Pivalialigiyit Havakviit

Qinngiyauhimayuq Tughirautit Nannut Mighaagut Iniqtauyut

(March 25, 2010 – Kangiqhiniq, Nunavut) Nunavut Tunngavikkut Tuklia Angayuqqaap Kiinauyaliqinirmut Raymond Ningeocheak uplumi uqaqhimayuq taimaa ihumaliuqhimayut qinngiyumaplugu Amialikait tughirautait niuviqtittihuirniqmik nanurnik katimatillugit CITES-kut 15-ngupluni Katimavikyuaqtut Katimayiit Doha, Qatar-mi.

Amialikait tughirautait nuutitiqmik nanuit titiqqanut talvanngat appendix II-mit talvunga appendix I-mut CITES-kunni akitauhimayuq ippaghaani Doha-mi katimaqatauhimayunit. Taamna tughiraut, ihuinaarutauniaq niuviqtittinirmut nanuqnik, akitauhimayuq 48-nguyut angiqhimaplutik, 62-nguyut qinngihimayut 11-nguyuttauq niruaqtailihimayut.

“Quviahukpunga tuhariami ihumaliuqhimayut taimaa qinngihimaplugu tughiraut,” uqaqhimayuq Ningeocheak. “Quyagivatka tamangnik anguniaqnikkut kivgaqtuiyut, Inuit katimaqatigiit Nunavunmi tamaallu Kanata, kavamatkunnilu havaktit havakluaqhimayut hapkua akimayaami.”

“Quyagiyumayatkalu Qitiqmiuni Inuit Katimayiit, Kivalliq Inuit Katimayiit Qikiqtani Inuit Katimayiitlu, Nunavunmi Anguniaqnikkut Katimayiit Kavamatkullu Nunavunmi kiinauyakkut ikayuqtuihimayut hapkua havaaritillugit.”

Taamna Amialikait tughirautait iniqtauhimayuq qauyihaqtauhimayunit iniinit nanuit ikiklivaalliqturiyauplutiklu uqquuhivalliangmat. Talvani tughirautinit titiraqhimayuittuq qanuq uqquuhivalliayuq qanuqlu ihuaqhaivangniat mihingnautainik.

Hivunikhivigenagealik:
Nunavut Tunngaviup Timinga
Hivayautaa:
Hivayaut akiittuq: