Pivalialigiyit Havakviit

NTI-kut ikayuqtuiyut Maligaliuqvikyuap naunaitkutainik Iqalliqivingnut

(June 08, 2010 — Iqaluit, Nunavut) Nunavut Tunngavikkut Timingat Hivulliq Tuklia Angayuqqaaq James Eetoolook uplumi ikayuqniaqturiyuq Maligaliuqvikyuap Katimayiralaangit naunaitkutainik iqalliqinikkut, Munaqhiniq Iqalliqivingnit Imaqniklu Kanatap Uataanit Ukiuqtaqtumi, hanayumaplutik iqalliqivighanik Nunavunmi.

“Naluhuiqhimaghaaqtugut aulattianiaqtughat iqalliqivighat.” Uqaqhimayuq Eetoolook. “Kihimi hapkua aulattiaqniaqqata taapkua kavamaqyuatkut kavamatkullu ikayuqtughat aklivaalliqniaqqat.”

Hanayaunahuaqqat Nunavunmi iqalliqivighaq maliktaghalik talvani Nunavunmi Nunataaqnikkut Angirutinit ikayuqniaqturiyughatlu taapkua kavamaqyuatkut kavamatkullu aviktuqhimayumi havaqatigiiklutik aulapkainahuaqlutik tunngavingnik, taimaa havaqatigiittiaqtughat Inuit iqaluktaghainit munaqhiniqmullu iqalliqivingnik.

“Malighugit taapkua Nunavunmi Nunataaqnikkut Angirutinit, tahapkualluaq Ilangat 5-lu 7-lu, ihariagiyaunngittut aullaqtittiniqmut aulattiaqtughanik iqalliqivingnik kihimi pitquyauhimayut.” Uqaqtuq Eetoolook.

Ministap uqauhiinit imani, aviktuqhimayumi Ministauyuq Avatiliqiniqmut Daniel Shewchuk ikayuqniaqturihimayuqlu Maligaliuqvikyuap naunaitkutainik.

“Quviahuktunga tautugiami Minista Shewchuk piqataugami. Havaqatigiyumayaqqut tajja taapkualu kavamaqyuatkut piqatauquyaqqutlu. Iqalliqivighamik takulaittugut aulattiaqtughamik havaqatigiinngitkupta.” taimaaqtiqtuq Eetoolook.

-30-

Naunaittiarumaguffi una hivayaqlugu:

Franco Buscemi

Aulapkaiyiqyuaq Tuhaqtittiniqmut

Nunavut Tunngavikkut Timingat

Hivayaut: (867) 975-4939 Akiittukkut: 1-888-646-0006