Pivalialigiyit Havakviit

NTI-kut Niruaqtittinahuat Angayuqqaaghamik

Nunavut Tunngavikkut Timingat Niruaqtittiyi Titiraqtiat Lori Idlout uqaqhimayuq taimaa niruaqtittinahuat angayuqqaaghamik December 13, 2010-mi, talvanittauq uplumi katimaqatigiit niruaqtittinahuat malrungnik tuklighanik angayuqqaamut.

Niruaqtittinahuat ahivaqtitauhimangmat Paul Kaludjak angayuqqaangupluni. Katimayiit katimaqatauyut katimavikyuaqtillugit Kangiqhiniqmi niruaqhimayut ahivaquplugu Kaludjak angayuqqaangupluni ipaghaq. Taimaaqtitauhimayuq atuqlungniqpakkami niuvrutimik piannamik.

Niruaqtut taapkualu niruaqtauyumayut Kanatami nunaqaqtughat, ukiuqaqlutik 16-nik, atiliuqhimaluni talvani Nunavunmi Nunataaqnikkut Angirutinit.

Niruaqtittinahuat November 1-mit 5-mut, 2010-mi. Niruarutighat titiqqat piinnarialgit Niruaqtittiyimit Titiraqtimit, CLO-nit, talvaniluunniit NTI-kut qaritauyakkuurutainit. Niruaqtauyumayut uuktuinnarialgit titiqqatigut Niruaqtittiyimit 5:00-nguqtinnagu Nov. 5-mi.

Niruaqtauyumayut inmikkut titiqqanik tunihiyughat Niruaqtittiyimut Titiraqtimut. Titiqqat tuniyaunngitpata nutqaqvighaanit, aippaanik niruaqtauyumayumik niruaqtittiyaulaittut NTI-kut niruaqtittiplutik.

Niruaqtauyumayut amuhiinnarialgit niruaqtauyumaniqmut titiqqanik 5:00-nguqtinnagu Nov. 8-mi, 2010-mi.

Hivunikhivigenagealik:
Nunavut Tunngaviup Timinga
Hivayautaa:
Hivayaut akiittuq: