Pivalialigiyit Havakviit

Nunavut Tunngavikut Kiuyut Kanatami Kinauyakhait Atugutikhainut

 

(June 7mi, 2011 – Kangiklinik, Nunavut) Nunavut Tunngavik Angayukaak, Cathy Towtongie ukaktuk takutjutainik ikpakhak Kanatami Kinauyait Atugutikhainut. Towtongie aliahungituk pikanginmat nutaanik angiyumik tutkuktuitjutikhainik Nunavumi ovalo ilaa, munagilugit Inuligiyit ovalo Ikluligiyit ayokhagutainik piliktait Inuit, piyukhat kilamik munagiyaulutik.Towtongie ukaktuk mamiana nutaanik kinauyakhaitut naunaiyakhimayainut ikayugutikhainik Inuit Ukautait pilimayuit, ilanganut ikayugutikhainik tamaat aniaktailigiyit ovalo nutakaligiyit ilihagutikhait Inuit. “Piyaanganik Inuit aatjikutikalutik inuuhitjutikhainik aatjikutainut nigiagani Kanatamiut, tutkuktuitjutikhait iklukhainik, ilihagutikhainik ovalo Inuligiyit pilihimayuit tuniyauyukhat.”

Towtongie ukafaaktuk NTIkut tunngahukulaaktait pitkutikhainik ihumautikhait Nunakakaakhimayut Munagitjutait Tunngaviit pilihimayuit. AHFkut, ilauyut amigaitunik pilihimayuit, ikayukpaktut Inuit kinguanut ilihagiaktukhimayut atugutikhainik pipkaihimayut amigaitunik inuukatigiinut ayokhagutainik pipkaihimayait.

Kinauyat Atugutikhait tunihimayait Ministap Kinauyaligiyit, Jimi Flaherty aatjikutauyuk. NTIkut ilitagiyait ovalo tunngahukuyait $9 millionmik malgunut ukiuni, tutkuktuihimayut Inikniit ilihagutikhainik. “Tutkuktuitjutait alianaktut. Kihimi, pitkutikhainik tuniyauyukhat,” ukaktuk Towtongie.

Kinauyat Atugutikhait ilauyutlu $8 millionmik kitkanit Nunakatigiit ukiutaktumi, tutkuktuiyukhat halumayumik kuliligutikhainut. Ilanga $4 millionmik malguni ukiuni ukakhimayut hakugikhiyaanganik akigaktuitjutait atugutikhait Nunavumi, Ikayulaaktut Nunavumi. Ukafaagumayait hapkoa ikpinagiyait.

Ilaa, mamianaugaluak, Towtongie ukaktuk NTIkut piniaktut Inuit ilaukataulaalutik tamaat ovalo kiniktugut hivumut havakatigilugit Conservativekut Kavamatkuit uktugutikhainik ikpinagiyait Inuit.