Pivalialigiyit Havakviit

Nunavut Kaaktailinirmut Katimaniat Angirutiqaqtut Qanuriliurnahuarnirmut

Nunavut Hivuliqtia Eva Aariak ukuallu Nunavut Tunngavik Inc. Angiyuqqaap-Tuglia Jack Anawak ublumi tuhaqtittiyuk Haffuminnga Makimaniq Parnairvikhaanik: Atauttimut Pinahuarningannik Kaaktailinahuarnirmut.

Hamna parnairvikhaq naunaipkutiqaqtuq kaaktailinahuarnirmut Nunavunmi, hanahimayaat fuati-tuunguyut (42) ilauqatigiiktut haffumani nunavutip hivulliriblugu kaaktailinirmut katimayut.

Kitullikiaq inuit tamaita kaaktailidjutikhaqaqtut nunaptingni,” uqaqtuq Hivuliqti Eva Aariak. “Ministauqatitka tuniqhihimayut uvvalu hapkuninnga tuniqhihiyumayut ublumi. Tikittumayaptingnut nungulvikhaanni 2013-mi, Kavamakput piniaqtut hapkuninnga:

· Ihuaqharlugu inuit igluqutait mikhivaallirahuarlugu akiikhait inuit havaktinnahuarlugit ikayuqturlugillu kaaktailinirmut tikinnahuarlugu uvvalu ahiit inuuhirnut havaariyainnik;

· Makipkainahuarluta pitquhiminiptingnit piliriarutikhainni iminngangnaqtutigut mamihainahuarluta;

· Makipkailuta ilauqataulutalu Nunavunmi Niqiqattiarnirmut Ilagiigluta, havaqatigilugit timiuyut hakugikhivaallirahuarlugit pivallianahuarlugilluunniit piliriarutit hulilukaarutillu niqiqarahuarnirmut uvvalu niqainnarnik pinahuarutilugit Nunavunmiut; uvvalu,

· Hamna havaariyauyuq nutqaqhimaittumik havaariyauniarumi kinguani kavamagiyaptingni timiuyuniluunniit, una Kavamagiyaqqut haavittiniaqtut maligauyukhamik atuliquiyukhamik hivituyumik-atuqtauyukhaq Kaaktailinirmut Parnaiyautikhaannik havaqatigilugit ilauqatigiyaqqut.

Quyagiyumayara Minista Taptuna hivunniuqhihimangmat Kavamatkuanni Nunavut, NTI-kut ukuallu tamaita ilauqatigiiktut ilauqatauyullu ilaa tuniqhihimadjutainnik kaaktailinahuarnirmut Nunavunmi. Una Makimaniq Parnairvikhaat: Atauttimut Pinahuarningannik Kaaktailinahuarnirmut ministaqarvingmi ihumaqhuqhuutauniaqtuq uvvalu tuniqhivaallirutikhaat pivallianiaqtuq,” uqaqtuq Hivuliqti Eva Aariak.

“Havaqatigiittiaqtukhauyugut atuliqtinnahuarlugu Makimaniq Parnairvikhaat iittiinguyut (18) tatqiqhiutini uvvalu tuniqhihimayugut hivituyumik-atuqtauyukhaq parnaiyarnirmut ukiukhat qaiyukhani,” uqaqtuq Angiyuqqaap-Tuglia Anawak.

Una Makimaniq Parnairvikhaanni naunaiyaqhimayuq aadjikkutaqanngittuq Nunavunmi kaaktailinahuarnirmut, siksiuyunik (6) uqautauyukhanik hulilukaarnikhamut uqaqatigiikhugit nunaliit uvvalu katimadjutigiblutigu hamna pinahualihaarningani kaaktailinahuarnirmut katimadjutigiyaptingni October 18, 2010-mi.


Parnaiyaunmi ilaqaqtuq pilraarumayauyut atuni hulilukaarutikhanik havaariyauniaqtut uvani iittinguyut (18) tatqiqhiuni, uqauhiqaqtuq atauttimiuyukhat atannguqtuinikhaannik pivaallirahuarnirmut ilagiiktunut ikayuqturlugillu nunaliit piyumayaitigut, uvvalu havaarilugit kamagilugillu hamna parnaiyautikhaq munarilunigit Nunavut Katimayiit Kaaktailinikhamut, hamna tukhirauyuq amigaittuni timiuyunit kivgaqtuqtut tamainni Nunavunmiuttanut.

Pingahut-ublunik Kaaktailinirmut Katimadjutauyut kivgaqtuiyut kavamatkunnit, Inuit timigiyainnin, ahiillu timiuyut kavamatkunninngaanngittut, hamalatkunnin, nanminiqaqtunin, uyarakhiurvingnin atunilu inungnit, ukuallu ilauqatauyut inirniit inuuhuktullu ukuallu kaangnirmut ilihimattiaqtunut.

Una Nunavut Kaaktailinirmut Katimayut katimanarirniarmiyut ihumaqhuqhuutigilugu atulirutikhaatigut Haffumap Makimaniq Parnairvikhaat: Atauttimut Pinahuarningannik Kaaktailinahuarnirmut.

Hivunikhivigenagealik:
Nunavut Tunngaviup Timinga
Hivayautaa:
Hivayaut akiittuq: