Nunavut Tunngavik Timinga Angayukaap Tuklia James Eetoolook ukaktuk ubluini katimayut Inukjuami, Nunavik, nakuutiaktut ovalo iniktiliktut.
Katimayut ilaukatauhimayut ilauyut NTIkut ovalo Makikvik Kuapurisitkut, havaktiit, Inuit, Cree, umayukhiuktit, umayuligiyit katimayiit ovalo Nunavumi, Pravinsini ovalo Kanatami Kavamatkut ilaukatauyut. Pinahuaktut katimayut ukaklutik munagitjutikhainik nanuit Nigiagani Hudson Bay tagiungit amigiatjutait.
Ilaukatauyut katimahimayut angikhimayut atulaktakhainik, maliniaktait kotat 60mik nanuit ukiumi atauhimi. Pitinagit angiyut angikhimayait, Nunavut avaliitut nunait atukatigiyait nanuit ilangit ovalo ilihimayut kotamik 25mik nanuit munagiyainik nunait.
Eetoolook ukaktuk ungahiktumut ukiunut pinahuaktait hanalutik munagitjutikhait paknaiyautikhainik ilauniaktut Inuit, Cree, umayuligiyit katimayiit ovalo kavamatkut.
“Hamna hakutiktut ovalo nakuutiaktut atulaaktait Inuit Nunavumit ovalo Nunavimit munagiyakhainik atukatigiyait nanuit amigaitjutaiik,” ukaktuk Eetoolook.
Ilaukatauyut angikhimayut angmaumalutik tuhaktituitjutikhainik ovalo havakatigiilutik umayukhiugutikhait tuhagutikhainik ovalo kablunaat kauyimayatukangit ihivgiugutikhainik nanuinut.
Havaktiit Makivik Kuapurisitku angikhimaliktut kotakhainik kihimi tuniniaktait nunainut Nunavimi ikpinagiyauhimayut.
