ᓄᓇᕗᑦ ᑐᓐᖓᕕᒃ
ᐱᓕᕆᕝᕖᑦ
ᑕᑕᑎᒐᒃᓴᑦ ᐊᒻᒪᓗ ᑐᓴᕈᑏᑦ
ᓄᓇᕗᑦ ᑐᓐᖓᕕᒃ
ᐱᓕᕆᕝᕖᑦ
ᑕᑕᑎᒐᒃᓴᑦ ᐊᒻᒪᓗ ᑐᓴᕈᑏᑦ
ᓄᓇᕗᑦ ᑐᓐᖓᕕᒃᑯᑦ ᐊᐅᓚᑦᑎᔨᖏᑦᑕ ᑲᒪᒋᖃᑦᑕᕐᓂᐊᖅᑕᖏᓐᓄᑦ ᐋᖅᑭᐅᒪᓂᖓ:
ᐃᒃᐱᒍᓱᑦᑎᐊᕐᓂᖅ ᐱᓕᕆᐊᒃᓴᖃᕐᓂᕐᓗ ᐊᐅᓚᑦᑎᔪᓐᓇᖁᑉᓗᒋᑦ ᓄᓇᕗᑦ ᑐᓐᖓᕕᒃᑯᑦ ᐃᓱᒪᓕᐅᕈᑎᒃᓴᖏᓐᓂᒃ
ᑲᒪᒋᔭᐅᖃᑦᑕᕐᓂᐊᖅᑐᑦ ᐋᖅᑭᐅᒪᓂᖏᑦᑕ ᐊᑖᒍᑦ, ᐊᑐᓂ ᐊᐅᓚᑦᑎᔩᑦ ᑲᑎᒪᔨᓄᑦ ᑭᒡᒐᖅᑐᐃᔨᑎᑐᑦ ᐱᓕᕆᓂᖃᖃᑦᑕᕐᓂᐊᖅᑐᑦ ᑲᒪᒋᔭᕆᐊᖃᖅᑕᖏᑦᑎᒍᑦ ᐅᕝᕙᓘᓐᓃᑦ ᑎᓕᔭᐅᓯᒪᔾᔪᑎᒋᔭᖏᑦᑎᒍᑦ. ᑲᒪᒋᔭᐅᖃᑦᑕᖅᑐᑦ ᖃᓄᖅ ᐋᖅᑭᒃᓱᖅᓯᒪᓂᖏᑦ ᑐᓐᖓᕕᖃᖅᑐᑦ ᐃᒃᐱᒍᓱᑦᑎᐊᖃᑎᒌᖕᓂᒃᑯᑦ ᐊᒻᒪᓗ ᐱᓕᕆᖃᑎᒌᑦᑎᐊᕐᓂᒃᑯᑦ ᐊᐅᓚᑦᑎᔨᓄᑦ ᐃᖅᑲᓇᐃᔭᖅᑎᒥᒍᓪᓗ, ᐱᓕᕆᖃᑎᒌᑦᑎᐊᕐᓂᒃᑯᑦ ᐊᕕᑦᑐᐃᑦᑎᐊᕐᓂᒃᑯᓪᓗ ᐱᓕᕆᐊᒃᓴᕆᔭᐅᔪᓂᒃ ᑲᒪᒋᔭᐅᔭᕆᐊᓕᖕᓂᒃ.
ᐱᓕᕆᐊᒃᓴᕆᔭᐅᔪᑦ ᑲᒪᒋᔭᐅᔭᕆᐊᓖᓪᓗ ᐊᐅᓚᑦᑎᔨᓄᑦ ᐅᑯᐊᖑᕙᒃᑐᑦ:
ᐊᐅᓚᑦᑎᔩᑦ ᑲᑎᒪᔨᖏᑦ ᐱᓕᕆᖃᑎᖃᓪᓚᑦᑖᓲᑦ ᑐᑭᒧᐊᒃᑎᑦᑎᔨᒥᒃ. ᐅᖃᖃᑎᖃᓪᓚᑦᑖᖅᖢᑎᒃ ᑐᓴᐅᒪᖃᑎᖃᓪᓚᑦᑖᖅᖢᑎᒃ ᑐᑭᒧᐊᒃᑎᑦᑎᔨᒥᒃ ᐃᓱᒫᓘᑎᒥᓂᒃ ᐱᓕᕆᕝᕕᒃᑯᑦ ᐅᕝᕙᓘᓐᓃᑦ ᐃᖅᑲᓇᐃᔭᖅᑎᓄᑦ ᐱᓕᕆᐊᕆᔭᒃᑯᑦ ᑲᒪᒋᔭᒃᑯᑦ. ᐱᓕᕆᕝᕕᐅᔪᑦ ᐊᐅᓚᑦᑎᔨᖏᑦ ᑐᓐᖓᕕᒃᑯᓐᓂᒃ ᐊᐅᓚᑦᑎᔨᓂᒃ ᑲᒪᔨᐅᔪᓂᒃ ᐱᓕᕆᐊᒥᓄᑦ ᑐᓴᐅᒪᑎᑦᑎᑦᑎᐊᖏᓐᓇᕆᐊᖃᖃᑦᑕᕐᓂᐊᖅᑐᑦ ᓯᕗᓂᑐᖄᓂ ᐱᒻᒪᕆᐅᔪᓄᑦ ᐱᕙᓪᓕᐊᔾᔪᑕᐅᔪᓄᑦ ᐱᓕᕆᕝᕕᖕᒥᓂ ᑲᒪᒋᔭᐅᓂᖃᖅᑎᓪᓗᒋᑦ, ᐱᖃᑕᐅᓗᒋᑦ ᑕᒪᕐᒥᒃ ᐊᑐᖅᑕᐅᔭᕆᐊᓖᑦ ᐊᐅᓚᑦᑎᔨᒧᑦ ᑲᒪᔨᐅᔪᒧᑦ ᐱᓕᕆᐊᖃᑦᑎᐊᕈᓐᓇᖁᑉᓗᒍ ᐱᓕᕆᐊᒥᓂᒃ ᑲᒪᒋᔭᕆᐊᖃᖅᑕᒥᓂᒃ.
ᐊᐅᓚᑦᑎᔩᑦ ᑲᒪᒋᕙᒃᑕᖏᑦ - ᐋᖅᑭᒋᐊᖅᑕᐅᓚᐅᖅᑐᖅ ᓄᕙᒻᐸᕆ 2004-ᒥ
ᐱᓕᕆᐊᒃᓴᕆᔭᐅᔪᖅ ᑲᒪᒋᔭᐅᔭᕆᐊᓕᒃ |
ᐊᖓᔪᖅᑳᖅ |
ᐊᖓᔪᖅᑳᑉ ᑐᖏᓕᖓ/ ᑮᓇᐅᔭᓕᕆᓂᕐᒧᓪᓗ |
ᐊᖓᔪᖅᑳᑉ ᑐᖏᓕᒃᑲᓐᓂᖓ |
|
|
|
|
ᒪᓕᒐᕐᔪᐊᓕᕆᓂᖅ |
 |
|
|
ᐃᓄᐃᑦ ᑕᐱᕇᒃᑯᑦ ᑲᓇᑕᒥ |
|
|
|
ᓄᓇᕐᔪᐊᕐᒥ ᐅᑭᐅᖅᑕᖅᑐᒥᐅᑦ ᑲᑎᒪᔨᕐᔪᐊᖏᓐᓂᒃ |
|
|
|
ᒪᓕᒐᓂᒃ ᐱᕙᓪᓕᐊᑎᑦᑎᓂᕐᒧᑦ |
|
|
|
ᐊᐅᓚᑦᑎᔨᓂᒃ - ᑐᑭᒧᐊᒃᑎᑦᑎᔨᐅᑉ ᑎᑎᕋᕐᕕᖓᓂ |
|
|
|
ᒪᓕᒐᕐᓂᐊᖅᑐᓕᕆᔨᒃᑯᑦ |
|
|
|
ᐊᑐᓕᖅᑎᕆᔨᒃᑯᑦ |
|
|
|
ᑐᓴᐅᒪᖃᑦᑕᐅᑎᓕᕆᔨᒃᑯᑦ |
|
|
|
ᓄᓇᕗᒥ ᐊᑐᓕᖅᑎᕆᔨᒃᑯᑦ ᑲᑎᒪᔨᖏᓐᓂᒃ |
|
|
|
ᓄᓇᕗᒥ ᐃᒪᓕᕆᔨᒃᑯᑦ ᑲᑎᒪᔨᖏᑦ |
|
|
|
ᓄᓇᕗᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ |
|
|
|
ᓄᓇᕗᒥ ᐸᕐᓇᐃᔩᑦ ᑲᑎᒪᔨᖏᑦ |
|
|
|
ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ |
|
|
|
ᐃᓐᓇᕐᓄᑦ ᐃᑲᔫᓯᐊᖅᑖᕈᑎᓄᑦ |
|
|
|
ᐊᕐᓇᓄᑦ ᑐᕌᖓᔪᓂᒃ |
|
|
|
ᒪᒃᑯᒃᑐᓄᑦ ᑐᕌᖓᔪᓂᒃ |
|
|
|
ᐃᓚᐃᖅᑐᓄᑦ /ᐋᓐᓂᐊᖅᑐᓄᓪᓗ ᐃᖏᕐᕋᔾᔪᑎᓄᑦ ᐃᑲᔫᓯᐊᖅᑖᕈᑎᓄᑦ |
|
|
|
ᐃᓅᓯᓕᕆᓂᕐᒧᑦ ᐃᓕᖅᑯᓯᓕᕆᓂᕐᒧᓪᓗ |
|
|
|
ᓄᓇᓕᕆᓂᕐᒧᑦ |
|
