(March 6, 2014 – Iqaluit, Nunavut) Nunavut Tunngavikkut Timingat Angayuqqaangat Cathy Towtongie uplumi uqaqtuq taimaa NTI-kut Katimayiit taapkuninnga pihimaliqtut Maligaghait Havauhinut Katimayinut taapkuninngalu Maligaghait Havauhinut Ihuinaarutilingnullu Maligaghait Katimayiit maliktaghait havauhiinut Katimayiit.
Titiraqhimayuq maligaghanit taimaa NTI-kut Katimayiit piyughat imaatut:
Atuqtittivallialugit pilaarutait uuktuqtaghaillu Inuit Nunavunmiut tamatkiumayutut, pittiaqtaupkaqlugillu pimmarluktut inuit nuatqatigiiktunit, ihumagiplugit tamangnik inuit kamahuktittihimaittumik aallannganiagut, Kanatamiutaugumi nunaqaqqaaqhimagumi, uviniagut, ukpiruhungniagut, angutaugumi/arnaugumi, kitunik nuliayuktaigut, ukiutigut, ihummaqlukkumi pimmaqluutiqarumiluuniit timitigut.
“NTI-kut katimaqatigiighutik uvangalu ilikkuuqtutut ikayuqtuinnaqtatka pilaarutit ayuqhautaillu pimmaqluktut inuuhiptingnit,” uqaqtuq Towtongie. “NTI-kunni, avatiqarahuaqpaktugut ilauqauinnaqhuta, naammagiinnaqhugit nuatqatigiittiaqhutik.”
Towtongie uqaqtuq taimaa uqauhiit hivuanit takuyamut uqauhiriyait nanngariplugu Iniqniq nipliqhimagami ayuqnaqtunut ikpingnaqtunullu, imaalu ihariagiyaptingnik ilitturitjutauyuq inuuhiriliqtaptingnit unipkaaqtaghaliqtavut hapkua.