Pivalialigiyit Havakviit

Akukittuq/Kanata-lu Katimaqatigiiktut Nannut Mighaagut

(June 8, 2010 — Iqaluit, Nunavut) Nunavut Tunngavikkut Timingat Hivulliq Tuklia Angayuqqaaq James Eetoolook uqaqhimayuq uplumi quviahukturipluni taimaa angiqatigiighimaplutik havaaghaqaqtut huli nanuqnik kitittinikkut mighaagut katimatillugit Akukittuqmiut/Kanata-lu Katimaqatigiit Ilulissat-mi, Akukittuqmi.

Katimayit talvani katimaqatigiingnut ilalgit anguniaqtinit nunallaanit ikpiguhuutilgit Kanatami Akukittuqmilu, Kavamatkut talvanngat Akukittuqmit, Kanatamillu taapkua aviktuqhimayunit kavamanit kavamaqyuatkullu havakviinit avatiliqiyitkut, NTI-kut taapkualu Qikiqtaalungmi Anngutighanut Katimayiit.

Katimayit katimaqatauhimayut May 28-mit 31-mut Ilulissat-mi, Akukittuqmi unipkaariplugit nanuit qanuqlu munarittiariami talvani Baffin Bay-mi Kane Basin-milu.

“Nalunngittugut taapkua naunaitkutit utuqqauyut nalaumagumiklu naluplutik. Naunaiqhimayuguttauq Inungnit Akukittuqmiunit Kanatamiunitlu taimaa amihunik takuhimavaktut nanuqnik Baffin Bay haniani.” Eetoolook uqaqhimayuq. “Ilitariplugu una, pitquyauhimayut taimaa katimaqatigiingnit nutaanik qauyihaqarialgit ihumaliuttiarumaaqtut.”

“Hapkua ihumaliuqhimayut katimaqatigiingnit ayuqnaqtunik qauyihaqhimayunit Inuillu qaujimajatuqangit uqauhiinitlu ilitturiyauhimayut Inungnit talvanngatlu Nunavunmi Anngutighanut Katimayiinit 2008-mi taimaa nakuuyunik naunaitkutaittuq nanuit ikiklivaalliqtunik Baffin Bay-mi.” uqaqtuq Eetoolook.

Nutaanik naunaitkutaittunik ilauyut katimaqatigiingnut ilitarihimayut uqauhiinik Kititaaqhimayunik Avvaqhaqtut Niqighaqhiuqnikkut Baffin Bay-mi aviktuiyumanngittut angutaghainik kititaaqtauhimaitkumik. Hapkua mighaagut, katimaqatigiit ihumaliuqtailiquhimayut.

“Aulapkainahuaqniq aghuuqnaqtuq; taimaa aturuminaqtunik hapumminiqmut parnaiyaiyaami nalaumayunik naunaitkutaqaqtughat taimaalu tuhaqhimayugut Inungnit anguniaqtinik taapkua naunaitkutait utuqqauplutik nalaumanngittut.” uqaqtuq Eetoolook.

-30-

Tuhattiarumaguffi una hivayaqlugu:

Franco Buscemi

Aulapkaiyiqyuaq Tuhaqtittiniqmut

Nunavut Tunngavikkut Timingat

Hivayaut: (867) 975-4939 Akiittukkut: 1-888-646-0006