|
|
ᒥᕐᖑᐃᖅᓯᕐᕕᓕᕆᓂᕐᒧᑦ |
|
|
|
ᐊᕙᑎᓕᕆᓂᕐᒧᑦ ᑐᕌᖓᔪᓄᑦ |
|
|
|
ᖁᑭᐅᓯᕆᓂᕐᒧᑦ |
|
|
|
ᐃᒪᕐᒧᑦ ᑐᕌᖓᔪᓄᑦ |
|
|
|
ᐃᒪᕐᒥᐅᑕᓂᒃ ᐱᕙᓪᓕᐊᑎᑦᑎᓂᕐᒧᑦ |
|
|
|
ᐊᑐᖅᑕᐅᔪᑦ ᐅᑎᖅᑐᒃᓴᓕᐊᑦ ᑕᒪᐃᓐᓄᑦ (A.25) |
|
|
|
ᓄᓇᕗᒥ ᐊᖑᓇᓱᒃᑏᑦ ᐃᑲᔫᓯᐊᖅᑖᖅᑐᓕᕆᔨᖏᑦ |
|
|
|
ᐆᒪᔪᓕᕆᓂᖅ |
|
|
|
ᐃᓄᐃᑦ ᐃᑦᓴᕐᓂᑕᓕᕆᔨᖏᑦ |
|
|
|
ᓴᓇᔭᒃᓴᖅᑖᖅᑐᓕᕆᔨᒃᑯᑦ |
|
|
|
ᑮᓇᐅᔭᓕᕆᔨᒃᑯᑦ |
|
|
|
ᐃᓄᐃᑦ ᓴᓇᓂᖏᑦ ᒐᕙᒪᒃᑯᓐᓂᒃ (A.23) |
|
|
|
ᐃᓕᓐᓂᐊᕐᓂᕐᒥᒃ ᐱᕙᓪᓕᐊᑎᑦᑎᓂᖅ |
|
|
|
ᐊᑎᓕᕆᔨᒃᑯᑦ |
|
|
|
ᓄᓇᕗᒥ ᑮᓇᐅᔭᓂᒃ ᐸᐸᑦᑎᔩᑦ |
|
|
|
ᓇᖕᒥᓂᓕᖕᓂᒃ ᐱᕙᓪᓕᐊᑎᑦᑎᔩᑦ |
|
|
|
NIRC |
|
|
|
ᒐᕙᒪᒃᑯᑦ ᑳᓐᑐᕌᒃᑖᖅᑎᑦᑎᓂᕆᕙᒃᑕᖏᑦ (A.24) |
|
|
|
|
|
|
|
ᑲᑎᖦᖢᒋᑦ ᓈᓴᐅᑎᑦ |
17 |
12 |
8 |
ᐅᖃᓚᐅᕋᒪᑎᑐᑦ ᐊᑎᓕᐅᖅᑕᐅᖃᑕᐅᓯᒪᔪᓄᑦ, ᓯᕗᓪᓕᖅᐸᐅᑎᑦᑐᒪᔭᒃᑲ ᐊᒻᒪᓗ ᑲᒪᒋᔪᒪᓗᐊᖅᑕᒃᑲ ᐅᑭᐅᖅ ᐱᕙᓪᓕᐊᔪᓕᕆᓂᖅ, ᐃᒡᓗᓕᕆᓂᖅ, ᐃᓄᒃᑎᑐᑦ ᐊᑐᖅᑕᐅᒃᑲᓐᓂᕆᐊᖃᕐᓂᖓ ᓴᓇᕝᕕᐅᑉ ᐃᓗᐊᓂ, ᐊᒻᒪᓗ ᐅᒃᑯᐃᖔᖅᑎᑦᑎᔪᒪᓂᕐᒧᑦ ᑐᓴᐅᒪᖃᑦᑕᐅᑎᓂᕐᒥᒃ ᐊᒻᒪᓗᑦᑕᐅᖅ ᐱᓕᕆᖃᑎᒌᑦᑎᐊᕈᒪᓂᕐᒧᑦ. ᑕᒪᒃᑯᐊ ᓯᕗᓪᓕᖅᐸᐅᑎᑦᑐᒪᔭᒃᑲ ᐊᒻᒪᓗ ᐊᓯᖏᑦ ᐱᓕᕆᐊᒃᓴᕆᔭᖅᐳᑦ ᑲᒪᒋᔭᕆᐊᖃᖅᑕᖅᐳᑦ ᐅᕙᒻᓂᒃ, ᐊᐅᓚᑦᑎᔨᐅᖃᑎᒃᑲᓂᒃ, ᑲᑎᒪᔨᓂᒃ ᓴᓇᔨᓂᒡᓗ ᐱᓕᕆᑎᑦᑎᓯᒪᓪᓚᕆᒃᑐᑦ ᐅᑭᐅᖑᔪᖅ.
ᐅᖃᐅᓯᐅᓯᒪᔪᑦ ᓄᓇᓕᖕᓂᓄᑦ ᐊᕕᒃᑐᖅᓯᒪᔪᓄᑦ ᑲᓇᑕᒥ ᒐᕙᒪᑐᖃᒃᑯᓐᓄᓪᓗ ᓯᕗᓕᖅᑎᓄᑦ ᐅᑯᐊᖑᔪᑦ ᐱᓕᕆᖃᑎᒌᑦᑎᐊᖏᓐᓇᕈᒪᓂᕐᒧᑦ ᐱᓕᕆᖃᑎᒋᓗᒋᑦ ᓄᓇᕗᑦ ᒐᕙᒪᒃᑯᖏᑦ ᑕᒪᐃᓐᓄᑦ ᐊᒃᓱᕉᑕᐅᔪᓄᑦ ᐱᕚᓪᓕᕈᑕᐅᔪᓐᓇᖅᑐᓄᓪᓗ, ᐃᒡᓗᓕᕆᓂᖅ, ᐱᕙᓪᓕᐊᔪᓕᕆᓂᖅ (ᐱᖃᑕᐅᓪᓗᒍ ᐃᖃᓗᓕᕆᓂᖅ), ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑎᓕᐊᖅ ᐊᑐᓕᖅᑎᖅᑕᐅᓂᖓᓄᑦ ᑳᓐᑐᕌᒃ, ᐱᖁᑎᕐᔪᐊᓕᕆᓂᕐᒧᑦ (ᐊᑉᖁᑎᓄᑦ, ᑐᓚᒃᑕᕐᕕᖕᓄᑦ, ᑭᓴᕐᕕᖕᓄᑦ ᐊᒻᒪᓗ ᓂᕿᓕᕆᕝᕕᖕᓄᑦ), ᐊᒻᒪᓗ ᐅᑭᐅᖅᑕᖅᑐᒥ ᖃᓄᖅᑑᕈᑕᐅᓇᓱᐊᖅᑐᖅ.
ᐅᐱᕐᖔᖑᓚᐅᖅᑐᖅ, ᓄᓇᕗᑦ ᑐᓐᖓᕕᒃᑯᑦ ᐊᒻᒪᓗ ᓄᓇᕗᑦ ᒐᕙᒪᒃᑯᑦ ᐊᑎᓕᐅᓚᐅᖅᑐᑦ ᐃᖅᑲᓇᐃᔭᖃᑎᒌᑦ ᐊᖏᕈᑎᖓᓂᒃ ᐅᑉᓗᒥᒧᑦ ᐋᖅᑭᒋᐊᖅᑕᐅᖁᑉᓗᒍ ᑲᖏᖅᑐᒑᐱᖕᒥ ᐊᖏᕈᑕᐅᓚᐅᖅᑐᖅ. ᐆᒃᑑᑕᐅᔪᓐᓇᖅᑐᖅ ᐊᑕᐅᓯᖅ ᐱᓕᕆᖃᑎᖃᑦᑎᐊᕐᓂᑉᑎᓐᓄᑦ ᓄᓇᕗᑦ ᒐᕙᒪᒃᑯᖏᓐᓂᒃ ᓲᕐᓗ ᐱᓕᕆᐊᕆᓚᐅᖅᑕᖅᐳᑦ ᓴᖅᑭᑎᑦᑎᓂᕐᒧᑦ ᓄᓇᕗᒥ ᖁᓕᓄᑦ ᐅᑭᐅᓄᑦ ᐃᓄᐃᑦ ᐃᒡᓗᒃᓴᖏᓐᓄᑦ ᖃᓄᐃᓕᐅᕈᑎᒃᓴᒧᑦ ᐸᕐᓇᐅᑎ ᐊᐅᔭᐅᓚᐅᖅᑐᖅ. ᑭᒡᒐᖅᑐᐃᓪᓗᓂ ᐃᒡᓗᓕᕆᓂᕐᒧᑦ ᒥᓂᔅᑕᒥᒃ ᐲᑕ ᕿᓚᕝᕙᕐᒥᒃ, ᑮᓇᐅᔭᓕᕆᓂᕐᒧᑦ ᒥᓂᔅᑕ ᓕᐅᓇ ᐊᒡᓘᒃᑲᕐᓗ ᐅᕙᒍᒃ ᓴᖅᑭᑎᑦᑎᓚᐅᖅᑐᒍᒃ ᐱᒻᒪᕆᐅᔪᒥᒃ ᖃᓄᖅᑑᕈᑎᓕᐊᕐᒥᒃ ᔫ ᕙᓐᑕᓇᒧᑦ, ᒥᓂᔅᑕᒧᑦ ᑲᓇᑕᒥ ᐃᒡᓗᓕᕆᔨᕐᔪᐊᒃᑯᓐᓄᑦ ᐊᒻᒪᓗ ᐊᓐᑎ ᓯᒃᑲᑎᒧᑦ, ᒥᓂᔅᑕ ᐃᓄᓕᕆᔨᑐᖃᒃᑯᓐᓄᑦ ᑎᓴᒻᐸᕆᒥ.
