Pivalialigiyit Havakviit

Nunavummiut nipiit tuhaqhauyut inminiiqtunik qauyihautainit

IQALUIT, Nunavut (April 22, 2010) Nunavunmi Inminiiqtailinikkut Parnaiyaiyit havaktitauyut uplumi haavitittiyut naunaitkutinik 2009-mi nunallaanit pulaaqtaqhutik aullaqtittiyumaplutik inminiiqtailinikkut atuqtaghainik aviktuqhimayumi.

Taapkua havaktitauyut inungnit tuharumayut hapkua hanayautillugit.  Hapkua naunaitkutit takupkaqtittiyumaplugit inungnut tuhaqvigiyumagapkit Nunavunmiut unipkaaqhimayainik nunallaanut pulaaqtaqhimagamik. 

Naallugit 54-nguyut katimajjutigihimayait Nunavunmi 2009-mi, 500 avatquanit inungnik apuqhuta.  Kiujjutait avighimayut malrungnut naunaitkutinut: uqauhiit qanurilinganut inminiiqtinnagit inminiiqtailinirmullu; uqauhiillu atuqtauyughat tutqighainirmut 7-nguyunit aullaqvighainit unipkaanguyut uplumi naunaitkutinit.

Tunngavigiplugit kiujjutait katimajjutigiplugit ilitturihimayainitlu havaktitauhimayut, naunaittiaqtunik atuqtaghanik parnaiyaiyut.  Hapkua June, 2010-mi iniqtauniarahugiyauyut.  Taapkua naunaitkutit titiqqat, atilik, Hivuanut parnaiyainiq taapkuninnga Nunavunmi Inminiiqtailinikkut Atuqtaghat: Naunaitkutauyut talvanngat 2009-mit nunallaanut pulaaqtaqhutik, tuniyauniaqtuq tamangnut nunallaanut takuinnarianingniaqtuqlu Nunavut Tunngavikkut qaritauyakkuurutaanit www.tunngavik.com, Kavamatkut Nunavunmi qaritauyakkuurutainilu, www.gov.nu.ca.

Taapkua Inminiiqtailinikkut Parnaiyaiyit havaktitauyut katimayilgit talvanngat Nunavut Tunngavikkunnit, Kavamatkunnit Nunavunmi, Iqillugu Inuuhiq Katimayiinit talvanngallu Paliihimanit, “V” Avighimanianit.

Naunaittiarumaguffi una hivayaqlugu:

Franco Buscemi                                                                   

Aulapkaiyiryuaq Tuhaqtittinirmut                                                             

Nunavut Tunngavikkut Timingat                                                    

Hivayaut: (867) 975-4939 Akiittukkut: 1-888-646-0006                           

                                                 

 

S.J. (Steve) McVarnock

Atannguyaryuaq Unniqtuiyi Titiraqti

RCMP “V” Avighimanianit

Hivayaut: (867) 975-4400

 

Lori Idlout

Atannguyaq

Iqillugu Inuuhiq Katimayiit

Hivayaut: (867) 975-3233 Akiittukkut: 1-866-804-2782

 

Pam Coulter

Aulapkaiyikaffuk Tuhaqtittinirmut

Kavamatkut Nunavunmi, Havakviat Aanniaqtuliqiyit Inuliqiyitlu

Hivayaut: (867) 975-5712

Mikhanut pivaliatitni tapkuat Nunavut Inminiqtailitinut Atugakhaliat