UMAYUTIGUT

NTI-kut Umayuliriyiit havaqatigihimaqtait
Aviktuhimayuni Umayuliriyit Annguna -
huaqtillu katimayit kaffini aktumayutigut
Inungnut ataniqtiglu umayunut.

Anngunahuaqtit Katimayit
Aviktuhimayuni Umayuliriyit
Nunavunmi Inuit Umayulirinikkut
Afisiat afisinguqhimayuq ayauqtaupluni
Aviktuhimayuni Umayuliriyinit. Afisiluangat
Kangqhinirmiittuq havaktiqarlihutik
atanguyamik, maniliqiyimik, aviktuhimayunilu
havaktiqarhutik. Una afisi
ikayuqtukhak Anngunahuaqtit Katimay -
inik Aviktuhimayuni Umayuliriyiniglu.

Nunavut Umayutigut
Maliganngurniatigut
Pitquhillu
July 9, 2005-mi, nutaaq Nunavut Umayu -
tigut Maligak pinnguqtuq. Umayuliriyit -
kut havaqatigivagait GN-kut Avatiliriyiit
Nunavumi Umayunik Munarhinirmik
Katimayit Aviktuhimayuni Umayuliriyillu
iniqtiritilutik pitquhikhainnik. Pitquhikhat
tunngayut ilulinginit Nunatarutip
Angirutaanit aktumayaqtunit Inuit
anngunahuaqnianut munarhinirmullu
umayunik. Hapkuanguyut:
• GN katimapkaiyut pingahuni aviktuhimayuni
HTO-kunik Aktupami
Nuvam palu atulihaktillugu.
• NWMB-kut nalakpaktut Annguna -
huaqtit Katimayinnik Aviktuhi -
mayuni Umayuliriyiniglu Iqalungni
Nuvampa 2005-mi.
• NTI Aviktuhimayuni Umayuliriyillu
tukhiqpaktut NWMB-kunit inungnik
katimapkaiquiplutik kikliliugatigut
Umayut Maligata pitquhikhaini.
• NTI tukhiqtuq naunaiyaiquplugi
kangiqhiannaqtumik NWMb-kut ihu -
amliugutaatigut kiklikhaliurnirmik
Inuit anngunhuarnikkut ayunngitjutainnut.

Nannunik Munarhiniq
Munarhiniq nannunik Nunavunmi
ikpingnaqtuq Nannutigu Katimayigala -
anut, Nannutigut Turangayunut Katima -
yigalaanut, katimayigalaanut Qanurin -
nianut Qayangnaqhiutigut Umayut kanatami
Nunavunmi Umayuniglu Munaq -
tinullu. NTI nipliqhimayuq ukununga
timinut Inuit ihumaluutaitigut.
NTI havaqatigiyait nunaliit titigarhutik
Inuit Qauyimajatuqanginnik kaklina -
huarhugik qablunat qauyihainiat ingilganillu
qauyimayauyut. Unipkaliugak
Inuit Qaujimajatuqangitigut ualianut
Hudson Bay-mi nannutigut hadja havaktauyuq
Umayuliriyinit.
Kitikmeoni Anngunahuaqtit Katimayit
katimaqatigivagait Inuvialuit Umayutigut
Katimayit atiliurhutiglu hivulliqpaqpiamik
Atuqpaktunit Atuqpaktunut Angirun
mik munarhinirmik nannunik talvani
aviktuhimayumi. Angirut piqatigigutauniaqtuq
atuqpaktunit tuhaktitiqattarlutik
munarhihimaknikkut nannunik.

Arviqhiurniq
Iliharhutik katimavaktut katimaqatigiplugit
anngunahuaqtutuqat mighaagut
arviqhiurniq arviqhiurutikhatigullu nakuu
hiyumigiangani arviqhiurniq. Atauhiq
uqariyauyuq nakuuhiyumigutikhak himmauhqtuiniq
utuqqanik tamayanik
nutaanik ublumi atuqtauvaliqtunik.
Pitquingmata katimayut nakuuyumik
arviqhiuqtut Nauyaani. Aagasimi 2005,
16.2 metres-nik (54 feet) takitilalik arviqtauyuq
45 minitsnuami arviqhiuligamik.
Ayuiqtatik arviqhiurmingnit atuqtauniaqtut
hivunikhami arviqhiurnirmi titigaqtunilu
maligakhanik arviqhiurnikkut.

Nunavunmi Iqalukhiurniq
NTI ilauyuq Iqalukhiurnikkut Katima -
yigalaani Iqlauliriyitkullu Avatiliriyitkut
GN-kut NWMB-kullu. Ilangit piliriayauyut
ukuat:
• Niqtiriyut Nunavunmi Iqalukhiur -
nirmut Apquhiugamik havaqatigiplugit
Avatiliri yitkut.
• Titigaqlutik Nunavut iqalukhiurnirmut
pitquhikhanik maliglugu Iqaluk -
hiurnirmut Maligak Nunavut Nuna -
tarutaalu.
• Iiqtauyuq Nunavut taryuani iqalukhiurnirmut
ihivriugak piqatigiplugit
Avatiliriyitkut NWMBkullu. Una
aula rutauniaqtut uqariyauyukhanik
NWMB-kut nutaamut atuagak -
hanganut iqalugakhatigut.
• Manikhaqautiut 2005 sub area 0A-mi
natarnanik qauyihagaganik Iqaluliriy -
itkut, 0A-mi natarnaqhiuqyumigak -
hanik. Allat manikhaqautiut Avatilri -
yitkut, NWMB-kut Qikiqtanilu
Iqalukhiur nirmut Piqatigit.
• Ayauqhuta sub area 0A-mi amigaikyumiyauvikhamik
natarnaqhiugakhanik
Nunavunmut tuniyauyumik (2500 metric
tonnes).
NTI ikhivaqatauyuq Nunavut Iqaluliq -
inirmut Iliharnirmut, timiutjutiqaqtunik
ilihainirmik Inungnik taryumi iqlukhiurnirmi
havangnirmik. Havaktiqaqtut
pingahuni ilihaihimalirhutiglu 26-nik
Inungnik Taryumi Qanuiliqaqqat
Qanuriliurnikkut. Parnaiyaliqtut iliha -
utjikhamik uqagaqturvingmi munar -
hinirmik.