(November 4-mi 2015-mi – Iqaluit, Nunavut)     Nunavut Tungavik Timeoyomi (NTI) Ikihivaotalik Cathy Towtongie koyagiya Hunter Tootoo tikoaktaokmat Ministaolikhoni Ikalolikiyin, Takyoniklo, Kanatamilo Hikolikiyinik.

“Atoknikaktok Inoet atokhimageagani kivgaktoknigin Kanataop Atanigiyaeni. Tootoo-m kaoyimaniga maligaleoktini Okeoktaktomi ikayotaoneaktok tamaenut Inoenaknot Kanatameotanolo ayikektomik” okaktok Towtongie, “Ihomaloknaevyaktok Inoet ihageagiyaet havagiloagomayaelo Ikalolikinikmi, Takyolikiyotilo Kanatamilo Hikolikiyit hakogitkiyamik kivgaktoktikaknealiktot Kavamani.”

“Tootoo kivgaktoehimayok Nunavumi Maligaleoktini 14-ni okeoni tokiheavlonilo atokniniganik ila atokpaleaniganik Nunavumi Nonataknikot Agikatigegotaoyok. NTI-kot ihomateaktot Tootoo-m kaoyimanigit Nunavumi Maligaleokveani nakogotititeakneaktaa notami havamini Ministaonigiyamini. Nahogiyoga ihoaktomik havakatigiligeagani Ministaoyok Tootoo havagihimaknigani tamat atokpaleaniganik Nunavumi Notataknikot Agikatigegotaoyok.”