Pivalialigiyit Havakviit

Niqqailiuknaitumik Hanaqitjutikhaq Hivunirmugiangat Pangnairutikhaq Nuitiqtikhimayuq

posterthumbNunavut Niqqailiuknaitumik Havagvingit ublumi nuitiqtikhimayut Nunavut Niqqailiuknaitumik Hanaqitjutikhaq Hviunirmugiangat Pangnairutikhaq hivullirmi ubluangani nunaqyuaptingni Kaaktunut Ilitugitjutikharnik Havaininga. Tamna hivuniriniaqtaat aituiyaangat Nunavunmiunut ihuaqtunik ihagianairutikharnik qayangnaitunik, nunamingnin, akiligiaqaqtunik, tivaygiktunik niqqinik, ilaulugitlu niqqit pitjutikharnun taima atuquinginaqhugu Inuit Hivulliurutiit Upigiyauyut, nanmigitjutikharnik avatiptingnilu atugumanaqtunik.

Siksiuyut hanaqitjutikhat ilitagiyauhimayut taima nallautjutihimayut hanaqitjutikhangit hivunirmugiangat pangnairutikharniklu: nunamin niqqit, niuvaivingmi niqqit, nunalaani niqqiliqihimayunik, inuuhimaagiangat ayuittiarutikharnik, havaaghat nunalaani hanaqitjutikhangit, atugakhat malikhautikhangitlu.

“Ikikliyumiqtitiniq kaakniq amigaiqyumiqtitinirlu niqqikhangit taima aturuminaqtunik munagitjutikhat inungnun, katimayiinun, kavamanunlu talvuuna havaaqhaq havautigiliqtaat havagvingnin akhuqnaqtuq,” uqallaktuq Monica Ell, Ministauyuq Munarhiliqiyikkut Inuuhiriknirmullu, Nunavut Kavaman. “Hanaqitjutikhaq pangnairutikhaqlu, taima aulatitihimaagiikhimayut, hanahimayuq aulavikharnun ilitugipkaiyaangat piqaqtunik, pigiaqaqtuniklu, niriuminaqtun aturutikharngit niqqit.”

Tamna havagviuyut hanaqiyukhat katimayiit Nunavunmi Katimaqyuarut Ilingaiyaikyumirutikharnut, ikhivautam tugliaqaqhutik Nunavut Kavamanin Nunavut Tunngavikkutlu ilauhimayut ilauqaqtun kavamanin havagviini, Inuit katimayiinin, katimayiingitlu, nanminiqaqtunut havagviingit.

“2010mi, ayuikhaqhimayugut taima amigaitilaangat Inuinait nanminiqaqtunut iglungnik, ilauhimayut tapkuat ilihaqtun nuttaqqat, aulahimavaktun ayuqhaqhutik niqailiuqhutik, taima ayungnautigivaktun inuuhirittiaqharnik nutqaqtitiyumirutigivaktaat ilihaqtun ilaulukaagiangat iliharvingmi havagvingmilu,” uqallaktuq NTI-kutni Tugliuyuq-Angiyuqaak James Eetoolook. “Aulanikkut havaqatigiikhimayavut hanaqitjutiit talvani Nunavut Niqqailiuknaitumik Havagvingit, NTI-kutlu havakhimaaqniaqtun tamaat havakhangit talvuuna hanaqitjutikharnun pangnairutikharnik, nigiukhimaniaqtugutlu tamaita Nunavunmiutat pigiaqaqtun akiliktuiyaangat niqqikharnik ilihaiqyumigiangat ilihaqtun havaktunutlu havagvingmi.”

Talvuuna aulanikkut hanaqitjutikhangit pangnairutikhangitlu, Nunavut Niqqailiuknaitumik Havagvingit havakhimaaqniaqtun hanaqijutikharnik naunaiyagiikhimayut naunaitumik aulavikharnik talvuuna piyaangat ihuaqtunik tautuguminaqtunik niqailiuknaitumik Nunavunmi.

 

###

Tuhaqtitiliqiyut Hivayagiaqaqtakkit:
Audrey Lemieux Tuhaqtitiliqiyunut Nunalaani Niuvailiqiyunut Ihivriuqtuliqiyi
Munarhiliqiyikkut Inuuhiriknirmullu
Nunavut Kavama
867-975-5949

Kerry McCluskey
Aulapkaiyi Tuhaqtitiliyunut
Kiinauyaliqiyunut Havagvingmi
Nunavut Tunngavikkut
867-975-4914