏᑦᑐᓄᑦ ᐃᑲᔪᖅᑕᐅᔾᔪᑎᒃᓴᒧᑦ ᑲᓇᑕᒥ.

ᐃᑲᔪᓚᐅᕆᑦ ᐃᓱᒪᒃᑯᑦ ᐊᑲᕐᕆᔮᓐᖏᑦᑐᑦ ᐅᔾᔨᕆᒋᐊᕐᓗᒋᑦ.