ᐊᔾᔨᓐᖑᐊᓄᒃ ᓵᓚᒃᓴᕋᓱᐊᕈᑏᑦ
ᖃᕆᑕᐅᔭᒃᑯᑦ ᖃᐅᔨᒋᐊᕐᕕᒃᑯᑦ ᐊᔾᔨᓂᒃ ᓵᓚᒃᓴᕋᓱᒍᑕᐅᔪᒧᑦ ᒪᓕᒐᒃᓴᑦ ᖃᓄᐃᓕᐅᕈᑕᐅᔭᕆᐊᓖᓪᓗ
ᐊᔾᔨᓕᐅᕐᓯᒪᔭᕐᓂᒃ ᓄᓇᕗᑦ ᑐᓐᖓᕕᒃᑯᑦ ᑎᒥᖓᑕ (ᑐᓐᖓᕕᒃᑯᑦ) ᖃᕆᑕᐅᔭᒃᑯᑦ ᖃᐅᔨᒋᐊᕐᕕᖓᓂ ᓴᖅᑭᖁᔨᕕᑦ? ᐊᔾᔨᓕᐅᖅᑕᕕᓃᑦ ᐃᓕᑕᕆᔭᐅᔾᔪᑎᒋᔪᓐᓇᖅᑕᑦ. ᐊᔾᔨᓐᖑᐊᑦ ᓵᓚᒃᓴᖅᑐᑦ ᓂᕈᐊᖅᖠᖅᑕᐅᖃᑦᑕᕐᓂᐊᖅᑐᑦ ᑕᖅᑭᑕᒫᑦ, ᐊᒻᒪᓗ ᐊᔾᔨᖁᑏᑦ ᓂᕈᐊᖅᑕᐅᒃᐸᑦ ᐊᕐᕌᒍᒥ ᐊᔾᔨᓕᐅᖅᑕᕕᓂᐅᔪᓂ ᐊᔾᔨᑦᓯᐊᓛᒥᒃ ᑐᓂᔭᐅᓇᔭᖅᑐᑎᑦ $1,000-ᓂᒃ ᑮᓇᐅᔭᓂᒃ. ᐱᔫᒥᒍᓱᒃᑯᕕᑦ, ᐅᖃᓕᒫᕐᓗᒋᑦ ᒪᓕᒐᑦ ᖃᓄᐃᓕᐅᕈᑕᐅᔭᕆᐊᓖᓪᓗ ᐊᑖᓃᑦᑐᑦ ᐊᒻᒪᓗ ᐱᖃᑕᐅᒋᐊᓕᕆᑦ ᓵᓚᒃᓴᕈᑕᐅᓇᓱᒃᑐᒥᒃ.
ᑕᐃᒃᑯᐊ ᐊᔾᔨᓕᐅᖅᑕᕕᓂᑎᑦ ᐃᓄᒃᑕᖃᖅᐸᑕ, ᐊᔾᔨᓕᐅᕆᔪᕕᓃᑦ ᐊᔾᔨᓕᐅᖅᑕᕕᓂᕐᒥᓂᒃ ᐃᓄᖕᓂᒃ ᑕᑕᑎᕆᒋᐊᖃᖅᐳᑦ ᑎᑎᕋᕐᕕᒃᓴᓂᒃ ᐊᒻᒪᓗ ᐊᑎᓕᐅᕐᓗᒋᑦ ᐊᔾᔨᓄᑦ ᓴᖅᑭᑎᑦᓯᔪᓐᓇᕈᒻᒥᒃ ᑕᑕᑎᕆᐊᓕᖕᒥ ᖃᐅᔨᒪᔾᔪᑕᐅᓂᐊᖅᑐᒥᒃ ᑕᐃᓐᓇ ᐊᔾᔨᓕᐅᖅᑕᕕᓂᖅ ᐊᖏᖅᓯᒪᓂᖓᓂ ᐊᒥᓱᓕᐅᖅᑕᐅᔪᓐᓇᑎᑦᓯᓂᕐᒧᑦ ᐊᒻᒪᓗ ᓴᖅᑭᐅᒪᔭᐅᔪᓐᓇᕐᓂᖓᓂᒃ ᖃᕆᓴᐅᔭᒃᑯᑦ ᐃᑭᐊᖅᑭᔾᔪᑎᒃᑯᑦ ᐊᒻᒪᓗ ᑐᓐᖓᕕᒃᑯᑦ ᓴᖅᑭᖅᑎᖃᑦᑕᖅᑕᖏᓐᓂ ᑐᓴᒐᒃᓴᓂᒃ ᐊᒻᒪᓗ ᑭᓱᑐᐃᓐᓇᕐᓂ.
