Nunavut Tunngavik Timinga, Angayukaak Cathy Towtongie ublumi fonikhimayait Munagiyit Ikaluligiyit ovalo Tagiuligiyit kilamik nutkaktitlugit angigutainik nutkaktitlugit niuviktigutikhait Tuugaat tuugaangiit 17ni Nunavumi nunait.

DFOkut tuhaktihimayut NTIkut nutkaktigutikhainik ubluinik. NTIkut nalutitlugit nutkaktigutikhainik atunialiktitlugit. DFOkut pihimayait ihuinaakkhimayait Inuit umayukhiugutainik inminiigutait ilihimayut ataanik Nunavumi Nunataagutit Angigutaanut.

“DFOkut pikangitut inminiigutikhainik nutkaktitlugit ovaluniit aalanguktitlugit Inuit, ilaa nani amigaitut nunakatigiit atuinamagit ovalo umayukhiuktakhait amigaititlugit,” ukakhuni Towtongie. “NTIkut ihumaliktut akigaktuilugit hamna apikhukvimi.”

Malikhugit DFOkut pitkuyait, CITESkut hilataanut niuvigutikhait atugutikhait tunilaitut tugaanik umayukhiukhimayut Ausuituq, Ikpiarjuq, Qausuituq, Kangiktugaapiq, Qikiqtarjuaq, Pangnirtung, Iqaluit, Kimmirut, Kinngait, Salliq, Naujaat, Sanigayaq, Igluligaarjuq, Kangiklinik, Tikigarjuaq, Arviat ovalo Sanikiluaq. Nunait pilaaktut hilataanut niuviktilaaktut tuugaanik tuugaat Kugaaruk, Taloyoak, Ukhuktuuq, Igloolik ovalo Mitimatalik.

“DFOkut angigutait takukhauyut munagilugit kablunaat kauyhimayatukangit katitigutainik, kihimi naluyugut ilaa, ukaktauhimaimata Inuit” ukakhuni Towtongie. Kablunaat kauyimayatukangit naunaiyakhimayut tuuganik amigaitjutait hanianiitut 80,000mik Kanatami. Inuit umayukhiulikpaktait tuugaat hanianik 500mik ukiuk tamaat.