Pivalialigiyit Havakviit

NTIkut Tuhaqhityutigiyai Hatqiqtaunianut Uplukha Takuyakhat Naunaipkutit Quttiktumi Ukiuqtaqtumut Nutitaihimani

(Juni 2, 2010 — Iqaluit, Nunavut) Nunavut Tunngavik Nanminilgit Angayuqaq Paul Kaludjak uplumi tuhaqhityutigiyai malguk naunaipkutik – atauhiq Qauhuittumi atauhiqlu Auhuittumi – naunaipkutikhat akhugutigihimaniinut tapkuat Inuit nuktigauni tahapkunangat nunaliuyunit tapkunani 1950-ni hatqiqtauniat Saptaipa 8, 2010 Qauhuittumi tamnalu Saptaipa 10, 2010 Auhuittumi.

2009-mi malguk Nunavutmi hivuliqtiuyuk hanauyaqtik havaktitauyuk pinguqtitniinik tahapkuat takuyakhat: Simeonie Amagoalik Qauhuittumit tamnalu Looty Pijimani Auhuittumit.

“Aliahuktunga takuniinik tapkuat hanauyanguyuk piluaqtumiklu tapkuat aktuani aliahutauni qanugityutaunikhai nunaliuyunut nunaqyuamutlu. Tapkuat nuktigauni taimaittut atuqpiaqtut ilagiyai ukiuqtaqtumiunut atuqpakhimani.” uqaqtuq Kaludjak.

Avataani 50 ukiut kinguagut tapkuat Kanatamiunut kavamauyut nuktiqtitni ilagit pinguqtitniinut malguk nunaliuyuk tahamani quttiktuq ukiuqtaqtumi, nunagiyaunianut tahamna Ukiuqtaqtuq huli ihumagiyauyuq katimayiuvaktunit, tuhagakhaligiyit pivikhaqhiuqtitlu nanminilgit humiliqak hilaqyuaqmi.

“Amihuiqhuta tuhaqpaktavut tahamna Ukiuqtaqtumi Tagiungagut Apquta tamnalu Ukiuqtaqtuq Nunaqutigiyaunia hugiaqtagutauniinut pityutauniinik-ihumagiyauni. Tapkuat naunaipkutit itqaityutauniat pigaluaqtitlugit Kanatamiunut umiaqpat agyaqtigiyai Inuit ilagit ilanganut akhuqnaqniqpaq avatigiyaunia tahaphuma hilaqyuap pipkaqtitauhimaittumik hutyutikhainik angunahuaqniqmutlu atuqtakhainik ikayugutauni inuunahuaqniqmut, kihimiuyuq quanaqpiaqtuq hakugikniinut ilagit atauttimitni akhuqnaqniinut tapkuat nunaliuyut inutyutaulaqhimayut.”

“Qaitquvatka ilagit humitliqak nunaqyuaqmit aliahuquplugit tapkuat hakugikni ilagit nunaliuyutlu piqatauni ilitpaligutiginilu tahapkuat nuktiqtitauni.” Iniqtigutigiya Kaludjak.

Tuhaqpaligumaguphi hatqiqtitakhanut, pulaqlugu NTI-kut qagitauyakkuvia talvani:

https://www.tunngavik.com/current-initiatives/arctic-exile-monument-project/

-30-

Tuhaqpaligumaguphi:

Franco Buscemi

Hivuliqti Tuhaumatyutinut

Nunavut Tunngavik Nanminilgit

Hivayauta: (867) 975-4939 Hivayautinnuaq: 867 222 1411

Akiittuq: 1-888-646-0006

www.tunngavik.com

Hivunikhivigenagealik:
Nunavut Tunngaviup Timinga
Hivayautaa:
Hivayaut akiittuq: