(Masi 3, 2022 – Iqaluit, Nunavut) Nunavut Tunngavik Timingat (NTI-kut) Angayuqangat Aluki Kotierk kuviahuqtuq pitjutiqaqnialikmigamik tahapkuninga aipanik haffuma Inuktuuqta! Inuktut Tiitiraqluttik Unipkaliuqlutik Tiitiraqlutik Akkitakutautinik.
Una Inuktuuqta! Inuktut Tiiitiraqluttik Unipkaliuqlutik Akkitakutautinik aittuiniaktuq attauhikmik makpigaliukluni unipkaminnik titiraqhimayuq manirhaqtitilutik imatut $80,000 tallanik tatvalu ikkayutirhaitnik huli titiraqhimaaquvlugu titiraqattaquvlugu ukkiumi attauhikmik, illaliutilugi titiraqhimaakuvlugu unipkanik tatvalu ilihaktitiqataqluni, tatvalu pivaliatjutigilugu hamna titiraqnik unipkaliurhimayaminik takkiyumik makpiraliukluni. Hitamanik huli illaliutiyaat hapkua aqqitakutautirhat aittuqtauniaktut akkituniqaqtut imaatut $10,000, $5,000, $3,000 tatvalu $2,000. NTF-kut havaqatiginiaktait hapkua akkihimayut tiitaraqhutik unipqaliurhimayut inniktiquvlugit tatvalu makpiralliuqatigilugit havariyamingnik.
“Inuktuuqta! Pitjutautiakmat hapkuninga pimariuyunik tatvalu allatqiqtunik Inuktut uqqauhiitnik tahamani Nunavumi tatvalu harimatjutauvakhuni Inuit illiitquhiitnik uqqauhiitniklu. Tatvunga hivuliqpanguvluni unaInuktuuqta! NTI-kut tunniyauhimayut tahapkunanga 67-nik Inuinakniit titiraqtiuvlutik unipqaliuqtiuyuniit. Tuhaaqtugut, nipigiikpiaktumik, ahugurhutik piyumaakpiaktut takkuyumavlutik huli taitai unipkaliuktauhimayunik Inuinakniit turaqhimavlugit hapkununga Inuknun. Hamna attauhiuyuq pitjutauyungnaktuq hapkuninga uqqauhiiqut huli attuqtauhimaaquvluttigu”, Uqqalaktuq Angayuqqaq Kotierk.
Tamaita ayungitamingnik ihumarhutigilugit piyumayaunginaktut, naliaknik Nunavumi Inuktut Uqqauhiitnik attuklutik tatvalu umma titiraqhuni unipkaliurhimayup naliaknik piyumayaminik titirauhikmik attukluni uktuinarialik. Nunavumi Inuit ukkiungit avatquhimaniqata 18-nik uktuinarialgit. Uktutait/titiraqhimayait pihimayagiaqaqtut unipkaliuqtauhimangitlutik, makpiraliuqtauhimaitunik uvalunin illaliutihimayagiaqangitut nainarhimayunik makpiraliukhimayunut uvalunin tainniitnik tatvalu tunnivirhaita kiglirhat tatva ubluani May 30, 2022-mi. Hapkua uktutirhaita tittiqat tatvalu huli tuhakpalirutikhat hatqiumayut tatvani NTI-kut qaritauyaqurutaitni ikkiankukutaita titiraqviatni.
Tatvani Fapyuali 21, 2022-mi, NTI-kut piqqatauhimayut aullaktitihimayaungmat hamna Hilakjuami Qulliitnik ukkiunik hapkua Nunaqaqaqtut Uqqauhiitnik Illiitariyauniqut 2022 – 2032 . Qulliit ukkiut qaiyuni, hapkua hilakjuami ikkayuqatigiiklutik appurhimaniaktut hapkuninga illipqanahuaklugit, tammaktailinahuaklugit tatvalu attuliktiittivaliquvlugitlu hapkua Nunaqaqaqtut Uqqauhiitnik naniliqaak hilakjuami. Inuktuuqta! Ikkauqataqniaqtut haffuminga piyumayauyunik ihuarhailuttik hapkuninga Inuktut tiitirauhiitnik tatvalu nauvaalikuvlugit hapkua ubluk tammaat attuktirhaitnik tatvalu qangirhivaliutikhaitnik hapkua Inuktut uqqauhiitnik.
