(June 15-mi 2023-mi, Iqalukni, Nunavumi) Nunavut Tungavik Timiuyumi (NTI) Katimayit Hivuliqhuqtit iniqhimayaat katimajutigiqataqtamiknik talvani saniuniqmi Iqalukni. Ilauyut uqauhiqaqtut amigaitunik aalatqiinik ihumagiyauyunik nutaqaniklu inulramiqniklu inuutiaqniginik, iglukhainik Inuit, umigalu QanuritpitaI-mik. Kanatami Inuit Aniaginiganik Naunaiyautmik.
NTI-kut Havakviat Inujuhiqmik Ilitquhiqmiklu Pivalianikut (SCD) ihivriuqhikpata atuqtakhainik Inuinaqnit ihuaqhaqhimayainik hivuliqhuqtainiklu ikayutikhanik nutaqat ilagiilu inutiariagani Nunavumi. SCD-kut atuliquiyut nugiariagani atugitaagani pijutauyunik ikayutinik atuqtakhamik ukpiruhukamik aniagurutauniaqniganik Inuinaqnit. Ilituqhaiyiluaq Hunanikliqa Kanatmi qaganuaq unipkaaqtuq ukua Kavamat Nunavumi Havakviani Ilariinik Ikayutinik ayuqhaqhimaqmata aturiagani havakhatik munariyagani anilaqtulu nutaqat inulramiilu Nunavumi.
NTI-kut nakuyut ajikutaqatitumiklu iniqaqtut ilauyamikni aturiaqatitunik ilauyunik nutaqat inulramiilu inutiariagani Nunavumi agiyumiklu nakuyumik aktuqhilaqtut inujuhiinik amigaitut Inuit. SCD-kut ilituqhaihimakniaqut atulaqtainik NTI-kut ilauvaliriagani pipkaiyagani munariyaganilu atugitagani ikayutauyut Inuinaqnik nutaqani ilagiinilu.
NTI-kuni Katimayit Hivuliqhuqtit ihumaliuqtulu ahivaiyagani 4-hanat 22-miliatalamik manikhakhanik Inuit iglukhainik atuqtukhanik kanatami kavamanit. Manikhakhat ikayuqtut NTI-kut Agilrakhaliuqta – Nunavumi Inuinait Iglukhainik Upijutinik Upalugaiyaut. 67%-guyuq manikhakhanit turakniaqtuq akituvalagitunik iglukhanik havauhiqni ikayuqturiagani ihariagiyauniginik akituvalagitut atulaktakhat iglut, iniriiqhimayunik aturiagani akiligakhanik, ilaugituniklu havaktitiyumut. 30%-guyuq manikhakhani turakniaqtuq ikayutauyunik iglukhanik pijutauniginik qimavikhat, ahiiniklu iglukhainik Iniqnirit inulramiilu. 3%-guyuq manikhakhani pivalianiganik atuqtitiyaganilu nanminik igluqaliriagani pijutiqaqtunik havat ayuiqhajutilu. Ukua igluliqijutit havat turaktitauyut ihuaqhariagani taja igluliqijutini piqaginiginik ikayutauyut igluliqijutinik havauhiinik Kavamat Nunavumi alalu. Inuit Igluqijutikhainik Manikhakhat
