Pivalialigiyit Havakviit

ILITARIMAQUINIQ INUINNANIK UKIUQTAQTUMIK NANMINIQARNIRMI

(August 14, 2009 — Iqaluit, Nunavut)  Nunavut Tunngavitkut Angiyuqqap tuglia James Eetoolook uplumi uqautjiuk Kavamanganik Kanataup ilitarimaquplugit Inuit iningani Kanataup Ukiuqtaqtuani.

“Inuit Inulraanguyut Ukiuqtaqtumi. Hamani inunngitkupta, Kanataup takuyanga takunnarunaittugaluaq Ukiuqtaqtumi uplumi,” uqaqtuq Eetoolook. “Inuit tikitjutauhimayut autsaimit Kanatamit hamunga hivullirmi,” uqaqhunilu.

“Niuvvaayit, Palihimat, ilihaiyi, kavamanilu havaktit – hamunga tikihimayut hamaniinnapta. Imaa ai, taimaatut Kanata Ukiuqtaqturmiiliqhimayuq.”

Uqaqhunilu hadja aghuruurutauyuq anguyaqtiqarniq hamani qalirhiuq taimani itpauhianik, kihimi Nunavut Nunatarutata Angirutaa ilitarimayuq “tunihivangniannik Inuit Kanataup taimanituqanganik, kinuanianik, nanminiqarnianiglu Ukiuqtaqtumi.”

Eetoolook aghururutigiyaa taimainmat atuliqtaunia Nunavut Nunatarutata Angirutata ikpingnaqtuq tamarmingnut Inungnut Kanatamullu.

“Panariigutaulirniarmat hivunikhamut tamaptingnut,” uqaqtuq. “Kihimi uvagut panariyauyugut puiguqtauyutut ilivaktugut, takunaittutulluuniit panatut.”

Eetoolook uqaqtuq kavamatuqatkut maniktigut hakugiktumik ukiuqtaqtuliuriaqaqtut, ihariahunngittunik nunaqaqtumik. Hadja Inuit haanngayut aanniarnaqtunik, iliharnirmilu inuuhirmullu itquhinik nalliutimanngittunik Kanatami itquhinut.

” Nunavut Nunatarutata Angirutaatamaat atuliqtauyarialik tikiutiniarupta aallannguqtirutikhanik ihariagiyaptingnik nunani,” iniqtiqtuq Eetooloo.

Ilitturiyumirumaguvit: