Kilamik Tuhaktitaoyoghak
(July 18, 2024 – Iqaluit, Nunavut) Nunavut Tunngavik Timingat (NTI-kut) aullakutihimaliktot haffuminga hadja havagiyaoliktomik Qanuippitaa? Kanatamil Inuit Anniaktulikinikut Naunaiyainik, tatva innighihimaliktot naunaiyaiyakvigivlugit tatvani Mittimatalikmi una tatkikhiot attoktitlugo. Sanikiluaq, Sanirajak tatvalo Urhuqtuq havakvionialikmiyot nunaliit naunaiyakvigilugit, ukkua Qanuippitaa? Uppautilotik pullagiakniaktot tahapkununga nunaliitnun Aggasimi. Hapkua Inuit tamaitni nunaliitni tikuaktaoniaktot kinaogaloakata tatvanga NTI-kuit nunatakataohimayonik attilioghimayaitnik tatvalo appigiyaoniaktot pikataoyomayaghaita tatvani naunaiyaiyaotigiyaitnik. Pikataoyomagomik inmiknik ihomaghuktot, tatvalo naunaiyakviginiaktait tatvani tautuklogit tatvalo naliaknik ukkaohiitnik ihomaghuklotik atogumayamingnik.
Hunamik pitjutaova hamna Qanuippitaa? Ihomagivlugit illingaiyaotigiyomavlugit anniaktailitjutighaitnik tatvalo innutiakutighaitnik hapkua Nunavumiut Inuit aghughagahoaklogit hapkua anniaktailinikut tatvalo innulikinikut maligaoyut tatvalo havagiyaoyot. Hamna naunaiyaitjutaoyok ihuaghaktaohimayok tatvalo nanminigiyaovlutik Inuinakniit. Tahapkua naunaiyaotait katighoktaohimayot Nunavumi nanminiginiaktait tatvalo totkomayaolotik kiiliktaohimalotik kagitaoyaitni ukkua NTI-kut, malikayagiakakniaktot kinamut atoktitaoniakmangata hapkua unipkagiyaohimayot naunaiyaotit. Pikataoniaktot naunaiyaotaitni ikkayoniaktot nalunangitok unipkakataklotik kanok hapkua Inuit anniaktailitjutaitnik tatvalo innutiakutaitnik, pitjutaovalianiakmata hivunighami havagiyaoyoghanik tatvalo maligaliokutighait nallaomagiakovlogit ihagiagiyaoyonik pinahuakutighanik Inuit piyomayaitnik hivuliokjutaoyagiakaktoniklo tahamani Nunavumi.
“Aghughakatka hapkua tamaita Inuit tikoaktaohimayot pikataotkovlogit tahapkunani naunaiyaotaoyoni, tatva hapkua unipkagiyaoyot naunaipkutaoniakmata ihomaliokutaolotik ikpigiyaitnik innuhiitnik tamaita Inuit.” ukkalaktok NTI-kut Angayokangat, Aluki Kotierk. “Tahamna uktutaoniaktok Inuinait unipkaklotik tohaktitiyagiakaktot, pikataokataklotik tahapkuninga anniaktailinikut naunaiyaotaoyunik tamanani Nunavumi, tatvalo aghoghakataklogit kanok tahamna naunaiyaotaoyok atoktaoniakmangata.”
Inuit huli pikkuyaoyut uktogahoaklotik tahapkunani naunaiyaotaoyuni havaghaghiokvigilugit akiliktaoniakmata havaktot. Qanuippitaa? Havaktighaghiokniaktot tamaitni 25-ni Nunavut nunaliitni, ilihaktitaoniaktutlo akkiliktoktaolotik.
. Uktuinagialiuyutit akkinahuakluni haffuminga kagitaoyagalaakmik, malikalugo tatvalo tuhaktitikataklotik haffuminga Qanuippitaa? Innulikinikut takkughaokataktonik tatvan Facebook-mi tatvalo Instagram-mi @QNIHSNunavut-30-
Media Contact:
Ivaluarjuk Merritt
Director of Communications
Nunavut Tunngavik Inc.
