ᐃᓄᐃᑦ ᓂᕆᐊᕆᐊᖅᑐᕐᕕᖕᓄᓐᖓᖑᓂᐊᓕᖅᑐᑦ ᑐᓐᖓᕕᒃᑯᑦ ᓂᕈᐊᖅᑎᑦᑎᖏᓐᓂ 2006-ᒥ

(ᒫᔾᔨ 15, 2004 -- ᐃᖃᓗᐃᑦ, ᓄᓇᕗᑦ ᑐᓐᖓᕕᒃᑯᑦ ᓂᕈᐊᖅᑎᑦᑎᓂᖏᓐᓄᑦ ᐊᖓᔪᖄᕆᔭᐅᔪᖅ ᓂᕈᐊᖅᑐᓕᕆᓂᕐᒧᑦ ᐹᑐᓕᒃ ᑕᒍᕐᓈᖅ ᐅᓪᓗᒥ ᑐᓴᖅᑎᑦᑎᔪᖅ ᐃᓄᐃᑦ ᓂᕈᐊᕆᐊᖅᑐᕐᓂᐊᓕᕐᒪᑕ ᐊᐃᑉᐱᐅᓂᐊᖅᑐᒥ, ᒫᔾᔨ 21, 2006 ᓂᕈᐊᖅᑕᐅᓂᐊᕐᒪᑦ ᐊᑕᐅᓯᖅ ᐃᓄᒃ ᑐᓐᖓᕕᒃᑯᑦ ᓯᕗᓪᓕᐅᓂᖅᓴᖅ ᐊᖓᔪᖄᕐᒧᑦ ᑐᒡᓕᒃᓴᖓ/ᐊᖓᔪᖄᕐᒧᓪᓗ ᑐᒡᓕᕆᔭᐅᓂᐊᖅᑐᖅ ᑮᓇᐅᔭᓕᕆᓂᕐᒧᑦ.

ᐃᖃᓗᒻᒥᐅᑕᖅ ᔫ ᓵᒋᐊᖅᑐᖅ ᓵᓚᖃᕋᓱᐊᕐᓂᐊᖅᑐᖅ ᑕᓗᕐᔪᐊᕐᒥᐅᑕᒥᒃ ᔭᐃᒥᓯ ᐃᑦᑐᓗᒃ ᐃᓂᒃᓴᖓᓄᑦ ᑐᓐᖓᕕᒃᑯᓐᓂ ᐊᐅᓚᑦᑎᔩᑦ ᑲᑎᒪᔨᖏᓐᓂ.

ᐃᓄᐃᑦ ᓄᓇᑖᖃᑕᐅᓯᒪᔪᑦ ᐅᑭᐅᖃᖅᑐᑦ 16-ᓂ ᐅᖓᑖᓂᓗᓐᓃᑦ, ᐊᑎᓕᐅᖅᑕᐅᓯᒪᖃᑕᐅᔪᑦ ᐊᑖᓂ ᓄᓇᒻᒥ ᓄᓇᑖᕈᑎᓂ ᐊᖏᕈᑎᓂ ᐊᒻᒪᓗ ᑲᓇᑕᒥᐅᑕᐅᓪᓗᑎᒃ ᓂᕈᐊᖃᑕᐅᔪᓐᓇᖅᑐᑦ ᓂᕈᐊᖃᑕᐅᔪᓐᓇᕐᓂᐊᖅᑐᑦ ᑐᓐᖓᕕᒃᑯᑦ ᓂᕈᐊᖅᑎᑦᑎᓂᖏᓐᓂ.

ᑐᑭᓯᓂᒋᐊᒃᑲᓐᓂᕈᒪᒍᕕᑦ ᓇᓂ ᓂᕈᐊᕆᐊᖅᑐᕐᕖᑦ ᐱᑕᖃᕐᒪᒐᑕ ᑕᒪᐃᓐᓂ ᓄᓇᕗᒻᒥ ᓄᓇᓕᐅᔪᓂ, ᐅᕙᓘᓐᓃᑦ ᔭᓗᓇᐃᒥ ᐊᒻᒪᓗ ᐋᑐᕚᒥ, ᓂᕈᐊᖅᑎᐅᔪᑦ ᐅᖃᖃᑎᖃᕈᓐᓇᖅᑐᑦ ᐊᖓᔪᖄᕆᔭᐅᔪᒥᒃ ᓂᕈᐊᖅᑐᓕᕆᓂᕐᒧᑦ, ᐹᑐᓕᒃ ᑕᒍᕐᓈᕐᒥᒃ. ᓂᕈᐊᕆᐊᖅᑐᕐᕖᑦ ᐃᓂᖏᑦ ᒪᑐᐃᖓᓂᐊᖅᑐᑦ 10-ᒥ ᐅᓪᓛᒃᑯᑦ 7-ᒧᑦ ᐅᓐᓄᒃᑯᑦ, ᓄᓇᓖᑦ ᖃᐅᔨᓴᐅᑎᖏᑦ ᒪᓕᒡᓗᒋᑦ.

ᓂᕈᐊᖅᑎᐅᖃᑕᐅᔪᑦ ᓂᕈᐊᕈᓐᓇᕐᒥᔪᑦ ᓂᕈᐊᕈᔾᔭᐅᓗᑎᒃ ᓂᕈᐊᕐᓇᐅᑉ ᐅᓪᓗᖓᓂᒃ.

ᓂᕈᐊᖅᐸᒌᕐᕕᒃᓴᐃᑦ ᑲᔪᐊᓂᖃᐅᔪᑦ ᐊᑐᖅᑕᐅᕌᓂᒃᓱᑎᒃ ᐱᓇᓱᐊᕈᓯᐅᖃᐅᔪᒥ ᑕᒡᕙᓂ ᑕᐃᒃᑯᓄᖓ ᓄᓇᕗᒻᒥᐅᓄᑦ ᓂᕈᐊᖃᑕᐅᔪᓐᓇᖅᑐᓄᑦ, ᓇᖕᒥᓂᖅ ᓂᕈᐊᕈᓐᓇᓂᐊᖏᑎᓪᓗᒋᑦ ᐱᓇᓱᐊᕈᓯᐅᓂᐊᖅᑐᒥ.

 

-30-

ᑐᑭᓯᒋᐊᒃᑲᓂᕐᕕᒃᓴᖅ

ᑭᐅᕆ ᒪᒃᓕᔅᑭ
ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᔨᒃᑯᑦ
ᓄᓇᕗᑦ ᑐᓐᖓᕕᒃ ᑎᒥᖓ
ᐅᖄᓚᐅᑖ: (867) 975-4914
ᐊᑭᖃᓐᖏᑦᑐᖅ: 1-888-646-0006
kerry@tunngavik.com