ᐱᔾᔪᑎᒋᓪᓗᒍ ᐊᑲᐅᓐᖏᓪᓕᐅᕈᑎᖃᕈᓐᓇᕐᓂᖓᓄᑦ ᒪᓕᒐᖅᑎᒍᑦ, ᑎᑎᖅᑲᓂᐊᕐᕕᒃᑯᑦ ᐊᒻᒪᓗ ᖃᖓᑕᓲᒃᑯᑦ ᐅᓯᔭᐅᖃᑦᑕᕐᓂᖏᑦ ᑭᖑᕙᕆᐊᖃᑦᑕᓲᖑᓂᖏᓐᓄᑦ, ᑕᐃᒃᑯᑐᐊᑦ ᐊᔾᔨᓕᐅᕈᑏᑦ ᖃᕆᓴᐅᔭᒨᖅᑐᑦ ᑭᓯᐊᓂ ᐱᔭᐅᔪᓐᓇᖃᑦᑕᓂᐊᖅᑐᑦ.
ᐊᔾᔨᓕᐊᒥᓂᐅᔪᑦ ᖃᕆᓴᐅᔭᒨᖅᑲᐃᔾᔪᑕᐅᔪᓐᓇᖅᑐᓄᑦ ᐊᔾᔨᓕᐅᕈᑎᓄᑦ ᓇᓗᓇᐃᒃᑯᑕᖏᑦ .tif ᐅᕝᕙᓘᓐᓃᑦ jpg ᐊᑐᖅᑕᐅᔭᕆᐊᖃᖅᐳᑦ ᖃᕆᓴᐅᔭᒨᖅᑲᐅᑎᖏᓐᓄᑦ, ᐊᒻᒪᓗ ᐊᖏᓂᖃᑦᑕᓚᐅᖅᐸᑕ 1 MB ᐊᒻᒪᓗ 300 DPI. ᖃᐅᔨᒪᓐᓂᖏᒃᑯᕕᑦ ᑖᒃᑯᐊ ᖃᓄᖅ ᐋᖅᑭᓱᖅᑕᐅᓲᖑᒻᒪᖔᑕ ᐋᖅᑭᑦᓯᒪᓂᕆᔭᕆᐊᓕᖏᑦ, ᑕᐃᒪᓕ ᐊᔾᔨᓕᐅᕆᓕᕈᕕᑦ, ᐊᔾᔨᓕᐅᕈᑏᑦ ᐋᖅᑭᑦᓯᒪᑎᓐᓂᐊᖅᐸᐃᑦ ᐊᖏᓂᖅᐹᖑᔪᓐᓇᖅᑐᒧᑦ ᐋᖅᑭᑦᓯᒪᓗᒍ ᐊᒻᒪᓗ ᓇᓗᓇᐃᒃᑯᓯᖅᑕᐅᓯᒪᓂᖏᓐᓄᑦ ᐋᖅᑭᑦᓯᒪᓗᒍ. ᐊᐅᓪᓚᑎᓪᓗᒋᑦ ᐊᔾᔨᓕᐊᒥᓂᑎᑦ ᑕᐃᒪᐃᓕᖓᑦᓴᐃᓇᑦᓯᐊᕐᓗᑎᒃ ᐊᓯᓐᖑᖅᓯᒪᓐᖏᓪᓗᒋᑦ ᖃᕆᓴᐅᔭᒧᑦ ᑕᐃᒫᒃ ᐴᓚᐅᕋᕕᒋᑦ ᐊᔾᔨᓕᐅᕈᑎᓐᓂᒃ. ᐊᔾᔨᓕᐊᒥᓂᐅᔪᑦ ᐋᖅᑭᒋᐊᖅᑕᐅᓯᒪᑐᐊᖅᐸᑕ ᖃᓄᑐᐃᓐᓇᑦᓯᐊᖅ ᐊᓯᔾᔨᖅᑕᒥᓂᐅᓗᑎᒃ ᐱᔭᐅᖃᑦᑕᔾᔮᖏᑦᑐᑦ. ᖃᕆᓴᐅᔭᒃᑯᑦ ᐊᐅᓪᓚᑎᑦᓯᓂᐊᓕᖅᑎᓪᓗᑎᑦ ᐊᐱᕆᑉᐸᑦ ᒥᑭᓪᓕᑎᒋᐊᒃᑲᓐᓂᕈᒪᒻᒪᖔᖅᐱᐅᒃ ᐊᔾᔨ ᐊᐅᓪᓚᖅᑎᓚᐅᖅᑳᖏᓐᓂᕐᓂ ᐃᕐᖐᓐᓈᕈᑎᒃᑯᑦ, “ᐋᒡᒐ” ᐃᒪᐃᓕᓯᒪᔪᖅ ᐅᕝᕙᓘᓐᓃᑦ “ᑖᓐᓇᓴᐃᓐᓇᐅᓗᒍ ᐊᖏᓂᖓ” ᑕᐃᒪᐃᓕᓯᒪᔪᕐᓘᓐᓃᑦ ᓂᕈᐊᕐᓗᒍ”.
ᐊᔾᔨᓂᒃ ᓴᖅᑭᑦᓯᔪᓐᓇᕈᑏᑦ ᑕᑕᑎᒐᒃᓴᑦ ᐊᒻᒪᓗ ᐊᔾᔨᓕᐅᕆᔪᕕᓃᑦ ᐊᖏᕈᑎᖏᑦ ᑕᑕᑎᕆᐊᓖᑦ ᐱᔭᐅᔪᓐᓇᖃᑦᑕᕐᓂᐊᖅᑐᑦ ᖃᕆᑕᐅᔭᒃᑯᑦ ᐃᑭᐊᖅᑭᔾᔪᑎᒃᑯᑦ. ᑕᒪᒃᑯᐊ ᑕᑕᑎᕆᐊᓖᑦ ᑕᑕᑎᖅᑕᐅᓯᒪᓗᑎᒃ ᐊᑎᓕᐅᖅᑕᐅᓯᒪᓗᑎᒃ ᐊᒻᒪᓗ ᑐᓂᔭᐅᓗᑎᒃ ᓇᑦᓯᐅᑎᖃᓯᐅᔾᔭᐅᓗᓂ ᐊᔾᔨ.
