Nunavut Tunngavikkut Timingat Tukliat Angayuqqaamut Jack Anawak uplumi takupkaqtittiyuq 2010/11-mi Ukiup Nunngutaanit Naunaitkutanik Inuit Ilitquhiriliqtainik, atiqaqtuq Ilitquhiriliqtait Inuinnait Nutaqqat Inulrammiillu Nunavunmi.

“Nutaqqat inulrammiillu ihumaaluutait tuhaqtaghaliqtavut,” Anawak uqaqtuq.  “Hapkunani naunaitkutani uuktugaghanik titiraqhimayulik qanuq ikayuqtariaqaqtavut nutaqqavut, ingattauvaktuq Inuit ilitquhiinik, uqauhiinik, ilihainiqmik, nutarahaanullu aulattiaqningagut, aanniaqtailiniq, inuliqiyit, ihariattiniqlu.”

Naunaitkutanit titiraqhimayuq taimaa kavamatkut havaqatigiiliqtaghait Inuit taimaa nutaqqat ihariagiyait Nunaqaqqaaqhimayullu Pilaarutaigut ihariagiyait piyumaaqtait Nunavunmi, imaalu pitquhimayut taimaa Inungnik hivuliqtiqarlutik Nunavunmi tamaat unipkaarilugit Inuinnait atuqtaghait takuyumayaitalu nutaqqaptingnut.”

Naunaitkutat ukiuq tamaat havaariyaghait titiraqhimayut talvani Nunavunmi Nunataaqnikkut Angirutainit Ilangat 32.3.4-mi.  Pitquyauhimayutut talvani Ilanganit 32, naunaitkutat takupkaqtitauniat talvani Nunavut Maligaliuqvianit talvanilu Kavamatuqait Maligaliuqvianit.  Ukiaghami takupkaqtitauniat.