ᐃᓚᐅᖃᑕᐅᓪᓚᑦᑖᓚᐅᖅᑐᖓ ᑲᓇᑕᒥ ᓄᓇᖃᖅᑳᖅᓯᒪᔪᑦ ᐅᖃᖃᑎᒌᖕᓂᖃᖅᑎᓪᓗᒋᑦ ᐊᒻᒪᓗ ᐊᒥᓱᑦ ᐱᓕᕆᐊᖑᔪᑦ ᑲᒪᒋᔭᐅᓚᐅᖅᑐᑦ ᓴᖅᑭᑎᑕᐅᓪᓗᑎᒃ ᒐᕙᒪᒃᑐᖃᒃᑯᓐᓄᑦ. ᐱᓕᕆᐊᖑᔪᑦ ᓴᖅᑭᑎᑕᐅᔪᑦ ᐅᑯᐊᖑᖃᑦᑕᓚᐅᖅᑐᑦ ᐊᒃᑐᐊᓂᓖᑦ ᐃᒡᓗᓕᕆᓂᕐᒧᑦ, ᐋᓐᓂᐊᖅᑐᓕᕆᓂᕐᒧᑦ, ᐱᕙᓪᓕᐊᔾᔪᑎᒃᓴᓄᑦ ᑮᓇᐅᔾᔭᒃᓴᕈᑎᒃᓴᓄᑦ, ᑭᐅᓯᔪᓐᓇᖅᓯᓂᕐᒧᑦ, ᐃᓅᓯᓗᒃᑖᒥ ᐃᓕᓐᓂᐊᕐᓂᕐᒧᑦ, ᓄᓇᑖᕋᓱᖕᓂᕐᒧᑦ ᐊᖏᖃᑎᒌᒍᑎᓄᑦ ᐊᒻᒪᓗ ᐊᑐᓕᖅᑎᕆᓂᕐᒧᑦ. ᑕᒪᒃᑯᐊ ᐅᖃᖃᑎᒌᒍᑏᑦ ᓴᖅᑭᑎᑕᐅᓚᐅᖅᑐᑦ ᐅᐱᕐᖔᖅ ᑲᓇᑕᐅᑉ ᐊᖓᔪᖅᑳᕐᔪᐊᖓᓄᑦ ᐱᓕᕆᖃᑎᖃᕈᒪᓪᓗᓂ ᐊᒻᒪᓗ ᐃᓅᓯᕆᔭᐅᔪᓂᒃ ᐱᐅᓯᕚᓪᓕᖅᑎᑦᑎᔪᒪᓂᕐᒧᑦ ᓄᓇᖃᖅᑳᖅᓯᒪᔪᓄᑦ ᑲᓇᑕᓕᒫᕐᒥ. ᒪᓕᒐᓕᕆᔾᔪᑎᑦ ᐅᖃᖃᑎᒌᒃᑐᓂᒃ ᐱᔾᔪᑕᐅᓗᐊᕐᓂᐊᖅᑐᑦ ᒥᓂᔅᑕᒡᒍᑏᑦ ᑲᑎᒪᕐᔪᐊᕐᓂᖃᖅᑎᓪᓗᒋᑦ ᐅᐱᕐᖔᖅ.
ᓄᓇᕗᑦ ᑐᓐᖓᕕᒃᑯᑦ ᑲᑎᒪᔨᖏᑦ ᑲᑎᒪᓚᐅᕐᒪᑕ ᓴᑉᑕᒻᐸᕆᒥ ᖃᒪᓂ’ᑐᐊᕐᒥ, ᓄᕙᒻᐸᕆᒥ ᑲᖏᖅᖠᓂᕐᒥ ᐊᒻᒪᓗ ᖁᕐᓗᖅᑑᕐᒥ ᕕᑉᔪᐊᕆᒥ. ᐊᐅᓚᑦᑎᔩᑦ ᑲᑎᒪᔨᖏᑦ ᑲᑎᒪᖃᑦᑕᓚᐅᕐᒥᔪᑦ ᖃᑉᓰᑲᓪᓚᒃᖢᑎᒃ -- ᐅᖃᓘᑎᑎᒍᑦ ᑲᑎᒪᒐᔪᒃᖢᑎᒃ ᑮᓇᐅᔭᐃᔭᓗᐊᖁᓇᑕ.
ᐅᖃᐅᓯᖃᓚᐅᖅᑐᒍᑦ ᓯᕕᑐᔪᒃᑯᑦ ᐸᕐᓇᐃᓂᖅᓴᐅᔭᕆᐊᖃᕐᓂᑉᑎᓐᓄᑦ ᐱᓕᕆᖃᑎᖃᕐᓗᑕ ᐃᓚᒋᔭᑦᑎᓐᓂᒃ ᐱᖃᑕᐅᓪᓗᒋᑦ ᓄᓇᕗᒥ ᑮᓇᐅᔭᓂᒃ ᐸᐸᑦᑎᔩᑦ. ᐅᖃᖅᓯᒪᔪᒍᑦ ᑐᓴᖅᑎᑦᑎᓂᐊᕐᓂᕋᖅᖢᑕ ᓄᓇᕗᒥ ᑮᓇᐅᔭᓂᒃ ᐸᐸᑦᑎᔨᓂᒃ ᑮᓇᐅᔭᑎᒍᑦ ᖃᓄᖅᑑᕈᑎᒋᔪᒪᔭᑦᑎᓐᓄᑦ ᐸᕐᓇᐅᑎᒥᒃ ᒫᓐᓇᑲᐅᑎᒋ. ᐊᐅᓚᑦᑎᔩᑦ ᑲᑎᒪᔨᖏᑦ ᐃᓚᐅᖃᑕᐅᓂᖃᓚᐅᖅᑐᑦ ᐊᑑᑎᖃᑦᑎᐊᖅᑐᒧᑦ ᑲᑎᒪᔾᔪᑕᐅᓚᐅᖅᑐᒧᑦ/ ᐃᓕᓐᓂᐊᒻᒫᖅᖢᑎᒃ ᐊᑐᖅᑐᐊᕐᕕᒃᑯᑦ ᒥᒃᓵᓄᑦ ᕕᑉᔪᐊᕆᒥ. ᐱᓕᕆᔪᒪᑦᑎᐊᖅᑐᖓ ᐱᓕᕆᖃᑎᒋᔪᒪᓪᓗᒋᑦ ᐅᕙᑦᑎᓐᓄᑦ ᐊᒃᑐᐊᓂᓖᑦ ᑎᒥᐅᔪᑦ ᓄᓇᕗᒥ ᐱᐅᓯᕚᓪᓕᕈᓐᓇᖁᑉᓗᒋᑦ ᐃᓅᓇᓱᐊᕐᕕᐅᕙᒃᑐᑦ ᐊᒻᒪᓗ ᐱᕚᓪᓕᕈᓐᓇᖁᑉᓗᒋᑦ ᖃᓄᐃᓕᐅᕈᑎᒃᓴᑦ ᐱᕙᓪᓕᐊᔾᔪᑎᒃᓴᓄᑦ ᓄᓇᕗᒥᐅᓄᑦ.
ᓄᓇᓕᖕᓂ ᐃᓅᓇᓱᐊᕐᓂᖅ ᓇᐅᒃᑯᑐᐃᓐᓇᑦᑎᐊᖅ ᐱᐅᓯᕚᓪᓕᕐᓂᖃᕈᓐᓇᕐᒪᑦ ᑮᓇᐅᔾᔭᒃᓴᕐᓂᒃᑯᑦ ᐱᕙᓪᓕᐊᔪᓕᕆᓂᒃᑯᑦ. ᐃᖃᓗᓕᕆᓂᖅ, ᐅᔭᕋᖕᓂᐊᕐᓂᖅ, ᐊᖑᓇᓱᖕᓂᖅ ᐊᒻᒪᓗ ᑮᔭᖃᑦᑕᖕᓂᖅ, ᐳᓚᕋᖅᑐᓕᕆᓂᖅ, ᐊᒻᒪᓗᑦᑕᐅᖅ ᐊᐅᓚᑦᑎᓂᖅ ᑕᒪᕐᒥᒃ ᖃᓄᐃᓕᐅᕈᑎᒃᓴᓂᒃ ᐱᑕᖃᕐᒪᑕ ᐱᕙᓪᓕᐊᑎᑦᑎᔪᒪᓂᕐᒧᑦ ᑮᓇᐅᔾᔭᒃᓴᕈᑎᒃᓴᓂᒃ ᐱᕙᓪᓕᐊᔾᔪᑎᒃᓴᓂᒃ. ᑲᑎᒪᖃᑎᖃᑐᐊᕌᖓᒪ ᒐᕙᒪᑐᖃᒃᑯᓐᓂᒃ ᖁᕝᕙᓘᓐᓃᑦ ᓄᓇᓕᖕᓂ ᐊᕕᒃᑐᖅᓯᒪᔪᑦ ᒥᓂᔅᑕᖏᓐᓂᒃ ᐊᔭᐅᖅᑐᐃᖏᓐᓇᖃᑦᑕᖅᑐᖓ ᓄᓇᓖᑦ ᐱᖁᑎᕐᔪᐊᖅᑖᖅᑐᕆᐊᖃᕐᓂᖏᓐᓄᑦ ᐱᐅᓯᕚᓪᓕᕈᓐᓇᖁᑉᓗᒋᑦ ᓄᓇᓕᖕᓂ ᑮᓇᐅᔭᒃᓴᕈᑎᒃᓴᑦ ᐱᕙᓪᓕᐊᔾᔪᑎᒃᓴᑦ.