ᐊᔾᔨᓕᐅᕆᔨ ᐊᖏᕈᑎᖃᖅᐳᖅ ᐆᒥᖓ, ᑐᓂᕐᕈᑕᐅᔪᑦ ᐊᔾᔨ ᑐᓐᖓᕕᒃᑯᓐᓄᑦ ᐊᑐᖅᑕᐅᔪᓐᓇᖁᓪᓗᒍ, ᖃᕆᑕᐅᔭᒃᑯᑦ ᐃᑭᐊᖅᑭᔾᔪᑎᖓᓃᓪᓗᓂ ᐊᒻᒪᓗ ᐊᓯᖏᓐᓂ ᑐᓐᖓᕕᒃᑯᑦ ᐊᐅᓚᓂᖏᓐᓂ ᖃᑯᑎᒃᑯᑦ ᐊᑐᖅᑕᐅᖃᑦᑕᕐᓗᓂ. ᐊᔾᔨᓕᐅᕆᔨ ᐱᔪᓐᓇᑎᑦᓯᕗᖅ ᑐᓐᖓᕕᒃᑯᓐᓄᑦ ᐅᑯᓂᖓ ᐱᔪᓐᓇᐅᑎᓂᒃ:
- ᓴᖅᑭᔮᖅᑎᑦᑎᓂᕐᒧᑦ ᐊᔾᔨᒥᒃ ᐊᒻᒪᓗ ᐋᖅᑭᒋᐊᖅᓯᓂᕐᒧᑦ ᐊᔾᔨᒥᒃ ᐊᓯᖏᓐᓄᑦ ᐊᔾᔨᓄᑦ ᐊᒻᒪᓗ ᑕᒪᐃᓐᓄᑦ ᑐᓴᒐᒃᓴᓕᕆᔨᓄᑦ, ᒫᓐᓇᐅᔪᖅ ᐅᕝᕙᓘᓐᓃᑦ ᑕᒡᕙᓐᖓᑦ ᖃᐅᔨᒪᔭᐅᔪᒃᑯᑦ;
- ᓴᖅᑭᓯᒃᑲᓐᓂᖃᑦᑕᕈᒪᓂᕐᒧᑦ ᐊᔾᔨ ᐊᓯᖏᓐᓄᑦ ᐋᖅᑭᒃᓱᖅᑕᐅᓯᒪᔪᓄᑦ;
- ᑐᓂᕐᕈᑎᒋᔪᓐᓇᖁᑉᓗᒍ ᐊᔾᔨ ᐊᓯᖏᓐᓄᑦ ᑐᓴᒐᒃᓴᓕᕆᔨᓄᑦ;
- ᐊᑐᕈᓐᓇᕈᒪᓪᓗᒍ ᐊᔾᔨ ᐊᓯᖏᓐᓄᑦ ᑐᓴᕈᑎᓄᑦ ᓴᖅᑭᑎᑦᑎᓂᐅᓇᔭᖅᑐᓄᑦ ᐊᒻᒪᓗ ᐱᓕᕆᐊᖑᔪᓄᑦ ᑐᓐᖓᕕᒃᑯᓐᓂᒃ.
ᐊᔾᔨᑦ ᐱᔭᐅᔪᓐᓇᖃᑦᑕᕐᓂᐊᖅᑐᑦ ᐊᓯᖏᓐᓄᑦ ᖃᕆᑕᐅᔭᒃᑯᑦ ᐃᑭᐊᖅᑭᔾᔪᖕᒥᒃ ᓇᑭᑐᐃᓐᓇᖅ.
ᐊᔾᔨᓕᐅᕆᔩᑦ ᑐᓂᓯᖃᑦᑕᕈᓐᓇᖅᑐᑦ ᐱᖓᓱᐃᖅᓱᕐᓗᑎᒃ ᓄᑖᓂᒃ ᐅᖓᑖᓅᓐᖏᑦᑐᖅ ᐊᔾᔨᓂᒃ ᑕᖅᑭᑕᒫᖅ.
ᑕᑕᑎᕆᐊᓖᑦ ᑕᑕᑎᖅᑕᐅᕌᓂᒃᓯᒪᔪᑦ ᐊᔾᔨᓕᐅᕆᔪᕕᓂᕐᒧᑦ ᐊᑐᓂᑦ ᐊᔾᔨᓄᑦ ᓇᑦᓯᐅᔾᔭᐅᖃᑕᐅᖃᑦᑕᕆᐊᓖᑦ. ᑐᓐᖓᕕᒃᑯᑦ ᑐᓴᖅᑎᑦᑎᓇᔭᖅᑐᑦ ᐃᓕᖕᓂᒃ ᐊᔾᔩᑦ ᓂᕈᐊᖅᑕᐅᒃᐸᑦ. ᐊᑏᑦ ᐃᓕᔭᐅᖃᑕᐅᓯᒪᓇᔭᖅᑐᖅ ᐊᔾᔨᒥ ᐊᑐᖅᑕᐅᔪᒥᒃ ᖃᕆᑕᐅᔭᒃᑯᑦ ᐃᑭᐊᖅᑭᔾᔪᑎᒥ.
