Pivalialigiyit Havakviit

Kiinauyaliqiyiryuap Naunaitkutait: Kavamatkut Malittianngittut Ilanga 23-mik

(March 19, 2010 – Iqaluit, Nunavut) Nunavut Tunngavikkut Timingat Angayuqqaangat Paul Kaludjak uqaqhimayuq uplumi taamna Kiinauyaliqiyiryuap Naunaitkutainit 2010-mi naunaiqhimayut taimaa Kavamatkut Nunavunmi malittianngittut Nunavnmi Nunataarutikkut Angirutini Ilanga 23-mik havaqtighaqhiuqnikkut.

Kiinauyaliqiyiryuap Naunaitkutait haavititauhimayut ippaghaq Nunavut Maligaliuqvianit. Havaqtighailliurniqmik Kavamatkunni unipkaalluaqpagait, aghuuqhugitlu tiguhiyughanik kavamatkut-tamaat ihuaqnighakkut ihuaqhainahuaqlutik hapkuninnga havaqtighailliuqtut.

Kiinauyaliqiyiryuap Naunaitkutainit takughauyut taimaa 2000-ngutillugu, Inuit atannguyauyut GN-kunni amigaiqpalliayut 5%-mik. Akunnganittauq atannguyait,
amigaiqpalliahimayut 8%-mik. Imaalu, GN-kut 2010-mi kiinauyait atuqtaghainit takughauhimayut taapkua 900-nguyut havaaghait havaktiittut, naallugu 25%-nguyut
tamangnit kavamatkut havaktiinit.

“Ilanga 23-mi Inuinnarnik havaqtighaqarnikkut kavamatkunnit 85%-nguyunit havaktighaqarahuarumayut. Tajja havaktiit 51%-nguyut. Hapkunani naatjutinit
naunaittut taimaa Ilanga 23 maliktaunngittuq,” uqaqhimayuq Kaludjak Kaludjak uqaqtuqtauq taimaa kavamaqyuatkut iniqhimayait Ilanga 23-mi kinguvaqtittut Nunavunmi kavamait atuliqtainit. “Maliktailiniq Ilanga 23 ihuigiyauttiaqtuq NTI-kut akihaqtuutainut Kuin Kivgaqtuivluni Kanataup Kavamainut.”

Kaludjak uqaqhimayuq NTI-kut havaqatigiyumayait GN-kut parnaiyailutik ihuaqhaijjutighanik havaktighailliurniqmik.”

Hivunikhivigenagealik:
Nunavut Tunngaviup Timinga
Hivayautaa:
Hivayaut akiittuq: