Pivalialigiyit Havakviit

Tugaanik Niuviqtittiniqmik Angmaqtittiyut

Nunavut Tunngavikkut Timingat Tuklia Angayuqqaaq James Eetoolook uqaqtuq taimaa Havakviat Iqalliqiyit Taryuliqiyillu ilainnaanik angmaqtiriyut niuviqtittiniqmik tugaanik.

“Tuhaayaami taimaa quvianaqpiaqtuq,” uqaqtuq Eetoolook. “DFO-kut nutqaqtittihimayut niuviqtittiniqmik tugaanik 17-nguyuni Nunavunmi nunallaanit aippaangani, ihumaliuqtauhimayuq taimaa tingmiplutik qauyihaigamik naunaitkutainit 2003-mi. Ihumaliuqhimayut taimaa tingmiplutik qauyihaigamik Ikpiaqyuk haniani 2010-ngutillugu. Imaa Inuit Ikpiaqyungmi, Kangiqtugaapingmi, Qikiqtaryuami, Pangniqtuumi Iqalungnilu niuviqtittiinnarialgit tugaanik ayuqhaqtitauhimaittumik DFO-kunnit,” uqaqtuq.

DFO-kut ihumaliuqhimagamik taimaa December, 2010-mi, NTI-kut tuhaqtitauhimaittut nutqaqtirutinut, Inuillu tuhaqtitauhimaittut. DFO-kut ihuinaaqhimayut Kavamatuqanit tuhaqtittihimainnamik Inungnik. NTI-kut apiqhuiyikkuuqtut, kihimi nutqaqtitauyut DFO-kut katimatjutigiyumaplugit, havaqatigilugillu Inuit ihumaliuqhutik qilalukkat mighaagut.

DFO-kut ihumaliuqhimayaat angmaqtittiniqmik tuhaqtitauhimayuq DFO-kut takupkaqtittigamik naunaitkutainik 2010-mit 2011-milu ihuaqutainik (NDF) hitamanit 6-iuplutik auyami qauyihaqtainit Nunavunmi. Nutqaqtittitjutit huli aulavangniat auyami qilalugaqtaanit talvani Jones Sound-mi Tununngaanilu Hudson Bay-Foxe Basin-milu.

Hivunikhivigenagealik:
Nunavut Tunngaviup Timinga
Hivayautaa:
Hivayaut akiittuq: