Nunavut Tunngavik Timinga Angayukaak Cathy Towtongie ukaktuk Inuit tunngahugiyait nutaat natiit angigutaanut Kanata atiktuiyait Chinalu ublumi, ukakhimayait ublumi Kanatami Ikaluligiyit Ministaa Gail Shea.
Nutaak angigutaanut pipkainiaktait Kanata hilataanut niuviktilutik nigilaaktait natiit ilangit Chinamut. Kanata talvatuak nunakyuak pilaaktut hilataanut niuviktilutik nigilaaktainik natiit ilangit Chinamut ataani nutaat angigutaanik. Kanata ublumi niuviktivaktut natiit amiinik ilanganik Asiamut.
“Inuit kiniinaktut nutaanik niuviktikhainik pikaktaptinik umayunit. Aliagiyaga Minista Shea atiktuimata angigutaanut ovalo angilitikhugit Kanatami natiit niuvigutikhait ovalo pipkailugit Inuit ilaukataulutik aniaktailigiyiit inuuviviniit hanatiligiyiinik,” ukaktuk Towtongie. “NTIkut tamaat ikayuktait uktugutikhait angigutainik.”
Nunavut pikaktaut amigaitunik natiit ilakatigiinik. Towtongie ukaktuk NTIkut piyumayut angigutaanut himautiginiaktait ilangit kinauyaliuktait tamaihimayut nutkaktigutainik ilihimayut Europemit.
