Nunavut Tunngaviup Timingata (NTI) Angiyuqqap Tuglia James Eetoolook uplumi angiqtuq ikayuqtuunmingnik nunalimaami naalaquirnirmut  tammaqhimayunut inuaqtauhimayuniglu Nunaqaqqaqtunik arnanik arnaruttiniglu Kanatami.

“NTI ikayuqtuiyuq nunalimaami naalaquirnirmut. Naalangniq atuqtauyariaqaqtuq aapqutaulunilu pivaallirutiriniaqqat Kanataup ptiquhiannik Nunaqaqqaqhimayunik  arnanik ihuinarutauniglu Nunaqaqqaqhimayunut arnanut,” uqaqtuq Eetoolook.

“Nangiqqatauyugut atauhiulluta tamainnut timiuyunut nipinullu tukhiqtunik naalaquinirmik nanihiniaqqat mamiharnirmik kiuyauniaqqatalu pittiarutaunnginniit Nunaqaqqaqhimayut arnait aanniqtiqtauniit angitqiamik aallanut arnanut Nunaqaqqaqhimanngittunut.”

Nunalimaamut Aulaniat Qauyihautauhimayuq Tammaqhimayunik Inuaqtauhimayuniglu Nunaqaqqaqhimayunik Arnanik haqqittittauyuq RCMP-kunit May 2014-mi naunaiqhihimayuq 1,181-nik tammaqhimayunik inuaqtauhimayuniglu Nunaqaqqaqtunik arnanik Kanatami palihimatkut qaritauyakutainni 1980-it 2012-mut

Qauyimayauliqtut takuhiurutauyut ingattaqpallaaqtumik aanniqtirinirmik Nunaqaqqaqtunik arnanik qanuqturutikhaqanngittunilu piuminaittumik aanniqtirutauvaktunut Nunaqaqqaqtunik arnanik. Hamna ulurianaqtuq naammanngitpiaqhunilu.

NTI-kut  2013-14 Ukiumut Unipkaliugaat Qanurinniannut Inuit Pitquhiat Inuuhiannullu uqaqhimayuq “Nunavut hapirnatqiaqpiannguyuq aviktuqhimayuq Kanatami arnaukpat nutagaukpalluuniit. Arnait Nunavunmi aanniqtiqtauvaktuq kulvahitqiamik 13-nik aanniqtiqtauniannit arnait Kanatalimaami iluingarlugu.”

“NTI ilihimayuq aanniqtirinirmik Nunavut nunaliinni. Ihariahuktugut ikayuqtuutikhanik qanuqtuurutikhaniglu nutqaqtitauniaqqat pittiannginniq arnanut nutaqqanullu. Kiuniq haffumunga naammanngittumut itqhuhiuliqtumut hivulliutiyakharaluangat Kavamangata Nunavut Kanatauplu,” uqaqtuq Eetoolook.

Ilitturiyumirumaguvit:

Kerry McCluskey

Atanguyuq Tuhaumatittiyini

Nunavut Tunngavik Timinga

Talafuun: (867) 975-4914 Akiittuq: 1-888-646-0006