Nunavut Tunngavik
Havarviit
Titiqqat Ilitturivikhat
NTIkut Niguagutit
NTIkut Niguagutit
NIGUAKTILIGIYIT MALIGUTIKHAIT NIGUAKTAUNAHUAT 27K
NIGUAKTILIGIYIT MALIGUTIKHAIT HAVAKTIINUT2K
NIGUAKTILIGIYIT IKAYUGUTIKHAIT, AKILIKTUGUTIKHAIT
OVALO TUHAKTITJUTIKHAIT MALIKTAKHAT40K
NIGUAKTILIGIYIT MAKPIGAAKHAIT NIGUAKTAUNAHUAT52K
Honangoak! Votikoinik Maligak57K
Proxy vote form78K (waiting translation)
Elvit Votiknit, Nivyagotit, Votiniop Atoknia434K (Damaged File - waiting for replacement)
Elvit Votiknit, Nivyagotit, Kinat Akiyut ovalo Apigiyaoyut17K
Elvit Votiknit, Nivyagotit, Maliktakhat27K
Elvit Votiknit, Nivyagotit, Sekogtitiit Maligat 72K
NUNAVUT TUNNGAVIK TIMINGA KATITIKHIMAYUT BILAAT (Ihuakhakhimayut Septembermut 2005) 41K
NTI Executive Officer Job Descriptions English 12K
Niguagutit...Ukauhiit
Ihumakaktutit.
Paknaiyautikaktutit.
Ukpigitjutikaktutit.
Takupkailaaktutit niguagutini. Atauhiuyuk hakugiktuk pikaktat. Niguagaagat ukaktivaktait ihumagiyatit. Tuhaktauniaktutit.
Niguagutigiyat.
Pitkutigiyat.
Nutaangungituk ilihagiagani niguagutinik ovalo aalanguktitiluni. Nalungitpiit talvatuak 38%kuyut Inuit niguakhimayut kingulimi NTIkut niguaktiligiyini? Ilaa, ikpinaktut Inuinut – Inuulgamiit ovalo Inutukait ilaukataulutik havagutainik angigutaii Nunavut Tunngavik Timinga, tamamik niguaktiligiyini ilaukatauyukhanik ovalo niguaktit.
NTIkut piyumayut tunilugit ilihaktut Nunavumi pilaaktainik ukagiagani nunakatigiit inuuyut hamani kanuk ihumayut niguagutinut ovalo hunmat niguagutit ikpinaktut. Hamna takhinahuagutit taihimayut Niguagutit...Ukauhiit akhuukuyait ilihaktut nalvaanahualutik ihumagiyainik ilaukataulaagutait ihumagiyait niguagutinik ovalo ilaukataulutik Nunavumi niguaktiligiyit atugutainik.
Niguagutit...Ukauhiit Takhinahuagutit maligutait ayonaitut: titigaklutit, ilihaktut ihivgiuktilugit, titigalutik ovalo hanalutik 30 secondmik Inuit Ikayugutikhait Tuhagutikhainik (PSA). Tuyuklugu PSA katimayigalaanut ihivgiuktukhat. Ihivgiuktut angikata ilihaktut PSAgit nutaangutkiyauyuk aviktukhimayuni.
Ihumaliguvit niguakatauyumayuni NTIkut niguaktitiyunut, hapkoa tuhagutikhait ikayugutigilaaktatit. Naitumik munagitjutait Atanguyat niguaktauhimayut, NTIkut Katimayiit tunilaaktut munagitjutaikhainik aalanut Atanguyanut.
Angayukaak
Angayukaak munagitjutikaktuk munagiluni munagitjutainik havagutaini ovalo havaktakhainik NTIkut, naalaklugit ilaukatauyunut. Angayukaak ikhivautauvaktuk NTIkuni Ukiuk Tamaat Katimakyuagutainik ovalo katimatjutainik katimayiit. Pitkuhimayuk tamamik katimayiit angigutait aatjikutauyut NTIkut maligaliugutait pikuyainik.
Angayukaak ilaukatauniaktuk NTIkunit ovalo Inuit Nunavumi kavamatkunut, aalat havakviinut ovalo Kanatami ovalo hilakyuami Inuinut. Ovalo, Angayukaak tuhaktitivaktuk katimagaagata katimayiit ovalo ilaukatauyunut ihumagiyainik ovalo pilihimayuinik mikhaanut havagutainik munagitjutainut.
Angayukaap Tuklia ovalo Angayukaap Tuklia Kinauyaligiyi
Angayukaapt Tuklia ovalo Angayukaap Tuklia Kinauyaligiyi, Angayukaak talvaniingitpat, munagitjutikaniaktuk havagutainik Angayukaap. Ilaukataupluni Atanguyanut niguaktauhimayut, piniaktuk tamamik katimayiit angigutainik aatjikutauniaktut NTIkut maligaliugutainik pikuyainut.
Angayukaap Tuklia ovalo Angayukaap Tuklia Kinauyaligiyi ilaukatauniaktuk NTIkut ovalo Inuit Nunavumi kavamatkunut ovalo aalat havakviinut iluani ovalo hilataani Nunavumi. Ovalo, tuhaktitiniaktuk katimaligaagata Katimayiit ovalo ilaukatauyut ihumagiyainik ovalo pilihimayuinik mikhaanut havagutainik munagiyainut.
Angayukaap Tuklia ovalo Angayukaap Tuklia Kinauyaligiyi munagitjutikaktuk tiguhimalugit NTIkut kinauyait ovalo tutkuktuihimayainik ovalo pitkuhimayuk havakviit kinauyaligiyiit ovalo titigakvimi pikuyainik ovalo maligutainik maliktauyaagani. Tunivaniaktuk kinauyaligiyit tuhaktitakhainik katimayinut ovalo kinauyat ihivgiugutainik atugutainik Ukiuk tamaat katimakyuagaagata ovalo ikhivautauniaktuk Kinauyaligiyit Katimayigalaanut katimagaagata. Atanguyaupluni niguakhimayuni, pitkuhimaniaktuk tamamik katimayiit angigutainik aatjikutauniaktut NTIkut maligaliugutainik pikuyainut.
Angayukaap Tuklia Aipaa
Angayukaap Tuklia Aipaa, Angayukaak talvaniingitpat ovalo Angayukaap Tuklia,munagitjutikaniaktuk havagutainik Angayukaap.
Angayukaap Tuklia Aipaa ilaukatauniaktuk NTIkut ovalo Inuit Nunavumi kavamatkunut ovalo aalat havakviinut iluani ovalo hilataani Nunavumi. Ovalo Angayukaap Tuklia Aipaa tuhaktitiniaktuk katimaligaagata katimayiit ovalo ilaukatauyut ihumagiyainik ovalo pilihimayuinik mikhaanut havagutainik munagiyainut. Havagutainik munagitjutait Angayukaap Tuklia Aipaa ilauyut; umayuligiyit ihumagiyainik, Nunavumi Umayukhiuktut Ikayugutikhait Pilihimayunik ovalo ilaukatautjutainik Inuit Inuuviviniit Tutkuktuiyini ovalo Nunavumi Umayuligiyit Katimayiinut.