Nunavut Tunngavikkut Timingat Angayuqqaangat Cathy Towtongie uplumi uqaqtuq taimaa havaktighaniktuq Anne Crawford-mik titiraqtighalluaq katimaqatigiingnut, angayuqqaap havakvianik maligaghaliuqtinullu ahinut titiraqtiuyughaq. Crawford Iqalungnit havakpangniaqtuq.
“Ilihimaghaaqtara Anne qaffinik ukiunik, inuuhimnit havauhiatigullu, ilihimavungalu taimaa unniqtiuvangniaqtuq NTI-kunnut atuqtauvalliapluni taamna Nunavunmi Nunataarutikkut Angirutinik” uqaqtuq Towtongie.
Crawford nunaqaghaaqhimayuq Nunavunmi 30-nik ukiunik avatquanik havaktiuvaghunilu qaffinik aviktuqhimayumi kamissinauplunilu ihuinaaqtailiniqmut, maligaliuqvingmilu titiraqtiupluni Kavamatkunni Nunavunmi, angayuqqaangupluni talvani Qulliq Uumaqutit Kuapuriisanut, ukiuqtaqtumilu aulapkaiyiupluni Akitsiraq Maligaliuqniqmut Ilihaqvianit. Havaliqtuq NTI-kunni ipaghaani.