ᑕᖅᑭᑕᒫᑦ, ᑐᓐᖓᕕᒃᑯᑦ ᑐᓴᐅᒪᖃᑦᑕᐅᑎᓕᕆᔨᒃᑯᖏᑦ ᓇᓗᓇᐃᖅᑕᐅᓯᒪᔪᑦ ᓂᕈᐊᖅᖠᖃᑦᑕᕐᓂᐊᖅᑐᑦ ᐊᔾᔨᒥᒃ ᐊᑐᕐᓗᑎᒃ ᐊᐅᓚᓂᕆᔭᕆᐊᓕᖏᓐᓄᑦ ᒪᓕᒃᑕᐅᔭᕆᐊᖃᖅᑎᑕᐅᔪᓂᒃ ᑕᑯᔭᒃᓴᐅᒻᒥᔪᑦ ᐊᑐᐃᓐᓇᐅᔪᑦ ᑐᓐᖓᕕᒃᑯᑦ ᐃᑭᐊᖅᑭᔾᔪᑎᖏᓐᓂ. ᐊᔾᔨ ᓂᕈᐊᖅᑕᐅᔪᖅ ᓴᖅᑭᔮᖅᑎᑕᐅᓇᔭᖅᑐᖅ ᑐᓐᖓᕕᒃᑯᑦ ᖃᕆᑕᐅᔭᒃᑯᑦ ᐃᑭᐊᖅᑭᔾᔪᑎᖓᒍᑦ.
ᓵᓚᒃᓴᕈᑕᐅᓇᓱᒃᑐᖅ ᐅᒃᑯᐃᖔᖅᑐᖅ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓂ ᐊᑎᖃᖃᑕᐅᔪᖁᑎᖏᓐᓄᑦ.
ᐆᒃᑐᕈᑏᑦ ᐊᐅᓪᓚᖅᑎᑕᐅᔪᓐᓇᖃᑦᑕᖅᑐᑦ ᐅᕗᖓ:
ᖃᕆᑕᐅᔭᒃᑯᑦ ᖃᐅᔨᒋᐊᕐᕕᒃᑯᑦ ᐊᔾᔨᓂᒃ ᓵᓚᒃᓴᕋᓱᒍᑕᐅᔪᒧᑦ ᒪᓕᒐᒃᓴᑦ ᖃᓄᐃᓕᐅᕈᑕᐅᔭᕆᐊᓖᓪᓗApril 30, 2007
ᖃᕆᑕᐅᔭᒃᑯᑦ ᖃᐅᔨᒋᐊᕐᕕᖓᓄᑦ ᐊᔾᔨᑦ ᒥᒃᓵᓄᑦ ᓵᓚᒃᓴᕈᑕᐅᓇᓱᒃᑐᖅ
ᐊᖏᕈᑎ ᑕᑕᑎᕆᐊᓕᒃ
ᐆᒃᑐᕈᑏᑦ ᓵᓚᒃᓴᐅᑕᐅᓇᓱᐊᖅᑐᓄᑦ ᐊᐅᓪᓚᖅᑎᑕᐅᖃᑦᑕᕈᓐᓇᖅᑐᑦ ᐃᕐᖐᓐᓇᕈᑎᒃᑯᑦ ᐅᕗᖓ ᑐᕌᕈᑎᒧᑦ
photocontest@tunngavik.com.