Inuktuuqta! Akkiliktuqtauyuq tatvalu munariyauvluni tatvangat Nunavut Tunngavikkut Aittuqviatnit (NTF-kut), ukkua aittuqviuvarhutik timiuyut havariyaat ukkua NTI-kut.
Tuhakpalirumanigunni tatva tuhakvirhak
Lucy Maynard
Ataniuniqut Holiyaghatigot Tokighaiyi
Nunavut Tunngavik Timingat
Hivayauta: (867) 645-5400 Akkiituqtut: 1-888-236-5400
Malaya Mikijuk
Ataniuniqut Tuhaktitilikiyiitkuni Ilihaktuq
Nunavut Tunngavik Timingat
Hivayauta: (867) 975-4900 Akkiituqtut: 1-888-646-0006
Ihunirhitjuta
Ihumagiyaat
Ukkua Nunavut Tunngavik-kut Foundation (NTF-kut) illiitarihimayaat hamna piunirhauyuq munarinahuaklugit,attuliktiitpaliqutvlugit tatvalu tammaktaitailiquvlugit hapkua Inuktut uqqauhiit titiraqtauhimayunik havariyauyunik tatvalu piyumavlutik pivaliatirhaitnik tatvalu ikkayugumavlutik huli ukturhimaaquvlugit taitai huli Inuit titiraqattaquvlugit tatvalu makpiraliuquvlugit unipkariyauyunik Inuktut uqqauhiiitnik attuqlutik.
Akkiyarhait
Inuktuuqta! Aittukniaktut attauhikmi unipqaliuktiuyumik:
- a) manirhaktitiniaktut aittuilutik manirhaitnik imma $80,000.00 tallanik
- b) uktutauyurhanik ikkayuqtaulutik titiraqtiunikut makpiraliuknikut unipqaliuklutik; tatavalu
- c) uktutauyurhanik havaqatiginahuaklugit allaat Inuit hapkua titiraqtiuyut, taiuguknikut tiitiraqnikutlu ayungitunik, uqqautjiyiuqataqtunik, hapkualu kattiriyiuyunik tahapkuninga havaqatigilugit tiitiraqhimayaitnik makpiraliuqlugit to finalize their written work as a full-length book.
Manirhaitnik attitaqutirhat hitamauniaktut (4) tarhiqatauhimayut aittuqtauniaqtut (hapkua “Illaiutihimayut Tarhiyauyuqhat”), tatvalu hapkua titiraqhimayait unipqaliurhimayut kattiruqtauniaqtut tatvalu makpiraliuqtaulutik, illaliutilugit hapkununga titiraqtauhimavlutik Inungniit Inuktut. Hapkua akkiit Illaliutihimayut Tariyaqhat hapkua akkikatauhimayut aittutirhait tatvauvut atani titiraqhimayut:
Ten thousand dollars ($10,000.00) – 2nd Tukliriyauyuq akkihimayuq
Five thousand dollars ($5,000.00) – 3rd Pingahugiyauyuq akkihimayuq
Three thousand dollars ($3,000.00) – 4th Hitamagiyauyuq akkihimayuq
Two thousand dollars ($2,000.00) – 5th Talimagiyautuq akkihimayuq
Uktutirhaq
Kinaugaluak Inuinak attiliuqatauhimayuq tatvani Nunavumi Angikutauhimayumi ukkiuqaqat 18-nik avatani, uktugungnaktut tunnihilutik haffuminga Inuktut material for consideration.
Hapkua kittut Inuinait piqqataulaitut uktuqataulutik hapkuanguvut: NTF-kuni Katimayiitni Illauyut tatvalu havaktigiyait; Nunavut Tunngavik Timingat (NTI-kut) Katimayiitni Illauyut tatvalu havaktigiyait; Inuktut Tittiraqtauhimayunik Akkitagutautivlutik Tiiquarhiyiuvlutik Katimayiralaat tatvalu Akkirhaqtuqarhimayunik Nallaktiuvlutik Katimayigalaatni illauyut.
Maliguarutait
Ihumariyauyumaguviit hapkuninga Inuktuuqta! Una Inuinak tunnihiyagiaqaqtuq haffuminga Inuktut titiarhimayaitnik pitjutauyunik takkiyunik tattamayunik 8-nik makpiraqnik Inuknun titiraqhimayunik kikliqaqlutik 12-nik makpiraqniq. Hamna Inuktut tiitiarhimayuq unipqaliuqtauhimayuq hiuvani ahiagut allaniit tiitiaryauhimayagiaqangittuq. Hamna Inuktut unipqaliuqta tiitiraqhimayagiaqangittuq alllanik unipqaliuqtiuyunniq.
