Pivalialigiyit Havakviit

Uqauhinut Kamisina Nunavunmi/ Qikiqtani Inuit Katudjiqatigiit/Nunavut Tunngavikkut

(October 27, 2010) – Iqaluit, Nunavut — Kavamatkut Nunavunmi Minista Uqauhilirinirmut Louis Tapardjuk tuhaqtittiyuq ippakhaq hagyaiqhiyungnanngittumi Inuit Uqauhinut Hapummidjutaat Maligaryuanganik (ILPA taiyauvaktuq) unalu Uqauhiit Ilitariyauningat Maligaryuaq (OLA) taiyauvaktuq atuqtaunikhaatigut parnaiyautaanni hagyairungnanngitaa uvani ukiakhami katimaniannik Maligaliurviup.

Kiunikkut, Uqauhinut Kamisina Nunavunmi, Alexina Kublu, uqaqtuq: “Una Minista Uqauhilirinirmut ilaa havauhini havaarittianngitaa Nunavunmiunut. Una Minista maligaliurnirmut tuniqhihimayukhaugaluaq hagyaiqhinikhamut aturutikhaannik parnaiyautainnik tikitinnagu March 31, 2010. Tahamna pihimanngitpaa.”

OLA-kut naunaipkutiqaqtuq ilitariyauhimanirnit uqauhiit Nunavunmi. ILPA, hapummitiqaqtut pivaallirnikhaqaqtullu Inuit uqauhiinik. Ukuak maligak maligaryuatikkut Minista hagyaiqhivaktukhaq ukiuqhiutit unipkaanginnik ukiuqhiutit kiinauyaqtuutait nalliraikpata (ILPA ilanganni 27, OLA 15(1). Uvani ukiumi, unipkaaq ilaqaqtukhauyuugaluaq aturutikhap parnaiyautaanik (ILPA ilanganni 25, OLA 13(3) titiraqhimaniqaqtukhaq uuktuutikhainnik Kavamatkut Nunavunmi qanurli hivituniqarnikhaannik. Tamaita Kavamatkunni havagviit atanilluangat kamagiyaqaqtut tunihinikhainnik aturutikhat parnaiyautainnik (ilanganni ILPA 25(3), OLA 13(4).

Qikiqtani Inuit Katudjiqatigiit Angayuqqaanga Okalik Eegeesiak uqaqtuq “Niriugivaqqut parnaiyautikhaq katimalirmikpata. Niriugiyaqqut tamaita Nunavut Kavamatkunni havagviit havaqatigittiarumigit CLEY-kut naunaittumik hamna Inuit Uqauhiinut Hapummidjutait Maligaryuaq atuqtaupkalirlugit talvalu ikhingnainginanngillugu ilaa tahamna maligarmi iliyauhimayuinnaunngillutik pitquhihainnit.”

Inuinnait uqaruiqpalliablutik aimavingmingni atpaqpalliayuq 10%-mik akunnganni 1996-2006, ilaa tadja pivallialiqtakhavut,” uqaqtuq NTI-kunni Angayuqqaami Havaariyaa James Eetoolook. “Ihumaalungnaqpiaqtuq una Minista aniguihimabluni ILPA-kunnik aippaanganianihaap tadja pivikhamik pivallianngittuq maligaryuani pivikhaanni inmi ilaa atannguqtuihimagaluaqtamingni.”

Uqauhirnut kamisina, Tunngavikkut angayuqqaami Havaayuq, Qikiqtanikkut angayuqqaangalu nigiugijakaktun Kavamanit Nunavut Angihimakuplugin hatkiniaktilugin atultiitniaqnikmut kingulikmik Maligaliuktin katimafalikata.

-30-

Tuhakpaligumaguvit:
David Shadbolt
Tuhaumaqattautilitiyi
Uqauhinut Kamisina Nunavunmi
Uqaalautia (867) 975-5127,
akingangittukkut 1-877-836 2280

Jesse Nutaraq
ikayuqti angajuqqaanganut
Qikiqtani Inuit Katudjiqatigiit
uqaalautia 867 975 8400
sukkajukkut 867 979 3238
akingangittukkut 800 667 2742

Franco Buscemi
Aulapkaiyi Tuhaumaqattautilitiyi
Nunavut Tunngavik Incorporated
Tel: (867) 222-1411
fbuscemi @ tunngavik.com