Pivalialigiyit Havakviit

European Union-kut Nattiqnik Niuviqtittitailinahuaqtunut Nutqaqtittiyut

Nunavut Tunngavikkut Timingat Tuklia-Angayuqqaap Kiinauyaliqiniqmut Raymond Ningeocheak uplumi uqaqhimayuq taimaa European Union-kut tughirautaat nattiqnik niuviqtittihuiqtailinahuaqtunut uplumi nutqaqtitauhimayuq. Nattiqnik niuviqtittihuirutauniaq amiqnik hunavalungniklu EU nunainit. Kanatamiut Akukittuqmiullu Inuit ahiillu akihaqtuqtut apiqhuiyikkuuqhutik ukiuq atulihaaqtumi pitqutjutighainik tughiqhutik pihimayut July, 2010-mi.

“Hapkua tuharuminaqtut Inungnut kiinauyaqhiuqniqmullu Nunavunmi,” uqaqtuq Ningeocheak. “Imaatut nutqaqpiatjutigiyumayaqqut EU-kut maligaliuqtainit.”

EU-kut maligaliuqhimayainit Inungnut pitqutjutilik, Inuit ukpiruhukput taimaa pitquyauhimayut ihuittuuniaqmata ihuaqutaungittutlu ihuinaaqtailiniqmut Inuit inuuhiinut imaalu nutqaqtitaunahuqquuqtut niuviqtittiniqmik nattiqnik.

Hivunikhivigenagealik:
Nunavut Tunngaviup Timinga
Hivayautaa:
Hivayaut akiittuq: