Tuhagakhak Nunavut Tunngavitkut

Tunngahugit Nunavut Tunngavitkut qaritauyakkuurviannut, quviahuktunga umunga pulagavit
www.tunngavik.com.

Tuhagakhalik Inuktitut Inuinnaqtun Qablunaatullu, NTI-kut qaritauyakkuurviat taigurnaqtuq qanurittunik NTI-kut Nunatarhimayunut Pivikhautiqarmangat tukhiutiniglu titiqqanik, tuhagakhanik, turaqtittivingnik NTI-kut Katimayiinut, Hivulliuqtiinnut atayunullu taigurvinut turangayunik NTI-ktu makpigaliugainnut, unalu Naniiliqpita, Nunavut Nunatarutata Angirutaa, Taiguruminaqturlu Kangiqhiannaqtumik titigarhimayuq allanullu qaritauyakkuurvinut NTI-kunut atayunut. NTI-kut qaritauyakkuurviat piksaliugatigullu akimanahuarutilik Nunatarhimayunut, nutaannguqtiqtauhimaaqtuniglu ilitturivikhamik mighaagut Inuit Nanminiqaqtuq Atiliurviat, uvnga pulaqtut qinirhiattaqtut taigurlutiglu Inuit nanminiinnik pivalliatjutinik.

Una ikayuutauniarunakhivuk qinirhiatillutit ilitturiumayarnik NTI-tigut Nunavut Nunatarutaatigullu.

Niriuktugut ilingnit tuharumapluta.

Quviahutigiplugu naunia Nunavut, Nunavut Tunngavik Inkuapuritit nauttiyuq Kakiniinmik, Ilitquhilirinirmut Ilinniarniaqtunullu Manikhanik Pivikhaunmik ikayurumaplugit Inuit ilihaqtut qanurlikak huliquplugit kulvaumatjutittiniaqtunik, tamaqtailiniaqtunik quviahutiqarniaqtuniglu Inuit ilitquhiannik, uvvaluuniit iliharvikyuani iliharniaqtunik.

Gavamanga Nunavut atjigiiktaat Nti-aip tuniyait Kakiniinut, Ilitquhilirinirmut Ilinniarniaqtunullu Pivikhautip Manikhainnut. NTI-aip aulatinniagaa ukiuq tamaat ilautilugu Nunavut Ubluata quviahuutainnut.

Tohaktitakhat 55K

Tukhiut 379K