Pivalialigiyit Havakviit

Nunavut Tunngavik Timingat Ikkayutauniaknahugiyait Allangutait Niqqit Tiitiraqaqviqqut Tikkikatautait

(May 26, 2010 — Iqaluit, Nunavut) Nunavut Tunngavik Timingata Angayukangat Paul Kaludjak ukkaktuk kuviahuktugivluni tauturhugu hamna inngilgavalianninga ihuaqhivaligutirhat niqqit tiitiraqaqviqqut tikkikatautait kihiani kammagiyait hapkua ikkayutauvaligutirhait tatvunga Kanatap Ukkiuktaktumi Nikkittautyunik Havagiyaitnun.

“Tuhakatarhimaliktunga kaffinik ukkiunik hapkunanga nunatakatauhimayunin hamna manniqtuqpalaqnaitninga niqqittaqniq tiitiraqqaqviqqut takkunnayuittuq niuviktunnin.” Uqqaqtuq Kaludjak. “Kuviahuktunga tatja uktuinnagialakiyugut ikkayukpaliuttirhanik. Tautugiakaktugut ihuarhautiqhaniq taima hapkua niqqitaqpaqtut maniqtuqpalangitangita.”

Una attauhiq nammagiyauyuq ihuarhauttiqhaq tuyuqqatauttirhat niqqiniq tiitiraqqaqviqqut akkirhinnaqataqlugit.

“Niqqainnaqtuqniq piunnirhauyuq innutjuttigivlugu niqqigivaqtavut uvalu piunnirhaunmat illiitquhiptingnut. Kuviahuktunga tauturhugit hapkua niuviarhat niqqainnait tuyuttauyunnaqnialliqmata tiitiraqqaqviqtuq kihiani ihuarhivaligiakaktut piyunnaquvlugit hapkua inuit tuyugumaqpata tiitiraqaqviqqut niqqainnaqniq illamingnut uvalunin illannamingnut hamna tuuyuttata akkiit akkirhivaligiakaktuk.”

Tatvattauq ihuaqtuq allanguttat nuttaq Kattimayirhaniq Uqqautjiyurhaniq tatvunga Ministamut Innuliriyuttuqqatqunni.

“Ublumimut tuhaktitauhimangitugut huli hapkuninga allangutaitnik haffuma havagiyauyup, kihiani tatvani Nakatak 32-mi Nunavut Nunatarutaita Angikutatni tiitiraqhimayuq tamaita hapkua havagiyait kavamatkut hamani Nunavumi illauyagiakaktut Inuit hannavallialikata uvalu havagiyauvalialikata hapkua havaginiaktait.” ukkaktuk Kaludjak. “ Ukkua Katimayirhat Ukkautjiyurhanik namannaktugaluit kihiani ihumagiyagiakaktavut hamna ihuillutaungituq Nakatak 32-mik, ihuaqqutigiya. Illaliuttiyagiakaktugut uvalu tuhaktiitauqqattaqluta hannatjutirhaniq haffuma havagiyaunniaktup.” Inniqtirhuni ukkaktuk Kaludjak.

-30-

Tuhakpaligumaguvit:

Franco Buscemi

Attanguyak tatvani Tuhaktiitilikiyiitni

Nunavut Tunngavik Timingat

Hivayauta: (867) 975-4939 Akkitukut: 1-888-646-0006

www.tunngavik.com

Hivunikhivigenagealik:
Nunavut Tunngaviup Timinga
Hivayautaa:
Hivayaut akiittuq: