Nunavut Tunngavikkut Timingat Ataniulluaqtuq Niruaqtittiyit Titiraqtiat Adamee Itorcheak tuhaqtittiyuq uplumi taimaa taapkua NTI-kunnut niruaqtauyumayunut umiktut uplumi 5-munngaqtumi nunallaavit uplughiutaagut.
Mikidjuk Akavak, Larry Audlaluk, Savikataaq Ford, Paul Kaludjak, Vinnie Karetak, Jerry Komaksiutiksak, David Kunuk, Gabriel Nirlungayuk, Bernadette Niviatsiak, Manitok Thompson, taamnalu Cathy Towtongie tunihivaktut niruaqtauyumaplutik titirautainik angayuqqaanguyumaplutik. Niruaqtauyumayut hatuigumik titirautait amuinnariaqaqtait November 5-nguqtinnagu 5-munngaqqat nunallaavit upluqhiutaagut.
Towtongie tajja havaguillaghimayuq NTI-kunnit malighugu NTI-kut maligaliuqhimayait niruaqtaqnikkut. NTI-kut Tuklia Angayuqqaamut James Eetoolook angayuqqaannguanguniaq niruaqtittiplutik.
Niruaqtittinahuat December 10-mi, 2012. Niruarumayut niruaqvighaq tikitinnagu niruanginnarialgit Dec. 3-mi, 2012, ahiniitkuvit niruaqvingmiinngitkuvit tikkuaqtuinnarialiuyutit niruaqtughamik kivgaqtuqhutit.
Niruaqtaunginnarialgit nirualaaqtullu Kanatamiutauyughat, 16-nik ukiuqarlutik, atiqaqhimalutik piinnariaqarumiklu titiraqhimayutut talvani Nunavunmi Nunataaqnikkut Angirutinit.