ᐃᓕᑕᖅᓯᔪᖓ ᐱᓕᕆᖃᑎᖃᑦᑎᐊᖃᑦᑕᕐᒪᑕ ᓄᓇᕗᑦ ᑐᓐᖓᕕᒃᑯᑦ ᓄᓇᓕᖕᓂ ᐊᕕᒃᑐᖅᓯᒪᔪᓂᒃ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂᒃ, ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᐊᒻᒪᓗ ᓄᓇᓕᖕᓂ ᐊᕕᒃᑐᖅᓯᒪᔪᓂᒃ ᓄᓇᑖᖅᑐᖅᓯᒪᔪᓂᒃ ᑎᒥᐅᔪᓂᒃ. ᖁᕕᐊᓱᖃᑎᒋᔪᒪᔭᒃᑲ ᐃᓄᐃᑦ ᓚᐸᑐᐊᕆᒥᐅᑦ ᐊᑎᓕᐅᕐᓂᖃᓚᐅᕐᒪᑕ ᓄᓇᑖᕐᓂᕐᒧᑦ ᔭᓄᐊᕆᒥ. ᑕᒪᓐᓇ ᐱᒻᒪᕆᐊᓗᒃ ᐃᓄᖕᓄᑦ ᐊᒻᒪᓗ ᐱᓕᕆᖃᑎᖃᕐᓂᕆᕙᒃᑕᑦᑎᓐᓄᑦ ᒐᕙᒪᑐᖃᒃᑯᓐᓂᒃ ᐊᒻᒪᓗ ᓄᓇᓕᖕᓂ ᐊᕕᒃᑐᖅᓯᒪᔪᓂᒃ ᑲᓇᑕᒥ ᒐᕙᒪᒋᔭᐅᔪᓂᒃ.
ᒪᑦᓇ
ᐅᑭᐅᒥ ᖄᖏᓵᖅᑐᒥ, ᑕᑯᓯᒪᔪᒍᑦ ᐊᒥᓱᓂᒃ ᐅᔭᕋᖕᓂᐊᕐᓂᕐᒧᑦ ᐱᔪᓐᓇᐅᑎᓂᒃ ᑐᓂᐅᖅᑲᐅᑕᐅᔪᓂᒃ ᓄᓇᕗᒥ ᓇᓗᓇᐃᖅᓯᓯᒪᔪᖅ ᑲᔪᓯᕙᓪᓕᐊᓂᖃᕐᒪᑦ ᖁᕕᐊᓇᖅᑐᒥᒃ ᐅᔭᕋᖕᓂᐊᕐᓂᒃᑯᑦ. ᔨᐅᕆᑯ ᑕᐃᒪᓐ ᐅᔭᕋᖕᓂᐊᕐᕕᒃ, ᓯᕗᓪᓕᖅᐹᖑᔪᖅ ᓄᑖᖑᔪᓂᒃ ᐅᔭᕋᖕᓂᐊᕐᕕᖕᓂᒃ ᓄᓇᕗᒥ ᐊᕙᑎᐅᔪᓂᒃ ᐅᑭᐅᓂᒃ ᖄᖏᖅᓯᒪᓕᖅᑐᓂᒃ, ᐊᖏᖅᑕᐅᓂᖃᓚᐅᖅᑐᖅ ᐱᓕᕆᐊᖑᕙᓪᓕᐊᓕᖅᖢᓂᓗ. ᕿᒥᕐᕈᔭᐅᕙᓪᓕᐊᓂᖃᓕᕐᒥᔪᖅ ᒥᐅᕆᒪᐅᕐ ᒥᑐᐸᐃᖕᒃᒥ ᐱᓕᕆᐊᖑᔪᒃᑯᑦ (Meadowbank). ᒥᑐᐸᐃᖕᒃ ᐃᓄᐃᑦ ᓄᓇᖁᑎᖓᓃᑦᑐᖅ ᑐᑭᓕᒃ ᐃᓄᐃᑦ ᐅᑎᖅᑐᒃᓴᓂᒃ ᐱᖃᑦᑕᕐᓂᐊᕐᓂᖏᓐᓄᑦ. ᑕᒪᓐᓇ ᐱᕙᓪᓕᐊᑎᑦᑎᓂᖅ ᐱᕈᖅᑐᒃᓴᓂᒃ ᐊᒻᒪᓗ ᐱᕙᓪᓕᐊᑎᑦᑎᓯᒪᔪᖅ ᓴᖅᑭᑎᑦᑎᕙᓪᓕᐊᓂᐅᔪᒥᒃ ᖁᕐᕙᖅᕆᓂᕐᒧᑦ, ᐊᒻᒪᓗ ᐱᓕᕆᕙᓪᓕᐊᖏᓐᓇᖅᑐᒍᑦ ᐃᓄᐃᑦ ᖁᑦᑎᖕᓂᖅᐹᒃᑯᑦ ᐱᕚᓪᓕᕐᓂᖃᕈᓐᓇᖁᑉᓗᒋᑦ ᐊᒻᒪᓗ ᐊᑦᑎᖕᓂᖅᐹᒃᑯᑦ ᓈᒻᒪᖏᑦᑐᓂᒃ ᐊᒃᑐᖅᑕᐅᓂᖃᕈᓐᓇᖁᑉᓗᑦ.
ᓄᓇᒥᐅᑕᓕᕆᔨᒃᑯᑦ ᐃᓚᐅᖃᑕᐅᓂᖃᓚᐅᖅᑐᑦ ᕿᒥᕐᕈᓂᕐᒧᑦ ᐊᒻᒪᓗ ᐃᓄᖕᓂᒃ ᑲᑎᒪᑎᑦᑎᓂᐅᔪᓂᒃ ᔨᐅᕆᑯᒃᑯᑦ ᐊᒻᒪᓗ ᑐᐊᕋᓯ ᐅᔭᕋᖕᓂᐊᕐᕕᒃ ᐱᓕᕆᐊᖑᑎᓪᓗᒍ, ᒪᕐᕉᒃ ᐱᒻᒪᕆᐊᓗᐃᑦ ᕿᒥᕐᕈᓂᐅᔪᑦ ᐱᓕᕆᐊᖑᓚᐅᖅᑐᑦ ᓄᓇᕗᒥ ᐅᑭᐅᒥ ᖄᖏᖅᓯᒪᔪᒥᒃ. ᐃᓚᐅᖃᑕᐅᓂᖃᓚᐅᕐᒥᔪᒍᑦ ᑲᑎᒪᓂᖃᖅᑎᓪᓗᒋᑦ ᕿᑎᕐᒥᐅᑦ ᐱᖓᖕᓇᖓᓂ ᓄᓇᓂᒃ ᐊᑐᕐᓂᕐᒧᑦ ᐸᕐᓇᐅᑕᐅᔪᓂᒃ. ᖃᐅᔨᓴᕈᑎᕗᑦ ᑐᓂᕐᕈᑎᒋᓯᒪᔭᖅᐳᓪᓗ ᐃᓄᖕᓄᑦ ᑕᑯᓴᒃᓴᐅᔪᑦ ᐊᑐᐃᓐᓇᐅᓪᓗᑎᒃ ᓄᓇᕗᑦ ᑐᓐᖓᕕᒃᑯᑦ ᓄᓇᓕᕆᔨᒃᑯᖏᓐᓂᒃ ᐊᕙᑎᓕᕆᔨᒃᑯᖏᓐᓂᒃ. ᓄᓇᕗᑦ ᑐᓐᖓᕕᒃᑯᑦ ᓄᓇᓕᕆᔨᒃᑯᖏᑦ ᑮᓇᐅᔭᖅᑖᓚᐅᕐᒥᔪᑦ ᒐᕙᒪᑐᖃᒃᑯᓐᓂᒃ ᐊᔾᔨᒌᖏᑦᑑᑕᐅᔪᓄᑦ ᐱᓕᕆᐊᓄᑦ, ᐱᖃᑕᐅᓪᓗᒍ ᖃᖓᑦᑕᖅᑎᑕᐅᓯᒪᔪᒃᑯᑦ ᓄᓇᖑᐊᓕᕆᓂᕐᒧᑦ ᓄᓇᕗᒥ. ᐱᓕᕆᖃᑎᖃᖅᐸᒃᑐᒍᑦ ᒐᕙᒪᑐᖃᒃᑯᑦ ᑎᒥᖏᓐᓂᒃ ᖃᑯᑎᒃᑯᑦ.
ᓴᓗᒻᒪᖅᓴᖅᑕᐅᓂᖏᑦ 15 ᐅᓇᑕᖅᑐᒃᓴᓕᕆᔩᑦ ᕿᒪᓚᐅᖅᓯᒪᔭᖏᑦ ᑲᔪᓯᓂᖃᑦᑎᐊᖅᑐᑦ. ᐅᓇᑕᖅᑐᒃᓴᑦ ᐃᓂᕕᓂᖏᑦ ᐊᕙᑎᓕᕆᓂᕐᒧᑦ ᐊᖏᕈᑎᖃᕐᒪᑕ, ᑮᓇᐅᔾᔭᒃᓴᕐᓂᕐᒧᓪᓗ ᐊᖏᕈᑎᓂᒃ ᐊᒻᒪᓗ ᖃᐅᔨᓴᖅᑕᐅᓂᖏᓐᓄᑦ ᖃᐅᔨᓴᕈᑎᓂᒃ ᐊᖏᕈᑎᓂᒃ ᐊᑎᓕᐅᖅᑕᐅᓯᒪᔪᑦ ᓄᓇᕗᑦ ᑐᓐᖓᕕᒃᑯᓐᓄᑦ ᐊᒻᒪᓗ ᒐᕙᒪᑐᖃᒃᑯᑦ ᐅᓇᑕᖅᑐᒃᓴᓕᕆᔨᖏᓐᓄᑦ. ᐱᓕᕆᐊᖑᔪᑦ ᖃᐅᔨᓴᖅᑕᐅᕙᒃᑐᑦ ᐱᓕᕆᖃᑎᒌᖕᓂᒃᑯᑦ ᓄᓇᕗᑦ ᑐᓐᖓᕕᒃᑯᑦ - ᒐᕙᒪᑐᖃᒃᑯᓪᓗ ᐅᓇᑕᖅᑐᒃᓴᓕᕆᔨᖏᑦᑎᒍᑦ ᑲᑎᒪᔨᕋᓛᓄᑦ ᐃᓚᐅᖃᑕᐅᓪᓗᖓ, ᐊᒻᒪᓗ ᐊᖓᔪᖅᑳᑦ ᕿᑭᖅᑕᓂ, ᑭᕙᓪᓕᕐᒥ ᕿᑎᕐᒥᐅᓪᓗ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂᒃ. ᐱᖓᓱᑦ ᐃᓂᒋᔭᐅᕙᓚᐅᖅᑐᑦ ᓴᓗᒻᒪᖅᓯᒪᓕᖅᑐᑦ, ᑕᓪᓕᒪᑦ ᓴᓗᒻᒪᖅᓴᖅᑕᐅᕙᓪᓕᐊᔪᑦ, ᐊᒻᒪᓗ ᐊᓯᖏᑦ 7-ᖑᔪᑦ ᐃᓂᒋᔭᐅᕙᓚᐅᖅᑐᑦ ᐱᐊᓂᒃᑕᐅᓂᐊᖅᖢᑎᒃ 2013-ᒥ. ᐊᕐᕕᓂᓖᑦ 8-ᖑᔪᓂᒃ ᐃᓂᒋᔭᐅᕙᓚᐅᖅᑐᓂᒃ ᐃᓄᖕᓂᒃ ᑳᓐᑐᕌᒃᑎᓂᒃ ᑳᓐᑐᕌᒃᑎᖃᓚᐅᖅᑐᑦ. ᐃᓄᐃᑦ ᐃᖅᑲᓇᐃᔭᕐᓂᖏᑦ 70 ᐊᒻᒪᓗ 76% ᐊᑯᓐᓂᖓᓃᑦᑐᑦ, ᐊᒻᒪᓗ ᐃᓄᐃᑦ ᓇᖕᒥᓂᖁᑎᖏᑦ ᐱᖃᑦᑕᖅᖢᑎᒃ 66 ᐊᒻᒪᓗ 99% -ᓂᒃ ᑲᑎᖦᖢᒋᑦ ᑳᓐᑐᕌᒃᑖᕆᔭᐅᕙᒃᑐᑦ ᐱᑖᖅᑐᕈᑕᐅᕙᖕᓂᖏᓐᓂᒃ.
ᖁᔭᓐᓇᒦᕈᒪᔭᒃᑲ ᐃᖅᑲᓇᐃᔭᖅᑎᕗᑦ ᓄᓇᒥᐅᑕᓕᕆᔨᒃᑯᓐᓂᒃ ᐊᒃᓱᕈᖅᖢᑎᒃ ᐱᓕᕆᓇᓱᐃᓐᓇᕐᒪᑕ ᑭᒡᒐᖅᑐᐃᓪᓗᑎᒃ ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑎᓕᐊᒃᑯᑦ ᐊᑎᓕᐅᖅᑕᐅᖃᑕᐅᓯᒪᔪᓂᒃ. ᒫᓐᓇᐅᔪᖅ ᖁᔭᓐᓇᒦᕈᒪᖕᒥᔭᒋᑦ ᐃᑲᔪᖅᑐᐃᖏᓐᓇᖃᑦᑕᕋᕕᑦ ᐊᒻᒪᓗ ᖁᕕᐊᓱᒃᖢᖓ ᓂᕆᐅᒍᓐᓇᖅᓯᖕᒥᒐᑦᑕ ᖁᕕᐊᓇᖅᑐᓂᒃ ᖃᓄᐃᓕᐅᕈᑕᐅᓕᕈᓐᓇᕐᓂᐊᖅᑐᓂᒃ ᐊᒻᒪᓗ ᐊᒃᓱᕈᕐᓇᖃᑦᑕᕐᓂᐊᕐᒥᔪᓄᑦ ᐅᑭᐅᒥ ᖃᐃᕙᓪᓕᐊᔪᒥ.
ᖁᕕᐊᓱᒃᑐᖓ ᓯᕗᓪᓕᖅᐹᒥ ᐅᓂᒃᑳᕈᓐᓇᕋᒪ ᐊᖓᔪᖅᑳᕐᒧᑦ ᑐᖏᓕᕆᔭᐅᓕᖅᑎᓪᓗᖓ ᑮᓇᐅᔭᓕᕆᓂᕐᒧᑦ. ᐱᓕᕆᐊᒃᓴᕆᔭᒃᑲ ᑮᓇᐅᔭᓕᕆᓂᕐᒧᑦ ᐊᖓᔪᖅᑳᑉ ᑐᖏᓕᕆᑎᓪᓗᓂᖓ ᑮᓇᐅᔭᓕᕆᓂᕐᒥᒃ ᖃᐅᔨᓴᐃᖃᑦᑕᕆᐊᖃᕐᓂᕐᒧᑦ ᐊᒻᒪᓗ ᐅᖃᖃᑎᖃᖃᑦᑕᕆᐊᖃᕐᓂᕐᒧᑦ ᓄᓇᕗᒥ ᑮᓇᐅᔭᓂᒃ ᐸᐸᑦᑎᔨᓂᒃ.
ᐊᕐᕋᒍᑕᒫᑦ, ᓄᓇᕗᑦ ᑐᓐᖓᕕᒃᑯᑦ ᐱᓕᕆᖃᑎᖃᖅᐸᖕᒪᑕ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂᒃ ᐊᒻᒪᓗ ᐊᓯᖏᓐᓂᒃ ᐃᓄᐃᑦ ᑎᒥᖁᑎᖏᓐᓂᒃ ᐸᕐᓇᐃᕙᓪᓕᐊᓪᓗᑎᒃ ᑲᑎᑕᐅᓯᒪᔪᓂᒃ ᐊᕐᕋᒍᑕᒫᒧᑦ ᑮᓇᐅᔭᓕᕆᔾᔪᑎᓂᒃ ᑮᓇᐅᔭᖃᕐᓇᐅᓂᐊᖅᑐᒧᑦ ᓈᒻᒪᒋᔭᐅᔪᓐᓇᖁᑉᓗᒋᑦ ᓄᓇᕗᑦ ᑐᓐᖓᕕᒃᑯᑦ ᐊᕐᕋᒍᑕᒫᒧᑦ ᑲᑎᒪᕐᔪᐊᕐᓂᕆᕙᒃᑕᖓᓄᑦ. ᑕᒪᓐᓇ ᐱᓕᕆᐊᖑᕙᒃᑐᖅ ᓄᓇᕗᑦ ᑐᓐᖓᕕᒃᑯᓐᓄᑦ ᐅᑉᓗᒥᒧᑦ ᑮᓇᐅᔭᓕᕆᓂᕐᒧᑦ ᖃᓄᖅᑑᕈᑎᒋᔪᒪᔭᖏᓐᓂᒃ ᐸᕐᓇᐃᔾᔪᑎᒥᓂᒃ ᐋᖅᑭᒋᐊᖅᓯᔾᔪᑕᐅᔪᓐᓇᖃᑦᑕᖅᑐᖅ, ᖃᓂᑦᑐᒧᑦ ᐱᔭᐅᔭᕆᐊᓖᑦ ᒪᓕᑦᑎᐊᕈᓐᓇᖁᑉᓗᒋᑦ ᓯᕗᓂᒃᓴᒧᑦ ᑮᓇᐅᔭᓕᕆᓂᕐᒧᑦ ᐸᕐᓇᐅᑎᓂᒃ ᑎᒥᐅᔪᒥ. ᐱᓕᕆᐊᖑᕙᒃᑐᖅ ᐃᑲᔫᑕᐅᕙᖕᒥᔪᖅ ᓄᓇᕗᑦ ᑐᓐᖓᕕᒃᑯᑦ, ᐃᓄᐃᑦ ᑲᑐᔾᔨᖃᑎᒌᒃᑯᖏᓪᓗ ᐊᒻᒪᓗ ᐊᓯᖏᑦ ᐃᓄᐃᑦ ᑎᒥᖏᑦ ᑮᓇᐅᔭᖃᑦᑎᐊᕈᓐᓇᖁᑉᓗᒋᑦ ᐊᖏᖅᑕᐅᓯᒪᔪᑦ ᑮᓇᐅᔭᓕᕆᓂᒃᑯᑦ ᖃᓄᐃᓕᐅᕈᑎᒃᓴᑦ ᐊᑖᒍᑦ ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑎᓕᐊᒃᑯᑦ ᑲᔪᓯᑎᑕᐅᔪᓐᓇᖁᑉᓗᒋᑦ.
ᓄᓇᕗᑦ ᑐᓐᖓᕕᒃᑯᑦ ᑮᓇᐅᔭᓕᕆᔨᒃᑯᖏᑦ ᐃᑲᔪᖅᑐᐃᕙᒃᑐᑦ ᑮᓇᐅᔭᓕᕆᓂᕐᒧᑦ ᑐᕌᖓᔪᓂᒃ ᓄᓇᕗᑦ ᑐᓐᖓᕕᒃᑯᑦ ᑲᑎᒪᔨᖏᓐᓄᑦ, ᐊᐅᓚᑦᑎᔨᖏᓐᓄᑦ, ᑐᑭᒧᐊᒃᑎᑦᑎᔨᒧᑦ ᐊᒻᒪᓗ ᑕᒪᐃᓐᓄᑦ ᐱᓕᕆᕝᕕᖕᓄᑦ ᐊᖓᔪᖅᑳᕆᔭᐅᔪᓄᑦ. ᑕᒪᓐᓇ ᐃᓗᓕᖃᖅᑐᖅ ᑕᒪᕐᒥᒃ ᐱᖁᑎᑦ ᐊᑭᓕᒃᓴᓪᓗ ᑎᑎᕋᖅᑕᐅᑦᑎᐊᖅᓯᒪᖃᑦᑕᖁᑉᓗᒋᑦ ᐊᒻᒪᓗ ᑲᒪᒋᔭᐅᖃᑦᑕᕐᓗᑎᒃ ᐱᕕᒃᓴᖃᖅᑎᑕᐅᑦᑎᐊᕐᓗᑎᒃ.
ᐅᑭᐅᒥ ᖄᖏᖅᑐᒥ, ᓄᓇᕗᑦ ᑐᓐᖓᕕᒃᑯᑦ ᐋᖅᑭᒃᓱᐃᕙᓪᓕᐊᓕᓚᐅᖅᑐᑦ ᒪᓕᒐᒥᓂᒃ, ᐊᑐᐊᒐᒥᓂᒃ, ᑮᓇᐅᔭᓕᕆᔾᔪᑎᒥᓂᒃ ᐊᒻᒪᓗ ᑮᓇᐅᔭᓂᒃ ᖃᐅᔨᓴᕈᑎᒋᕙᒃᑕᒥᓂᒃ ᑕᐃᒪᐃᒻᒪᑦ ᐊᑐᐃᓐᓇᐅᔪᑦ ᐊᑐᖅᑕᐅᔪᓐᓇᖅᑐᑦ ᐊᒻᒪᓗ ᐊᔪᖏᓐᓂᕆᔭᐅᔪᑦ ᐊᒥᖅᑳᕈᑕᐅᓚᐅᖅᑐᑦ ᑎᒥᐅᔪᓄᑦ ᑲᑐᔾᔨᖃᑎᒌᖑᔪᓄᑦ ᐊᑐᓕᖅᑎᕆᔨᐅᔪᓄᑦ ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑎᓕᐊᕐᒥ.
ᐱᓕᕆᖃᑎᒌᓐᓇᓚᐅᖅᑕᒃᑲ ᓄᓇᕗᑦ ᑐᓐᖓᕕᒃᑯᑦ ᑎᒥᖓᑕ ᑲᑎᒪᔨᖏᑦ, ᐊᐅᓚᑦᑎᔨᖏᑦ, ᑐᑭᒧᐊᒃᑎᑦᑎᔨᖏᑦ ᐊᒻᒪᓗ ᑎᒃᑯᐊᖅᑕᐅᓯᒪᔪᑦ ᐱᓕᕆᐊᒃᓴᖅᑖᖅᑎᑕᐅᓯᒪᔪᑦ ᐃᓄᐃᑦ ᑲᑐᔾᔨᖃᑎᒌᒃᑯᖏᑦ ᒪᓕᑦᑎᐊᕋᓗᐊᕐᒪᖔᑕ ᖃᐅᔨᒋᐊᖅᖢᒋᑦ ᐊᒻᒪᓗ ᐱᕙᓪᓕᐊᑎᑦᑎᓯᒪᖕᒪᖔᑕ ᐱᐅᓯᕚᓪᓕᕈᑎᓂᒃ ᐋᖅᑭᐅᒪᓂᖓᓄᑦ ᐊᒻᒪᓗ ᐊᐅᓚᑕᐅᓂᖓᓄᑦ ᑎᒥᐅᔫᑉ ᐊᐅᓚᑦᑎᔾᔪᑎᖏᓐᓂᒃ.
ᐱᔾᔪᑎᒋᑉᓗᒋᑦ ᐃᓄᐃᑦ ᓴᓇᑎᑕᐅᓂᖏᓐᓄᑦ, ᑮᓇᐅᔭᓕᕆᔨᒃᑯᑦ ᖃᐅᔨᓇᓱᐃᓐᓇᖃᑦᑕᓚᐅᖅᑐᑦ ᐊᑎᓕᐅᖅᑕᐅᖃᑕᐅᓯᒪᔪᑦ ᓴᓇᔭᒃᓴᖅᑖᖅᑎᑕᐅᖃᑦᑕᕋᓗᐊᕐᒪᖔᑕ. ᐊᖓᔪᖅᑳᕆᔭᐅᔪᖅ ᑮᓇᐅᔭᓕᕆᓂᕐᒧᑦ ᐱᖃᑕᐅᓇᒍ, ᑕᒪᕐᒥᒃ 9 ᑮᓇᐅᔭᓕᕆᔨᒃᑯᓐᓄᑦ ᐃᖅᑲᓇᐃᔭᖅᑎᒋᔭᐅᔪᑦ ᐊᑎᓕᐅᖅᑕᐅᖃᑕᐅᓯᒪᔪᐃᓐᓇᐅᔪᑦ.
ᐅᑭᐅᒥ ᖄᖏᓵᖅᑐᒥ, ᓄᓇᕗᑦ ᑐᓐᖓᕕᒃᑯᑦ ᐱᓕᕆᖃᑎᖃᑦᑎᐊᖏᓐᓇᖅᑐᑦ ᐊᑐᖅᑐᐊᕐᕕᒃ ᑯᐊᐸᕇᓴᒃᑯᓐᓂᒃ ᖃᐅᔨᓴᐃᓇᓱᒃᖢᑎᒃ ᐊᑑᑎᖃᕋᔭᕐᒪᖔᑦ ᑕᒫᓂ ᓄᓇᕗᒥ ᑮᓇᐅᔭᓕᕆᕝᕕᒃᑖᕋᔭᕐᐸᑕ. ᑕᒪᓐᓇ ᖃᐅᔨᓴᐃᓂᖅ ᓴᖅᑭᓚᐅᖅᑐᖅ ᐱᖁᔨᕗᖔᕈᑎᒃᑯᑦ ᑲᔪᓯᑎᑕᐅᓚᐅᖅᑐᒃᑯᑦ 2003-ᒥ ᐊᕐᕋᒍᑕᒫᑦ ᑲᑎᒪᕐᔪᐊᕐᓂᕐᒥ. ᖃᐅᔨᔭᐅᓯᒪᔪᑦ ᐊᒻᒪᓗ ᓇᓗᓇᐃᔭᐅᑏᑦ ᖃᐅᔨᓴᕈᑎᒧᑦ, ᑲᔪᓰᓐᓇᖅᑐᑦ ᑭᓯᐊᓂ ᐱᐊᓂᒃᐸᓪᓕᐊᓕᖅᑐᑦ, ᓴᖅᑭᑎᑕᐅᔪᒫᖅᑐᑦ ᑕᖅᑭᓂ ᖃᐃᕙᓪᓕᐊᔪᓂᒃ.
ᓄᓇᕗᑦ ᑐᓐᖓᕕᒃᑯᑦ ᐱᐅᓯᕚᓪᓕᖅᑎᑦᑎᕙᓪᓕᐊᖏᓐᓇᖅᑐᑦ ᑮᓇᐅᔭᖅᑖᕆᕙᒃᑕᖏᓐᓂᒃ ᑮᓇᐅᔭᓕᕆᔾᔪᑎᖏᓐᓂᒃ ᐊᒻᒪᓗ ᓯᕕᑐᔪᒃᑯᑦ ᐸᕐᓇᐃᓂᕆᕙᒃᑕᖏᓐᓂᒃ, ᑮᓇᐅᔭᓕᕆᓂᕐᒧᑦ ᐅᓂᒃᑳᓕᐅᕈᑎᒋᕙᒃᑕᖏᓐᓂᒃ, ᐱᓕᕆᕝᕖᑦ ᐃᓗᐊᓂ ᐊᐅᓚᑦᑎᓂᕆᕙᒃᑕᖏᓐᓂᒃ ᐊᒻᒪᓗ ᑎᒥᐅᔫᑉ ᐊᐅᓚᑦᑎᓂᕐᒧᑦ ᒪᓕᒐᖏᓐᓂᒃ. ᑮᓇᐅᔭᓕᕆᔨᒃᑯᑦ ᖃᐅᔨᓴᐃᓐᓇᓚᐅᖅᑐᑦ ᓄᓇᕗᑦ ᑐᓐᖓᕕᒃᑯᑦ ᑮᓇᐅᔭᓕᕆᓂᕐᒧᑦ ᐱᓕᕆᐊᒥᓂᒃ ᑲᒪᑦᑎᐊᖅᓯᒪᖕᒪᖔᑕ ᐱᕕᒃᓴᒥᒍᑦ, ᐊᒻᒪᓗ ᑲᑎᒪᔩᑦ ᓴᓇᔩᓪᓗ ᑐᓴᐅᒪᑎᑕᐅᑦᑎᐊᖏᓐᓇᖅᖢᑎᒃ ᓄᓇᕗᑦ ᑐᓐᖓᕕᒃᑯᑦ ᑎᒥᖓᑕ ᑮᓇᐅᔭᑎᒍᑦ ᖃᓄᐃᓕᖓᓕᕐᓂᖏᓐᓂᒃ.
ᐊᓯᔾᔨᕈᑎᒃᓴᑦ ᐊᒥᒐᖅᓯᓂᕐᒧᑦ ᑮᓇᐅᔭᐃᔭᕈᑎᒃᓴᓄᑦ ᒪᓕᒐᑦ, ᐃᓗᓕᖃᖅᑐᑦ ᑮᓇᐅᔭᓕᕆᓂᕐᒧᑦ ᖃᓄᖅᑑᕈᑎᒃᓴᓂᒃ ᐸᕐᓇᐅᒻᒥᒃ 2020-ᒧᑦ, ᐊᖏᕈᑕᐅᓚᐅᖅᑐᑦ ᑭᖑᓪᓕᖅᐹᒥ ᑲᑎᒪᕐᔪᐊᕐᓂᐅᔪᓂ. ᑕᒪᓐᓇ ᓇᓗᓇᐃᖅᓯᔾᔪᑕᐅᔪᖅ ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑎᓕᐊᕐᒧᑦ ᐊᑭᑐᔫᑎᓄᑦ ᐊᑐᖅᑐᒃᓴᑦ ᑕᐃᒪᐅᖏᓐᓇᕈᓐᓇᕐᓂᐊᕐᓂᖏᓐᓄᑦ ᓯᕗᓂᒃᓴᑦᑎᓐᓄᑦ ᐊᑐᓕᐅᖅᑕᐅᖃᑕᐅᓯᒪᔪᓄᑦ. ᐱᒻᒪᕆᐊᓗᖕᓂᒃ ᐱᓕᕆᐊᖃᕆᐊᖃᓚᐅᖅᑐᒍᑦ ᓄᓇᕗᑦ ᑐᓐᖓᕕᒃᑯᑦ ᐱᓕᕆᐊᒥᓂᒃ ᐱᐊᓂᒃᓯᑦᑎᐊᕈᓐᓇᖁᑉᓗᒋᑦ.
ᐊᒥᓱᓂᒃ ᖃᓄᐃᓕᐅᕈᑎᒋᔪᒪᔭᑦᑎᓐᓂᒃ ᑲᔪᓯᑎᑦᑎᕙᓪᓕᐊᔪᒍᑦ. ᓴᓐᖏᔪᒥᒃ ᓯᕗᓕᖅᑎᕆᔨᖃᕆᐊᖃᕐᓇᖅᑐᖅ ᐱᐊᓂᒃᑕᐅᔪᓐᓇᖁᑉᓗᒋᑦ ᐱᓕᕆᐊᖑᔪᒪᔪᑦ ᐋᖅᑭᒃᓱᖅᓯᒪᔭᖅᐳᑦ ᐱᐅᓯᕚᓪᓕᕈᓐᓇᖁᑉᓗᒋᑦ ᐃᓅᓯᕆᔭᐅᔪᑦ ᐊᑎᓕᐅᖅᑕᐅᖃᑕᐅᓯᒪᔪᓄᑦ. ᐊᒃᓱᕈᕐᓗᑕ ᐱᓕᕆᔭᕆᐊᖃᖅᑐᒍᑦ ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑎᓕᐊᖅ ᐊᑐᓕᖅᑎᖅᑕᐅᔪᓐᓇᖁᑉᓗᒍ. ᑕᒪᓐᓇ ᐱᒻᒪᕆᐊᓗᖕᓂᒃ ᐊᑐᕆᐊᖃᕐᓇᖅᑐᖅ ᐱᓕᕆᔪᒪᓂᖃᖅᑐᓂᒡᓗ ᐱᑕᖃᕆᐊᓕᒃ ᑮᓇᐅᔭᓕᕆᔨᒃᑯᓐᓄᑦ.
ᐅᖃᕈᒪᖕᒥᔪᖓ ᐊᒃᓱᕈᕐᓇᖅᑐᑦ ᑕᐃᒪᐅᔪᑦ ᓄᓇᕗᑦ ᑐᓐᖓᕕᒃᑯᓐᓂᒃ ᐱᓕᕆᐊᕆᔭᕆᐊᖃᕐᓂᐊᕋᑉᑎᒍᑦ ᐱᓕᕆᖃᑎᒌᖕᓂᒃᑯᑦ ᓇᐅᒃᑯᓗᒃᑖᖅ. ᑕᒪᓐᓇ ᐱᕚᓪᓕᕈᑎᒋᓯᒪᔭᖅᐳᑦ. ᑕᐃᒪᑐᖅ ᑕᒪᓐᓇ ᑕᐃᒪᓐᓇ ᑲᔪᓯᓂᖃᐃᓐᓇᕐᓂᐊᖅᐳᖅ ᐊᑐᓕᖅᑎᕆᕙᓪᓕᐊᑎᓪᓗᑕ ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑎᓕᐊᕐᒥ.
ᖁᔭᓐᓇᒦᕈᒪᔭᒃᑲ ᓴᓇᔨᒃᑲ ᐱᓕᕆᒃᑲᒻᒪᕆᐊᓘᖕᒪᑕ.
ᖁᔭᓐᓇᒦᕈᒪᓪᓚᕆᒃᑐᖓ ᑕᒪᐃᓐᓄᑦ ᐃᑲᔪᖅᓯᒪᔪᓄᑦ ᐊᒻᒪᓗ ᐱᓕᕆᔾᔪᔾᔨᔪᒪᓯᒪᔪᓄᑦ ᐃᓄᖕᓂᒃ ᐃᖕᒥᓂᒃ ᐱᓕᕆᕙᓪᓕᐊᓂᕐᒧᑦ ᑐᕌᕋᓱᒃᑎᓪᓗᑕ.
ᖁᔭᓐᓇᒦᒃ
ᐅᓂᒃᑳᖃᕈᒪᓕᕐᒥᔪᖓ ᐅᑭᐅᖑᓚᐅᖅᑐᒥ ᐱᓕᕆᐊᖑᓯᒪᔪᓂᒃ ᑲᒪᒋᕙᒃᑕᕐᒪ ᐊᑖᒍᑦ. ᖁᔭᒋᔭᒃᑲ ᓄᓇᕗᒥᐅᑦ ᐃᑲᔪᖅᑐᐃᖏᓐᓇᖃᑦᑕᕐᒪᑕ ᑲᔪᓯᕙᓪᓕᐊᓂᖃᖅᑎᓪᓗᑕ ᖃᓄᐃᓕᐅᕈᑕᐅᔪᓄᑦ ᐅᑉᓗᑕᒫᑦ.
ᐊᖓᔪᖅᑳᒧᑦ ᑐᖏᓕᒃᑲᓐᓂᐅᑎᓪᓗᖓ, ᑲᒪᔨᐅᔪᖓ ᖃᑉᓯᑲᓪᓚᖕᓂᒃ, ᐱᖃᑕᐅᓪᓗᒋᑦ ᓄᓇᕗᑦ ᑐᓐᖓᕕᒃᑯᓐᓂᒃ ᐆᒪᔪᓕᕆᓂᕐᒧᑦ ᑲᒪᔨᐅᔪᑦ ᐊᒻᒪᓗ ᓴᓇᔭᒃᓴᖅᑖᖅᑐᓕᕆᓂᕐᒧᑦ, ᐃᓐᓇᕐᓄᑦ ᐃᑲᔫᓯᐊᖅᑖᖅᑐᓕᕆᓂᕐᒧᑦ, ᐃᓚᐃᖅᑐᓄᑦ/ᐃᓚᒋᔭᕐᒥᒃ ᐋᓐᓂᐊᖅᑐᖃᖅᑎᓪᓗᒍ ᐃᖏᕐᕋᔾᔪᑎᑖᖅᑎᑦᑎᔨᓄᑦ, ᐊᖏᕐᕋᑐᖃᕐᒥᓄᑦ ᐅᐸᒍᑎᓂᕐᒧᑦ ᑲᒪᔨᓄᑦ, ᓄᓇᕗᒥ ᐊᖑᓇᓱᒃᑎᓄᑦ ᐃᑲᔫᓯᐊᖅᑖᖅᑎᑦᑎᔨᒃᑯᓐᓄᑦ, ᐃᓄᐃᑦ ᐃᑦᓴᕐᓂᑕᓕᕆᔨᒃᑯᖏᑦ, ᐊᒻᒪᓗ ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓐᓄᑦ.
ᐅᖃᐅᓯᖃᕈᒪᔪᖓ ᐃᓚᖏᓐᓂᒃ ᐱᓕᕆᐊᕆᓯᒪᔭᑦᑎᓐᓂᒃ ᐅᑭᐅᒥ ᖄᖏᓵᖅᑐᒥ ᐊᒻᒪᓗ ᑕᑯᒋᐊᕐᓗᑕ ᓱᓇᓂᒃ ᐱᓕᕆᐊᖃᖅᐸᓪᓕᐊᓂᐊᕐᒪᖔᑦᑕ ᐅᑭᐅᒥ ᖃᐃᕙᓪᓕᐊᔪᒥ.
ᐱᓕᕆᐊᖃᖅᐸᓪᓕᐊᖏᓐᓇᖅᑐᒍᑦ ᓄᓇᕗᒥ ᐆᒪᔪᓕᕆᓂᕐᒧᑦ ᒪᓕᒐᕐᒥᒃ ᐱᓕᕆᖃᑎᒋᓪᓗᒋᑦ ᓄᓇᕗᑦ ᒐᕙᒪᒃᑯᖏᑦ ᐊᒻᒪᓗ ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓐᓂᒃ. ᐅᑭᐅᖑᔪᖅ, ᑲᒪᓗᐊᕐᓂᐊᖅᑐᒍᑦ ᐱᕙᓪᓕᐊᑎᑕᐅᓂᐊᕐᓂᖏᓐᓄᑦ ᒪᓕᒐᑦ ᐊᑐᐊᒐᖏᓐᓂᒃ.
ᖃᐅᔨᒪᒐᑉᓯ, ᓇᓐᓄᒍᑎᒃᓴᑦ ᐃᓚᒋᐊᖅᑕᐅᓚᐅᕐᒪᑕ ᐅᑭᐅᖑᓚᐅᖅᑐᒥ. ᓇᓐᓄᒍᑎᒃᓴᑦ ᓴᖅᑭᑎᑕᐅᓚᐅᖅᓯᒪᑎᓪᓗᒋᑦ 1970-ᖏᓐᓂᒃ, ᓇᓐᓄᒍᑎᒃᓴᑦ ᐊᒥᓱᓪᓚᕆᐅᓚᐅᕐᒪᑕ. ᐅᑭᐅᓂᒃ ᖄᖏᖅᐸᓪᓕᐊᔪᓂᒃ ᓇᓐᓄᒍᑎᒃᓴᑦ ᖃᑉᓰᓐᓇᕈᕆᐊᖅᑕᐅᖃᑦᑕᓕᓚᐅᖅᖢᑎᒃ ᐅᑎᖅᐸᓪᓕᐊᖏᓐᓇᕋᓱᒃᑐᒍᑦ ᓱᓕ ᖃᑉᓯᐅᓚᐅᖅᑐᓄᑦ ᐊᒥᓲᓂᕆᓚᐅᖅᑕᖏᓐᓄᑦ. ᐱᓕᕆᑦᑎᐊᖅᓯᒪᓂᖏᓐᓄᑦ ᐃᓄᐃᑦ ᐊᐅᓚᑦᑎᑦᑎᐊᖅᓯᒪᓂᖏᓐᓄᑦ ᓇᓄᕐᓂᒃ, ᓇᓐᓄᒍᑎᒃᓴᐃᑦ ᐃᓚᒋᐊᖅᓯᒪᓕᖅᑐᑦ.
ᐆᒪᔪᓕᕆᓂᕐᒧᑦ ᒪᓕᒐᓄᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᖏᑦ (WPAC) ᐅᐸᒍᑎᓚᐅᖅᑐᑦ ᑲᓇᑕᒥ ᑲᑎᒪᕐᔪᐊᕐᓂᐅᔪᒧᑦ ᐆᒪᔪᓕᕆᓂᐅᑉ ᒥᒃᓵᓄᑦ ᐃᐊᑦᒥᓐᑎᓐᒥ, ᐃᐊᐳᑕᒥ. ᑲᑎᒪᔩᑦ ᐅᐸᒍᑎᔪᑦ ᐅᑯᐊᖑᓚᐅᖅᑐᑦ ᐊᖓᔪᖅᑳᑦ ᓄᓇᓕᖕᓂ ᐊᕕᒃᑐᖅᓯᒪᔪᓂᒃ ᐆᒪᔪᓕᕆᓂᕐᒧᑦ ᑲᑐᔾᔨᖃᑎᒌᖕᓄᑦ, ᐊᒻᒪᓗᑦᑕᐅᖅ ᑭᒡᒐᖅᑐᐃᔩᑦ ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓐᓂᒃ ᐊᒻᒪᓗ ᓄᓇᕗᑦ ᑐᓐᖓᕕᒃᑯᑦ ᑎᒥᖓᓐᓂᒃ. ᐆᒪᔪᓕᕆᓂᕐᒧᑦ ᒪᓕᒐᓄᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᖏᑦ ᑲᒪᕙᒃᑐᑦ ᐃᓄᖕᓄᑦ ᐊᒃᓱᕉᑕᐅᕙᒃᑐᓂᒃ ᖃᓄᐃᓕᐅᕈᑕᐅᔪᒪᔪᓂᒃ. ᑕᐃᑲᓂ ᑲᑎᒪᔪᓂᒃ, ᐅᖃᐅᓯᖃᓚᐅᖅᑐᒍᑦ ᖃᑉᓰᓐᓇᕈᖅᑎᑦᑎᓯᒪᖏᒃᑲᓗᐊᕐᒪᖔᑦᑕ ᐆᒪᔪᓂᒃ ᐊᖑᔭᐅᑎᑦᑎᖃᑦᑕᖅᑎᓪᓗᑕ ᐱᑕᖅᑕᐅᑎᑦᑎᖃᑦᑕᖅᑎᓪᓗᑕ ᐊᖏᓛᓂᒃ ᐊᖑᓴᓪᓗᕐᓂᒃ. ᑕᒪᓐᓇ ᑕᒡᕙ ᐅᕙᑦᑎᓐᓄᑦ ᐊᐱᖅᑯᑎᒋᔭᕆᐊᖃᖅᑕᖅᐳᑦ ᐆᒪᔪᑦ ᓴᖅᑭᔮᖏᓐᓇᖁᑉᓗᒋᑦ ᓄᓇᕗᒥ. ᑕᐃᒪᑦᑕᐅᖅ ᑲᑎᒪᔪᓂᒃ, ᐅᖃᐅᓯᖃᓚᐅᕐᒥᔪᒍᑦ ᐊᖑᓇᓱᒍᑕᐅᕙᒃᑐᓂᒃ, ᐃᓱᒪᓕᐅᓚᐅᖅᖢᑕᓗ ᓄᓇᓕᖕᓂ ᐊᕕᒃᑐᖅᓯᒪᔪᓂᒃ ᐆᒪᔪᓕᕆᓂᕐᒧᑦ ᑲᑐᔾᔨᖃᑎᒌᑦ ᑲᑎᑕᐅᓂᐊᕐᓂᕋᖅᖢᒋᑦ ᐊᑕᐅᓯᕐᒧᑦ ᑎᑎᕋᕐᕕᖕᒧᑦ. ᐆᒪᔪᓕᕆᓂᕐᒧᑦ ᒪᓕᒐᓂᒃ ᐅᖃᐅᔾᔨᒋᐊᕈᑎᖃᓲᑦ ᑲᑎᒪᔨᖏᑦ ᑐᓴᖅᑎᑦᑎᓚᐅᕐᒥᔪᑦ ᐊᕐᕙᖕᓂᐊᕐᓂᐅᔪᒫᖅᑐᖅ ᓇᐅᔮᓃᑦᑐᒫᕐᓂᖓᓄᑦ. ᓄᓇᓕᐅᔪᖅ ᑲᒪᔪᒫᖅᑐᖅ ᐊᕐᕙᖕᓂᐊᕐᓂᕐᒥᒃ. ᐆᒪᔪᓕᕆᓂᕐᒧᑦ ᒪᓕᒐᓄᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᖏᑦ ᑲᑎᒪᓂᖃᖅᑎᓪᓗᒋᑦ, ᐅᖃᐅᓯᖃᓚᐅᖅᑐᒍᑦ ᐱᖁᑎᓂᒃ ᐊᑐᖅᑕᐅᔭᕆᐊᓕᖕᓂᒃ ᐊᕐᕙᖕᓂᐊᕋᓱᓕᕐᒥᒃᐸᑕ.
ᐅᑭᐅᒥ, ᓴᓇᔨᒃᑲᓗ ᐅᕙᖓᓗ ᐅᐸᒍᑎᖃᑦᑕᓚᐅᖅᑐᒍᑦ ᓄᓇᓕᖕᓄᑦ ᐊᒻᒪᓗ ᓂᕆᐅᒃᐳᖓ ᐅᐸᒍᑎᖃᑦᑕᕈᒫᕐᒥᒐᑦᑕ ᓄᓇᕗᒥᐅᑦ ᑕᑯᔪᒥᓇᕈᒫᕐᒥᔪᑦ ᑲᒪᕙᓪᓕᐊᑎᓪᓗᑕ ᓴᖅᑭᔮᖅᑐᓂᒃ ᐱᓕᕆᐊᖑᔭᕆᐊᓕᖕᓂᒃ.
ᐱᕙᓪᓕᐊᓂᖃᖅᑑᔭᖅᑐᒍᑦ. ᑕᐃᒪᑐᖅ ᐊᑎᓕᐅᖅᑕᐅᖃᑕᐅᓯᒪᔪᑦ ᓄᓇᕗᒥ ᐱᕙᓪᓕᐊᑦᑎᐊᕐᓂᖃᕐᓂᐊᖅᐳᑦ ᐅᑭᐅᒥ.