Piyagiaqaqtait
Hapkua tunniyauhimayut Inuknun tiitiraqtauhimayut unipqaliurhimayut illaliutilugu una turhiktutauyuq titiraq. Umma unipqaqtiuyup attia tiitiraqtauhimayagiaqangituq quyaginak tatvani Inuktut titiraqhimayaitni illuliitni, Attirhimayani, uvalunin qaritauyaqut tiitiraqhimayaitni attiriyaitni taimattut hapkua tiqquarhiyiuyut katimayiralaat tuharhimangitangita kinnaungmangat unipqaqtut akkiyarharhiuliktiitlugit.
Tunnihitjutirhaita Kiklirhaq
Tunnihitjutirhaita kiklirhaq ihuarhaktat ubluani May 30, 2022-mi ublurhiukta 5:00 PM EST.
Ihivriuqutait hapkuninga Tunniyauhimayunik Tiitiraqhimayunik
Hapkua tunnihauhimayut ihivulikmik takkuktauniaktut NTI-kut havaktigiyaitnit namagiarhaita maliqalutiklu hapkuninga maliguakutinik haffuminga Akkitakutirhanik tatvalu unipkaliurhimayait takkitinigit kaffiutingitlu makpigait namagiarhaitnik.
Hpkua tunniyauhimayut tiitiqqat ihivgiuktauniaktut hapkunanga Tikkuarhiyiuyut Katimayiralaatnin piqqatauyut hapkua ayungittut Inuktut ayungituniit, tiitiraqtiuyuniit unipqaliurhimayunik, tatvalu makpiraliuktiuyuniit. Ukkua katimayiralaatni illaliutiniaktut hapkuninga avikturhimayunit kivgaktiuyunik Nunavumi tatvalu illaliutiyungnaktutlu hapkua tikkuaktauhimayut himautauyurhat ihivgiuktiuniaktunik Inuinaktut tiitiraqtauhimayunik unipkaliurhimayaitnik.
Hamna ihivgiukniaktat ukkua tikkuarhiyiuyut Katimayiralaatnin nakkuatuqtauniaktut, angmaumatiaklutik tatvalu ihumagiyauniaktut hapkua tamaita Inuktut tiitiraqtauhimayunik unipqaliuktauhimayut. Hamna ihivgiurutauyuq huli pitiariaqtait tamaita hapkuninga Inuktut uqqauhiuyunik attuqtauyunik hapkunanga uktuqqatauyut tiitiraqhimayait unipqaliuktauhimayut.
Hamna ihivgiurhinik illaliutiyungnaktaat imakaak angumatiyarhaitnik kaffiutilangit hapkua avikturhimayuniit tiitigaktiuvlutik unipkaliuktiuyunik tamaitnik Inuktut tiitraqhimayut unipkaliuktauhimayut piqahiutinahuaklugit.
Akkihaktiuyunik Maliguarutikhait
Kina akkihimangituq uktuqqatauhimayuq akkinianginariaqaqtat hamna ihumaliugutauhimayuq tatvunga Akkihaktuinikut Katimayiralaatnun tahapkua pingahuniaktut (3) inuit tikkuaktauhimayut umangat NTI-kut Angatuqanganiit. Hamna ihumaliuqutaat ukkua Akkihaktuinikut Katimayiralaat alangullaittuq. Hamna akkirhaktutikhak turhiktutat tiitiraq pihimayagiaqaqtuq huuq hamna akkitjutauhimayuq ihuigiyauva. Uqqamiluutauhimayuq pitjutiqqarhimaniqat ihuinarutauhimayumi uvalunin kina kimilruqqatauyuq havaqatauyuq, uvalunin katimayiqqatauyuq tatvani tikkuarhiyiuyuni naunairhihimaliqniqata hamna ihuinaqqutiqaqtuq tiitiraqhimayuq, ukkua NTI-kut kimilruqlutjuk naunaiyainiaktut tatvalu piiktiitiyungnaktut haffuminga tunniyauhimayumik unipqariyauyumik akkitarutautiyunut naunairhimaliqatjuk hamna ihuinaqutiqarhimaakpat.
