Pivalialigiyit Havakviit

Nunavut Tunngavik Timingat Quviahuqtut haffuminga Nutamik Maligakmik

Nunavut Tunngavik Timingata Angayukangat Paul Kaludjak ukkalaktuk kuviahukturivluni tauturhugu una Maligak Bill C-25, una Nunavut Parnaiyainniqqut uvalu Havaritaitniq Naunnaiyainikut Maligak, illiitagiyaungmat uvalu hivulikmik taiguaqtaungmat tatvani Maligaliurviqjuami ublumi.

Una maligak piyagiaqaqtat malikalugu una Nakatak 10 tatvani Nunavut Nunatarutaita Angirutani. Maligak C-25 pitjutiqaqtuq piyunnautirhaitniq, havagiyarhaitniq uvalu aulatjutirhairniq ukkua Nunavumi Parnaiyaiyiita Katimayiit uvalu ukkua Nunavut Kannugilinganirhagut Ihivgiurhihiuvlutik Katimayiit taima tiitiraqhimangmat tatvani Nunatarutimi (NLCA) Nakatani 11 uvalu 12.

“Una piyunnirhauyuq illanga maligak ila qanniqhivalliuttigingmatjuk NTI-kut uvalu Inuit kivgaktuktavut tammatkiumatjuttirhaitnun haffuminga Nunatarutauhimayumik (NLCA). Una hagyairhingmatjuk maligak ublumi pitjutauhimayuk kaffinik ukkiunik arhuqqutauhimavluni NTI-kunin, NIRB-kunin, NPC-kunin, Nunavut Kavamatkunin uvalui Kanatami Kavamatkunin,” ukkalaktuk Kaludjak.

Kaludjak ukkaktuk NTI-kut niriugiyat ukkua Maligaliurvikjuami ihuarhaitkuvlugit maligamik ihuakutirhanik haffuma Nunatarutaita ( NLCA), uvalu ukkarhuni NTI-kut uvalu ukkua Avikurhimayuni Inuit Katuyikatigit ihivgiukniaktaat una Maligak naunaiyatiaklugu kaiyuni pingiakninni.

Hivunikhivigenagealik:
Nunavut Tunngaviup Timinga
Hivayautaa:
Hivayaut akiittuq: