ᐃᖅᑲᓇᐃᔮᒃᓴᑦ

ᐃᖅᑲᓇᐃᔮᖃᕐᓃᖅ ᓄᓇᕗᑦ ᑐᓐᖓᕕᒃᑯᑦ ᑎᒥᖓᓂ?

ᐃᖅᑲᓇᐃᔮᖃᕐᓂᖅ ᓄᓇᕗᑦ ᑐᓐᖓᕕᒃᑯᑦ ᑎᒥᖓᓂ (ᑐᓐᖓᕕᒃ) ᐃᖅᑲᓇᐃᔭᖃᑎᒌᕝᕕᒃᓯᐊᖑᒻᒪᑦ ᑲᑐᔾᔨᖃᑎᒌᓄᑦ ᑎᓕᔭᐅᓯᒪᔪᓂᒃ ᖃᐅᔨᒪᓇᓱᐊᕐᓗᑎᒃ ᒐᕙᒪᒃᑯᑦ ᐱᓕᕆᐊᒃᓴᖏᓐᓂᒃ ᑲᒪᑦᓯᐊᕋᓗᐊᕐᒪᖔᑕ ᓄᓇᕗᒻᒥ ᓄᓇᑖᖅᓯᒪᓂᕐᒧᑦ ᐊᖏᕈᑎᓂ. ᑐᓐᖓᕕᒃᑯᑦ ᐱᖕᒪᕆᐅᔾᔪᑎᒋᔭᖓ ᑲᑐᔾᔨᖃᑎᒌᖑᓂᕐᒥᓄᑦ ᓂᐱᒋᔭᐅᓪᓗᐊᑕᕐᓂᖏᓐᓄᑦ ᐃᓄᖕᓄᑦ. ᐊᖅᑯᑎᓪᓗᐊᑕᕆᔭᐅᔪᖅ ᐃᓄᖕᓄᑦ ᒐᕙᒪᒃᑯᓐᓂᒃ ᐅᖃᖃᑎᖃᕈᓐᓇᓂᕐᒧᑦ.

ᑐᓐᖓᕕᒃᑯᑦ ᐊᓪᓚᕝᕕᖃᐅᖅᑐᑦ ᓯᑕᒪᓂ ᑕᕝᕙᓂᑦᓴᐃᓇᐅᓐᖏᑦᑐᖅ ᓄᓇᓕᒻᒥ, ᐊᒻᒪᓗ ᐅᖃᕈᓐᓇᖅᐳᒍᑦ ᖁᕝᕙᓯᓐᓂᖅᐸᐅᒋᐊᖏᑦ ᐃᓄᐃᑦ ᐃᖅᑲᓇᐃᔭᖅᑎᖁᑎᕗᑦ - ᓇᓗᓇᐃᖅᑕᐅᓯᒪᔪᓂ 100-ᓂ ᐃᖅᑲᓇᐃᔭᖅᑎᓂ, 78% ᐃᓄᓪᓚᑦᑖᖑᕗᑦ.

ᐆᒪᔪᓕᕆᓂᕐᒨᖓᒐᓗᐊᖅᐸᑦ, ᐃᓅᓯᓕᕆᓂᕐᒧᑦ ᐃᓕᖅᑯᓯᓕᕆᓂᕐᒧᓘᓐᓃᑦ, ᐃᖅᑲᓇᐃᔭᖅᑐᓕᕆᓂᕐᒧᑦ, ᑐᓴᐅᒪᖃᑦᑕᐅᑎᓕᕆᔨᒃᑯᑦ ᐅᕝᕙᓘᓐᓃᑦ ᐊᑐᓕᖅᑎᑦᑎᕙᓪᓕᐊᓂᕐᒧᑦ, ᑐᓐᖓᕕᒃᑯᑦ ᐃᖅᑲᓇᐃᔭᖅᑎᒥᓂᒃ ᖁᕕᐊᓇᖅᑐᓂᒃ ᐊᑐᐃᓐᓇᐅᑎᑦᑎᕙᒃᐳᑦ, ᐊᑭᓕᖅᓱᖅᑕᐅᒍᑎᖏᑦ ᐱᔪᒥᓇᕈᑎᒋᓪᓗᒋᑦ, ᐃᑲᔪᖅᑕᐅᔾᔪᑎᖏᑦ ᐱᐅᔪᒻᒪᕆᐊᓘᓪᓗᑎᒃ, ᐊᒻᒪᓗ ᓯᕗᒧᐊᒋᐊᒃᑲᓐᓂᕈᒪᔪᓄᑦ ᐱᕝᕕᖃᖅᑎᑦᓯᖃᑦᑕᖅᐳᑦ.

ᑐᑭᓯᒋᐊᒃᑲᓐᓂᕆᑦ ᓱᖕᒪᑦ ᐃᖅᑲᓇᐃᔮᑦ ᑐᓐᖓᕕᒃᑯᓐᓂ ᐃᖅᑲᓇᐃᔭᕐᕕᒋᖔᕈᒪᓂᐊᕈᕕᐅᒃ ᐱᐅᓇᔭᕐᓂᖓᓂᒃ.

ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ ᐃᖅᑲᓇᐃᔮᖃᕐᓂᐅᑉ ᒥᑦᓵᓄᑦ ᑐᓐᖓᕕᒃᑯᓐᓂ, ᖃᐅᔨᒋᐊᕐᕕᒃᓴᖅ:

ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᓐᖓᕕᒃ ᑎᒥᖓ
ᑎᑎᖅᑲᖃᐅᑖ 280 ᑲᖏᕐᖠᓂᖅ, ᓄᓇᕗᑦ X0C 0G0
ᐅᖄᓚᐅᑖ: (867) 645-5401 ᓱᒃᑲᔪᒃᑯᑦ: (867) 645-2380
ᐊᑭᖃᓪᖏᑦᑐᖅ 1-888-236-5400