Okoa Nunavutmi Nunataagotit Angigotit Onipkangit Havakhat

Kangaknitat

Hamani kanganoak, Inuit elihimayut ovalo elitkohikakhotik pihimayut ovalo kangaknitanik onipkanik pihimayut. Onipkat okaotaovaktot aolatiaktot, ovalo Inuit onipkangit pihimayaovaktot pitkohit.

Hamani kihiani hakogiktot engilgayut hajja pinahoaktaoliktot onipkat okoa enutkoat eniknigit - Inuit Eniknigit - hoiktinnagit, tammaktaotinagit ovalo pitkohiit nipilioktaoniaktot kakogonoak.

Ovani 2003, okoa Katimayiit Meetiktit okonani Nunavut Tunngavik Inc. angiktait pigiaktittogit hanayaoyukhat okoa Nunavutmi Nunataagotit Angigotini Onipkat Hanayakhat Havaktaolit. Okoa Katimayiit ehomayut kilamik havalikoyait nippilioklogit onipkat okoa Nunavutmi Nunataagotit Angigotini aivaktot, angionik tammalaktitinahokoknaktok onipkanik Kanatamiotat elitkohiinik.

Hamna taimaitpat, okoa NTI Katimayiit tonihiliktot manikmik $50,000 havaotikhanik havakhamot. NTI hajja apigiyait okoat Aitoktokhat ovalo Aviktoktokhat Maniit okonani Nunavut Kavamat Elitkohilikiot, Enikninot Inulgaminot Okaohilikiot maniknik elakhainik toghiktot. Okoa havakviit keoyut ehoaktomik angikpalaktot tonihilotik $50,000 havakhamot.

Hamani atoktokhani Hivolikmi I okonani Nunavutmi Nunataagotit Angigotini Onipkat Elitkohit Havaktokhat, manikhait piinagianiktot okonanga Inuit Ekayuhiagotini, inuit Nunavutmiotat okoalo maniliongitot nunani katimayiit nipilioktot ovalo numiktigiot elitkohinik hanayukhat, aivaotit ovalo hanalotik okoninga Nunavutmi Nunataagotit Angigotini. Maniit piinagianiktot kinanot oktogomayt havakhamik hanaloaklotik piksanik elitkohikaktonik ovani Nunavutmi Nunataagotit Angigotini. Manik aktigiok $100,000 aviktoktaooyuk okononga Hivolik I havakhamot ekayutikhnik katitigiyami onipkanik.

Hajja inukhik

Hivolik II okonani Nunavutmi Nunataagotit Angigotini Onipkanik Elitkohinik Havakhanik tutkotiginiaktot amigaitonik naonaitonik aolayuni ovani NTI. NTI toghiktot elanganik $50,000 maniknik okonanga Kavamat Elitkohilikioni ekayugiami Hivolikmot II omong havakhamot. Emainmat, okoa kavamat keoyut angikhotik ovalo tonihiot elakhainik maniknik havaotikhanik.

Hamna havagahoagotigiyat hivolik malgoiktoklogo: Tabkoa titigaktaoyut nippilioktaoyut tutkoktokhat, ovalo pihimayakhait NTI-kot piksakhait titigatiaktokhat, kagiyaoyamok-tokhat ovalo tutkoktokhat.

Hamna hivitoyuk havakhak naonaitkotikhaokmata angiot tutkomayukhat ovalo kangamit 13 okioni havaktaoliktot. NTI pikangitmata tutkomayukhanik otokanik onipkanik nunavut elitaotitlogo 1993, ovalo hivitokmata elitkohit onipkat engilgaknitat ovani Nunavutmi Nunataagotit Angigotini ehoaktomik havaktokhat tutkomayami ovalo makpigalioktokhat ahigoktaotinnagit.

Ajikotait, NTI pihimayut okoninga 13 okioni piksanik pihimayut kagitaoyamot eliogaktokhat ovalo makpiganoktokhat ema pihimayutokakhat pitkohikhavut ovani Nunavutmi Nunataagotit Angigotini

Kengoliptingni

Hivolik III hamani Nunavutmi Nunataagotit Angigotini Onipkanik Elitkohinik Havakhat hanatjutaoniaktok pivaliayukhani kagitaoyanot, makpigak, ona CD-ROM ovalo ayoikhaotikhat opalongaiktot elitkohit aivaktaoyukhat ovani Nunavutmi Nunataagotit Angigotini, hammalo naonaitkotit okoa Inuit elitkohiit, Nunavut, pitkohitlo, nunani elitaknaktot inuit, okoalo pivaliayut sainikta nunataagotit ovalo eliogaktaotitlogo Nunavut.

Tamaita naonaitkotit katitiktaoyut ovani Nunavutmi Nunataagotit Angigotini Onipaknik Havakhat piinagialgit Inuktitut, Ininaktun, ovalo Kablonatot.